banner

“ክርስቶስ፡ ትንሣኤ ሥጋና ምእንቲ ከረድኣና ተንሥአ”

በስመ አብ ወወልድ ወመንፈስ ቅዱስ አሐዱ አምላክ!

“ክርስቶስ፡ ትንሣኤ ሥጋና ምእንቲ ከረድኣና ተንሥአ”

ጐይታናን መድኃኒናን ኢየሱስ ክርስቶስ ኣብ ውሽጢ መቓብር ሠለስተ መዓልትን ሠለስተ ለይትን ገይሩ መቃብር ክፈቱለይ መግነዝ ፍትሑለይ ከይበለ ሙስና መቓብር ኣጥፊኡ ተንሥአ። እዚ ኸኣ ወዲ ሰብ ኣብ ውሽጢ መቓብር ፈሪሱን በስቢሱን ከምዘይተርፍን ኣብ መወዳእታ መዓልቲ እውን ከም ዝትንሥእ ዘረድእ እዩ። “ ካብ ሞት ተንሢኡ ናይ ዝሞቱ ኵሉ’ውን በዅሪ ስለዝኾነ ናይ ትንሣኤኦም ጀማሪ እዩ” ሮሜ 8፡29-34 ከምኡ’ውን “ጐይታና ኢየሱስ ክርስቶስ ካብ ምዉታን ተፈልዩ ከም ዝተንሥአ ንኣና’ውን ብሓድሽ ትንሣኤ ከም ዘተንሥኣና ንፈልጥ ኢና” 2ይ ቆሮ. 4፡14 ከምዝብል ጐይታና በዅሪ ትንሣኤ ገይሮም ኵሎም ካብ ኣዳም ክሳዕ ምጽኣተ ክርስቶስ ካብዚ ዓለም ብሞት ዝተፈልዩን ዝፍለዩን ደቂ ሰባት ኵሎም ብነፍስን ብሥጋን ሓድሽ ሕይወት ለቢሶም ኪትንሥኡ እዮም። “ክርስቶስ ናይ ሥጋና ምትንሣእ ምእንቲ ከረድኣና ተንሥአ” ከምዝብል። (መቅድመ ወንጌል)።

Read more: “ክርስቶስ፡ ትንሣኤ ሥጋና ምእንቲ ከረድኣና ተንሥአ”

ነገረ ተዋሕዶ - ምሥጢረ ሥጋዌ 3ይ ክፋል


በስመ አብ ወወልድ ወመንፈስ ቅዱስ አሐዱ አምላክ!

ነገረ ተዋሕዶ

ፍጹም ኣምላኽ ዝኾነ ኣካላዊ ቃል እግዚአብሔር ወልድ፡ ፍጹም ሰብ ዝኾነ ብተዋሕዶ እዩ። ብተዋሕዶ ማለት ድማ እንበለ ውላጤ (ብዘይ ምልዋጥ)፡ እንበለ ሚጠት (ብዘይ ምምላስ)፡ እንበለ ኅድረት (ብዘይ ምኅዳር)፡ እንበለ ቱሳሔ (ብዘይ ምድብላቕ)፡ እንበለ ቡዓዴ (ብዘይ ምፍልላይ)፡ እንበለ ትድምርት (ብዘይ ምድራብ) እዩ።

ካብዚ ቀጺልና ነዞም ነጥብታት ሓደ ብሓደ ብዝርዝር ክንገልጾም ኢና፡ ጐይታናን ኣምላኽናን መድኃኒናን ኢየሱስ ክርስቶስ ምሥጢሩ ይግለጸልና!

ተውሳክ፡ . . . ነገረ ተዋሕዶ - ምሥጢረ ሥጋዌ 3ይ ክፋል

“ወነአምን በመንፈስ ቅዱስ እግዚእ ማሕየዊ/ ጐይታን መሕወይን ብዝኾነ መንፈስ ቅዱስ ንኣምን”

መንፈስ ቅዱስ እግዚአብሔር እዩ!

ጐይታናን ኣምላኽናን መድኃኒናን ኢየሱስ ክርስቶስ ክብርን ምስጋናን ንእኡ ይኹን እሞ! ካብ ዝዓርግ ኣብ ዓሥራይ መዓልቲ፡ ካብ ዝትንሥእ ኣብ ኃምሳ መዓልቲ ቅዱሳን ሓዋርያት መንፈስ ቅዱስ ተቐበሉ። መንፈስ ቅዱስ ኣብ ልዕሊ ሓዋርያት ወረደ ክበሃል ከሎ ብፍሉይ ኣካሉ መንፈስ ቅዱስ ወረደሎም ማለት ኣይኮነን። እንታይ ደኣ! ጸጋ መንፈስ ቅዱስ ተዋህቡ ንምባል እዩ። ፈርሓት ዝነበሩ ተብዓት ኮኑ፣ ካብ ብልየት ተሓደሱ፣ ብኣእምሮ በርትዑ፡ ምሥጢር ተርጐሙ፣ ሓደ ቋንቋ ዝፈልጡ ዝነበሩ ሰብዓን ሓደን ቋንቋ ተገሊጽሎም ብሰብዓን ክልተን ቋንቋ ተዛረቡ። (ግብ. ሓዋ. 2፡2-10) “እምበኣርከ በብዓይነቱ ውህበት ኣሎ፣ መንፈስ ቅዱስ ግና ሓደ ንሱ እዩ። በብዓይነቱ ኣገልግሎት ኣሎ ጐይታ ግና ሓደ ንሱ እዩ። በብዓይነቱ ዝኾነ ተግባራት ኣሎ እቲ ኣብ ኵላቶም ኵሉ ዚገብር ኣምላኽ ግና ሓደ ንሱ እዩ።” ከም ዝብል (1ይ ቆሮ. 12፡1-11) መንፈስ ቅዱስ ሓደ ክንሱ ዝተፈላለየ ጸጋ ዝህብ ኣምላኽ እዩ።

ተውሳክ፡ . . . “ወነአምን በመንፈስ ቅዱስ እግዚእ ማሕየዊ/ ጐይታን መሕወይን ብዝኾነ መንፈስ ቅዱስ ንኣምን”

ምሥጢረ ቍርባን

በስመ አብ ወወልድ ወመንፈስ ቅዱስ አሐዱ አምላክ!

ምሥጢረ ቍርባን

‘ቍርባን’፦ ማለት መንፈሳዊ ኣምኃ፣ መሥዋዕት፣ መባእ . . . ንእግዚአብሔር ኣምላኽ ዝቐርብን ዝወሃብን እዩ። ኣብ ዘመነ ብሉይ፡ ንእግዚአብሔር ዝቐርብ መሥዋዕቲ እንስሳን እኽልን ቍርባን ይብሃል ነበረ። (ዘሌ. 4፥1-35፤ 5፥1-19፤ 6፥1-30፤ 7፥1-15) ኣብ ሓዲስ ኪዳን ግና ቍርባን ዚበሃል ናይ ጐይታናን መድኃኒናን ኢየሱስ ክርስቶስ ሥጋን ደምን እዩ። (ማቴ. 26፥26፤ 1ይ ቆሮ. 11፥24-27) “ሥጋይ ብልዒ ሓቂ እዩ እሞ ደመይ ከኣ መስተ ሓቂ እዩ። እቲ ሥጋይ ዚበልዕ ደመይ ውን ዚሰቲ ኣባይ ይነብር ኣነ’ውን ኣብኡ እነብር።” ዮሓ. 6፡55

ተውሳክ፡ . . .ምሥጢረ ቍርባን

“መቅድመ ኵሉ ንሰብክ ሥላሴ ዕሩየ ወቅዱሰ"

በስመ አብ ወወልድ ወመንፈስ ቅዱስ አሐዱ አምላክ!

“መቅድመ ኵሉ ንሰብክ ሥላሴ ዕሩየ ወቅዱሰ ዘውእቶሙ አብ ወወልድ ወመንፈስ ቅዱስ/ ቅድሚ ኵሉ ብኣካል ፍሉይ ብኽብሪ ሓደ ንዝኾነ ሥላሴ ንሰብኽ። ንሱ ድማ አብ ወልድ መንፈስ ቅዱስ እዩ።”

ምሥጢረ ሥላሴ ብስፍሓትን ምልኣትን ዝተገልጸሉ ቅዱስ ጎርጎርዮስ “መቅድመ ኵሉ ንሰብክ ሥላሴ ዕሩየ ወቅዱሰ ዘውእቶሙ አብ ወወልድ ወመንፈስ ቅዱስ/ ቅድሚ ኵሉ ብኣካል ፍሉይ ብኽብሪ ሓደ ንዝኾነ ሥላሴ ንሰብኽ። ንሱ ድማ አብ ወልድ መንፈስ ቅዱስ እዩ።” ከም ዝበሎ፡ ልዕሊ ዅሉን ቅድሚ ዅሉን ምሥጢረ ሥላሴ ምምሃር ይግብኣና። ምኽንያቱ ኣብ ቅድስት ቤተ ክርስቲያን መጺእና ምጥማቕና፤ ምሥጢራተ ቤተ ክርስቲያን ምፍጻምናን ሠናይ ግብሪ ክንገብር ምእዛዝናን፤ ብኣርኣያ ሥላሴ ተፈጢርና ዝተዳለወልና ዘለዓለማዊ ርስቲ መንግሥተ ሰማያት ንምእታውን ንእኡ ምውራስን ስለ ዝኾነ እዩ። ርስቲ ኣቦኡ ኪወርስ ዚደሊ ውሉድ፤ ስም፡ መንነትን ርስትን ኣቦኡ ብዝግባእ ኣለልዩ ኪፈልጥ ከምዝግባእ፤ ንሕና’ውን ርስቲ ሥላሴ ዝኾነት መንግሥተ ሰማያት ንምውራስ ሓድነትን ሠለስትነትን ሥላሴ ብዝግባእ ምፍላጥ ይግባእ።

ተውሳክ፡ . . .“መቅድመ ኵሉ ንሰብክ ሥላሴ ዕሩየ ወቅዱሰ"

ምሥጢረ ጥምቀት (1ይ ክፋል)


በስመ አብ ወወልድ ወመንፈስ ቅዱስ አሐዱ አምላክ!

ምሥጢረ ጥምቀት (1ይ ክፋል)

‘ጥምቀት’፦ ካብ ‘አጥመቀ’ ዝብል ግእዛዊ ልሳን ዝተረኽበ ኮይኑ መላእ ሰብነትካ ብማይ ምሕጻብ ማለት እዩ።
ጥምቀት፡ ባዕሉ ጐይታናን መድኃኒናን ኢየሱስ ክርስቶስ ተጠሚቑ ዝጀመሮ፡ ከምኡ’ውን “ዝኣመነ ዝተጠምቀ ይድኅን” (ማር. 16፡16) ክብል ዝመሃሮ፡ “ኪዱ ንዅሎም ኣሕዛብ ብስም አብን ወልድን መንፈስ ቅዱስ እናኣጥመቕኩምን ዝኣዘዝኩኹም ዅሉ ኺፍጽሙ እናመሃርኩምን ደቀ መዛሙርተይ ግበርዎም”(ማቴ. 28፡19) ኢሉ ኣዚዙ ዝመሥረቶ እዩ።

ተውሳክ፡ . . . ምሥጢረ ጥምቀት (1ይ ክፋል)

Our Faith

The Eritrean Orthodox Tewahdo Church is the one Apostolic and Universal, and, for authenticatitly,ng righ
A.  It is stated as ‘Eritrean’ for it is located  within Eritrea’s sovereign integrity, 
B.  And it is affirmed that it is ‘Orthodox’ for  the Church has the true faith,
C.  And is called ‘Tewahdo’ for it believes   Read More . . . 

ርኸቡና

ኦርቶዶክስ ተዋሕዶ ቤተ ክርስቲያን ኤርትራ
ፖ.ሳጹን ቁጽሪ 728
ኣስመራ፡ ኤርትራ
ቴለ፡ +291-1-184290/182270
ፋክስ፡ +291-1-182195