ኣብ ውጥንን ኣሠራርሓን ባጀት ዘተኮረ ኣስተምህሮ ተዋሂቡ!

“እመቦ አሐዱ እምኔክሙ ዘይፈቅድ ይሕንፅ ማኅፈደ አኮኑ ይቀድም ወይነብር ወየሐስብ ፃዕፃዖ እመቦ ዘየአክሎ ከም ይሣርር መሠረቶ . . . / ካባኻትኩም ግምቢ ኺሠርሕ ዚደሊ እሞ ንምውድኡ ዚኣኽሎ ገንዘብ እንተ ኣለዎ ቅድም ተቐሚጡ ዘይጽብጽብ እንታዋይ እዩ፧ . . . ” ሉቃ. 14፡28-29 ብዝብል መሪሕ ቃል ኣስተምህሮ ተዋሂቡ።

ኦርቶዶክስ ተዋሕዶ ቤተ ክርስቲያን ኤርትራ ናይ FECCLAHA ኣባል ፈዳሚት ኮሚቴን ምኽትል ኣበ መንበርን ኮይና ተመሪጻ!

ልኡኽ ኦርቶዶክስ ተዋሕዶ ቤተ ክርስቲያን ኤርትራ ኣብቲ ካብ 25-27 ጥቅምቲ 2017 ዓ.ም.ፈ ኣብ ኡጋንዳ ዝተካየደ መበል 14 ሥሩዕ ኣኼባ ማኅበር ፈክልሃ ከም ዝተሳተፈ ዝዝከር እዩ።

ቅዳሴ ቤቱ ናይ ሰማዕት ቅዱስ ጊዮርጊስ ተኸቢሩ!

ዓመታዊ ክብረ በዓል ሰማዕት ቅዱስ ጊዮርጊስ 7 ኅዳር 2010 ዓ.ም. ብስሙ ኣብ ዝጽውዓ ኣብያተ ክርስቲያን ተኸቢሩ።
ብፍላይ ድማ ኣብ ደብረ ሰላም ቅዱስ ጊዮርጊስ ቤተ ክርስቲያን ኣልፎርማያ፣ ኣበምኔት ገዳማትን፣ ሊቃውንቲ መምህራንን ውሉደ ክህነትን፡ ተመሃሮ ትምህርቲ ሰንበት መንእሰያትን ሕፃናትን ምእመናንን ምእመናትን ኣብ ዝተረኽብሉ ብመንፈሳዊ ድሙቕ ሥነ ሥርዓት ተኸቢሩ።

ባጀታዊን ውጥናዊን ኣሠራርሓ ክተኣታቶ ተወሲኑ!

ቅዱስ ሲኖዶስ ብዕለት 28/02/2010 ዓ.ም (07/11/2017) ኣብ ዝገበሮ ጉባኤኡ ድኅሪ ዝቐረበሉ ጸብጻብ ኣብ ቅድስት ቤተ ክርስቲያንና ባጀታዊን ውጥናዊን ኣሠራርሓ ንምትእትታው ወሲኑ። ንረብሓታት ባጀታዊ ኣሠራርሓ ብኃላፊ ክፍሊ ፋይናንስ ዲያቆን ዕርዶም ዑቕባሚካኤል ሰፊሕ መረዳእታ ብዕለት 4/02/2010 ዓ.ም. (13/11/2017) ንቅዱስ ሲኖዶስ ቀሪቡን ሰፊሕ ዘተ ተኻይዱሉን።

መንፈሳዊ ኮሌጅ ሥራሑ ጀሚሩ!

ብውሽጣዊ ዓቕሚ ቤተ ክርስቲያን ነዊኅን ሰፊሕን ምድላዋት ክግበረሉ ዝጸንሐ ኣብ ከተማ ኣሥመራ ጥቓ ደብረ ብርሃን ቅድስት ሥላሴ ቤተ ክርስቲያን (ዕዳጋ ኃሙስ) ዝተደኰነ መንፈሳዊ ኮሌጅ ብወግዒ ሥርዓተ ትምህርቱ ጀሚሩ።

ንምጅማር ኮሌጅ ኣገደስቲ ዝኾኑ ነገራት ማለት ሕንፃዊ ትሕተ ቅርጺ፣ ምህንጻጽ ፖሊሲ ትምህርቲ ኮሌጅ፣ ምድላው መምርሒን መመኃድርን ኮሌጅ፣ ምዝገባ ተማሃሮ፣ ምድላውን ምምዳብን ብቍዓት መምህራን፣ ምድላው ሥርዓተ ትምህርቲ፣ ምምዳብ ኣመኃደርቱን ምቍጻር ሠራሕተኛታትን (ዓቕሚ ሰብ)፣ ምድላው ንዋያተ ትምህርቲ፣ ምቕራብን ምምላእን መኅደርን መመገብን ተማሃሮ፣ ምስላዕ ባጀት፣ . . . ወዘይመስሎ

ኣብ ኤርትራ ኦርቶዶክስ ተዋሕዶ ቤተ ክርስቲያን፡ ናይ መጀመርታ ገዳም ደቀ ኣንስትዮ ፡ ‘ገዳም ደብረ ደናግል ሰማዕት ቅድስት ዲምያና’ ተመሪቑ!

ብድንግልናዊ ሕይወት ክነብራ ዝመረፃ፡ ብጽኑዕ መንፈሳዊ ገድልን ብምናኔ ሥርዓተ ምንኵስናን እናተመርሓ ንእግዚአብሔርን ንቅድስት ቤቱን ብቅንዕናን ትግሃትን ዘገልግላ መነኮሳያት ዝነብራሉ ‘ገዳም ደብረ ደናግል ሰማዕት ቅድስት ዲምያና’ ብዕለተ ሰኑይ 13 ጥቅምት 2010 ዓ.ም. ተመሪቑ።