banner

ነጋድያን ሃገር ቅድስት ኢየሩሳሌም ብሰላም ተመሊሶም!

ነጋድያን ሃገር ቅድስት ኢየሩሳሌም ብሰላም ተመሊሶም!

ብብፁዓን ጳጳሳትን ኣበምኔታት ገዳማትን፡ መነኮሳትን ቀሳውስትን ዝተመርሑ ነጋድያን ሃገር ቅድስት ኢየሩሳሌም ብሰላም ምሸት ሠሉስ 1 ግንቦት 2008 ዓ.ም. ናብ ሃገሮም ተመሊሶም።

ነጋድያን ኣብ ዝተፈላለየ ቅዱሳት መካናት ናይ ሃገር ቅድስት ኢየሩሳሌም ዑደት ጌሮም፡ ጸሎቶም ኣብጺሖምን መብጽዓኦም ፈጺሞምን ብምሉእ መንፈሳዊ ዕግበትን ሓጐስን ኣብ ዝተመልሱሉ ኣብ መዓርፎ ነፈርቲ ኣሥመራ ኣብ ዝበጽሕሉ እዋን ላዕለዎት ኃለፍቲ መንበረ ፓትርያርክን ሕዝብን፡ ብዕልልታን ጣቕዒትን ድሙቕ ኣቀባብላ ገይሮምሎም።

ከም ዝፍለጥ ልዕሊ 400 ዝኾኑ ነጋድያን፡ ብረቡዕ 19 ሚያዝያ 2008 ዓ.ም. ብፍሉያት ክልተ ነፈርቲ ናብ ሃገር ቅድስት ኢየሩሳሌም ከይዶም ምንባሮም ይዝከር።

ክብረ በዓል ልደተ ማርያም ተኸቢሩ!

ዓመታዊ ክብረ በዓል ልደተ ማርያም ኣብ ውሽጥን ወፃእን ሃገር ብዓቢይ ድምቀት ተባዒሉ።

• ኣብ ሃገረ ጥልያን ከተማ ሚላኖ ካብ ዝኃለፈ ዓመታት ብዝተፈልየን ብዝደመቐን ሓድነት ሕዝቢ ብዘረጋግጽን ልዑኽ ቅዱስ ሲኖዶስ ብፁዕ ኣቡነ ጴጥሮስ ጳጳስ ዞባ ማእከል፡ ክቡር ኣንባሳደር ሃገረ ኤርትራ ኣብ ሃገረ ጥልያን ኣቶ ፍሥሓጽዮን ጴጥሮስን ብኣሽሓት ዝቝጸሩ ምእመናንን ምእመናትን ኣብ ዝተረኽበሉ ተባዒሉ። ታቦተ ማርያምን ታቦተ ሚካኤልን ካብ ቤተ ክርስትያን ሐመረ ኖኅ ልደታ ማርያም ብዓቢይ ክብሪ ብብፁዕ ኣቡነ ጴጥሮስን ለባስያን ካህናትን ዲያቆናትን ተመሪሑ፡ ውሉደ ክህነትን ተመሃሮ ትምህርተ ሰንበትን ምእመናንን ምእመናትን ተሰንዩ ብምዕሩግ ኣገባብ ናብቲ ውቁብ ብስም ደብረ ገነት ልደታ ማርያም ዝፍለጥ ቤተ ክርስቲያን በጺሑ። ሊቃውንት መዘምራንን ካህናትን ድማ ‘‘በትፍሥሕት ወበኃሤት ተቀበልዋ ለታቦት’’ እናበሉ፡ ብፁዕ ኣቡነ ጴጥሮስን ቆሞስ ኣባ ሃብተወልድን ሥርዓተ ምቕባእን ምብራኽን ተኻይዱ። ጐድኒ ጐድኒ ድማ ሊቃውንት ኣቦታት ሥርዓተ ዋዜማ ኣብጺሖም።

ተውሳክ፡ . . .ክብረ በዓል ልደተ ማርያም ተኸቢሩ!

ክብረ በዓል ዝክረ ልደት አቡነ ቡሩከ ኣምላክ ባሕቲ ግንቦት 2008 ዓ.ም. ብዓቢይ ድምቀት ተኸቢሩ!

ክብረ በዓል ዝክረ ልደት አቡነ ቡሩከ ኣምላክ ባሕቲ ግንቦት 2008 ዓ.ም. ብዓቢይ ድምቀት ተኸቢሩ !

‘ዝክረ ጻድቅ ለዓለም ይሄሉ/ ናይ ጻድቅ ዝኽሪ ንዘለዓለም ይነብር ’ መዝ. 111/112

ኣብ ገዳም ደብረ ኮል ዝክረ በዓል ልደት አቡነ ቡሩከ አምላክ፡ ካብ ማይ ላሓም ዝመጹ፡ መምህር ቅኔ መልአከ ገነት በርሀ ነጋሢ (የኔታ በርሀ) ምስ ተመሃሮኦም፡ ከምኡ’ውን ካብ ዝተፈላለየ ቦታ ዝመጹ ሊቃውንት መምህራንን ምእመናንን ምእመናትን ኣብ ዝተረኽቡሉ ብዓቢይ ድምቀት ተኸቢሩ።

የኔታ በርሀ ዝተሳተፍዎ ዋዜማ ካብ ከባቢ ሰዓት 12፡00 ድ.ቀ. - 5፡00 ድ.ቀ. ዘሎ ስብሐተ እግዚአብሔር በጺሑ። ኣብ ዋዜማ ዝመርሑ መልአከ ገነት በርሀ ነጋሢ ንለይቱ ስለዝዓረፉ፡ ስብሐት ማኅሌት ምስ ጸሎተ ፍትሓት ክሳዕ ሰዓት 6፡00 ቅ.ቀ. ምስ በጽሐ፡ ብአበምኔት ገዳም ደብረ ኮል ኣቡነ ቡሩከ ኣምላክ ኣባ ወልደኣረጋይ ተስፋይ ዝተመርሐ ጸሎተ ቅዳሴ ተሠሪዑ። ብቀሲስ ኣብርሃም እናተተርጐመ ገድለ ኣቡነ ብሩከ አምላክ ኣብ ቀጽሪ ቤተ ክርስቲያን ተነቢቡ።

ተውሳክ፡ . . . ክብረ በዓል ዝክረ ልደት አቡነ ቡሩከ ኣምላክ ባሕቲ ግንቦት 2008 ዓ.ም. ብዓቢይ ድምቀት ተኸቢሩ!

ዜና ዕረፍት መምህር ቅኔ መልአከ ገነት በርሀ ነጋሢ (ሀብተ ሥላሴ)

ዜና ዕረፍት መምህር ቅኔ መልአከ ገነት በርሀ ነጋሢ (ሀብተ ሥላሴ)

‘ግብረ ዘወሀብከኒ ፈጸምኩ/ ነቲ ኽገብሮ ዝሃብካኒ ግብሪ ፈጸምኩ’ ዮሓ. 17፡4

መልአከ ገነት በርሀ ነጋሢ (ሀብተሥላሴ)፡ መምህር ቅኔ ኾይኖም ኣብ ዞባ ደቡብ ንኡስ ዞባ እምኒ ኃይሊ (መራጉዝ) ኣብ ዓዲ ማይልሓም ብመምህርነት ንኣስታት 70 ዓመታት ብኣሽሓት ዝቝጸሩ ተመሃሮ ኪምህሩ ድኅሪ ምጽናሕ፡ ኣብ 100 ዓመት ዕድመኦም ኣብ ክብረ በዓል ኣቡነ ብሩከ ኣምላክ ዋዜማ ብጽቡቕ ኣገልጊሎም ለይቲ ኣብ ከባቢ ሰዓት 11፡00 ብሰላም ዓሪፎም። ሥርዓተ ቐብሮም ድማ ሰኑይ 1 ግንቦት 2008 ዓ.ም. ኣብ ክብረ በዓል ገዳም ደብረ ኮል አቡነ ቡሩከ አምላክ ኣብ ጸሎተ ቅዳሴ ተፈጺሙ። ኣብቲ ሥርዓተ ቐብሪ ንሊቅነቶምን ሞያኦምን ዚግባእ ስብሓታት ምስ በጽሐ፡ ገዳማውያንን ሊቃውንትን ካህናትን ዲያቆናትን ምእመናንን ምእመናትን ኣብ ዝተረኽቡሉ ጊዜ ኣብዚ ገዳም ደብረ ኮል አቡነ ቡሩከ አምላክ ሓመድ ኣዳም ለቢሶም ካብ መምህራን ደቆምውን ኣስታት 10 ዝኸውን ቅኔታት ብዘረፋ ቐሪቡ።

ተውሳክ፡ . . .ዜና ዕረፍት መምህር ቅኔ መልአከ ገነት በርሀ ነጋሢ (ሀብተ ሥላሴ)

ታቦት ልደታ ማርያም (ሚላኖ) ድኅሪ ትሽዓተ ዓመት ናብ ናይ ቀደም ቤተ ክርስቲያን ብኽብሪ ተመሊሳ!

ታቦት ልደታ ማርያም (ሚላኖ) ድኅሪ ትሽዓተ ዓመት ናብ ናይ ቀደም ቤተ ክርስቲያን ብኽብሪ ተመሊሳ!

ታሪኻዊት ታቦት ልደታ ማርያም (ሚላኖ) ብ29 – 30 ሚያዝያ 2008 ዓ.ም.ግ (07-08/05/2016) ድኅሪ ትሽዓተ ዓመት፡ ናብ ናይ ቀደም ቤተ ክርስቲያን ብኽብሪ ተመሊሳን ክብረ በዓላ ተባዒሉን። ኣብዛ እግዚአብሔር ዘዳለዋ ክብርቲ ዕለት፦ ልኡኽ ቅዱስ ሲኖዶስ ብፁዕ ኣቡነ ጴጥሮስ ጳጳስ ሃገረ ስብከት ማእከል፣ ወከልቲ ሃገረ ስብከት ኤውሮጳን ካብ ዝተፈላለያ ንኡሳን ሃገረ ስብከታት ዝመጹ ውሉደ ክህነትን፣ ክቡር ኣምባሳደር ሃገረ ኤርትራ ኣብ ጥልያን ኣቶ ፍሥሓጽዮን ጴጥሮስ፣ ጠቕላሊ ቆንስል ሃገረ ኤርትራ ኣብ ሚላኖ ኣቶ ርእሶም ገብረጊዮርጊስን፣ ኣብ ሚላኖ ዝቕመጡን ካብ ዝተፈላለየ ከተማታት ዝመጹን ብኣሽሓት ዝቝጸሩ ምእመናንን ምእመናትን ተረኺቦም ነይሮም።

ተውሳክ፡ . . .ታቦት ልደታ ማርያም (ሚላኖ) ድኅሪ ትሽዓተ ዓመት ናብ ናይ ቀደም ቤተ ክርስቲያን ብኽብሪ ተመሊሳ!

ክብረ በዓል ደብረ ግዕዛን መድኃኔ ዓለም ቤተ ክርስቲያን ገዛ ባንዳ ጥልያን ኣሥመራ ብድሙቕ ኣገባብ ተባዒሉ!

ክብረ በዓል ደብረ ግዕዛን መድኃኔ ዓለም ቤተ ክርስቲያን ገዛ ባንዳ ጥልያን ኣሥመራ ብድሙቕ ኣገባብ ተባዒሉ!

ኃሙስ 27 ሚያዝያ 2008 ዓ. ም. ክብረ በዓል ደብረ ግዕዛን መድኃኔ ዓለም ቤተ ክርስቲያን ገዛ ባንዳ ጥልያን ኣሥመራ ብድሙቕ ኣገባብ ተባዒሉ ውዒሉ።
ካብ ዝተፈላለያ ኣድባራትን ኣብያተ ክርስቲያንን ዝመፁ ሊቃውንት መዘምራን ዋዜማ ረቡዕ ዕለት 26 ሚያዝያ ካብ ሳብዓይ ሰዓት ናይ መዓልቲ (01፡00 ድ. ቀ.) ጀሚሩ ክሳዕ ዓሥራይ ሰዓት ናይ መዓልቲ (04፡00 ድ. ቀ.) ከምኡ’ውን ስብሐተ ማኅሌት ካብ ራብዓይ ሰዓት ናይ ለይቲ (10፡00 ድ. ቀ.) ጀሚሮም ክሳዕ መበል ዓሠርተው ክልተ ሰዓት ናይ ለይቲ (06፡00 ቅ. ቀ.) በጺሑ።

ተውሳክ፡ . . .ክብረ በዓል ደብረ ግዕዛን መድኃኔ ዓለም ቤተ ክርስቲያን ገዛ ባንዳ ጥልያን ኣሥመራ ብድሙቕ ኣገባብ ተባዒሉ!

Our Faith

The Eritrean Orthodox Tewahdo Church is the one Apostolic and Universal, and, for authenticatitly,ng righ
A.  It is stated as ‘Eritrean’ for it is located  within Eritrea’s sovereign integrity, 
B.  And it is affirmed that it is ‘Orthodox’ for  the Church has the true faith,
C.  And is called ‘Tewahdo’ for it believes   Read More . . . 

ርኸቡና

ኦርቶዶክስ ተዋሕዶ ቤተ ክርስቲያን ኤርትራ
ፖ.ሳጹን ቁጽሪ 728
ኣስመራ፡ ኤርትራ
ቴለ፡ +291-1-184290/182270
ፋክስ፡ +291-1-182195