banner

ሆሣዕና በአርያም

በስመ አብ ወወልድ ወመንፈስ ቅዱስ አሐዱ አምላክ!

          ሆሣዕና በአርያም 

ካብ ሠለስተ ኣካል ሓደ ኣካል እግዚአብሔር ወልድ፡ ወዲ ሰብ ንምድኃን ፍጹም ሥጋና ተዋሓሒዱ፡ ጐይታ ዳዊት ክንሱ ካብ ዘርኢ ዳዊት ተወሊዱ፡ ‘ሆሣዕና ንወዲ ዳዊት’ እናተባህለ ኣብ ኣድግን ገልገል ኣድግን ተወጢሑ ምኻዱ ንወዲ ሰብ ክሳብ ክንደይ ፍቕሩ ከም ዝገለጸሉ ዝገልጽ እዩ ። ሆሣዕና ማለት መድኃኒት ማለት እዩ። መድኃኒት ዝተባህለ ድማ ጐይታናን ኣምላኽናን መድኃኒናን ኢየሱስ ክርስቶስ እዩ። ቅድሚ ስቕለቱ ኣብ ዘሎ መዓልትታት፡ ንኽልተ ካብ ደቀ መዛሙርቱ ከምዚ ኢሉ ለኣኾም፡ ‘ኣብ ቅድሜኹም ናብ ዘሎ ዓዲ ኺዱ፡ ኣብኡ ምስ ኣቶኹም ድማ እሱር ኣድግን ገልገል ኣድግን ኪትረኽቡ ኢኹም እሞ ፈቲሕኹም ኣምጽኡለይ፡ ስለምንታይ ትፈትሕዎ ኣሎኾም፧ ኢሉ እንተሓተተኩም ከኣ ጐይታኦም ይደልዮም ኣሎ’ በሉ። (ብተፈጥሮ ጐይታኦም) ስለ ዝኾነ እዩ። ንሳቶም ድማ ከምቲ ዝተኣዘዝዎ ፈቲሖም ኣምጽእሉ። (ማቴ. 21፡1-3)

ተውሳክ፡ . . . ሆሣዕና በአርያም

ሱባኤ 2ይ ክፋል

በስመ አብ ወወልድ ወመንፈስ ቅዱስ አሐዱ አምላክ!

ዓይነታት ሱባዔ
1. ናይ ውልቂ ሱባዔ (ዕፁው ሱባዔ)
ናይ ውልቂ ሱባዔ ዝብሃል፡ ሓደ ሰብ በይኑ ዝኾነ ሰብ ከይረኣዮ ኣብ ቤት ኮነ ኣብ ካልእ ዚጥዕም ቦታ ኮይኑ ብውልቁ በዓቲ ጸሎቱ ዓፅዩ ብሰቂለ ሕሊና ፈጣሪኡ ጥራሕ ኪርእዮን ኪሰምዖን ብኅቡእ ዚገብሮ ሱባዔ እዩ። (ማቴ. 6፡5-13)
ዕፁው ሱባዔ ዚኃዘ ሰብ ኣቐዲሙ ኵሉ ዘድልዮ ነገር ኂዙ ናብ በዓቱ ድኅሪ ምእታዉ፡ ሱባዔኡ ክሳዕ ዚፍጽም ምስ ሰብ ኣይራኸብን እዩ። (መዝ. 102፡6-7)

ተውሳክ፡ . . .ሱባኤ 2ይ ክፋል

ሱባዔ 1ይ ክፋል

በስመ አብ ወወልድ ወመንፈስ ቅዱስ አሐዱ አምላክ

ሱባዔብሰዋስዋዊ ትርጕሙ ‘ሰብዐ፡ ሾብዓተ ገበረ’ ማለት ኮይኑ፡ ሓደ ሰብ ‘ካብ’ዚ መዓልቲ’ዚ ክሳዕ እቲ መዓልቲ’ቲ ብጸሎት ምስ ፈጣርየይ ክራኸብ እየ’ ኢሉ ዚውጥኖ እዩ።
‘እስመ ኍልቈ ሳብዕ በኀበ ዕብራውያን ፍጹም ውእቱ’ ከምዝብል ቍጽሪ ሾብዓተ ብእስራኤላውያን ብቓልን ብግብርን እትግለጽ ፍጽምቲ ቍጽሪ እያ። ንኣብነት፦ ፈጣሬ ዓለማት እግዚአብሔር ኣብ ሻብዓይ መዓልቲ ካብ ምፍጣር ምዕራፉ፤ ንጸሎት ዚተግሁ ምእመናን ኣብ መዓልቲ ሾብዓተ ጊዜ ምምስጋኖም፡ ፍጹምነት ቍጽሪ ሾብዓተ የመልክት። (ዘፍጥ. 2፦2፣ መዝ. 119፡164)፣ ብተወሳኺ’ውን ሓደ ሰብ ንሾብዓተ መዓልታት ምስ ዚጸውም ‘ሓደ ሱባዔ ጾይሙ’ ይበሃል። ንዓሠርተው ኣርባዕተ መዓልታት ምስ ዚጸውም ድማ ‘ክልተ ሱባዔ ጾይሙ’ ይበሃል።
ሱባዔ መዓስ ተጀሚሩ፧

ተውሳክ፡ . . .ሱባዔ 1ይ ክፋል

'ማየ ጸሎት'

በስመ አብ ወወልድ ወመንፈስ ቅዱስ አሐዱ አምላክ!

                    'ተሓፀብ እሞ ሕወ' 2ይ ነገ. 5፡13

ማየ ጸሎት፡- ብጸሎት ዝተባረኸ ማይ ማለት እዩ። ነቲ ቅዱሳን መላእኽቲ ዚባረኽዎ ከምኡ’ውን ቅዱሳን ነቢያት፡ ሓዋርያት፡ ጻድቃንን ሰማዕትን ብዓፀደ ሥጋ ኸለዉ ይኹን ብዓፀደ ነፍስ ዚባረኽዎ ማየ ጸሎት ይብሃል። እቲ ሕሙማት ዚፍወስሉን ተኣምራት ዚግበረሉን ማየ ጸሎት’ውን ‘ጸበል’ ይበሃል እዩ። ጸበል፡ ‘ሓመድ (ጸብሪ)’ ማለት እዩ። ኣብቲ ኣስከሬን ቅዱሳን ዝዓረፎ፡ ካብ መቓብሮም ዚርከብ ሓመድ ብኢድ ካህናት እናተዋህበ፡ በጽቢጽካ ብምስታይን ብምሕጻብን ከምኡ’ውን ምሉእ ሰብነት ወይ እታ ዝሓመመት ኣካል ሸቢጥካ ወይ ለኺኻ ዚፍውስ ዓይነት ሓመድ እዩ። ጐይታናን መድኃኒናን ኢየሱስ ክርስቶስ ክብርን ምስጋናን ይብጽሓዮ! ኣብ ወንጌል ዮሓንስ 9፥5-7 ከምዝተጠቕሰ ‘ኣብ ዓለም ከሎኹ ብርሃን ዓለም ኣነ እየ’ ኢሉ መለሰሎም። እዚ ኢሉ ናብ ምድሪ ጡፍ በለ ብጥፍጣፍውን ጸብሪ ገበረ፥ በቲ ጸብሪ ኸኣ ኣዕይንቲ እቲ ዕዉር ለኸየ እሞ ‘ኣብ ቀላይ ሰሊሆም ኬድካ ተሓፀብ በሎ።’ ንሱ ኸይዱ ተሓፀበ እናረኣየውን ተመልሰ።” ነቲ ዓይነ ሥዉር ዘብርሀ ጸበል እዩ። በዚ መሠረት ከኣ ቅድስት ቤተ ክርስቲያንና፡ ካብ ዝተፈላለዩ ሕማማት ንኺፍወሱ ብስም እግዚኣብሔርን ብስም ኵሎም ቅዱሳኑን ጸበልን ማየ ጸሎትን ኪግልገሉ ትምህር።

ተውሳክ፡ . . . 'ማየ ጸሎት'

ዓቢይ ጾም

በስመ አብ ወወልድ ወመንፈስ ቅዱስ አሐዱ አምላክ!

ሓደ ካብ ሾብዓተ ናይ ኣዋጅ ኣጽዋማት ዓቢይ ጾም እዩ። እዚ ጾም እዚ ፈጣሬ ሰማያትን ምድርን፡ ጐይታ ጐይቶትን ኢየሱስ ክርስቶስ ድኅሪ ብኢድ ዮሓንስ መጥማቑ ኣብ ገዳመ ቆሮንቶስ ከይዱ ኣርብዓ መዓልትን ኣርብዓ ለይትን ዝጾሞ እዩ።

• ስለምንታይ ጐይታ ጾመ፧

1. ተወሊዱ፡ ጸዋትወ መከራ ተቐቢሉ፡ ብሞቱ ንሞት ኣዳም ስዒሩ፡ ብትንሣኤኡ ትንሣኤ ሂቡ ንደቂ ሰባት ፍጹም ድኅነት ንምሃብ እዩ።
2. ሓጋጌ ሕግ ጐይታናን ኣምላኽናን መድኃኒናን ኢየሱስ ክርስቶስ ቅድሚ ብቓሉ ጽሙን ጸልዩን ኢሉ ምእዛዙ፡ ባዕሉ ነቲ ቅኑዕን ርቱዕን መንገዲ ጾም ብግብሪ ኣርኣያ ኾይኑ ንኺምህረና ጾመ። “ነዚ ኢኹም ዝተጸዋዕኩም እሞ፡ ክርስቶስ ከኣ ምእንቲ ኣሰር ኣሰሩ ክትስዕቡ፡ ኣርኣያ ኃዲጉልኩም ምእንታኹም መከራ ጸገበ።” (1ይ ጴጥ. 2፡21)
3. ጐይታናን ኣምላኽናን መድኃኒናን ኢየሱስ ክርስቶስ ቅድሚ ዝኾነ ግብሪ ብምጻም፡ ጾም ቀዳማይ ሕጊ ምዃኑ ነገረና።

ተውሳክ፡ . . . ዓቢይ ጾም

ጾም

በስመ አብ ወወልድ ወመንፈስ ቅዱስ አሐዱ አምላክ!

ጾም፦ “ኣደ ጸሎት፡ ምንጪ ንብዓት፡ መሠረተ ጽድቅ”

ጾም፡ ካብ ‘ጸወመ፡ ጾመ’ ዝብል ግእዛዊ ቃል ዝወፅአ ኾይኑ ተኸልከለ፡ ተዓቀበ፡ ተቘጠበ ማለት እዩ። ብሕጊ ኣብ ዝተሠርዐ ንዝተወሰነ ጊዜ ካብ ዝብላዕን ዝስተን ምኽልካል፡ ከምኡ’ውን ኣብቲ ሕጉግ ጊዜ ጾም ካብ ጥልላት መባልዕን መስተን ማለት ሥጋ፡ ጸባ፡ እንቛቑሖ፡ ጠስሚ . . . ብተወሳኺ ካብ ዘስክር መስተ ምቑጣብ እዩ።
መምርሒ ቤተ ክርስቲያን ዝኾነ መጽሓፍ ፍትሓ ነገሥት’ውን “ጾምሰ ተከልኦተ ብእሲ እመብልዕ በጊዜ ዕዉቅ፣ በውስተ ሕግ/ ጾምሲ ብሕጊ ኣብ ዝተፈልጠ እዋን፡ናይ ሰብ ካብ መግቢ ምኽልካል እዩ” ይብል። ፍትሕ መንፈሳዊ አን. 15፣ ዲድ. አን. 29፣ ዳን. 10፡2-3

ጾም ማለት ንሰብነትና ካብቲ ኵሉ ዝጸበቐን ዝጠዓመን ብምሕሳም ንሕገጋትን ፈቃዳትን እግዚአብሔር ተገዛኢ ምግባር ከምኡ’ውን ኃይልን ፍትወትን ሥጋኻ ብምድኻም፤ ፍቓድ ሥጋኻ ንፍቓድ ነፍስኻ ከም እትግዛእ ምግባር እዩ። (ፍት. መን አንቀጽ 15፤ ማቴ. 6፥16) 

ተውሳክ፡ . . . ጾም

Our Faith

The Eritrean Orthodox Tewahdo Church is the one Apostolic and Universal, and, for authenticatitly,ng righ
A.  It is stated as ‘Eritrean’ for it is located  within Eritrea’s sovereign integrity, 
B.  And it is affirmed that it is ‘Orthodox’ for  the Church has the true faith,
C.  And is called ‘Tewahdo’ for it believes   Read More . . . 

ርኸቡና

ኦርቶዶክስ ተዋሕዶ ቤተ ክርስቲያን ኤርትራ
ፖ.ሳጹን ቁጽሪ 728
ኣስመራ፡ ኤርትራ
ቴለ፡ +291-1-184290/182270
ፋክስ፡ +291-1-182195