banner

መስቀል

                 በስመ አብ ወወልድ ወመንፈስ ቅዱስ አሐዱ አምላክ!

                      መስቀል

ጐይታ ዓለማት ክርስቶስ፡ ዝተሰቕለሉ መስቀል
ምሥጢሩ ዓሚቝ’ዩ ታሪኽ እንተ ዝግንጸል
እስራኤላዊ ቀሲኑ ምድረ ተስፋ ከይርኢ
ኪለዓል ጀመረ ናይ ኣማሌቅ ጸብኢ

በትሪ ኣምላኽ መስቀል ተላዕለ ብእምነት
ንኃይሊ ሥጋ ኢያሱ ከድኅኖ ካብ ስዕረት
ክፍኣት ለሚዶም እስራኤላውያን በደሉ
ግና ኣይከኣሉን ኣብ ኃጢኣት ከጽልሉ

መቕጻዕቲ ኣምላኽ መሪራ መመሊሳ በርቲዓ
ከተውድቖም ጀመረት ናብ መሬት መንዚዓ
ምሕረት ኣምላኽ እንተኾነት ተዓጊሣ ጸኒሓ
ድኅነት ኣጽለለት ዳስ መስቀል ሠሪሓ

ትእምርቲ’ዩ ኢሉ ዳዊት ዘሚርሉ
ንእኡ ዓጢቕካ ክልል ዓለም ትሰግረሉ
ጌና እንከሎ ነቢያት ተዛሪቦም
ጸጋ ኣምላኽ ፈልፋሊ ነቲዑ ኣብ ልቦም

ኣብ መስቀል ዝተሰቕለ ጐይታ’ውን ብፍቕሩ
ድኅነት ኣዳም ኣዊጁ ንሰይጣን ስዒሩ
ነዊኅ ከይጸንሐ ድኅሪ ስቕለት ናይ ጐይታ
ዝተተኽለ መስቀል ኣብ ማእከል ጎልጎታ

ፀሓይ ሰይጣን ዝመረሮም ከጽልልሉ ምስ ጀመሩ
ዳግማይ ከፍርስዎ ኣይሁድ ተማኸሩ
ጐሓፍ ሓንጐል ተንኮል ኣብ ልዕሊኡ ብምጕሓፍ
ፍጹም ኣጥፍእዎ ታሪኽ ከይጸሓፍ


ብዙኅ ከይጸንሐ ኪቕጽል ብኸምኡ
ሓሳባት ኣምላኽ እሌኒ ምስ ወዳ ተንሥኡ
ኃይሉ ኣይገደፈን ዋላ እንተተቐብረ
ሕጅ’ውን ኣርእዩ ዓይኑ ዝዓወረ

ፍቓድ ኣምላኽ ኮይኑ ተረኺቡ መስቀል
ምእንቲ ኪሳለሙ ዝኣምኑ ብወንጌል

ሕጂ ኸኣ እንሆ ዳግማይ ኣይሁድ መናፍቓን
መስቀል ኪደፍኑ እንተተንሥኡ ብህዳን
ክሕደት ጕሒፎም ኪቐብርዎ እንተፈተኑ
ከጥፍእዎ ኣይከኣሉን ኣምላኻዊ ብምዃኑ

ኃይሊ ጸብኢ ስዒሩ ማይ ድኅነት ዘስቲ
መመክሒ ኢልዋ ጳውሎስ ኣብ መልእክቱ
ስለዚ ምእመናን!
መመክሒ’ና እዩ እሞ ሕጂ’ውን እንደገና
ሰይጣን ኪሰዓር ኣይፈለ መስቀል ካብ ክሣድና!!!

ወስብሐት ለእግዚአብሔር!

Our Faith

The Eritrean Orthodox Tewahdo Church is the one Apostolic and Universal, and, for authenticatitly,ng righ
A.  It is stated as ‘Eritrean’ for it is located  within Eritrea’s sovereign integrity, 
B.  And it is affirmed that it is ‘Orthodox’ for  the Church has the true faith,
C.  And is called ‘Tewahdo’ for it believes   Read More . . . 

ርኸቡና

ኦርቶዶክስ ተዋሕዶ ቤተ ክርስቲያን ኤርትራ
ፖ.ሳጹን ቁጽሪ 728
ኣስመራ፡ ኤርትራ
ቴለ፡ +291-1-184290/182270
ፋክስ፡ +291-1-182195