banner

7ይ ሰንበት ዓቢይ ጾም፡ ‘ኒቆዲሞስ’

 በስመ አብ ወወልድ ወመንፈስ ቅዱስ አሐዱ አምላክ!

         7ይ ሰንበት ዓቢይ ጾም፡ ‘ኒቆዲሞስ’

ኣብ ዓቢይ ጾም ካብ ዘለዋ ሸሞንተ ሰናብቲ፡ እታ ሻብዓይቲ ሰንበት ‘ኒቆዲሞስ’ ትብሃል። ኣብዛ ዕለት’ዚኣ ዚዝመርን ዚንበብን ዚወሃብ ትምህርትን ብዛዕባ ኒቆዲሞስ እዩ። ማኅሌታይ ቅዱስ ያሬድ ኣብ ዝደረሶ ጾመ ድጓ፡ ርእሲ ናይቲ መዝሙር “ሖረ ኀቤሁ ዘስሙ ኒቆዲሞስ” ዝብል ኮይኑ “ወሀሎ አሐዱ ብእሲ እምፈሪሳውያን ዘስሙ ኒቆዲሞስ መልአኮሙ ለአይሁድ ዘሖረ ኀቤሁ ቀዲሙ ሌሊተ ወይቤሎ ለኢየሱስ ዕጓለ አንበሳ ሰከብከ ወኖምከ አንሥአኒ በትንሣኤከ” እናበለን ነቲ ኣብ ወንጌል ዮሓንስ (ምዕራፍ 3) ዝተጻሕፈ እናጠቐሰን ይዝምር። 
ኒቆዲሞስ፦ ዝተባህለ ምሁረ ሕግ፡ ኃለቓ ኣይሁድን መምህር እስራኤልን ዝኾነ ካብ ወገን ፈሪሳውያን ነበረ።

ተውሳክ፡ . . . 7ይ ሰንበት ዓቢይ ጾም፡ ‘ኒቆዲሞስ’

ልኡኽ ቅዱስ ሲኖዶስ፡ ኣብ ንኡስ ሃገረ ስብከት ስዊዝ ሓዋርያዊ ዑደት ኣካይዱ!

ልኡኽ ቅዱስ ሲኖዶስ ከም መቀጸልታ ዝገብሮ ዘሎ ሓዋርያዊ ዑደት ኣብ ንኡስ ሃገረ ስብከት ስዊዝ ከተማ ዙሪክ ዑደት ኣካይዱ።

ኣብ ኵሉ ኵርናዓት ሃገረ ስዊዝ ዝርከባ ኣብያተ ክርስቲያንን ማኅበራትን ዝመጹ ውሉደ ክህነትን ኣባላት ሰበኻ ጉባኤያትን ልዕሊ ሓደ ሽሕ ዝኾኑ ምእመናንን ምእመናትን ዝተሳተፍዎ ጸሎተ ቅዳሴ ምስ ተሠርዐ፡

ተውሳክ፡ . . .ልኡኽ ቅዱስ ሲኖዶስ፡ ኣብ ንኡስ ሃገረ ስብከት ስዊዝ ሓዋርያዊ ዑደት ኣካይዱ!

ልኡኽ ቅዱስ ሲኖዶስ ዝመርሖ ዕዉት ሓፈሻዊ ጉባኤ ሃገረ ስብከት ኤውሮጳ ተቓኒዑ!

ካብ ትሽዓተ ሃገራት ኤውሮጳ ዝተወከሉ ኣባላት ምምኅዳር ንኡሳን ሃገረ ስብከታት ዝተሳተፍዎ ዕዉት ሓፈሻዊ ጉባኤ ሃገረ ስብከት ኤውሮጳ 01 ሚያዝያ 2008 ዓ.ም ኣብ ሃገረ ጥልያን ከተማ ሚላኖ ኣብ ዝተቓንዓሉ ጉባኤ፡ ሾብዓተ ዝኣባላታ ሓዳስ ምምኅዳር ሃገረ ስብከት ኤውሮጳ ተመሪጻ።

ኣብ ከተማ ሚላኖ መጺኦም ዝኃደሩን ኣንጊሆም ዝኣተዉን ተጋባእቲ፡ ኃቢሮም ኣብ ልደታ ለማርያም ቤተ ክርስቲያን ጸሎተ ነግህን ኪዳንን ምስ ኣብጽሑ ኣብቲ ጉባኤ ዝተገብረሉ ኣዳራሽ ማኅበረ ኮም ኤርትራውያን (ሚላኖ) ተኣኻኺቦም። መንፈሳዊ ጉባኤ 10፡00 ቅ.ቀ ብጸሎት ዋና ጸሓፊ ቅዱስ ሲኖዶስ ብፁዕ ኣቡነ ሉቃስ ምስ ተኸፍተ፣ “ተዘከር ማኅበረከ ዘአቅደምከ ፈጢረ ወአድኃንከ በትረ ርስትከ ደብረ ጽዮን ዘኃደርከ ውስቴታ” ዝብል ምስባክ ተሰቢኹ። ንዕለቱ ዝምልከት ካብ ወንጌለ ማቴዎስ 25፡14-31 ብዛዕባ ገብርኄር ድማ ተነቢቡ።

ተውሳክ፡ . . . ልኡኽ ቅዱስ ሲኖዶስ ዝመርሖ ዕዉት ሓፈሻዊ ጉባኤ ሃገረ ስብከት ኤውሮጳ ተቓኒዑ!

ኣብ ደርሙስታት ጀርመን ሓዲስ ታቦት ኣቡነ ኤዎስጣቴዎስ ተባሪኹ ኣትዩ!

ብዋና ጸሓፊ ቅዱስ ሲኖዶስ ብፁዕ ኣቡነ ሉቃስ ዝተመርሐ ልኡኽ ቅዱስ ሲኖዶስ፡ ከም መቐጸልታ ናይቲ ኣብ ኤውሮጳ ዝገብሮ ዘሎ ሓዋርያዊ ዑደት፡ 27-29 ሚያዝያ 2008 ዓ.ም ኣብ ሃገረ ጀርመን ኣብ ከተማ ደርሙስታት ሓዲስ ታቦት ኣቡነ ኤዎስጣቴዎስ ባሪኹ ከምዝኣቱ ገይሩ።
ልኡኽ ቅዱስ ሲኖዶስ፡ ብሠሉስ 27 ሚያዝያ 2008 ዓ.ም. ካብ ከተማ ፍራንክፈርት ናብ ከተማ ደርሙስታት ኣብ ዝበጽሓሉ እዋን፡ ብርክት ዝበሉ ውሉደ ክህነትን ምእመናንን ምእመናትን ብምዕሩግ ኣቐባብላ ተቐቢሎሞ። ኣብቲ ታቦት ኪኣትዎ ዝተዳለወ ቤተ ክርስቲያን፡ ብብፁዕ ኣቡነ ሉቃስ ዝተመርሐ ዝግባእ ሥርዓተ ጸሎትን ቡራኬን ምስ በጽሐ፡ ታቦተ እግዚኣብሔር ተባሪኹ ብኽብሪ ኣትዩ።

ተውሳክ፡ . . . ኣብ ደርሙስታት ጀርመን ሓዲስ ታቦት ኣቡነ ኤዎስጣቴዎስ ተባሪኹ ኣትዩ!

6ይ ሰንበት፡ ‘ ገብርኄር ’

በስመ አብ ወወልድ ወመንፈስ ቅዱስ አሐዱ አምላክ!

ሻዱሻይ ሰንበት ዓቢይ ጾም “ገብርኄር” ትበሃል። እዛ ሰንበት እዚኣ ‘ገብርኄር’ ዝተሰምየት፡ ማኅሌታይ ቅዱስ ያሬድ ኣብ ዝደረሶ ጾመ ድጓ፡ ብዛዕባ ቅኑዓት ኣገልገልትን፡ ጐይታ ነቶም ቅኑዓት ኣገልገልቲ “ገብርኄር” እናበለ ዓስቦም ከም ዝህቦም ዘዘኻኽር ስለዝዝመር እዩ። ‘ገብርኄር’ ማለት እሙን ኣገልጋሊ እዩ። ኣብዚ ሰሙን’ዚ ብዛዕባ ጐይታ ኣገልገልትን፡ እሙናት ኣገልገልትን ዘይእሙን ኣገልጋልን ይትርኽ። (ማቴ. 25፡14-30፣ ሉቃ. 19፡12-27) እዚ ምሳሌያዊ ትምህርቲ፡ ሓደ ክገይሽ ዝደለየ ሰብኣይ ቅድሚ መገሻኡ ንኣገልገልቱ ጸዊዑ ንነፍሲ ወከፎም ከከም ዓቕሞም ነቲ ቐዳማይ ኃሙሽተ መክሊት፡ ነቲ ኻልኣይ ክልተ መክሊት፡ ነቲ ሣልሳይ ድማ ሓደ መክሊት ሂቡ፡ ነጊዶም ክረብሕሉን ትርፊ ክረኽቡሉን ተላብዩ ኸደ።

ተውሳክ፡ . . .6ይ ሰንበት፡ ‘ ገብርኄር ’

ልኡክ ቅዱስ ሲኖዶስ ሓዋርያዊ ዑደት ኣብ ሃገረ ፊላንድ ኣካይዱ!

ልኡክ ቅዱስ ሲኖዶስ ሓዋርያዊ ዑደት ኣብ ሃገረ ፊላንድ ኣካይዱ!

ብብፁዕ ኣቡነ ሉቃስ ዋና ጸሓፊ ቅዱስ ሲኖዶስ ዝተመርሐ ልኡኽ ቅዱስ ሲኖዶስ፡ ከም ኣካል ናይቲ ኣብ ሃገረ ስብከት ኤውሮጳ ዝገብሮ ዘሎ ሓዋርያዊ ዑደት ኣብ ሃገረ ፊላንድ ናብ ዝርከቡ ምእመናን ምብጻሕ ሥራሕ ንምፍጻምን ታቦት ንምእታውን ብዕለት 23 - 24 መጋቢት 2008 ዓ.ም. ገይሹ።
ብዋና ጸሓፊ ቅዱስ ሲኖዶስ ብፁዕ ኣቡነ ሉቃስ ዝተመርሐ ልኡኽ፣ ብጊዜያዊ ኣመኃዳሪ ሃገረ ስብከት ኤውሮጳ ቆሞስ ኣባ ሃብተወልድ ሃብተማርያምን ጸሓፊ ሃገረ ስብከት ኤውሮጳ ኣቶ ኣብርሃም ፋሲልን ተሰንዩ ዑደት ኣብ ዘካየደሉ እዋን፦ ብናይ መድኃኔ ዓለም ቤተ ክርስቲያን ፊላንድ ሰበኻ ጉባኤን ምእመናንን ምእመናትን ምዕሩግ መንፈሳዊ ኣቀባብላን እንግዶትን ተገይሩሉ። 

ብመሠረት መርሓ ግብር፡ በዓል ጥንተ ስቅለት መድኃኔ ዓለም ንምኽባር ዓርቢ 23 መጋቢት፡ ካብ ሃገረ ስዊድንን ኖርወይን ብዝመጹ ሊቃውንት መዘምራንን ካህናትን ዝተመርሐ ዋዜማ ካብ 4፡00 ድ.ቀ.፣ ከምኡ’ውን ስብሐተ ሌሊት ካብ ፍርቂ ለይቲ ጀሚሮም ስብሓተ ማኅሌት ኣብጺሖም። ካብ 6፡30 ቅ.ቀ. ድማ ኣብቲ ኣብ ሃገረ ፊላንድ ናይ መጀመርታ ቅዱስ ታቦት መድኃኔ ዓለም፡ ብኣቡነ ሉቃስ ዝተመርሐ ጸሎተ ቅዳሴ ተሠሪዑ። 

ተውሳክ፡ . . . ልኡክ ቅዱስ ሲኖዶስ ሓዋርያዊ ዑደት ኣብ ሃገረ ፊላንድ ኣካይዱ!

Our Faith

The Eritrean Orthodox Tewahdo Church is the one Apostolic and Universal, and, for authenticatitly,ng righ
A.  It is stated as ‘Eritrean’ for it is located  within Eritrea’s sovereign integrity, 
B.  And it is affirmed that it is ‘Orthodox’ for  the Church has the true faith,
C.  And is called ‘Tewahdo’ for it believes   Read More . . . 

ርኸቡና

ኦርቶዶክስ ተዋሕዶ ቤተ ክርስቲያን ኤርትራ
ፖ.ሳጹን ቁጽሪ 728
ኣስመራ፡ ኤርትራ
ቴለ፡ +291-1-184290/182270
ፋክስ፡ +291-1-182195