banner

ሥነ ፍጥረት ንሕፃናት!

በስመ አብ ወወልድ ወመንፈስ ቅዱስ አሐዱ አምላክ!

ሥነ ፍጥረት ንሕፃናት!

እግዚአብሔር ገባሬ ኵሉ ኣምላኽ ስለ ዝኾነ ኣብ ምድርን ኣብ ሰማይን ንዘሎ ኵሉ ብኃይሊ ሥልጣኑ ፈጠሮ። እግዚአብሔር ዘይፈጠሮ ዋላ ሓደ ነገር እኳ የልቦን። እቲ ዝርአን ዘይርአን ኵሉ እግዚአብሔር ዝፈጠሮ ተግባር ኣእዳዉ እዩ።

ፈጣሬ ፍጥረታት እግዚአብሔር ክፈጥር ከሎ፡ “ለይኩን/ይኹን” እናበለ ብኃይሊ ቃሉ በብመዓልቱ ንዅሉ ከም ፍቓዱ ፈጠሮ። ዝኾነ መሣርሒ ኣይተጠቕመን። ሥልጣኑ ኽምርመር ዘይከኣል ስለ ዝኾነ ከመይ ገይሩ ደኣ ነዚ ዅሉ ክገብሮ ከኣለ ክንብል ኣይንኽእልን። ብዘይ ገለ ምጥርጣር ብፍጹም እምነት ኢና ኽንቅበሎ ዝግብኣና።

እግዚኣብሔር ዝፈጠሮም ፍጥረታት ሓደ ብሓደ እንተዝቝጸሩ ፍጡር ቈጺሩ ዝውድኦም ኣይኮነን። በብወገኖም ካብ ብዙኅ ሓደ ሓደ እናበልካ እንተተቘጽሩ ግና ዕሥራን ክልተን እዮም። ካብዞም 22 ፍጥረታት ግና ሰብን መላእኽትን ስሙ ንምቕዳስን ክብሩ ንምውራስን ዝተፈጥሩ እዮም። ካልኦት ዝተረፉ ፍጥረታት ድማ ንኣንክሮን ተዘክሮን (መዝ. 19፥1) ከምኡ ውን ንመግበ ሥጋ (ኣዝርእት፡ ኣትክልት . . . ) ንመግበ ነፍስ (ሥርናይ ንቅዱስ ሥጋኡ፡ ወይኒ ንክቡር ደሙ፡ ዕጣን ንመሥዋዕቲ) ዝተፈጥሩ እዮም። ንዅሎም ፍጥረታት ካብ ሰንበት ክሳዕ ዓርቢ ኣብ ሽድሽተ መዓልቲ ፈጠሮም።

• ኣብ ዕለተ እሑድ (ሰንበት) እግዚአብሔር ሸሞንተ ፍጥረታት ፈጠረ። ንሳቶም ከኣ፦ ሓዊ፡ ነፋስ፡ ማይ፡ ሓመድ(መሬት)፡ ጸልማት፡ ሰማያት፡ መላእኽቲ፡ ብርሃን እዮም። (ዘፍ. 1፡1)
ነቲ ሓደ ካብ መላእኽት ዝኾነ ሳጥናኤል ልዕሊ ዅሎም መላእኽቲ ሓለቓ ኣዛዚ ገበሮ። ሳጥናኤል ወይ ሰይጣን ግና ብትዕቢት ‘ኣነ እየ ፈጣሪ’ ኢሉ ተላዕለ። በዚ ጊዜ’ዚ ኣብ ሰፈር መላእኽቲ ዓቢይ ምንዋጽ ኮነ። ሓደ ካብ መላእክት ቅዱስ ገብርኤል፦ ‘ንፈጠሪና ክሳዕ ንፈልጥ ኣብ ዘዘለናዮ ንጽናዕ’ በለ። በዚ ቃል’ዚ ብዙኃት ክጸናንዑ ከለዉ፣ ገሊኦም ግና ‘ፈጣሪና ሳጥናኤል እዩ’ በሉ፣ ገሊኦም ድማ ተጠራጢሮም ስቕ በሉ። በዚ ጊዜ’ዚ እግዚአብሔር ኣምላኽ ተገልጸሎም እሞ ሳጥናኤልን ሰዓብቱን ተቐጺዖም ካብ ኽብሮም ተዋረዱ። ሳጥናኤል ስሙ ብሰይጣን ወይ ዲያብሎስ ተተክአ፣ ሰዓብቱ ድማ ኣጋንንቲ ተባህሉ። እዚኦም ወትሩ ንደቂ ሰባት እናፈተኑ ናብ ክፉእ ዝመርሑ እዮም።

• ኣብ ዕለተ ሰኑይ፡ ነቲ ካብ ምድሪ ክሳዕ ሰማይ መሊኡ ዝነበረ ማይ ከፈሎ።

• ኣብ ዕለተ ሠሉስ ብኣፃብዕቲ ዝልቐሙ ኣታኽልቲ፡ ብማዕጺድ ዝዕጸዱ ኣዝርእቲ፡ ብፋስ ዝቝረጹ ኣግራብ ፈጠረ።

• ኣብ ዕለተ ረቡዕ ንፀሓይን ወርኅን ከዋኽብትን ፈጠረ።

• ኣብ ዕለተ ኃሙስ፦ ኣብ ባሕሪ ተወሲኖም ዝነብሩ ብኸብዶም ዝኸዱ፡ ብእግሮም ዝኸዱ፡ ብኽንፎም ዝበሩ እንስሳታትን ኣእዋፍን ፈጠረ።

• ኣብ ዕለተ ዓርቢ ድማ ኣብ ምድሪ ዝነብሩ እንስሳታትን ኣእዋፍን ኣራዊትን ከምኡ’ውን ብመልክዑን ብኣምሳሉን ንሰብ ፈጠረ።

ኣብ ሻብዓይ መዓልቲ ብዕለተ ቀዳም ግና ፍጥረታት ካብ ምፍጣር ኣዕረፈ።

ፍቁራን ሕፃናት፡ ብሓፈሻ ካብዚ ሎሚ ዝተመሃርናዮ እንርድኦ፦

• እግዚአብሔር ኣምላኽ ፈጣሬ ኵሉ፡ ገባሬ ኵሉ ኣምላኽ ምዃኑ፣
• ሳጥናኤል ብትዕቢቱን ብሓሶቱን ምስ ሰዓብቱ ካብ ኽብሩ ከምዝተዋረደ፣
• ሓሶት፡ ትዕቢት፡ ዘይንብረትካን ዘይሥልጣንካን ምትምናይ ከምኡ’ውን ተጠራጣሪ ምዃን ከቢድ ኵነኔ ከምዘስዕብ፣
• እግዚአብሔር፡ ንዅሉ ምስ ፈጠረ ካብ ኵሉ ኣብሊጹ ብመልክዑ ንሰብ ከም ዝፈጠረ፣
• ከምቲ እግዚአብሔር ንዕለተ ቀዳም ፍጥረታት ካብ ምፍጣር ኣዕሪፉ ዘኽበራ ንሕና’ውን ንቀዳመ ሰንበትን በዓላትን ከነኽብር ከምዝግባእ፣
• . . .

ፍቁራን ሕፃናት፡ ኣብ ዝመጽእ ትምህርትና ብዛዕባ ኣዳምን ሔዋንን ክንመሃር ኢና። እግዚአብሔር ብሰላሙ የጽንሓና።

ስብሐት ለእግዚአብሔር

ወለወላዲቱ ድንግል

ወለመስቀሉ ክቡር!

ገባሬ ተአምር ሓዋርያ ቅዱስ ቶማስ

በስመ አብ ወወልድ ወመንፈስ ቅዱስ አሐዱ አምላክ

ገባሬ ተአምር ሓዋርያ ቅዱስ ቶማስ

ሓዋርያ ቅዱስ ቶማስ ሓደ ኻብቶም ድኅሪ ትንሣኤ ጐይታ ኣብ በዓለ መንፈስ ቅዱስ ጸጋ መንፈስ ቅዱስ ተቐቢሎም ነናብ ብዕጫ ዝበጽሖም ሃገረ ስብከቶም ዝኸዱ ዓሰርተው ክልተ ሓዋርያት እዩ። ንሓዋርያ ቶማስ ብዕጫ ዝበጽሖ ሃገረ ህንድ እዩ። ኣብዚ ዓዲ ምስ ኣተወ፡ ‘እንታይ ሞያ ኣለካ’ በልዎ። ንሱ ድማ “ምንዳቕን ምጽራብን ምሕናፅ ቤተ ምኵራብን . . . እኽእል እየ” ብምባል ኽእለቱ ገለጸሎም።

ተውሳክ፡ . . .ገባሬ ተአምር ሓዋርያ ቅዱስ ቶማስ

ታሪክ ሠለስቱ ደቂቅ ንሕፃናት

በስመ አብ ወወልድ ወመንፈስ ቅዱስ አሐዱ አምላክ!

ታሪክ ሠለስቱ ደቂቅ ንሕፃናት

ከመይ ቀኒኹም ሕፃናት ሎሚ ብዛዕባ ታሪኽ ሠለስቱ ደቂቅ ክንመሃር ኢና!

ኣናንያ ኣዛርያ ሚሳኤል ዝበሃሉ ሠለስተ መንእሰያት ነበሩ። እዞም መንእሰያት’ዚኦም ብምርኮ ኣብ ባቢሎን ይነብሩ ነበሩ። ኣብቲ ነቢይ ዳንኤል ብልዒ ንጉሥ በሊዑ ንኸይረክስ ቆሎ ቘርጢሙን ማይ ሰትዩን ክኃድር ከሎ፣ እዞም ሠለስተ መንእሰያት ከኣ ምስኡ ሠሚሮም ነበሩ። ንእግዚአብሔር ድማ ኣዝዮም ይፈትውዎ ነበሩ።

ካብ ዕለታት ሓደ መዓልቲ ንጉሥ ናቡከደነጾር ኣዚዩ ነዊኅ ብወርቂ ዝተገብረ፡ ምስሊ ኣቒሙ ንዅሉ ሕዝቢ ናብዚ ምስሊ’ዚ ክሰግድ፡ እቲ ዘይሰገደ ግና ኣብቲ እቶን ሓዊ ክድርበ ምዃኑ ኣወጀ። እዞም ሠለስተ እስራኤላውያን መንእሰያት ግና ኣብቲ ዝተባህለ እቶን ሓዊ ከይድርበዩ ኣይፈርሑን። ንንጉሥ ከኣ “ኦ ንጉሥ ንሕና ነዚ ንስኻ ዘቖምካዮ ምስሊ ኣይንሰግድን፣ ምኽንያቱ እነምልኾ ኣምላኽ ኣሎና፡ ካብዚ ሓዊ ድማ ከድኅነና ስለዝኽእል ንእኡ ጥራይ ኢና ንሰግድ” በልዎ።

ተውሳክ፡ . . . ታሪክ ሠለስቱ ደቂቅ ንሕፃናት

ደቀየ ፡ ንዑ ስምዑኒ ፍርሃት እግዚአብሔር ክምህረኩም እየ

በስመ አብ ወወልድ ወመንፈስ ቅዱስ አሐዱ አምላክ።

ንዑ ደቂቅየ ወስምዑኒ ፈሪሀ እግዚአብሔር እመሀርክሙ።(መዝ ፴፫፡፲፩)

ደቀየ ፡ ንዑ ስምዑኒ ፍርሃት እግዚአብሔር ክምህረኩም እየ።(መዝ 33፡11)

   እግዚአብሔር ዝፈትወኩም ሕጻናት ከመይ ኣሎኹም ፡ ናብዚ ሰዓትን እዝን ዕለትን ብሰላም ዘብጸሓና እግዚአብሔር ዝኸበረን ዝተመስገነን ይኹን። ልበ ኣምላክ ኣቦና ቅዱስ ዳዊት “ደቀይ ንዑ ስምዑኒ ፍርሃት እግዚአብሔር ክምህረኩም እየ” ከም ዝበለ ቅድስት ቤተ ክርስቲያንና ንዝመጽእ ሰሙን ካብ ሰኑይ ክሳዕ ረቡዕ ዝቅጽል ፍርሃተ እግዚአብሔር እንመሃረሉ ጾመ ነነዌ ተባሂሉ ዝፍለጥ ጾም ክንጸውም ትእዝዘናን ትምህረናን እያ። ናይዚ ጾም እዚ ኣመጻጽኣ ድማ ከምዚ ዝስዕብ እዩ።

ተውሳክ፡ . . .ደቀየ ፡ ንዑ ስምዑኒ ፍርሃት እግዚአብሔር ክምህረኩም እየ

ግጥሚ

በስመ አብ ወወልድ ወመንፈስ ቅዱስ አሐዱ አምላክ!
              ግጥሚ
ስማዕ ኢኻ ስማዕ ንኡስ ተመሃሪ፤
ሎሚ ትኸውን እሞ ናይ ፊደል ቈጻሪ፤
ንዳኅራዩ ትድይብ ናብ ዓቢይ ክብሪ፤
ኣምላኽ ዚህበካ ባዕሉ እቲ ፈጣሪ።

ፊደል ሀሁ እዩ መሠረት ንዅሉ፤

ተውሳክ፡. . .ግጥሚ

ፍቕሪ ቤተ ክርስቲያን

በስመ አብ ወወልድ ወመንፈስ ቅዱስ አሐዱ አምላክ!

ፍቕሪ ቤተ ክርስቲያን

ዝኸበርኩም ሕፃናት “ቤተ ክርስቲያን” ዝብል ቃል እንታይ ማለት ምዃኑ ትፈልጡ`ዶ፧ ኦርቶዶክሳዊት ተዋሕዶ ቤተ ክርስቲያንና ከም እትምህረና። “ቤተ ክርስቲያን” ዝብል ቃል ንሠለስተ ነገራት የመልክት፣
1. ቀዳማይ፦ ንሕንፃ ቤተ ክርስቲያን፥
2. ካልኣይ፦ ንብስም አብን ወልድን መንፈስ ቅዱስን ዝተኣከቡ ጉባኤ ምእመናን፥
3. እቲ ሣልሳይ፦ ከኣ ንሕና ነፍሲ ወከፍና(ገዛእ ርእስና) ቤተ ክርስቲያን ከም እንበሃል ቤተ ክርስቲያንና አስፊሓ ትምህረና።

ዝኸበርኩም ሕፃናት (ኣንበብቲ)! ሕጂ ኣብ’ዚ ኣርእስትና እንመሃሮ ትምህርቲ ብዛዕባ ፍቕሪ ምስ ሕንፃ ቤተ ክርስቲያንና ከመይ ኪኽውን ከም ዘለዎ እዩ፣

ተውሳክ፡ . . .ፍቕሪ ቤተ ክርስቲያን

Our Faith

The Eritrean Orthodox Tewahdo Church is the one Apostolic and Universal, and, for authenticatitly,ng righ
A.  It is stated as ‘Eritrean’ for it is located  within Eritrea’s sovereign integrity, 
B.  And it is affirmed that it is ‘Orthodox’ for  the Church has the true faith,
C.  And is called ‘Tewahdo’ for it believes   Read More . . . 

ርኸቡና

ኦርቶዶክስ ተዋሕዶ ቤተ ክርስቲያን ኤርትራ
ፖ.ሳጹን ቁጽሪ 728
ኣስመራ፡ ኤርትራ
ቴለ፡ +291-1-184290/182270
ፋክስ፡ +291-1-182195