banner

ኣብ ክልተ እዋን ተሓቢኡ ብተኣምራታዊ ግብሪ እግዚአብሔር ዝተረኽበ ቅዱስ መስቀል፡ በዓሉ ብዓቢይ መንፈሳዊ ድምቀት ተኸቢሩ!

ኣብ ክልተ እዋን ተሓቢኡ ብተኣምራታዊ ግብሪ እግዚአብሔር ዝተረኽበ ቅዱስ መስቀል፡ በዓሉ ብዓቢይ መንፈሳዊ ድምቀት ተኸቢሩ!

ጐይታናን መድኃኒናን ኢየሱስ ክርስቶስ ዝተሰቕለሉ ክቡር መስቀል፡ ድኅሪ ትንሣኤኡ ኣብ ክልተ እዋን ተሓቢኡ ብተኣምራታዊ ግብሪ እግዚአብሔር ዕለት 10 መጋቢት ተረኺቡ እዩ።

ብቅንእን ክፍኣትን ዝተላዕሉ ኣይሁድ ስመ ዝኽሩ ንኸይለዓል ኣብ ጎልጎታ ዓሚቝ ጕድጓድ ኵዒቶም ብምቕባር ክሳብ ጎቦ ዝኸውን ንኣስታት 300 ዓመት ደፊኖሞ ነበሩ።

ኣብ ራብዓይ ክፍለ ዘመን ኣብ ሃገረ ቍስጥንጥንያ ንጉሥ ቈስጠንጢኖስ ኣብ ዝነገሠሉ ዘመን ግና ኣደ ንጉሥ ዝኾነት ንግሥት እሌኒ ብሓበሬታ ኣረጋዊ ኪራኮስን ምልክት ዕጣንን ካብቲ ተቐቢርሉ ዝነበረ ጎቦ 17 መስከረም ኵዕታ ተጀሚሩ 10 መጋቢት ከም ዝርከብ ገበረት። ኣብዚ ቦታ ኣብያተ ክርስቲያን ኣሕኒፃ ድማ ብኽብሪ ኣብኡ ኣቐመጠቶ። እዚ ቀዳማይ ተረክቦተ መስቀል እዩ።

እቲ ኻልኣይ ድማ ኣብ ሻብዓይ ክፍለ ዘመን ዝተፈጸመ እዩ።

ተውሳክ፡ . . . ኣብ ክልተ እዋን ተሓቢኡ ብተኣምራታዊ ግብሪ እግዚአብሔር ዝተረኽበ ቅዱስ መስቀል፡ በዓሉ ብዓቢይ መንፈሳዊ ድምቀት ተኸቢሩ!

ናይ ሎሚ ዓመት 2010 ዓ.ም.ግ. (2018 ዓ.ም.ፈ.) ነጋድያን ሀገር ቅድስት ኢየሩሳሌም ዘድሊ ምድላዋቶም ኣጻፊፎም!

ዓመታዊ ብቤት ጽሕፈት መንበረ ፓትርያርክ ኦርቶዶክስ ተዋሕዶ ቤተ ክርስቶያን ኤርትራ ተማእኪሉን ተወዲቡን ዝካየድ ንግደት ናብ ሀገረ ቅድስት ኢየሩሳሌም፡ ሎሚ ዓመት’ውን ነጋድያን በብሃገረ ስብከቶም ምዝገባን ዕጫን ከምኡ’ውን ቕጥዕታት ምምላእን ገንዘብ ምኽፋልን ምስ ገበሩ ብዕለተ ቀዳም 01 መጋቢት 2010 ዓ.ም. (10/03/2018 ዓ.ም.ፈ.) ኣብ ኣዳራሽ መንበረ ፓትርያርክ ኣኼባ ተገይርሎም።

ኣብዚ ዕለት’ዚ ዋና ጸሓፊ ቅዱስ ሲኖዶስ ኤርትራ ኣቡነ ሉቃስ ኣብ ዘስምዕዎ ቃለ ምዕዳን፥ ነጋድያን መንፈሳዊ በረኸት ምእንቲ ኪረኽቡ ብምትሕግጋዝን ብፍቕርን ክጓዓዙ፣ ኣብ ኣካይድኦም ክጥንቀቑን ኣተሓሳሲቦም።

ንነጋድያን ሀገር ቅድስት ኢየሩሳሌም ናይ መወዳእታ መምርሒን ሓበሬታን ንምሃብ ናይ መወዳእታ ኣኼባ ንዕለተ ሰኑይ 24 መጋቢት 2010 ዓ.ም. (02/04/2018 ዓ.ም.ፈ) ኣብ ቤት ጽሕፈት መንበረ ፓትርያርክ ክካየድ ምዃኑ ቤት ጽሕፈት ነጋድያን ኢየሩሳሌም ሓቢሩ።

ብቤት ጽሕፈት መንበረ ፓትርያርክ ኦርቶዶክስ ተዋሕዶ ቤተ ክርስቶያን ኤርትራ ተማእኪሉን ተወዲቡን ሎሚ ዓመት ንመበል ታሽዓይ ጊዜኡ ካብ ዕለት 26 መጋቢት ክሳዕ 10 ሚያዝያ 2010 ዓ.ም.ግ. (4-18/04/2018 ዓ.ም.ፈ.) ንኽልተ ቅነ ዝካየድ ንግደት ሃገር ቅድስት ኢየሩሳሌም ልዕሊ 600 ነጋድያን ይሳተፉ ኣለዉ።

+   +   +

ንውሉደ ክህነት ሀገረ ስብከት ኣሥመራ ክወሃብ ዝቐነየ ትምህርቲ ተዛዚሙ!

ንውሉደ ክህነት ሀገረ ስብከት ኣሥመራ ክወሃብ ዝቐነየ ትምህርቲ ተዛዚሙ!

ኣብ ምስፋሕ ስብከተ ወንጌልን ምኅያል ጕስነትን ዘተኮረ ከምኡ’ውን ሓድነትን ውሕደትን ውሉደ ክህነት ንምጥንኻር ዕላማ ዝገበረ፡ ንልዕሊ ሓደ ሽሕ ዝኾኑ ውሉደ ክህነት ሃገረ ስብከት ኣሥመራ ክወሃብ ዝቐነየ ናይ 15 መዓልታት ቀዳማይ ክፋል ሥልጠና ብዕለት 30 የካቲት 2010 ዓ.ም.ግ. ተዛዚሙ።

ኣብቲ ኣብ ርእሰ ኣድባራት ደብረ ጽዮን ቅድስት ማርያም ቤተ ክርስቲያን ኣሥመራ ዝነበረ መዛዘሚ ጉባኤ፡ ብፁዓን ጳጳሳትን ኃለፍቲ ክፍልታት ዘመንበረ ፓትርያርክን ተሳተፍቲ ትምህርትን ተረኺቦም ነይሮም።

ተውሳክ፡ . . .ንውሉደ ክህነት ሀገረ ስብከት ኣሥመራ ክወሃብ ዝቐነየ ትምህርቲ ተዛዚሙ!

ንመጓሰ ውሉደ ክህነት ንምጥንካር ቀዳማይ ክፋል ሥልጠና ውሉደ- ክህነት ይወሃብ ኣሎ!

ንመጓሰ ውሉደ ክህነት ንምጥንካር ቀዳማይ ክፋል ሥልጠና ውሉደ- ክህነት ይወሃብ ኣሎ!

ንጕስነት ውሉደ ክህነት ንምጥንካርን ሓድነትን ውሕደትን ውሉደ ክህነት ንምፍጣር ንኵሎም ውሉደ ክህነት ሃገረ ስብከት ኣሥመራ ን15 መዓልታት ዝወስድ ሥልጠና ብዕለት 12 የካቲት 2010 ዓ.ም. (19 የካቲት 2018 ዓ.ም.ፈ) ኣብ ኣዳራሽ ርእሰ ኣድባራት ደብረ ጽዮን ቅድስት ማርያም ቤተ ክርስቲያን ኣሥመራ ብቡራኬ ብፁዕ ኣቡነ ሉቃስ ዋና ጸሓፊ ቅዱስ ሲኖዶስ ተጀሚሩ።

ተውሳክ፡ . . .ንመጓሰ ውሉደ ክህነት ንምጥንካር ቀዳማይ ክፋል ሥልጠና ውሉደ- ክህነት ይወሃብ ኣሎ!

ኣካዳሚክ ኮሚሽን መንፈሳዊ ኮሌጅ ኣኼባኡ ኣቃኒዑ!

ኣካዳሚክ ኮሚሽን መንፈሳዊ ኮሌጅ ኣኼባኡ ኣቃኒዑ!

ትምህርታዊ ጉዳያት ክግምግምን ክውስንን ስልጣን ዘለዎ ኣካዳሚክ ኮሚሽን መንፈሳዊ ኮሌጅ ረቡዕ 14/05/2010 ዓ.ም (21/02/2018) ኣብ ደብረ ሲና ቅድስት ሥላሴ መንፈሳዊ ኮሌጅ ገምጋም ቀዳማይ ዕብረ ትምህርቲ ብምክያድ ኣገደስቲ ውሳነታት ኣጽዲቑ።

ተውሳክ፡ . . .ኣካዳሚክ ኮሚሽን መንፈሳዊ ኮሌጅ ኣኼባኡ ኣቃኒዑ!

ንሃገረ ስብከት ኣሥመራ ናይ ዳታ ቤዝ ስልጠና ተዋሂቡ።

ንሃገረ ስብከት ኣሥመራ ናይ ዳታ ቤዝ ስልጠና ተዋሂቡ።

ስልጠና ዳታ ቤዝ ብክፍሊ ዳታ ቤዝን እስታትስቲክስን መንበረ ፓትርያርክን ክኢላታት ደቂ ቤተክርስቲያን (ዲያቆን ኢንጂነር ፍሊጶስ ጸጋይ) ዝተወደበ ኣብ መንፈሳዊ ኮሌጅ ደብረ ሲና ቅድስት ስላሴ ካብ ሰኑይ ዕለት 05 ክሳዕ ዕለት 08/02/2018 ዓ.ም.ፈ. ካብ 24 ኣብያተ ክርስቲያን ንዝተዋጽኡ 58 ኣባላት ንሃገረ ስብከት ኣሥመራ ተዋሂቡ።

ተውሳክ፡ . . .ንሃገረ ስብከት ኣሥመራ ናይ ዳታ ቤዝ ስልጠና ተዋሂቡ።

Our Faith

The Eritrean Orthodox Tewahdo Church is the one Apostolic and Universal, and, for authenticatitly,ng righ
A.  It is stated as ‘Eritrean’ for it is located  within Eritrea’s sovereign integrity, 
B.  And it is affirmed that it is ‘Orthodox’ for  the Church has the true faith,
C.  And is called ‘Tewahdo’ for it believes   Read More . . . 

ርኸቡና

ኦርቶዶክስ ተዋሕዶ ቤተ ክርስቲያን ኤርትራ
ፖ.ሳጹን ቁጽሪ 728
ኣስመራ፡ ኤርትራ
ቴለ፡ +291-1-184290/182270
ፋክስ፡ +291-1-182195