banner

ኣብ ላይደን ኔዘርላንድስ ሓዲሽ ታቦት ቅዱስ ሚካኤል ኣቲዩ!

ኣብ ላይደን ኔዘርላንድስ ሓዲሽ ታቦት ቅዱስ ሚካኤል ኣቲዩ!

ብዕለት 11 ሰኔ 2008 ዓ.ም. ሓዲሽ ታቦት ብስም ቅዱስ ሚካኤል ኣብ ንኡስ ሃገረ ስብከት ኔዘርላንድስ ከተማ ላይደን ኣትዩ። ድሮ ዋዜማ፡ ብቆሞስ ኣባ ሃብተወልድ ጊዜያዊ ኣመኃዳሪ ሃገረ ስብከት ኤውሮጳ ዝተመርሑ ውሉድ ክህነትን ብዝኂ ዘለዎም ምእመናንን ምእመናትን ምስ ተጋብኡ፡ ስብሐተ እግዚአብሔር ክበጽሕ ከሎ መደባት ቤት ትምህርት ሰንበት’ውን ተኻይዱ።

ተውሳክ፡ . . .ኣብ ላይደን ኔዘርላንድስ ሓዲሽ ታቦት ቅዱስ ሚካኤል ኣቲዩ!

ክብረ በዓል ቅዳሴ ቤታ 21 ሰኔ ብኽብሪ ተባዒሉ!

     በእንተ እግዝእትነ ማርያም ድንግል ወላዲተ ኣምላክ !
     ክብረ በዓል ቅዳሴ ቤታ 21 ሰኔ ብኽብሪ ተባዒሉ!

21 ሰኔ ቅዳሴ ቤታ ኣብ ኵሎን ኣብያተ ክርስቲያን ብምስጋና፡ ውዳሴን ቅዳሴን ክበዓል ከሎ፡ ብፍላይ ድማ ኣብ ገዳም ደብረ ሲና ብፁዕ ኣቡነ ጴጥሮስ ጳጳስ ዞባ ማእከል፡ ብፁዕ ኣቡነ ባስልዮስ ኣመኃዳሪ መንበረ ፓትርያርክን ጳጳስ ዞባ ዓንሰባን ከምኡ’ውን ካብ ርሑቅን ቀረባን ዝመጹ ብኣሽሓት ዝቝጸሩ ውሉደ ክህነትን ምእመናንን ምእመናትን ኣብ ዝተረኽብሉ ብኽብሪ ተባዒሉ።
ኣብ ደብረ ሲና ‘ሊቃውንት መዘምራን’ ኣብ ሕንፀተ ቤታ 20 ሰኔ ነቲ ዕለት ዝምልከት ንእግዚአብሔር ዘመስግን፡ ንእግዝእትነ ማርያም ዝውድስ ስብሓታትን ቅኔያት ምንባብ ቅዱሳት መጻሕፍትን ምስ ኣብጽሑ ጸሎተ ቅዳሴ ተሠሪዑ።

ንኣማላድነት እግዝእትነ ማርያም ምኽንያት ገይሮም መባኦም ኂዞም፡ መብጻዓኦም ኣኽቢሮም ካብ ርሑቕን ቀረባን ዝመጹ ብኣሽሓት ዝቝጸሩ ሕዝበ ክርስቲያን ምስ ተጋብኡ፡ ብጸሎትን ምህልላን መዝሙርን ቈይሞም ኣምስዮም። ብብዝኂ ተሳተፍቲ መንእሰያት ዝነበርዎ በዓል፡ ኣደታት ብውዳሴን ምስጋናን ኣማዕሪገናኡ ነይረን። ‘በቲ ዝገበርክልና ተሓጒስና ምስጋና ከነቕርብ ተመሊስና፣ ኣደየ ኣብርህዮ ንመን ኢልክዮ፣ . . . ’ ክብላ ከለዋ ፍቕሪ ኣዴና ቅድስት ድንግል ማርያም ክሳብ ክንደይ ዓሚቕ ምዃኑ ትፈልጥ።

ተውሳክ፡ . . . ክብረ በዓል ቅዳሴ ቤታ 21 ሰኔ ብኽብሪ ተባዒሉ!

ዓመታዊ በዓል ቤት ትምህርቲ ሰንበት ደብረ ሰላም ቅዱስ ጊዮርጊስ ኣልፋሮማዮ ኣሥመራ ተባዒሉ!

ዓመታዊ በዓል ቤት ትምህርቲ ሰንበት ደብረ ሰላም ቅዱስ ጊዮርጊስ ኣልፋሮማዮ ኣሥመራ ተባዒሉ!

ብምኽንያት መበል 13 ዓመት ዓመታዊ በዓል ቤት ትምህርቲ ሰንበት ደብረ ሰላም ቅዱስ ጊዮርጊስ ኣልፋሮማዮ ኣሥመራ ብሰንበት 19 ሰነ 2008 ዓ.ም.ግ. ፍሉይ ጉባኤ ተገይሩ። ኣብ ትሕቲ “ወለነሰ ዘውስተ ሰማያት ሀገርነ/ ንሕና ግና ሃገርና ኣብ ሰማያት እያ” (ፊል. 3፡20) ዝብል መሪሕ ኣርእስቲ ዝተገብረ መንፈሳዊ ጉባኤ ሊቃውንት መምህራንን ካህናትን ዲቆናትን ተመሃሮ መንእሰያትን ዓበይትን ሕፃናትን ተሳቲፎም ነይሮም። ብመሠረት መርሐ ግብር፡ እቲ ጉባኤ ብጸሎትን ብናይ ዕለቱ ወንጌልን ድኅሪ ምጅማሩ፡ መግለጺ ወንጌል በቲ ናይቲ ደብሪ ሰባኺ ወንጌል ሊቀ ኅሩያን ሥዩም ኪዳነ ተዋሂቡ።

Read more: ዓመታዊ በዓል ቤት ትምህርቲ ሰንበት ደብረ ሰላም ቅዱስ ጊዮርጊስ ኣልፋሮማዮ ኣሥመራ ተባዒሉ!

ኣብ ቅንያት በዓለ መንፈስ ቅዱስ ብመዓርገ ዲቁናን ክህነትን ተሠይሞም!

ኣብ ቅንያት በዓለ መንፈስ ቅዱስ ብመዓርገ ዲቁናን ክህነትን ተሠይሞም!

ኣብ ቅንያት በዓለ መንፈስ ቅዱስ እቶም ትምህርተ ቤተ ክርስቲያን ዝተማህሩን ብግቡእ ሥርዓተ ቤተ ክርስቲያን ዘጽንዑን ብመዓርገ ዲቁናን ክህነትን ብብፁዓን ጳጳሳት ተሠይሞም። እዞም ዝተሠየሙ ዲያቆናትን ዝተቐብኡ ካህናትን፡ ኣቐዲሞም ብሰበኸኦም ተመስኪርሎም፡ ብመምዘኒ ብቕዓት መምህራን ሊቃውንት ትምህርቶምን ሥነ ምግባሮምን ተመርሚሮም ዝኃለፉ እዩ።

ኣብ ሃገረ ስብከት ማእከል፡ ኣብ መካነ ሰማዕታት ቅዱስ ጊዮርጊስ ቤተ ክርስቲያን ቲራቮሎ ኣብ ዝተገብረ ሥርዓተ ሢመት፡ 51 ተመሃሮ ብመዓርገ ዲቁና ክሥየሙ ከለዉ፡ ብሢመተ ክህነት ድማ 8 ተቐቢኦም።

ተውሳክ፡ . . .ኣብ ቅንያት በዓለ መንፈስ ቅዱስ ብመዓርገ ዲቁናን ክህነትን ተሠይሞም!

ቅዱስ ሲኖዶስ ድኅሪ በዓለ መንፈስ ቅዱስ ሥሩዕ ጉባኤኡ ኣቃኒዑ!

ቅዱስ ሲኖዶስ ድኅሪ በዓለ መንፈስ ቅዱስ ሥሩዕ ጉባኤኡ ኣቃኒዑ!

ሠሉስ 14 ሰኔ 2008 ዓ.ም፡ (21 ሴኔ 2016 ዓ.ም.ፈ) ቅዱስ ሲኖዶስ ሥሩዕ ጉባኤኡ ኣቃኒዑ። ኣብዚ ጉባኤኡ ብቤት ጽሕፈት ቅዱስ ሲኖዶስን ቤት ጽሕፈት ምምኅዳር መንበረ ፓትርያርክን ዝተመርሑ ጉዳያት ሓደ ብሓደ ኣዕሚቑን ኣስፊሑን ብምዝታይ ዝተፈላለየ ውሳኔታት ኣኅሊፉ።

ተውሳክ፡ . . .ቅዱስ ሲኖዶስ ድኅሪ በዓለ መንፈስ ቅዱስ ሥሩዕ ጉባኤኡ ኣቃኒዑ!

ሰለ ሰማዕታተ ኤርትራ ጸሎተ ፍትሓት ተገይሩ!

ስለ ሰማዕታተ ኤርትራ ጸሎተ ፍትሓት ተገይሩ!

ኦ እግዚኦ አዕርፍ ነፍሳተ ኵሎሙ ሰማዕታተ ኤርትራ

ቅድስት ቤተ ክርስቲያን፡ ነቶም በጃ ሃገሮምን ሕዝቦምን ዝኃለፉ ሰማዕታት ኤርትራ፡ እግዚአብሔር ዓስቢ መንግሥተ ሰማያት ክኸፍሎም ብጸሎት ክትዝክሮም ስለዝግባእ፡ ኣብ ኵለን ኣብያተ ክርስቲያን፡ ብፍላይ ድማ ብደረጃ ሃገር ኣብ ደብረ ሣህል ቅዱስ ሚካኤል ቤተ ክርስቲያን ሰንበት 12 ሰነ 2008 ዓ.ም. ጸሎተ ፍትሓት ተገይሩ። 

ኣብዚ ሥነ ሥርዓት’ዚ ብፁዕ ኣቡነ ሉቃስ ዋና ጸሓፊ ቅዱስ ሲኖዶስ፡ ብፁዕ ኣቡነ ባስልዮስ ዋና ኣመኃዳሪ መንበረ ፓትርያርክ፡ ብፁዕ ኣቡነ ጴጥሮስ ሊቀ ጳጳስ ሀገረ ስብከት ማእከል፡ ኣበምኔት ገዳማት፡ ኣመኃደርቲ ሰበካ ጉባኤያት፡ ኣካላት መንግሥቲ፡ ውሉደ ክህነት፡ ምእመናንን ምእመናትን ተሳተፍቲ ነይሮም።

ተውሳክ፡ . . .ሰለ ሰማዕታተ ኤርትራ ጸሎተ ፍትሓት ተገይሩ!

Our Faith

The Eritrean Orthodox Tewahdo Church is the one Apostolic and Universal, and, for authenticatitly,ng righ
A.  It is stated as ‘Eritrean’ for it is located  within Eritrea’s sovereign integrity, 
B.  And it is affirmed that it is ‘Orthodox’ for  the Church has the true faith,
C.  And is called ‘Tewahdo’ for it believes   Read More . . . 

ርኸቡና

ኦርቶዶክስ ተዋሕዶ ቤተ ክርስቲያን ኤርትራ
ፖ.ሳጹን ቁጽሪ 728
ኣስመራ፡ ኤርትራ
ቴለ፡ +291-1-184290/182270
ፋክስ፡ +291-1-182195