banner

"ኣባ ጉባ ሓደ ካብ ተስዓቱ ቅዱሳን"

በስመ አብ ወወልድ ወመንፈስ ቅዱስ አሐዱ አምላክ!

"ኣባ ጉባ ሓደ ካብ ተስዓቱ ቅዱሳን"

ኣብ ኃምሻይ ክፍለ ዘመን፡ ኣብ ምድረ ኣግዓዚ ስብከተ ወንጌል ኣብ ምስፋሕ፡ ሥርዓተ ምንኩስና ኣብ ምዝርጋሕ ነባሪ ኣገልግሎት ዝፈጸሙ ተስዓቱ ቅዱሳን እዮም። ሓደ ካብዞም ቅድሳን ድማ ኣባ ጉባ እዩ። ኣባ ጉባ፡ ብ 29 ታኅሣሥ ኣብ ቂልቂያ ንኡስ ኤስያ ተወሊዱ ኣብ ኣርብዓ መዓልቱ ጸጋ ጥምቀት ተቐቢሉ፡ ስመ ክርስትናኡ “ጉባ” ኢሎም ሰየምዎ። ‘ጉባ’ ማለት ኣፈ ወርቅ፡ ኣፈ መዓር ማለት እዩ።

ኣባ ጉባ፡ ብኣካልን መንፈስን ምስ ዓበየ ቅዱሳት መጻሕፍትን ሥርዓተ ብሕትውናን ምንኩስናን ብዝግባእ ተማህረ።

መልአከ እግዚአብሔር እናተገልጸሉ ካብ ሓደ ዓዲ ናብ ካልእ ዓዲ ክኸይድ ድኅሪ ምጽናሕ ናብ ምድረ ኣግዓዚ መጺኡ ምስ ተስዓቱ ቅዱሳን ተራኸበ።

ተውሳክ፡ . . ."ኣባ ጉባ ሓደ ካብ ተስዓቱ ቅዱሳን"

አቡነ ዓቢየ እግዚእ

በስመ አብ ወወልድ ወመንፈስ ቅዱስ አሐዱ አምላክ!

አቡነ ዓቢየ እግዚእ

‘ጸሎት ጻድቅ ብግብራ ብዙኅ ተስልጥ እያ’ ያዕ. 5፡16

ቅዱስ ኣቡነ ዓቢየ እግዚእ ካብ ኣቦኡ ያፈቅረነ እግዚእን ካብ ኣደኡ ጽርሓ ቅዱሳንን ሓደ ግንቦት ኣብ መረታ ኣርያ ዝበሃል ኣብ ትግራይ - ኢትዮጵያ ተወልደ። ‘እንጦንስ፡ ኢሎም ድማ ሰመይዎ። ገና ወዲ 7 ዓመት እንከሎ ብመሪሕነት መንፈስ ቅዱስ ናብ ብሕትውናዊ ናብራ ኣምርሐ። ካብ ኣባ ዘርአ ሚካኤል ከኣ ቅዱሳት መጻሕፍትን ሥርዓተ ቤተ ክርስቲያንን ካልእ መንፈሳዊ ትምህርትን ተማህረ። ብጾምን ጸሎትን ዝጸንዐ ኣቦ ስለዝነበረ ብዙኅ ጊዜ ብሒቱ ሱባኤ ይኣቱ ነበረ። ንመጀመርያ ጊዜ ሱባዔ ዝኣተወላ ቦታ ‘ኣገፋት’ ትበሃል።

ተውሳክ፡ . . .አቡነ ዓቢየ እግዚእ

እቶም ሠለስተ መንእሰያት (ሠለስቱ ደቂቅ)

በስመ አብ ወወልድ ወመንፈስ ቅዱስ አሐዱ አምላክ!

እቶም ሠለስተ መንእሰያት (ሠለስቱ ደቂቅ)

ሠለስቱ ደቂቅ ‘ኣናንያ ኣዛርያ ሚሳኤል’ ደቂ ንጉሥ ኤልያቄም ንጉሥ ይሁዳ እዮም። ነቢይ ዳንኤል ድማ ወዲ ኃፍቶም እዩ። ንጉሥ ናቡከደነጾር ንንጉሥ ይሁዳ ኢኮንያን ስዒሩ ንደቂ እስራኤል ብምርኮ ናብ ባቢሎም ምስ ወሰዶም፡ ካብ ደቂ እስራኤል እናመሃረን እናመገበን ኣገልገልቱ ክገብሮም መንእሰያት ኃረየ። ካብቶም ዝኃረዮም ዳንኤልን እዞም ሠለስተ መንእሰያትን (ሠለስቱ ደቂቅ) ይርከብዎም። እዞም ቅዱሳን ግና በቲ ብልዒ ንጉሥን ነቢትን ንኸይረኽሱ፡ ነቲ ሓለቓ ሹማምንቲ ኣሕምልትን ማይን ክህቦም ለመንዎ። እቲ ሓለቓ ድማ ‘ንስኻትኩም ካብቶም ካልኦት እንተ ዓቢርኩም ንጉሥ ንኣይ ስለዝቐጽዓኒ ኣይከውንን እዩ’ በሎም። ንሳቶም ከኣ ‘ንዓሠርተ መዓልቲ ተዓዘበና ደኃር ንኣናን ነቶም ብልዒ ንጉሥ ዚበልዑንን ርኣየና ሽዑ ኸምቲ ዚመሰለካ ግበረና’ በልዎ።

ተውሳክ፡ . . .እቶም ሠለስተ መንእሰያት (ሠለስቱ ደቂቅ)

ሊቀ ሰማዕት ቅዱስ ጊዮርጊስ

በስመ አብ ወወልድ ወመንፈስ ቅዱስ አሐዱ አምላክ!

ሊቀ ሰማዕት ቅዱስ ጊዮርጊስ

ሰማዕት ዝብል ቃል ‘ሰምዐ’ መስከረ ካብ ዝብል ግእዛዊ ግሥ ዝተረኽበ ኪኸውን ከሎ ምምስካር፡ ምስክር ማለት እዩ።

“ብዛዕባ እቲ ኻብ መጀመርታ ዚነበረ ንሕና ዝሰማዕናዮ፡ በዕይንትና ዝረኣናዮ፡ ዝጠመትናዮን፡ ብኣእዳውና ዝዳኅሠሥናዮ ቓል ሕይወት ንነግረኩም ኣሎና። እታ ንኣና ዝተገልጸት ምስ ኣቦ ዚነበረት ዘለዓለማዊት ሕይወት ድማ ንነግረኩም ኣሎና።” ዝተባህለ ሰማዕት ማለት ዝረኣኻዮን ዝሰማዕኻዮን ሓቂ ምምስካር እዩ። (1ይ ዮሓ. 1፡1-10)

ተውሳክ ፡ . . .ሊቀ ሰማዕት ቅዱስ ጊዮርጊስ

ቅዱስ ዲሜጥሮስ ሊቀ ጳጳሳት ዘእስክንድርያ

በስመ አብ ወወልድ ወመንፈስ ቅዱስ አሐዱ አምላክ!

ቅዱስ ዲሜጥሮስ ሊቀ ጳጳሳት ዘእስክንድርያ

ቅዱስ ድሜጥሮስ ተኻሊ ወይኒ ብምባል ዚፍለጥ ብ119 ዓ.ም. ኣብ ሃገረ ግብጺ ተወልደ። ወለዱ ብመንገዲ እግዚአብሔር ዚመላለሱ ሕያዎትን ቅኑዓትን ክርስቲያን ነበሩ። እንተኾነ ግና ውላድ ብዘይ ምንባሮም ብጾምን ጸሎትን ናብ እግዚአብሔር ተማህለሉ። እግዚአብሔር ከኣ ዝለመንካዮ ዘይከልእ ስለዝኾነ ዝተባረኸ ውላድ ሃቦም። ድሜጥሮስ ኢሎም ከኣ ሰም ኣውፅኡሉ።

ተውሳክ፡ . . .ቅዱስ ዲሜጥሮስ ሊቀ ጳጳሳት ዘእስክንድርያ

ታሪኽ ኣቡነ ገብረ መንፈስ ቅዱስ ብሓፂሩ

በስመ አብ ወወልድ ወመንፈስ ቅዱስ አሐዱ አምላክ።

“ንኣታቶም ኣብ ቤተይን ኣብ ውሽጢ ደምበይን ስፍራ ካብ ኣወዳትን ኣዋልድን ዚበልጽ ስም ክህቦም እየ፡ ዘይጠፍእ ዘለዓለማዊ ስም ከኣ ኽህቦም እየ።” ኢሳ 56፡-5

ታሪኽ ኣቡነ ገብረ መንፈስ ቅዱስ ብሓፂሩ

ስምዖን ወአቅሌስያ እለ ነበሩ በንሂሳ፡ በኀጢአ ውሉድ በከየ መጠነ ዓመታት ሠለሳ፡ ሥሉስ ቅዱስ ሶበ ነፍሑ በውስተ ከርሣ፡ ተወልደ እምኔሆሙ ቀናዬ አናብስት ስሳ፡ በኀይለ ኣምላኩ ዘይሠሪ አበሳ።

ርእሰ ባሕታውያን ብምባል ዝፍለጥ ኣቡነ ገብረ መንፈስ ቅዱስ ን30 ዓመታት ዝኣክል መኻናት ካብ ዝነበሩ ኣቡኡ ስምዖንን ኣዲኡ ኣቅሌስያን ኣብ ላዕላይ ግብጺ ንሂሳ ኣብ ዚብሃል ቦታ ተወልደ። ወለዱ ንእግዚኣብሔር ውላድ ንኺህቦም ለይትን መዓልትን ተስፋ ብዘይ ምቝራጽ ምስ ለመንዎ እቲ ንዝለመንዎ ኣዝዩ ቐረባ ዝኾነ እግዚኣብሔር ዓቢይ ውላድ ሃቦም። 

ተውሳክ፡ . . .ታሪኽ ኣቡነ ገብረ መንፈስ ቅዱስ ብሓፂሩ

Our Faith

The Eritrean Orthodox Tewahdo Church is the one Apostolic and Universal, and, for authenticatitly,ng righ
A.  It is stated as ‘Eritrean’ for it is located  within Eritrea’s sovereign integrity, 
B.  And it is affirmed that it is ‘Orthodox’ for  the Church has the true faith,
C.  And is called ‘Tewahdo’ for it believes   Read More . . . 

ርኸቡና

ኦርቶዶክስ ተዋሕዶ ቤተ ክርስቲያን ኤርትራ
ፖ.ሳጹን ቁጽሪ 728
ኣስመራ፡ ኤርትራ
ቴለ፡ +291-1-184290/182270
ፋክስ፡ +291-1-182195