banner

ምሥጢረ ቀንዲል

በስመ አብ ወወልድ ወመንፈስ ቅዱስ አሓዱ አምላክ!

ምሥጢረ ቀንዲል

ቅድስት ቤተ ክርስቲያን ካብ እትግልገለሎም ሾብዓተ ምሥጢራት፡ እቲ ሓደ ምሥጢረ ቀንዲል እዩ። እዚ ምሥጢር’ዚ ነቲ ካብ ጽሩይ ተኽሊ ኣውሊዕ ዝተረኽበ ዘይቲ ተቐዲሱን ከቢሩን ኣብ ሕሙማን ብምቕባእ ዝፍጸም ምሥጢር እዩ። ቀንዲል፦ ድኅነተ ሥጋን ድኅነተ ነፍስን፡ ፈውሰ ሥጋን ፈውሰ ነፍስን ዘውህብ ቅዱስ ቅብኢ እዩ። እዚ ኸኣ ጐይታናን መድኃኒናን ኢየሱስ ክርስቶስ ዝመሥረቶ ቅዱሳን ሓዋርያት ዝመሃርዎን ዝሠርሕሉን መጽሓፍ ቅዱሳዊ እዩ።


ጐይታናን ኣምላኽናን መድኃኒናን ኢየሱስ ክርስቶስ “ንዓሠርተው ክልተኦም ናብኡ ጸዊዑ በብኽልተ ክልእኮም ጀመረ፣ ኣብ ልዕሊ ርኹሳን መናፍስቲ ኸኣ ሥልጣን ሃቦም። . . . ንሳቶም ድማ ወፂኦም ዅሉ ክንሳሕ ሰበኹ፣ ስለዚ ብዙኃት ኣጋንንቲ ኣውፅኡ፣ ንብዙኃት ሕሙማት ድማ ዘይቲ እናቐብኡ ፈወስዎም” (ማር. 6፡7- 13)

ሓዋርያ ቅዱስ ያዕቆብ’ውን ኣብ መልእኽቱ “ እመቦ ዘይደዊ እምኔክሙ ለይጸውዕ ቀሳውስተ እለ ውስተ ቤተ ክርስቲያን ወይጸልዩ ላዕሌሁ ወይቅብእዎ ቅብአ ጸሎት በስሙ ለእግዚእነ ኢየሱስ ክርስቶስ። ወጸሎተ ሃይማኖት ያሐይዎ ለድዉይ ወያነሥኦ እግዚአብሔር ወእመኒ ቦቱ ኃጢአት ይትኃደግ ሎቱ/ ኣብ ማእከልኩም ዝሓመመ ሰብ እንተሎ ንቀሳውስተ ቤተ ክርስቲያን ይጸውዕ። ንሳቶም ከኣ ብስም ጐይታና ኢየሱስ ክርስቶስ ይጸልዩሉ፡ ዘይቲ’ውን ይቕብእዎ። እታ ብእምነት ዝተገብረት ጸሎት ድማ ነቲ ሕሙም ከተሕውዮ እያ። እግዚአብሔር’ውን ከተንሥኦ እዩ፣ ኃጢኣት ገይሩ እንተኾይኑ’ውን ክኅደገሉ’ዩ” ይብል። (ያዕ. 5፡14-15) ናይ ቀንዲል ፈዋስነት፡ ንሥጋ ጥራሕ ዘይኮነ ንነፍሲ’ውን ስለዝኾነ ብደዌ ኃጢኣት ነፍሱ ንዘሕመመ ሰብ ሥርየተ ኃጢኣትን ናይ ነፍሲ ምጽንናዕን ዘውህብ እዩ።

እዚ ምሥጢር’ዚ ብካህን ዝፍጸም ርእሱ ዝኸኣለ ምዱብ ጸሎትን ኣፈጻጽማ ሥርዓትን ኣለዎ። በብጊዜኡ ንዝሓመሙ ምእመናንን ምእመናትን ዝፍጸም ኣገልግሎት ብምዃኑ ዝደጋገም ሥርዓት እዩ። እቲ ሕሙም ዓቢይ ይኹን ንእሽቶ ኣብ ዘለወሉ ቦታ ይፍጸም።

ወስብሐት ለእግዚአብሔር ወለወላዲቱ ወለመስቀሉ ክቡር!

Our Faith

The Eritrean Orthodox Tewahdo Church is the one Apostolic and Universal, and, for authenticatitly,ng righ
A.  It is stated as ‘Eritrean’ for it is located  within Eritrea’s sovereign integrity, 
B.  And it is affirmed that it is ‘Orthodox’ for  the Church has the true faith,
C.  And is called ‘Tewahdo’ for it believes   Read More . . . 

ርኸቡና

ኦርቶዶክስ ተዋሕዶ ቤተ ክርስቲያን ኤርትራ
ፖ.ሳጹን ቁጽሪ 728
ኣስመራ፡ ኤርትራ
ቴለ፡ +291-1-184290/182270
ፋክስ፡ +291-1-182195