banner

ንባብ ልሳነ ግእዝ

በስመ አብ ወወልደ ወመንፈስ ቅዱስ አሐዱ አምላክ!

ንባብ ልሳነ ግእዝ 

ቋንቋ ግእዝ ንምምሃር ብመጀመርታ ፊደላት ግእዝ ምስ ኣስማቶም ኣጠንቂቕኻ እንተፈሊጥኻ ልሳነ ግእዝ ንምርዳእ እቲ ቐንዲ መፍትሕ ረኺብና ማለት እዩ። ፊደላት ግእዝ ካብ ግእዝ ክሳብ ሳብዕ ዘለዉ ‘ሀ’ ግእዝ ፡ ሁ ካዕ ፡ ሂ ሣልስ፡ ሃ ራብዕ፡ ሄ ኃምስ ፡ ህ ሳድስ ፡ ሆ ሳብዕ ይበሃሉ።

ልሳነ ግእዝ ዚልዓል፡ ዚወድቕ፡ ዚወሓጥ፡ ሰያፍ፡ ዚጠብቕ፡ ዚልሕልሕ ኣናብባ ኣለዎ። እዚ ኣናብባ ቀለም ድማ ኣብ ትርጕም ቃላት ግእዝ ዓቢይ ግደ ኣለዎ። 

ቋንቋ ግእዝ፡ ልሳነ ቤተ ክርስቲያን ከም ምዃኑ መጠን ነዞም ቀለማት ኣናብባ ጠንቂቕና ፈሊጥና ክነንብብ ኣሎና። ምኽንያቱ፡ ትርጕሙ ምእንቲ ኸይቕይርን፡ ናይዚ ቋንቋ ላዛ ወይ መዓዛ ከይጠፍእን እዩ።

ደረጃታት ንባብ ግእዝ፡-

፩. ቍጽር ንባብ፦ ንፊደላት በብሓደ እናቘጸርካ ዚንበብ ናይ መጀመርታ ደረጃ ንባብ እዩ።
ንኣብነት፦ “ተመሀሩ ልሳነ ግእዝ” ንዝብል ንባብ፡ “ ተ-መ-ሀ-ሩ ል-ሳ-ነ ግ-እ-ዝ” እናበልካ ቀስ ኢልካ ፊደላት ፈሊኻ እናኣጽናዕካ ምንባብ እዩ።

፪. ግእዝ ንባብ፦ በብኽልተ ወይ ሰሠለስተ ፊደላት እናገበርካ ዚንበብ ካልኣይ ደረጃ ንባብ እዩ።
ንኣብነት፦ “ተመሀሩ ልሳነ ግእዝ” ንዝብል ንባብ፡ “ተመ-ሀሩ ልሳነ፡ ግእዝ” እናበልካ ህድእ ኢልካ ኣናብባ ፈሊኻ እናኣጽናዕካ ምንባብ እዩ።
፫. ወርድ ንባብ፡- ቀስ እናበልካ ቃላት ነንበይኖም እተንብበሉ ሣልሳይ ደረጃ ንባብ እዩ።
ንኣብነት፡ “ተመሀሩ ልሳን ግእዝ” ንዝብል ንባብ “ተመሀሩ፡ ልሳነ-ግእዝ” እናበልካ ቃላት ፈሊኻ ምንባብ እዩ።
፬. ዓቢይ ንባብ፦ ኣነጺርካ ንሰማዒ ንጹር ብዚኾነ መንገዲ እተንብበሉ ደረጃ ንባብ እዩ።
ንኣብነት፦ ተመሀሩ ልሳነ ግእዝ።
፭. ድጋም ንባብ፦ ናይ ጸሎትን ኣስተንትኖን ንባባት ዚንበቡሉ ቅልጥፍ ዚበለን ንሕሊና ብዚጥዕም ኣገባብን ዚንበበሉ ዓይነት ንባብን እዩ። ንኣብነት፡- ኣናብባ ወንጌል፡ ተኣምረ ማርያም . . . ኣብ ቤተ ክርስቲያን።

ከምኡ'ውን፦

፩. ንባበ መጽሐፍ፦ ኣብ መዕረፊ እናዕረፍካ ዚንበብ።
፪. ንባበ መልክዕ፦ ኣብቲ ቤቱ ወይ ግጥሙ እናዕረፍካ ዚንበብ።
፫. ንባበ ዳዊት፦ ኣብ መሥመሩ እናዕረፍካ ዚንበብ።
፬. ንባበ ቅኔ፦ ከም መልክዕ ኣብ ቤቱ እናዕረፍካ ዚንበብ።
፭. ንባበ ጸሎት፦ ንባቡ ከይፈለኻ ብመልክዕ ድጋም ዚንበብ . . . ተባሂሎም ከከም ሥርዓተ ኣናብባኡ ይኽፈል እዩ።

* ከም ፍቓድ ኣምላኽ ንዝቕጽል ሥርዓተ ንባብ ክንመሃር ኢና።

ወስብሐት ለእግዚአብሔር!

Our Faith

The Eritrean Orthodox Tewahdo Church is the one Apostolic and Universal, and, for authenticatitly,ng righ
A.  It is stated as ‘Eritrean’ for it is located  within Eritrea’s sovereign integrity, 
B.  And it is affirmed that it is ‘Orthodox’ for  the Church has the true faith,
C.  And is called ‘Tewahdo’ for it believes   Read More . . . 

ርኸቡና

ኦርቶዶክስ ተዋሕዶ ቤተ ክርስቲያን ኤርትራ
ፖ.ሳጹን ቁጽሪ 728
ኣስመራ፡ ኤርትራ
ቴለ፡ +291-1-184290/182270
ፋክስ፡ +291-1-182195