banner

ኣቲና ዶ ቓል ኪዳን፧

ኣቲና ዶ ቓል ኪዳን፧

ሓድሽ ዘመን መጺኡ
ሓድሽ ዘመን ኣትዩ
ትማሊ ኃሊፉ
ሎሚ ምሳና ተሪፉ።

ከባቢ ለምሊሙ ብሠናይ ክራማት
ኣእካል’ውን ክህቡ ዘለዎም ፍርያት
ነቲ ዅሉ ዝህበና ከነመስግን
ብኃባር ኵልና ኣቲና ዶ ቃልኪዳን፧

ተቐዲስና ኢና ቅዱስ ክንዛረብ
ሠናይ’ውን ዘበለ ንዅሉ ክንሓስብ
ካብቲ ዅሉ ዝህብ በረኸት ክንረክብ።

ጸኒዕና ክንነብር ኣብዛ ተዋሕዶና
በዚ ሓድሽ ዘመን እንታይ ኮን ሓሲብና፧
ንዝበደልናዮ ክንብል ይቕሬታ
ምእንቲ ክንርኅቕ ካብ ዘይጠቅም ቂምታ ምስ ሓሜታ
ዋጋና ክንወስድ ብሓጐስ ብዕልልታ
ሂብና’ሎ ዕድመ ልዑል ጐይታ።

ዕድመ ካብ ሃበና ንዅሉ ዝኸውን
ብሓቂ ኢልና ፈጸምቲ ክንከውን
ሕጂኸ ዅልና ኣቲና ዶ ቃልኪዳን፧
ይኣኽለና ዶኾን ናይ ሥጋ ዘበለ
ዋጋ ካብ ዘይብሉ ከንቱ’ውን ካብ ኮነ
ጸጋና ፈሊጥና ብዅሉ ክንጥቀም
ህድእ ኢልና ንሕሰብ ኣብዛ ሃይማኖትና
በዚ ሓድሽ ዘመን እንታይ ኮን ሓሲብና፧

ሓድሽ ዘመን መጺኡ
ሓድሽ ዘመን ኣትዩ
ትማሊ ኃሊፉ
ሎሚ ምሳና ተሪፉ።

ነርክበሉ ኣይንበል ንዳሎ ብተሎ
ነጻፍፍ ንዅሉ ዕዳ’ውን እንተሎ
ጊዜኡ ዘይፍለጥ ወሳዲ’ውን ኣሎ።

ንስሓ ንእቶ ናብ ካህን ቀሪብና
ብሥጋ ወደሙ ክንነብር ጸኒዕና
ምእንቲ ክንረክብ ማኅተም መእተዊና
ተስፋና ናብ ዝኾነት ሰማያዊት ሃብትና።

ክህበና ዅሉ ጥበብን ትዕግሥትን
ተኻፈልቲ ክንከውን መኣዲ ቤተ ክርስቲያን
ድልዋት ክንከውን ነዚ ሓድሽ ዘመን
ብኃባር ኵልና ኣቲና ዶ ቃል ኪዳን፧

ሓድሽ ዘመን መጺኡ
ሓድሽ ዘመን ኣትዩ
ትማሊ ኃሊፉ
ሎሚ ምሳና ተሪፉ።

ወስብሐት ለእግዚአብሔር!

Our Faith

The Eritrean Orthodox Tewahdo Church is the one Apostolic and Universal, and, for authenticatitly,ng righ
A.  It is stated as ‘Eritrean’ for it is located  within Eritrea’s sovereign integrity, 
B.  And it is affirmed that it is ‘Orthodox’ for  the Church has the true faith,
C.  And is called ‘Tewahdo’ for it believes   Read More . . . 

ርኸቡና

ኦርቶዶክስ ተዋሕዶ ቤተ ክርስቲያን ኤርትራ
ፖ.ሳጹን ቁጽሪ 728
ኣስመራ፡ ኤርትራ
ቴለ፡ +291-1-184290/182270
ፋክስ፡ +291-1-182195