banner

ትንቢተ ዮናስ

በስመ አብ ወወልድ ወመንፈስ ቅዱስ አሐዱ አምላክ!

ትንቢተ ዮናስ

ሓደ ካብ 46 መጻሕፍተ ብሉያት ዝኾነ ትንቢተ ዮናስ እዩ። ናይዚ መጽሓፍ’ዚ ጸሓፊ ባዕሉ ነቢይ ዮናስ እዩ ዝብል ትውፊት ኣሎ።

ዮናስ፡ ማለት “ርግቢት ወይ ከኣ ለዋህ” ማለት እዩ። ሕፃን እንከሎ፡ ብነቢይ ኤልያስ ካብ ሞት ዝተንሥአ ወዲ ሰርፕታዊት ሰበይቲ እዩ። (1ይ ነገ. 17፡17-24) ብኣካልን ብጸጋን ምስ ዓበየ ድማ ኣብ 1200 ዓመት ቅድሚ ልደተ ክርስቶስ፡ ኣብ ዘመነ ንጉሥ ዓሞፅ ወዲ ምናሴ ሃብተ ትንቢት ተዋሂብዎ ዝንበ ነቢይ እግዚአብሔር ኮነ።

ተውሳክ፡ . . .ትንቢተ ዮናስ

'ብጐይታ ዝተፈትወ ሓዋርያ' - ወንጌላዊ ቅዱስ ዮሓንስ

በስመ አብ ወወልድ ወመንፈስ ቅዱስ አሐዱ አምላክ!

            'ብጐይታ ዝተፈትወ ሓዋርያ'

* ኣስማት፦

ቅዱስ ዮሓንስ ብዙኅ ኣስማት መጸውዒ ዘለዎ ሐዋርያ እዩ።
1. ፍቁረ እግዚእ (ጐይታ ዝፈትዎ)፦ ብሕይወቱን ናብራኡን ንጐይታ ኪመስል ይጽዕር ስለዝነበረ ጐይታ ይፈትዎ ነበረ። ብትውፊት ቤተ ክርስቲያን ከም ዝንገር፡ ጐይታ ንመዕጠቒኡ ፈቲሑ ምስ ኣቐመጦ፡ ኣልዒሉ ብምዕጣቑ ፍትወት ሥጋዊ ወደማዊ ጠፊኡሉ፡ ናብራኡ ከም መላእኽቲ ኮይኑሉ እዩ።
2. ወልደ ዘብዴዎስ፦ ንዓቢይ ያዕቆብ ምንኣስ ኃዉ እዩ። ኣቦኦም ድማ ዘብዴዎስ ስለዝበሃል “ዮሐንስ ወልደ ዘብዴዎስ” ተባሂሉ ይጽዋዕ።
3. ወልደ ነጐድጓድ፦ ኣብ ጐይታና ብዘለዎ ኃያል ፍቕራዊ ቅንእን፡ ምስ ኃዉ ኾይኑ ብዘርኣዮ ናይ ኃይሊ ሥራሕን፡ ጐይታና ‘ወልደ ነጐድጓድ (ቦአኔርጌስ)’ ኢልዎ እዩ። (ማር. 3፦17፤ ሉቃ. 9፡49-54) ብተወሳኪ’ውን ብዕምቈት ትምህርቱ ንናይ ጐይታና ኢየሱስ ክርስቶስ ኃይልን ኣምላኽነትን ብምግላጽ ወልደ ነጐድጓድ ተባህለ።

ተውሳክ፡ . . .'ብጐይታ ዝተፈትወ ሓዋርያ' - ወንጌላዊ ቅዱስ ዮሓንስ

ወንጌላውን ሰማዕትን ቅዱስ ማቴዎስ

በስመ ኣብ ወወልድ ወመንፈስ ቅዱስ አሐዱ ኣምላክ !

ወንጌላውን ሰማዕትን ቅዱስ ማቴዎስ

እግዚአብሔር ብሓድነቱ ዓለም ቅድሚ ምፍጣሩ ብልቢ ዝመኸሮ፣ ዓለም ድኅሪ ምፍጣሩ ኣብ ነቢያት ኃዲሩ ዘዛረቦ ትንቢታት ንምፍጻም፣ ካብ ሠለስተ ኣካል እቲ ሓደ ኣካል፣ ወልድ፣ ሥጋ ለቢሱ ሰብ ኮነ፣ ሰብ ኮይኑ ድማ ሕጊ ጠባያውን ሕጊ መጽሓፋውን እናፈጸመ ዓበየ። ኣብ 30 ዓመቱ ኣብ ማይ ዮርዳኖስ ብኢድ ዮሓንስ ተጠሚቑ፣ 40 መዓልትን ለይትን ኣብ ገዳመ ቆሮንቶስ ምስ ጸለየን ጾመን ናብ ገሊላ ተመሊሱ ትምህርቲ ኪምህርን ተኣምራት ኪገብርን ጀመረ። ሉቃ. 4፡14 ተኣምራቱ ርእዮም ትምህርቱ ሰሚዖም ካብ ዝተፈላለየ ቦታ፣ ክንዲ 5ተ ዕዳጋ ዝኣኽሉ ሕዝቢ ሰዓብዎ። ካብኣቶም ድማ መጀመርታ 12ተ ሓዋርያት ቀጺሉ ኸኣ 72 ኣርድእቲ፣ 36 ቅዱሳት ኣንስቲ ኃረየ። 120 ቤተ ሰብ ዝበሃሉ እዚኣቶም እዮም። ግብ. ሓዋ. 1፣-15 በዚ ኸኣ ኣብ ምድረ እስራኤል እናተዛወረን እናተመላለሰን 3 ዓመትን 3 ወርኅን ወንጌል ምስ መሃረ፣ ንድኅነት ደቂ ሰብ ኣብ ማእከል ምድሪ ኣብ ቀራንዮ ተሰቂሉ፡ ብሞቱ ንዓለም ኣድኃነ። ኣብ 3ይ መዓልቲ ካብ ምዉታን ተንሢኡ፣ 40 መዓልቲ ንደቂ መዛሙርቱ መጽሓፍ ኪዳን ምስ መሃሮም፣ ካብ ዝትንሥእ ኣብ መበል 50 መዓልቲ ጸጋ መንፈስ ቅዱስ ለኣኸሎም።

ተውሳክ፡ . . .ወንጌላውን ሰማዕትን ቅዱስ ማቴዎስ

መጽሓፈ ሄኖክ

መጽሐፈ ሄኖክ


መሠረትን መምርሕን ሃይማኖት መጽሓፍ ቅዱስ’ዩ። እግዚአብሔር፡ ‘ከምዚ በሉ’ እናበለ ዘጽሓፎ; ብራእይ ዝገለጾ፡ ኣብ ልቢ ዝቐረጾ ሕያው ዘለዓለማዊ ቃሉ እዩ። ነዚ ቅዱስ ቃሉ፡ ኣብዚ ዓለም ካብ ዝተወልዱ ሰባት ንሱ ኣቐዲሙ ንፊደላት ኣብ ቃላት ሠሪዑ ክጽሕፍ ዝጀመረ ሻብዓይ ወለዶ ካብ ኣዳም ዝኾነ ነቢይ ሄኖክ’ዩ። (መጽ. ኩፋ. 5፡22) ‘ሄኖክ’ ማለት ቀንዴል፡ ዘይቲ፡ ሥዉር፡ ዚተሓደስ ማለት እዩ። ካብ ኣቦኡ ያሬድን ኣደኡ ባረካን 25 ሓምሌ ተወልደ። ዓብዩ ሰበይቲ ኣእትዩ 164 ዓመት ምስ ገበረ ካብ ዕድና ንማቱሳላ ወለደ። ኣወዳትን ኣዋልድን’ውን ወለደ።

ኣብዚ ዓለም 365 ዓመት ምስ ገበረ፡ ኣካይዳኡ ኣብ ቅድሚ እግዚአብሔር ጽቡቕ ስለዝነበረ፡ ብ27 ጥር ተሠዊሩ ኣብ ብሔረ ሕያዋን ከደ።

ተውሳክ፡ . . . መጽሓፈ ሄኖክ

ቅዱሳት መጻሕፍቲ

በስመ አብ ወወልድ ወመንፈስ ቅዱስ አሐዱ አምላክ!

ቅዱሳት መጻሕፍቲ:- ብመሪሕነት መንፈስ ቅዱስ ብቅዱሳን ሰባት ዝተጻሕፉን ዝኸበሩን ዝተቐደሱን መንፈሳውያን መጻሕፍቲ እዮም። ኣብ ዓለም ብኣእምሮ ፍጡራን ዝተደርሱ ዝተፈላለዩ መጻሕፍቲ ኣለዉ። ካብዚኣቶም ግና ቅዱሳት መጻሕፍቲ ዝተፈልዩ’ዮም። ንቕዱሳት መጻሕፍቲ ክቡራትን ካብ ካልኦት መጻሕፍቲ ፍሉያትን ዘብሎም ፦

* ካብ ቅዱስን ክቡርን እግዚአብሔር ስለ ዝተረኽቡ (ዘሌ. ፲፱፥፪/ 19፥2) ፤ (ኢሳ. ፴፬፡፲፮/ 34፡16)
*ብቅዱሳን ሰባት ስለ ዝተጻሕፉ (2ይ ጴጥ. ፩፥፳-፳፩/1፥20-21) ፤ (ዘፀ. ፲፯፡፲፬/ 17፡14)
*ትኅዝቶኦም ሰማያዊ፣ መንፈሳዊ ስለ ዝኾነ ፤ ንዘንብቦምን ዝሰምዖምን ናብ ቅድስና ስለ ዝመርሑ (ራእ. ፳፪፥፯/ 22፥7)፣
በረኸት ስለ ዝህቡን (ራእ. ፩፥፫/ 1፥3፣ ፫፥፲፭-፲፱/ 3፥15-19)፤
*ቅድስት ቤተ ክርስቲያን ብቀኖና ስለ ዝተቐበለቶም፤ (ፍትሓ ነገሥት ኣንቀጽ ፪/2)
*ንዅሉ ኃላፍያትን መጻእያትን ብሓቅነት ስለዝናገር (ዘፍ. ፩፡፩/ 1፡1፣ ዘፍ. ፲፪፡፩-፫/ 12፡1-3፣ ኢሳ. ፯፡፲፬/ 7፡14፣ ኢሳ. ፱፡፰/ 9፡8)

ዓይነት ቅዱሳት መጻሕፍቲ
ቅድስት ቤተ ክርስቲያንና “ቅዱሳት” ብዝብል ቅጽል ስም ሂባ፣ ብቀኖና ዝተቐበለቶም መጻሕፍቲ፦ ብቝጽሪ ብዙኃን ኮይኖም ዋላ እኳ ኣብ ዝተፈላለየ ጊዜን ቦታን፣ ብዝተፈላለየ ሞያን ደረጃን ናብራን ዝነበሮም ቅዱሳን እንተ ተጻሕፉ፣ ብመሪሕነት ሓደ እግዚአብሔር ስለ ዝኾነ፡ ናይ ሓሳብ ምትሕንፋጽ ኮነ ምግርጫው የብሎምን። ( 2ይ ጴጥ. ፩፥፳፩/ 1፥21)
*ኣስማቶም ውን ብዝተፈላለየ መጸውዒ፦ ብትኅዝቶኦም፣ ብስም ጸሓፊኦም፣ ብስም ሃገር ወይ ዓዲ፣ ብስም ዝተላእከሎም . . . ወዘይመስሎ ይጽውዑ።
*ምእንቲ ንመጽናዕቲ ክጥዕም ኣብ ክልተ ዓበይቲ ንኸፍሎም ፦
*መጽሓፍ ቅዱስ ( ኣሥራው )
*ኣዋልድ መጻሕፍቲ

ተውሳክ፡ . . . ቅዱሳት መጻሕፍቲ

Our Faith

The Eritrean Orthodox Tewahdo Church is the one Apostolic and Universal, and, for authenticatitly,ng righ
A.  It is stated as ‘Eritrean’ for it is located  within Eritrea’s sovereign integrity, 
B.  And it is affirmed that it is ‘Orthodox’ for  the Church has the true faith,
C.  And is called ‘Tewahdo’ for it believes   Read More . . . 

ርኸቡና

ኦርቶዶክስ ተዋሕዶ ቤተ ክርስቲያን ኤርትራ
ፖ.ሳጹን ቁጽሪ 728
ኣስመራ፡ ኤርትራ
ቴለ፡ +291-1-184290/182270
ፋክስ፡ +291-1-182195