banner

ብፁዕ ኣቡነ ኣትናቴዎስ ናብ ከተማ ዓሰብ ኪኣትው ከለዎ ድሙቕ ኣቀባብላ ተገይርሎም!

ብፁዕ ኣቡነ ኣትናቴዎስ ናብ ከተማ ዓሰብ ኪኣትው ከለዎ ድሙቕ ኣቀባብላ ተገይርሎም!

ኣብ ሃገረ ስብከታት ሰሜናውን ደቡባውን ቀይሕ ባሕሪ ጳጳስ ኮይኖም ዝተመደብ ብፁዕ ኣብነ ኣትናቴዎስ ናብ ከተማ ዓሰብ ክኣትው፡ ብሃንቀውታ ክጽበይዎም ዝጸንሑ ካህናትን ዲያቆናትን፡ ተማሃሮ ቤት ሰንበትን መንእሰያትን፡ ዓበይቲ ዓዲን ኣካላት መንግሥትን ድሙቕ ኣቀባብላ ገይሮምሎም!

ብፁዕ ኣቡነ ኣትናቴዎስ፡ ንከተማ ዓሰብ ዑደት ክገብሩ ከለው ሕዝበ ክርስቲያን ኣብ ጐዳናታት ብምውፃእ ‘ብፁዕ ኣቦና እንቋዕ ደኃን መጻእኩም’ እናበሉ ዘለዎ ኣኽብሮትን ፍቕርን ብዕልልታን ጣቕዒትን ገሊጾም።

ተውሳክ፡ . . .ብፁዕ ኣቡነ ኣትናቴዎስ ናብ ከተማ ዓሰብ ኪኣትው ከለዎ ድሙቕ ኣቀባብላ ተገይርሎም!

ኣብ ሃገረ ስብከት መንደፈራ ንውሉደ ክህነትን ምእመናንን ሥልጠና ተዋሂቡ!

ኣብ ሃገረ ስብከት መንደፈራ ንውሉደ ክህነትን ምእመናንን ሥልጠና ተዋሂቡ!

ኣብ ሾብዓተ ንኡሳን ሃገረ ስብከታት ናይ ሃገረ ስብከት መንደፈራ ካብ ዕለት 7 ግንቦት 2010 ዓ.ም. ክሳዕ 11 ሰኔ 2010 ዓ.ም. (15-05-2018 ዓ.ም.ፈ ክሳዕ 18-06-2018 ዓ.ም.ፈ)ንካህናት፡ ዲቆናት፡ ምእመናንን ምእመናትን መንፈሳዊ ሥልጠና ተዋሂቡ።

እዚ ሥልጠና’ዚ ካህናትን ዲያቆናትን ሕዝባውያንን ነፍሲ ወከፎም መንነቶም ፈሊጦም ነቲ ዝተዋህቦም ኃላፍነት መኽሊት ከመይ ገይሮም ከምዘርብሕዎ ንምሕጋዝ ዕላማ ዝገበረ ኣብ ሠለስተ ዓበይቲ ኣርእስታት ዝተኸፍለ እዩ።

ተውሳክ፡ . . .ኣብ ሃገረ ስብከት መንደፈራ ንውሉደ ክህነትን ምእመናንን ሥልጠና ተዋሂቡ!

ጉባኤ ቅዱስ ሲኖዶስ ተቓኒዑ!

ብዕለት 19 ሰኔ 2010 ዓ.ም. (26/06/2018 ዓ.ም.ፈ) ከምኡ’ውን ብዕለት 27 ሰኔ 2010 ዓ.ም. (04/07/2018 ዓ.ም.ፈ.) ሰፋሕቲ ጉዳያት ቤተ ክርስቲያን ዝተዘተየሉ ጉባኤ ቅዱስ ሲኖዶስ ተቓኒዑ!

ጉባኤ ቅዱስ ሲኖዶስ ኣብ ውሽጢ ይኹን ኣብ ወፃኢ ሃገር ምኅደራ ንምኅያልን ኣገልግሎት ንምስፍሕን፣ ካብ ዝዓበየ ክሳዕ ዝተሓተ ኣብ መንፈሳውን ምምኅዳራውን ጉዳያት ቤተ ክርስቲያን ኣብ ዝተዘተየሉ ጉባኤ፡ እዋናውን ዝዓበየን ጉዳያት ድኅሪ ምዝርራብ ምጽዳቕ ባጀት ቤተ ክርስቲያን፣ ምኅያል ዓቕሚ ሰብ ጉባኤ ሊቃውንት፣ ምጥንካርን ደገፍን ገዳም ደብረ ደናግል ሰማዕት ቅድስት ድምያና፣ ጸብጻብ ኦዲት ኣብያተ ክርስቲያናት፣

ከምኡ’ውን ምደባ ኣገልገልቲ ካህናት ኣብ ወፃኢ ዝርከባ ኣብያተ ክርስቲያን፣ ጉዳይ ክፍሊት ዕሽር ኣብያተ ክርስቲያን ወፃኢ፣ ውጥን ዑደት ናብ ሃገረ ስብከታት ወፃኢ፣ ብዛዕባ ዕድጊ ርስቲ ኣብ ሃገር ቅድስት ኢየሩሳሌም በጺሕዎ ዘሎ ደረጃን . . . ብዕምቈትን ኣስፊሑን ተዛትዩን ውሳነታት ኣኅሊፉን።

ተውስክ፡ . . .ጉባኤ ቅዱስ ሲኖዶስ ተቓኒዑ!

ክብረ በዓል ሕንፀተ ቤታን ቅዳሴ ቤታን ኣብ ገዳም ደብረ ሲና ብዓቢይ መንፈሳዊ ድምቀት ተኸቢሩ!

ክብረ በዓል ሕንፀተ ቤታን ቅዳሴ ቤታን ኣብ ገዳም ደብረ ሲና ብዓቢይ መንፈሳዊ ድምቀት ተኸቢሩ!

20 ሰኔ ሕንፀተ ቤታ ፡ 21 ሰኔ ድማ ቅዳሴ ቤታ ኣብ ኵለን ኣብያተ ክርስቲያን ክበዓል ከሎ ብፍላይ ግና ኣብ ገዳም ደብረ ሲና ብዓቢይ ድምቀት ተኸቢሩ። ካብ ቀረባን ርኁቅን ብእግሪ ጕዕዞን ብመኪናን ዝመጹ ሕዝበ ክርስቲያን ፍቅረ እግዚአብሔርን ክብሪ ወላዲቱ ድንግል ማርያምን ብዝገልጽ መንፈሳዊ ኣገልግሎት ናይቲ ዕለት ተሳተፍቲ በረኸት ኾይኖም።

ኵሎም ሊቃውንት መዘምራንን ውሉደ ክህነትን ምእመናንን ምእመናትን ካብቲ ኣብ ዕለት 19 ሰኔ፡ 20 ሰኔ፡ 21 ሰኔ ዝበጽሐ ጸሎተ ቅዳሴን ስብሐተ ማኅሌትን ተሳተፍቲ ኮይኖም። ብውሉደ ክህነት ዝግባእ ሥርዓተ ዋዜማ እናተቖመ ስብሐተ ማኅሌት ክበጽሕ ከሎ ናኣሽቱ መንእሰያትን ዓበይትን ምእመናንን ምእመናትን ብጸሎተ ምህላ ውዳሴን ዝማሬን ነቒሖም ቀንዮም።

ተውሳክ፡ . . . ክብረ በዓል ሕንፀተ ቤታን ቅዳሴ ቤታን ኣብ ገዳም ደብረ ሲና ብዓቢይ መንፈሳዊ ድምቀት ተኸቢሩ!

ኣብ ፍልሰታ ማርያም ናብ ኢየሩሳሌም ዝነግዱ ምዝገባ ተጀሚሩ!

ሓበሬታ ንግደት ኢየሩሳሌም

ቤት ጽሕፈት ነጋድያን ኢየሩሳሌም ኦርቶዶክስ ተዋሕዶ ቤተክርስቲያን ኤርትራ ኣብ 2010 ዓ.ም.ግእዝ (2018 ዓ.ም.ፈ) በዓለ ዕርገተ ሥጋሃ ለማርያም (ፍልሰታ) ናብ ኢየሩሳሌም ኽትነግዱ ትደልዩ ምእመናንን ምእመናትን ካብ ዕለት 20-24 ሰኔ 2010 ዓ.ም. (27 ሰኔ ክሳዕ 1 ሓምለ 2018 ዓ.ም.ፈረንጂ) ምዝገባ ከካይድ ስለ ዝኾነ ኣብ ነፍሲ ወከፍ ትነብርሉ ሃገረ ስብከት ወይ ዞባ፡ ብኣካል ፓስፖርትኩም ኂዝኩም ብምቕራብ ኽትምዝገቡን ዘድሊ ቅጥዒ ኽትመልኡን ከም እትኽእሉ ንሕብር።

ተወሳኺ ሓበሬታ ብቤት ጽሕፈት መንበረ ፓትርያርክ ዘይተማእከለ ጕዕዞ ፍቑድ ከምዘይኮነ ንገልጽ።

ኦርቶዶክስ ተዋሕዶ ቤተ ክርስቲያን ኤርትራ
ቤት ጽሕፈት ነጋድያን ኢየሩሳሌም

ንሰማዕታተ ኤርትራ ጸሎተ ፍትሓት ተገይሩ!

ንሰማዕታተ ኤርትራ ጸሎተ ፍትሓት ተገይሩ!

ሠሉስ 12 ሰነ 2009 ዓ.ም. (19/6/2018 ዓ.ም.ፈ) ኣብ ኵለን ኣብያተ ክርስቲያን፡ ብፍላይ ድማ ብደረጃ ሃገር ኣብ ደብረ ሣህል ቅዱስ ሚካኤል ቤተ ክርስቲያን ኣብ ሰዓታት ንግሆ ጸሎተ ፍትሓት ተገይሩ።

ኣብዚ ሥነ ሥርዓት’ዚ ብፁዕ ኣቡነ ሉቃስ ዋና ጸሓፊ ቅዱስ ሲኖዶስ፡ ብፁዕ ኣቡነ ባስልዮስ ዋና ኣመኃዳሪ መንበረ ፓትርያርክ፡ ኃለፍቲ ክፍልታት ዘመንበረ ፓትርያርክ፡ ኣመኃደርቲ ሰበካ ጉባኤያት፡ ወኪል ካቶላካዊት ቤተ ክርስቲያን ኤርትራ ኣባ ተ/ጊዮርጊስ ክፍለ፡ ኣካላት መንግሥቲ፡ ውሉደ ክህነት፡ ምእመናንን ምእመናትን ተሳቲፎም።

ተውሳክ፡ . . . ንሰማዕታተ ኤርትራ ጸሎተ ፍትሓት ተገይሩ!

More Articles ...

Our Faith

The Eritrean Orthodox Tewahdo Church is the one Apostolic and Universal, and, for authenticatitly,ng righ
A.  It is stated as ‘Eritrean’ for it is located  within Eritrea’s sovereign integrity, 
B.  And it is affirmed that it is ‘Orthodox’ for  the Church has the true faith,
C.  And is called ‘Tewahdo’ for it believes   Read More . . . 

ርኸቡና

ኦርቶዶክስ ተዋሕዶ ቤተ ክርስቲያን ኤርትራ
ፖ.ሳጹን ቁጽሪ 728
ኣስመራ፡ ኤርትራ
ቴለ፡ +291-1-184290/182270
ፋክስ፡ +291-1-182195