banner

ቅዱስ ኣቦ አቡነ አብሳዲ ፡ "አበ ብዙኃን"

በስመ አብ ወወልድ ወመንፈስ ቅዱስ አሐዱ አምላክ!

ቅዱስ ኣቦ አቡነ አብሳዲ
ዘደብረ ክሳሄ ወደብረ ማርያም

ኣብ “ሓይቀ መሳሕል” ትብሃል ኣብ ትግራይ ደበሽን እንዳ ማርያም እትርከብ ዓዲ ዝቕመጡ፡ ካህን ቶማስን እምነ ሰሎሜን ዝበሃሉ ፈራህያነ እግዚአብሔር ሰብ ኃዳር ነበሩ። ካህን ቶማስ ንበዅሪ ወዱ ኣቡነ መርቆሬዎስ ምስ ወለደ ንቅድስት እምነ ሰሎሜ ከይነገራ ‘ደጊም ይኣኽለኒ እዛ ዓለም እዚኣ ኃላፊት እያ እሞ ነታ ዘይትኃልፍ ዓለም ዘውርስ ግብረ ጽድቂ ክፍጽም እየ” ኢሉ ንኪምንኵስ ናብ ኣቡነ ኤዎስጣቴዎስ ከደ። ኣቡነ ኤዎስጣቴዎስ ከኣ ንካህን ቶማስ “ካባኻ ዚውለዱ ቅዱሳን ውሉድ ስለ ዘለዉ ምንኵስና ክፍልኻ ኣይኮነን” በሎ እሞ ብድኅር’ዚ ናብታ እምንቲ በዓልቲ ቤቱ ተመሊሱ ብቕዱስ ሥርዓት ሰብኣይ ሰበይትን ንኣቡነ ኣብሳዲ ኣቡነ ማቴዎስን መክብበ ድንግልን ወለደ። በዚ ኸኣ ኣቡነ ኣብሳዲ ብዕለት 16 የካቲት 1277 ዓ.ም. ተወልደ እሞ ስሙ “ሃሎ ክርስቶስ” ተባህለ።

ተውሳክ፡ . . . ቅዱስ ኣቦ አቡነ አብሳዲ ፡ "አበ ብዙኃን"

ታሪኽ ገዳም ደብረ ኮል አቡነ ቡሩከ ኣምላክ!

ታሪኽ ገዳም ደብረ ኮል አቡነ ቡሩከ ኣምላክ!

ገዳም ደብረ ኮል ኣብ ዞባ ደቡብ ንኡስ ዞባ እምኒ ኃይሊ ከባቢ መራጕዝ ይርከብ። መሥራቲ ናይዚ ገዳም’ዚ ድማ አቡነ ቡሩከ ኣምላክ እዩ። ወለዲ አቡነ ቡሩከ ኣምላክ ኣቦኡ ንጉሥ ቴዎቅሪጦስ፣ ኣደኡ ኸኣ ንግሥቲ ሚሊዳማ ይበሃሉ። እዞም ክልተ ሰብ ሕጊ ቤተ ሰብ እግዚአብሔር ዝኾኑ ወለዲ፡ ውላድ ስኢኖም ወትሩ ይጽልዩ ስለዝነበሩ፡ ነዚ ቅዱስ ኣቦ ብዕለት ሓደ ግንቦት ወለዱ። ኣብ ኣርብዓ መዓልቱ ተጠሚቑ ኸኣ ‘ዓምደ ሚካኤል’ ዝብል ስም ተሰየመ። ዓምደ ሚካኤል፡ ብኣካልን ብመንፈስን ምስ ደልደለ፡ ወለዱ እኳ ኸመርዕውዎ እንተ ፈቐዱ፡ ንሱ ግና ወዲ ንጉሥ ምድሪ ካብ ምዃን ወዲ ንጉሥ ሰማይ ምዃን መረጸ።

ተውሳክ፡ . . .ታሪኽ ገዳም ደብረ ኮል አቡነ ቡሩከ ኣምላክ!

'ትእምርተ ጽንዓት ሃይማኖት - ገዳም ደብረ ቢዘን'

በስመ አብ ወወልድ ወመንፈስ ቅዱስ አሐዱ አምላክ!

‘ቢዘን’፦ ሚዛን፡ ማዕረ ማለት’ዩ። ከምቲ ወርቅን ብሩርን ብሚዛን ዝምዘን፡ ከምኡ ኸኣ ኣብ ደብረ ቢዘን ጻድቃንን ኃጥኣንን፡ ድኹማትን ፍጹማንን ዝምዘንሉ ገዳም እዩ። ገዳም ደብረ ቢዘን፥ ኣብ ዞባ ሰሜናዊ ቀይሕ ባሕሪ፡ ብመንገዲ ባጽዕ ካብ ኣሥመራ ኣስታት 25 ኪሎ ሜትር ንሸነኽ ምሥራቅ ርኂቑ ይርከብ።

ተውሳክ፡ . . . 'ትእምርተ ጽንዓት ሃይማኖት - ገዳም ደብረ ቢዘን'

ገዳም ደብረ ሲና

በስመ አብ ወወልድ ወመንፈስ ቅዱስ አሐዱ አምላክ!

               ገዳም ደብረ ሲና

ገዳም ደብረ ሲና፡ ኣብ ዞባ ዓንሰባ ንኡስ ዞባ ዒላበርዕድ ከባቢ መንሳዕ፡ ካብ ዒላበርዕድ ንሸነኽ ምሥራቕ ብእግሪ ናይ ክልተ ሰዓትን ፈረቓን ምስ ከድካ ዝርከብ ጥንታውን ታሪኻውን ገዳም እዩ። እዚ ገዳም’ዚ ካብ ጥንቲ ካብ ዘመነ ብሉይ ጀሚሩ ሥርዓተ ኣምልኮ ዝፍጸመሉ ዝነበረ፣ ኣብ ዘመነ ሓዲስ ድማ ጐይታናን ኣምላኽናን መድኃኒናን ኢየሱስ ክርስቶስ ምስ ኣደኡ ቅድስት ድንግል ማርያምን ቅዱስ ዮሴፍን ሰሎሜን ናብ ግብጺ ኣብ ዝተሰደሉ እዋን፡ ብግብጺ ኣቢሎም ኣብዚ ገዳም ደብረ ሲና ንኣርባዕተ ወርኂ ከምዘዕረፉ መጻሕፍተ ቤተ ክርስቲያን ይነግሩ።

ኣብ 332 ዓ.ም. ኣባ ሰላማ ከሣቴ ብርሃን ካብ ግብጺ ሥልጣነ ክህነት ተቐቢሉ ብማርሳ ተኽላይ ኣቢሉ ናብ ደብረ ሲና ኣትዩ እዩ። ትምህርተ ክርስትና ሰቢኹ፡ ንመጀመርታ ጊዜ ጥምቀተ ክርስትና ዝፈጸመሉን ሥርዓተ ቍርባን ዝሠርዓሉን ቦታ እዩ። ነገሥታት ኣብርሃን ኣጽብሃን (ኤዛናን ሴዛናን) ካብ ኣክሱም ናብዚ ገዳም ብምምጻእ ተጠሚቖም ቆሪቦም እዮም።

ተውሳክ፡ . . .ገዳም ደብረ ሲና

ገዳም ቅዱስ ዮሓንስ መጥምቅ ቴድረር

በስመ አብ ወወልድ ወመንፈስ ቅዱስ አሐዱ አምላክ!

ገዳም ቅዱስ ዮሓንስ መጥምቅ ቴድረር

ገዳም ቅዱስ ዮሓንስ መጥምቅ ቴድረር ኣብ ዞባ ደቡብ ንኡስ ዞባ ደቀምሓረ፡ ካብ ከተማ ደቀምሓረ ንደቡብ 25 ኪሎ ሜትር ኣብ ከባቢ ቴድረር ዝርከብ፡ ታሪኻውን ጥንታውን ገዳም እዩ። ብጥንታውነቱ ምስቶም ቀዳሞት ገዳማት (አድባራት) ሃገርና ዝሥራዕ ክሳዕ ሎሚ ህልውናኡ ዝሓለወ ገዳም እዩ።

ኣመሠራርታ ናይዚ ገዳም’ዚ ምስ ታሪኽ ድራር ስመ ክርስትናኡ ገብረክርስቶስ ዝበሃል ዝተኃኃዝ እዩ። ገብረክርስቶስ ብኣቡነ ሊባኖስ ተጠሚቑ ክርስቲያን ዝኾነ፡ ሠለስተ ደቂ ዝነበርዎ እዩ። ድኅሪ ዕረፍቲ ገብረክርስቶስ፡ ሠለስተ ደቂ ድራር ናብዚ ሕጂ ዘለውዎ ናብ ቴድረር መጺኦም ቤተ ክርስቲያን ቅዱስ ዮሓንስ ኣሕነፁ። ብመልክዕ ገዳም’ውን መሥረትዎን ገደምዎን። ካብ ከባቢ 537 ዓ.ም. ጀሚሩ ክሳዕ ሎሚ ሕዝቢ ቴድረር ብዓቢይ ክብሪ ንገዳም ዝግባእ ህያብን ስእለትን እናቕረቡ፡ ዕቤቱ ዓቂቡ ንክጸንሕ ዓቢይ ግደ ኣበርኪቶም እዮም።

ተውሳክ፡ . . .ገዳም ቅዱስ ዮሓንስ መጥምቅ ቴድረር

ሌላ ምስ ገዳም ደብረ ሣህል አቡነ ዮናስ

በስመ አብ ወወልድ ወመንፈስ ቅዱስ አሐዱ አምላክ!

ገዳም ደብረ ሣህል አቡነ ዮናስ

ኣብ ሃገርና ኤርትራ ሰፈር ቅዱሳን፡ ጽንዓት ሃይማኖትን ምንጪ ቃለ እግዚአብሔርን ዝኾኑ ገዳማት ብብዝኂ ኣለዉ። እንተኾነ ካብዞም ገዳማት ግና መዘከርታ ቅርሳ ቅርሲ እናገደፉ ታሪኽ ጥራሕ ዝኾኑ ዘለዉ፡ ብሥርዓተ ማኅበር ሓድነት ዘይመኃደሩ፡ ገዳማውያን ዘይብሎም በብጊዜኡ እናበዝኁ ይኸዱ ኣለዉ። ሓደ ካብዚኦም ድማ ገዳም ደብረ ሣህል ኣቡነ ዮናስ እዩ።
ገዳም ደብረ ሣህል ኣቡነ ዮናስ ኣብ ዞባ ደቡብ ንኡስ ዞባ ዓረዛ፡ ካብ ማይድማ ኣስታት 15 ኪሎ ሜትር ኣቢሉ ኣብ ዝርከብ በሪኽ ጎቦ ይርከብ።

መሥራቲ ናይዚ ገዳም ኣቡነ ዮናስ እዩ። ኣቡነ ዮናስ ገና ሕፃን ኮይኑ ኣብ ጒስነት ኣባጊዕ ከሎ፡ መንፈስ ቅዱስ ኣነቓቒሕዎ ንዅሉ ግብረ ዓለም ንድኅሪት ገዲፉ ካብቲ ዝተወልደሉ ሃገር ርኂቑ ናብ ዞባ ደቡብ ንኡስ ዞባ ዓረዛ ምድሪ ወዲ ሠበራ ኣብ እትርከብ ደብረ ሲና እትበሃል ገዳም ኣተወ። ኣብዛ ገዳም ብሥጋ ኣኮኡ ዝብጽሖ ኣቡነ ድምያኖስ ዝተባህለ ዓቢይ ባሕታዊ ስለዝነበረ፡ ምስ ካልኦት ተመሃሮ ብጊዜ መዓልቲ ይመሃር፡ ለይተ ለይቲ ድማ ‘ጠላቒት’ ኣብ ዝተባህለት ቀላይ እናኸደ ኪጽሊ ይኃድር ነበረ።

ተውሳክ፡ . . .ሌላ ምስ ገዳም ደብረ ሣህል አቡነ ዮናስ

Our Faith

The Eritrean Orthodox Tewahdo Church is the one Apostolic and Universal, and, for authenticatitly,ng righ
A.  It is stated as ‘Eritrean’ for it is located  within Eritrea’s sovereign integrity, 
B.  And it is affirmed that it is ‘Orthodox’ for  the Church has the true faith,
C.  And is called ‘Tewahdo’ for it believes   Read More . . . 

ርኸቡና

ኦርቶዶክስ ተዋሕዶ ቤተ ክርስቲያን ኤርትራ
ፖ.ሳጹን ቁጽሪ 728
ኣስመራ፡ ኤርትራ
ቴለ፡ +291-1-184290/182270
ፋክስ፡ +291-1-182195