banner

ኣብ መንበረ ፓትርያርክ ክወሃብ ዝጸንሐ መንፈሳዊ ሥልጠና ተፈጺሙ!

ብቤት ጽሕፈት መንበረ ፓትርያርክ ክፍሊ ስብከተ ወንጌል ተሠርዑ ካብ ፩ ሓምለ ፳፻ወ፰ ክሳዕ ፴ ጥቅምት ፳፻ወ፰ (8 ሓምለ - 10 ኅዳር 2015 ዓ.ም.ፈ.) ክወሃብ ዝጸንሐ መንፈሳዊ ሥልጠና ተፈጺሙ። እዚ ንመንፈሳዊ ፍልጠት ዘበርኹ ትምህርታት ከም መባእታዊ ኣዕማደ ምሥጢር፡ ሸውዓተ ምሥጢራተ ቤተ ክርስቲያን፡ እምነትን ሥርዓተ ኣምልኮን ኦርቶዶክስ ተዋሕዶ ቤተ ክርስቲያንን ኦርቶዶክሳዊ ሜላ ስብከትን ዘጠቃለለ ናይ ኣርባዕተ ወርኂ ሥልጠና እዚ፡ ካብ ነፍሲ ወከፍ ቤተ ክርስቲያን ሃገረ ስብከት ኣሥመራ ዝተመርጹ ብጠቅላላ 110 ውሉደ ክህነት ተሳቲፎም።

ምዕዳል ናይ ተሳታፍነት ምስክር ወረቐትን ሥነ ሥርዓት መመረቕታን ድማ ብዕለት ፲፭ ኅዳር ፳፻ወ፰ ዓ.ም. ኣብ ኣዳራሽ መንበረ ፓትርያርክ ተኻይዱ። ኣብዚ ዕለተ ምረቓ ዋና ጸሓፊ ቅዱስ ሲኖዶስ ብፁዕ ኣቡነ ሉቃስ፡ ዋና ኣማሓዳሪ መንበረ ፓትሪያርክ ኣቡነ ባስልዮስ፡ ሊቀ ጳጳስ ሃገረ ስብከት ዞባ ሰሜናዊ ቀይሕ ባሕሪ ብፁዕ ኣቡነ ዮሓንስ፣ ኃላፊ ክፍሊ ጉባኤ ሊቃውንት መሪጌታ ኤልያስ ሃብታይ፣ ከምኡ’ውን ኃለፍቲ ክፍልታት መንበረ ፓትርያርክን ነቲ ሥልጠና ዝሃቡ መምህራን፦ ኣባ ሲላስ ብርሃነ፡ ዲያቆን እዮብ በርሀ፡ መሪጌታ ስምኦን በየነ፣ ተሳተፍቲ ሥልጠናን ዕዱማትን ተረኺቦም ነይሮም። እቲ መርሐ ግብር መመረቕታ ብጸሎት ብፁዓን ኣቦታት ምስ ተኸፍተ፡ መራሒ መደብ ተሓጋጋዚ ኃላፊ ስብከተ ወንጌል መሪጌታ ስምዖን ሓፈሻዊ መእተዊ ምስ ሃበ፡ መራሕ ሥራሕ ሃገረ ስብከት ኣሥመራ ሊቀ ካህናት ቀሲስ ኣሮን ተ/ልደትን ምክትል ዋና ጸሓፊ ቅዱስ ሲኖዶስ ዲያቆን ካሕሳይ ግርማይን ሓደ ድኅሪ ሓደ ዕላማ እቲ ሥልጠና ንውሉደ ክህነት ኣሠልጢንካ ስብከተ ወንጌል ምስፋሕን ንሕዝበ ክርስቲያን ብሃይማኖቶም ምጽናዕን ካብ ተዃሉ መናፍቓን ምሕላውን ምዃኑ ድኅሪ ምግላጽ ካብቶም ካብ ነፍሲ ወከፍ ቤተ ክርስቲያን ሃገረ ስብከት ኣሥመራ ዝተመርጹ 110 ውሉደ ክህነት 99 ብግቡእ ሥልጠናኦም ወዲኦም ኣብ መመረቕታ ከምዝበቕዑ ገሊጹ።

ተውሳክ፡ . . .ኣብ መንበረ ፓትርያርክ ክወሃብ ዝጸንሐ መንፈሳዊ ሥልጠና ተፈጺሙ!

ማየ ጸሎት መካነ ሕይወት መድኃኔ ዓለም ቤተ ክርስቲያን ኣሥመራ ሰኒታ ተባሪኹ!

ብ፳፯/27 ጥቅምት ፳፻ወ፰/2008፡ ማየ ጸሎት መካነ ሕይወት መድኃኔ ዓለም ቤተ ክርስቲያን ካህናትን መዘምራንን ብዙኃት ምእመናን ምእመናትን ኣብ ዝተረኽብሉ ብቡራኬን ጸሎተ ቅዳሴን ብፁዕ ኣቡነ ጴጥሮስ ሊቀ ጳጳስ ዞባ ማእከል ተባሪኹ።  

እዚ ማየ ጸሎት እዚ ካብ ውሽጢ ቀጽሪ ቤተ ክርስቲያን 46 ሜትር ንታሕቲ ተዃዒቱ ካብ ዚተረኽበ ማይ ብዘመናዊ መጨንጕዒ ማይ ተሓጊዙ ዚወጸ ኾይኑ ብፈዋሴ ድዉያን መድኃኔ ዓለም ኣምላኽና እናተባረኸ ሕዝበ ክርስቲያን ካብ ደዌ ሥጋን ነፍስን ዝፍወስሉ ማየ ጸሎት እዩ። ድሮ’ውን ብዙኃት ከምቲ መድኃኔ ዓለም ዚምህረናን ዚሕልወናን ብተኣምራቱ ካብ ደዌ ሥጋን ነፍስን ዚተፈወሱ ናይ ቃል ምስክርነቶም ይሁቡን የመስግኑን ኣለው ።

Read more: ማየ ጸሎት መካነ ሕይወት መድኃኔ ዓለም ቤተ ክርስቲያን ኣሥመራ ሰኒታ ተባሪኹ!

ክብረ በዓል ቅዱስ ሚካኤል ዓዲ ቐይሕ ብዓቢይ ድምቀት ተባዒሉ!

ክብረ በዓል ቅዱስ ሚካኤል ዓዲ ቐይሕ ብዓቢይ ድምቀት ተባዒሉ። ኣብዚ ብዕለት ፲፪ /12 ኅዳር ዝተበዓለ በዓል እዚ ብፁዕ ኣቡነ ቄርሎስ ጳጳስ ሃገረ ስብከት ዞባ ደቡብ ዓዲ ቐይሕ፡ ከምኡ ውን ካብ ዝተፈላለዩ ቦታታት ካብ ርኁቕን ቀረባን ዝመጹ ውሉደ ክህነትን ምእመናንን ምእመናትን በረኸት ቅዱስ ሚካኤል ክሳተፉ ተረኺቦም እዮም። 

ከምቲ መርሐ ግብር ዋዜማ ካብ 1፡00 ድ.ቀ. - 6፡00 ድ.ቀ. ስብሐተ እግዚአብሔር በጺሑ። ብድኅር’ዚ ሊቃውንት መዘምራን ካብ ሰዓት 9፡00 ድ.ቀ. ጀሚሮም ሥርዓተ ማኅሌትን መዝሙር ዘሰንበትን ከብጽሑ ምስ ኃደሩ ብብፁዕ አቡነ ቄርሎስ ዝተመርሑ ቀዳስያን ሰዓት 6፡00 ነግህ ጸሎተ ቅዳሴ ኣብጺሖም።

ተውሳክ. . . ክብረ በዓል ቅዱስ ሚካኤል ዓዲ ቐይሕ ብዓቢይ ድምቀት ተባዒሉ!

ክብረ በዓል ቅዱስ ሚካኤል ተኸቢሩ!

ክብረ በዓል ቅዱስ ሚካኤል ኣብ ኵሉን ኣብያተ ክርስቲያናትን ኣድባራትን ገዳማትን ብያሬዳዊ ዜማን ውዳሴን ቅዳሴን ጸሎትን ምህለላን ተኸቢሩ። ኣብተን ‘ታቦት’ እናኣውጽኣ ዘኽብሮኦ ብስም ቅዱስ ሚካኤል ዝጽውዓ ኣብያተ ክርስቲያናት፡ ካብ ዋዜማ ጀሚሮም ሊቃውንትን መዘምራንን ምእመናንን ተራዳእነት መላእክት እናተማኅፀኑ ስብሓተ እግዚኣብሔር ኣብጺሖም።
እዛ ጥንታዊትን ሓዋርያዊትን ዝኾነት ኦርቶዶክስ ተዋሕዶ ቤተ ክርስቲያን፡ ዓመት መጸ ፲፪/12 ኅዳር ክብረ በዓል ቅዱስ ሚካኤል ተኽብር። 

ቅዱስ ሚካኤል ሓደ ካብቶም ሊቃነ መላእኽቲ እዩ። (ይሁዳ 1፡9) ኃይላት ናይ ዝበሃሉ ነገድ ሓለቓ እዩ። (ሄኖ. 10፡2-12) ቅዱስ ሚካኤል ናይ እብራይስጥ ቃል ኮይኑ ትርጕሙ ‘መን ከም እግዚአብሔር’ ማለት እዩ፡ ከምኡ ውን ‘ሚካኤል’ ብሂል ዕፁብ ማለት እዩ። ቅዱስ ሚካኤል ዲያብሎስ ብትዕቢት ኣምላኽነት ደልዩ፡ ኣብ ሞንጎ መላእኽቲ ህውከት ምስ ኣለዓዓለ ናይ ቅዱሳን መላእኽቲ መራሒ ኮይኑ ንዲያብሎስ ዝተዋግኦ ጽኑዕ ኃያል መልኣኽ እዩ። ኣብ ሰማይ ከኣ ውግእ ኮነ፡ ሚካኤልን መላእኽቱን ነቲ ገበል ተዋግእዎ። እቲ ገበልን መላእኽቱን ድማ ተዋግእዎም እንተኾነ እቲ ገበልን መላእኽቱን ተሳዕሩ፡ እቲ ኣብ ሰማይ ዝነበረ ቦታኦም ኣጥፍኡ። (ራእ. ዮሓ. 12፡7) 

ተውሳክ፡. . . ክብረ በዓል ቅዱስ ሚካኤል ተኸቢሩ!

ኣብ ሃገረ ስብከት ዞባ ደቡብ ዓዲ ቐይሕ ዓቢይ መንፈሳዊ ጉባኤ ተቓኒዑ!

ኣብ ከተማ ዓዲ ቀይሕ ዕለት ፬/4 ኅዳር ፳፻ወ፰/2008 ዓ.ም.(14 ኅዳር 2015 ዓ.ም.) ኣብ ዝተኻየደ ዓቢይ መንፈሳዊ ጉባኤ ብመሪሕነት ልኡኽ ቅዱስ ሲኖዶስ ብፁዕ ኣቡነ ሉቃስ ዋና ጸሓፊ ሲኖዶስ፡ ብፁዕ ኣቡነ ባስልዮስ ዋና ኣመሓዳሪ ኦርቶዶክስ ተዋሕዶ ቤተ ክርስቲያን፡ ብፁዕ ኣቡነ ጴጥሮስ ኣባል ቅዱስ ሲኖዶስን ጳጳስ ዞባ ማእከል ከምኡ’ውን ምኽትል ኣመኃዳሪ ዲያቆን ግርማይ ዘርኣይ፡ ሓላፊ ኣድያመተ ስብከት ሊቀ ካህናት ዘሚካኤል ኣብርሃም፡ ሓላፊ ኣገልግሎት ካህናት ሊቀ ካህናት ሳሙኤል ጸጋይን፡ ሓላፊ ምምዕባል ዓቕም ሰብ ሊቀ ሥዩማን ኪሮስ ኪዳነ ዝሓቘፈ እዩ።

ጉባኤ ብብፁዕ ሊቀ ጳጳስ ኣቡነ ቄርሎስ ብጸሎት ምስ ተኸፍተ፡ መራሕ ሥራሕ እቲ ሃገረ ስብከት ናይ እንቛዕ ብደኃን መጻኹም መደረ ኣስሚዖም።

ብድኅር'ዚ ሓላፊ ክፍሊ ኣገልግሎት ካህናት ሊቀ ካህናት ሳሙኤል ጸጋይ፡- ኣገልገልቲ ቤተ ክርስቲያን ብሰዓታትን ማኅሌትን ብስብሓታትን ኣብ ኣገልግሎት ጽሙዳት እኳ እንተኾኑ ኣብ ስብከተ ወንጌል ኣብ ጕስነትን ግን ከምቲ ዝግባእ ይሠርሓሉ ስለዘየለ፦ ብሓፈሻ ምእመናን ብፍላይ ድማ መንእሰያት ብኣጽራረ ቤተ ክርስቲያን ተሓድሶንን መናፍቓንን ይምንጠሉ ከምዘለዉ ገሊጾም። ኣስዒቦም ስብከተ ወንጌልን ጕስነትን ንምኅያል ቅዱስ ሲኖዶስ ኣበርቲዑ ይሠርሓሉ ከምዘሎን ክፍሊ ኣገልግሎት ካህናት መንበረ ፓርትርያርክ ናብ ቅዱስ ሲኖዶስ ዘቕረቦም እማመታት ጸዲቖም ናብ ተግባር ገጾም ከምዘለዉ ብዝርዝር ንጉባኤ ብምሕባር፡ ተዳልዩ ዘሎ ቅጥዕታት ብመንገዲ ሃገረ ስብከት ናብ ኣብያተ ክርስቲያን ክዝርጋሕ ምዃኑን፡ ክልል ሰበኻ ኣብያተ ክርስቲያን ብጥንቃቐ መሊኣን ኬቕርባን ተላብዮም።

ተውሳክ፡. . . ኣብ ሃገረ ስብከት ዞባ ደቡብ ዓዲ ቐይሕ ዓቢይ መንፈሳዊ ጉባኤ ተቓኒዑ!

ሓዋርያዊ ዑደት ናብ ሃገረ ስብከታት ዞባ ጋሽ ባርካን ዓንሰባን ተኻይዱ!

ኣቐዲሙ ብዕለት ፳/20 ጥቅምት ፳፻ወ፰/2008 ኣብ ሃገረ ስብከት ዞባ ደቡብ መንደፈራ ዝጀመረ ሓዋርያዊ ዑደት ልኡኽ ሲኖዶስ ኦርቶዶክስ ተዋሕዶ ቤተ ክርስቲያን ኤርትራ፡ መቐጸልታኡ ድማ ብዕለት ፳፱/29 ጥቅምት ኣብ ከተማ ባረንቱ ሃገረ ስብከት ዞባ ጋሽ ባርካ፡ ከምኡ ውን ብዕለት ፴/30 ጥቅምት ኣብ ከተማ ከረን ሃገረ ስብከት ዞባ ዓንሰባ ኣካይዱ።
እቲ ልኡኽ ቅዱስ ሲኖዶስ ብብፁዓን ኣቦታት ኣቡነ ሉቃስ ዋና ጸሓፊ ቅዱስ ሲኖዶስን ብፁዕ ኣቡነ ባስልዮስ ዋና ኣመኃዳሪ ኦርቶዶክስ ተዋሕዶ ቤተ ክርስቲያን ዝተመርሐ ኾይኑ፡ ተሓጋጋዚ ኣመኃዳሪ ኦርቶዶክስ ተዋሕዶ ቤተ ክርስቲያን ዲያቆን ግርማይ ዘርኣይ ከምኡ’ውን ሊቀ ካህናት ዘሚካኤል ኣብርሃም ሓላፊ ክፍሊ ኣድያመተ ስብከት፡ ሊቀ ካህናት ሳሙኤል ጸጋይ ሓላፊ ክፍሊ ኣገልግሎት ካህናት ዝሓቘፈ እዩ።
ብዕለት ፳፱/29 ጥቅምት ኣብ ከተማ ባረንቱ ኣብ ዝተቃንዐ ዓቢይ መንፈሳዊ ጉባኤ ናይ’ቲ ሃገረ ስብከት መራሕ ሥራሕን፡ ናይ ፱/9 ኣድያማተ ስብከታት ሊቃነ ካህናትን፡ ኣብቲ ሃገረ ስብከት ናይ ዝርከባ ኣብያተ ክርስቲያን አበ መናብርትን ምክትላትን፡ ልዕሊ 350 ውሉደ ክህነትን፡ ኣባላት ሰበካ ጉባኤ ዝኾኑ ምእመናንን ምእመናትን፡ መንእሰያት ተማሃሮ ትምህርቲ ሰንበትን ዘሳተፈ ነይሩ። ምስ ስፍሓት እዚ ሃገረ ስብከት ብምንጽጻር ካብ ርሑቕ ጫፋት ከይተረፈ ብዝኂ ዘለዎ ተሳታፋይ ምንባሩ እዚ ኣብ ልዕሊ መራሕቲ ሃይማኖቱን ዕዮ ቤተ ክርስቲያንን ዘለዎ ኽብሪ ዝገልጽ እዩ።
ጉባኤ ብጸሎት ኣብ ዝተኸፍተሉ ጊዜ “ተዘከር ማኅበረከ ዘአቅደምከ ፈጢረ ወአድኃንከ በትረ ርስትከ ደብረ ጽዮን ዘኀደርከ ውስቴታ” ዝብል መዝሙር ምስ ተሰብከ፡ ኣብ ወንጌል ዮሓንስ ምዕራፍ ፲፬፡፩/14፡1 ዘሎ ክፍሊ ተነቢቡ።

ተውሳክ፡. . .ሓዋርያዊ ዑደት ናብ ሃገረ ስብከታት ዞባ ጋሽ ባርካን ዓንሰባን ተኻይዱ!

Our Faith

The Eritrean Orthodox Tewahdo Church is the one Apostolic and Universal, and, for authenticatitly,ng righ
A.  It is stated as ‘Eritrean’ for it is located  within Eritrea’s sovereign integrity, 
B.  And it is affirmed that it is ‘Orthodox’ for  the Church has the true faith,
C.  And is called ‘Tewahdo’ for it believes   Read More . . . 

ርኸቡና

ኦርቶዶክስ ተዋሕዶ ቤተ ክርስቲያን ኤርትራ
ፖ.ሳጹን ቁጽሪ 728
ኣስመራ፡ ኤርትራ
ቴለ፡ +291-1-184290/182270
ፋክስ፡ +291-1-182195