banner

ሥሩዕ ጉባኤ ቅዱስ ሲኖዶስ ተቓኒዑ!

ሥሩዕ ጉባኤ ቅዱስ ሲኖዶስ ተቓኒዑ!

ድኅሪ ዓቢይ ጾም ኣብዚ ዘመነ ትንሣኤ ብዕለት 10 ግንቦት 2010 ዓ.ም.ግ. (18/05/2018 ዓ.ም.ፈ.) ሥሩዕ ጉባኤ ቅዱስ ሲኖዶስ ተቓኒዑ።

ኣብዚ ጉባኤ’ዚ ዝተፈላለዩ መንፈሳውን ምምኅዳራውን ልምዓታውን ኣጀንዳታት ክቐርቡ ከለዉ ድኅሪ ዝተገብረ ዓሚቝ ዘተ ውሳኔታት ኃሊፍሎም።

ኣብዚ ጉባኤ’ዚ ካብ ዝቐረበ ጸብጻብ እቲ ሓደ ብዛዕባ ጉዳይን ንግደትን ሃገር ቅድስት ኢየሩሳሌም እዩ። ዓመት መጸ ኣብ እዋን ትንሣኤ ዝካየድ ንግደት እናዓበየን እናሰፈሐን ይመጽእ ብምህላዉ፣ ዓቕሚ ቤተ ክርስቲያን ክብ ብምባል ጠለብ ነጋድያን ንምምላእ ኣብ ክንዲ ኣብ ዓመት ሓንሳብ ዝኸውን ክሳብ ሠለስተ እዋን ንግደት ንምክያድ ዘፍቕድ ምስ ዝምልከቶ ኣካል ሃገረ እስራኤል ምዝርራብ ከምዝተገብረ እሞ ትስፉው ምዃኑ ተገሊጹ። ከምኡ’ውን ምውናን መሬትን ቤተ ክርስቲያንን ብዝምልከት ክግበር ዝጸንሐ ከቢድ ጻዕሪ ኣብ ትስፍዉ መድረኽ በጺሑ ምህላዉ ተጠቒሱ።

Read more: ሥሩዕ ጉባኤ ቅዱስ ሲኖዶስ ተቓኒዑ!

ልዕሊ 1800 ሰባት ዝተሳተፍዎ ጉባኤ ኣብ ንኡስ ሃገረ ስብከት ዓዲ ዃላ ተቓኒዑ!

ልዕሊ 1800 ሰባት ዝተሳተፍዎ ጉባኤ ኣብ ንኡስ ሃገረ ስብከት ዓዲ ዃላ ተቓኒዑ!

ኣብ ዕለተ ርክበ ካህናት 24 ሚያዝያ 2010 ዓ.ም. ኣብ ዝተቓንዐ ጉባኤ፡ ልኡኽ መንበረ ፓትርያርክ ከምኡ’ውን ካብ 63 ዓድታት ዝተጋብኡ ውሉደ ክህነትን ዓበይቲ ዓድን ኣካላት መንግሥትን ካልኦትን ብሓፈሻ 1800 ተሳተፍቲ ኣብ ቀጽሪ ርእሰ ኣድባራት ደብረ ገነት ቅድስት ማርያም ቤተ ክርስቲያን (ዓዲ ዃላ) ተረኺቦም ነይሮም።

እቲ ጉባኤ ልክዕ ሰዓት 9፡00 ቅ.ቀ. ብጸሎት ምስ ተኸፍተ፡ መራሕ ሥራሕ ንኡስ ሃገረ ስብከት ዓዲ ዃላ ሊቀ ትጉሃን ፍጹም ኣስፍሃ ናይ እንቋዕ ደኃን መጻእኹምን ዕላማ ጉባኤን ሓፂር መልእኽቲ ኣስሚዖም።

Read more: ልዕሊ 1800 ሰባት ዝተሳተፍዎ ጉባኤ ኣብ ንኡስ ሃገረ ስብከት ዓዲ ዃላ ተቓኒዑ!

ጥንታዊ ሰነዳትና ንሓልዎን ንመራመረሉን!

ጥንታዊ ሰነዳትና ንሓልዎን ንመራመረሉን!

ብማእከልነት ቤት ጽሕፈት ኦርቶዶክስ ተዋሕዶ ቤተ ክርስቲያን ዘመንበረ ፓትርያርክ፡ ከምኡ’ውን ብምትሕብባር ማእከል ምርምርን ስነዳን ካብ 2007 ዓ.ም.ፈ. ክሳዕ 2017 ዓ.ም.ፈ. ብዙኅ ጥንታዊ ብራናታትን ኣሣእልን ኢደ ጽሑፋትን ካብ ዝተፈላለዩ ገዳማትን ኣድባራትን ክሳዕ ሕጂ ንኽስነድ ካብ ዝተመዝገበ ልዕሊ 6000 ብራናታትን ካብዚ 180 ብራናታት ብማይክሮፊልም ተሰኒዱ ከም ዘሎ፡ ሥልጠናታትን መዐቀቢ ንብረት ብሓገዝ ከም ዝተዋህበን ብሓፈሻ ዘተስፉ ስነዳዊ ዕዮ ከም ዝተሠርሐ ቀሲስ መኮንን ኃላፊ ክፍሊ ስነዳ ዘመንበረ ፓትርያርክ ከምኡ’ውን ወይዘሮ ኣዜብ ተወልደ ኃላፊት ማእከል ምርምርን ስነዳን ገሊጾም።

ተውሳክ፡ . . .ጥንታዊ ሰነዳትና ንሓልዎን ንመራመረሉን!

ክብረ በዓል ልደተ ማርያም 2010 ዓ.ም. ተኸቢሩ!

ክብረ በዓል ልደተ ማርያም 2010 ዓ.ም. ተኸቢሩ!

ዓመታዊ ክብረ በዓል ልደተ ማርያም ብዓቢይ ድምቀት ኣብ ኵለን ኣብያተ ክርስቲያን ተባዒሉ። ብፍላይ ኣብታ ሎሚ ዓመት በዅሪ ክብረ በዓል ተብዕል ዘላ ልደታ ማርያም ቤተ ክርስቲያን ማይ ኖህ ጤሳ ዓዲ ሰግዶ፡ ብፁዕ ኣቡነ ሉቃስ ዋና ጸሓፊ ቅዱስ ሲኖዶስ ከምኡ’ውን ውሉደ ክህነትን ምእመናንን ምእመናትን ኣብ ዝተረኽብሉ ብድምቀት ተባዒሉ።

ተውሳክ፡ . . .ክብረ በዓል ልደተ ማርያም 2010 ዓ.ም. ተኸቢሩ!

ዝክረ በዓለ ልደት አቡነ ቡሩከ ኣምላክ ኣብ ገዳሞም ተኸቢሩ!

ዝክረ በዓለ ልደት አቡነ ቡሩከ ኣምላክ ኣብ ገዳሞም ተኸቢሩ!

ዝክረ በዓለ ልደት አቡነ ቡሩከ ኣምላክ ኣብ ገዳሞም ደብረ ኮል ሙራደ ቃል ዕለት 01 ግንቦት ብዓቢይ መንፈሳዊ ድምቀት ተኸቢሩ። “ነኣኻትኩም ዝቕበል ንኣይ ይቕበል” (ማቴ. 10፡40) ዝብል ኣምላካዊ ቃል መሠረት ብምግባር ካብ ርሑቕን ቀረባን ኣብዚ ገዳም ዝተጋብኡ ገዳማውያንን ሊቃውንት መዘምራንን ውሉደ ክህነትን ምእመናንን ምእመናትን በረኸት ጻድቕ ኣቡነ ቡሩክ ተሳተፍቲ ኮይኖም።

ተውሳክ ፡ . . . ዝክረ በዓለ ልደት አቡነ ቡሩከ ኣምላክ ኣብ ገዳሞም ተኸቢሩ!

ልምዓታዊ ንጥፈት ኣብ ሃገረ ስብከት ደቡብ መንደፈራ ተኻይዱ!

ልምዓታዊ ንጥፈት ኣብ ሃገረ ስብከት ደቡብ መንደፈራ ተኻይዱ!

ብሓዲሽ ኣሠራርሓ ባጀታዊ ውጥን ሃገረ ስብከት ደቡብ መንደፈራ ብዝተሰልዐ ገንዘብ፡ ጽገና ሾመንተ ክፍልታት ቤት ጽሕፈት ሃገረ ስብከት ደቡብ መንደፈራ፣ ሓዲሽ መንጦላዕት ንመንበር ብፁዕ አቡነ ሰላማ፣ ምትዕርራይ መናብርን ጣዋሉን፣ ምዝርጋሕን ምጽጋንን ገመድ ኤለትሪክን፣ . . . ይግበር ኣሎ።

ተውሳክ፡ . . .ልምዓታዊ ንጥፈት ኣብ ሃገረ ስብከት ደቡብ መንደፈራ ተኻይዱ!

Our Faith

The Eritrean Orthodox Tewahdo Church is the one Apostolic and Universal, and, for authenticatitly,ng righ
A.  It is stated as ‘Eritrean’ for it is located  within Eritrea’s sovereign integrity, 
B.  And it is affirmed that it is ‘Orthodox’ for  the Church has the true faith,
C.  And is called ‘Tewahdo’ for it believes   Read More . . . 

ርኸቡና

ኦርቶዶክስ ተዋሕዶ ቤተ ክርስቲያን ኤርትራ
ፖ.ሳጹን ቁጽሪ 728
ኣስመራ፡ ኤርትራ
ቴለ፡ +291-1-184290/182270
ፋክስ፡ +291-1-182195