banner

ኣባ ይምዓታ ዘእምተስዓቱ ቅዱሳን

በስመ አብ ወወልድ ወመንፈስ ቅዱስ አሐዱ አምላክ!

ኣባ ይምዓታ ዘእምተስዓቱ ቅዱሳን

ርቱዕ ኦርቶዶክሳዊ ሃይማኖት ኂዞም፡ ድንግልናኦምን ንጽሕናኦምን ዓቂቦም ምድራውያን መላእኽቲ ኪኾኑ ዝበቅዑ፡ ንምድረ ኣግዓዚ ብዙኅን ዓቢይን መንፈሳዊ ኣስተዋፅኦ ዝገበሩ ተስዓቱ ቅዱሳን እዮም።
ናብ ተስዓቱ ቅዱሳን ድንጒዩ ዝተጸምበረ ኣባ ይምዓታ ኮይኑ ዓዱ ቆስያ’ዩ።

ተስዓቱ ቅዱሳን፡ ናብዚ ምድረ ኣግዓዚ መጺኦም በቲ መንፈስ ቅዱስ ዝመደበሎም ነናብ ቦታኦም ኪኸዱ ኸለዉ፡ ኣባ ይምዓታ ድማ ናብ ገርዓታ ኸደ። ብፍላይ ድማ ኣብ ገርዓታ ዝርከብ ‘ጎሕ’ ተባሂሉ ኣብ ዝስመ ኸባቢ ንነዊኅ ዓመታት ተቐመጠ።

‘ጎሕ’ (ወጋሕታ) ዝብል ስያሜ ምስ ታሪኽ ኣቡነ ይምዓታ ዝተኣሳሰረ’ዩ። ኣቡነ ይምዓታ ካብ ኣክሱም ተበጊሱ ቅዳሴ ማርያም እናዝየመ ኪኸይድ ከሎ፡ “አብ ጎሕ ወልደ ጎሕ መንፈስ ቅዱስ ጎሕ” ኣብ ዝብል ንባብ ኣብ ዝበጽሓሉ እዋን፡ ኣብዚ ሕጂ ጎሕ ዝበሃል ዘሎ ቦታ ወጋሕታ ኾነ። በዚ ምኽንያት’ዚ ነዚ ቦታ ‘ይኩን ስምኪ መካነ ጎሕ’ ኢሉ ሰመዮ።

ኣባ ይምዓታ መንፈሳዊ ተጋድሎ ተጋዲሉ፡ ንእግዚአብሔር ኣሥሚሩ 28 ጥቅምት ብሰላም ዓረፈ።

ሰላም ለይምዓታ ዘተሳተፈ አዕሩገ፡
እለ ኀሠሡ ሥርዐተ ወእለ ዐቀቡ ሕገ፡
በሥምረተ አምላክ ከሃሊ እንተ ሠጠቀ አፍላገ፡
በድነ ሥጋሁ ቅዱስ አመ መልዕልተ ደብር ዐርገ፡
አሠረ ግንዘቱ በኰኵሕ ለትእምርት ኀደገ።

ጸሎቱን በረኸቱን ምስ ኵልና ይኹን!

ወስብሐት ለእግዚአብሔር!

Our Faith

The Eritrean Orthodox Tewahdo Church is the one Apostolic and Universal, and, for authenticatitly,ng righ
A.  It is stated as ‘Eritrean’ for it is located  within Eritrea’s sovereign integrity, 
B.  And it is affirmed that it is ‘Orthodox’ for  the Church has the true faith,
C.  And is called ‘Tewahdo’ for it believes   Read More . . . 

ርኸቡና

ኦርቶዶክስ ተዋሕዶ ቤተ ክርስቲያን ኤርትራ
ፖ.ሳጹን ቁጽሪ 728
ኣስመራ፡ ኤርትራ
ቴለ፡ +291-1-184290/182270
ፋክስ፡ +291-1-182195