banner

እንቋዕ ናብ በዓለ ጥምቀት ጐይታናን መድኃኒናን ኢየሱስ ክርስቶስ 2009 ዓ.ም. ብሰላም ኣብጽሓና!

በስመ አብ ወወልድ ወመንፈስ ቅዱስ አሐዱ አምላክ!

እንቋዕ ናብ በዓለ ጥምቀት ጐይታናን መድኃኒናን ኢየሱስ ክርስቶስ  2009 ዓ.ም. ብሰላም ኣብጽሓና!  

ቀዳማይ ሰብ ኣዳም፡ ሕገ እግዚአብሔር ብምጥሓሱ ኣብ ደቂ ሰባት ውርደትን መርገምን ን5500 ዓመት ጸኒዑ ነበረ። እንተኾነ ግና ባዕሉ እግዚአብሔር ዝሃቦ ተስፋን፡ ነቢያት ዝተነበይዎ ትንቢትን ንምፍጻም፡ ኣካላዊ ቃል እግዚአብሔር ወልድ ኢየሱስ ክርስቶስ፡ ፍጹም ሰብ ኮይኑ ኣብ ቤተ ልሔም ተወልደ። ከም ኣምላኽነቱ ብሓንሳእ ናይ ዕብየት ተግባር ከይፈጸመ ድማ ሕጊ ጠባያኣውን ሕጊ መጽሓፋውን እናፈጸመ ብብንእሽቶ ዓበየ። እቲ ዘመን ዘይቍጸረሉ ኣምላኽ በቲ ዝለበሶ ሥጋ ዘመን ተቘጺርሉ ኣብ 30 ዓመቱ ብኢድ መጥምቀ መለኮት ዮሓንስ ኽጥመቕ ካብ ገሊላ ናብ ዮርዳኖስ መጸ።

ተውሳክ፡. . . እንቋዕ ናብ በዓለ ጥምቀት ጐይታናን መድኃኒናን ኢየሱስ ክርስቶስ 2009 ዓ.ም. ብሰላም ኣብጽሓና!

ቃለ ቡራኬ በዓለ ልደት 2009 ዓ.ም.

    በስመ አብ ወወልድ ወመንፈስ ቅዱስ አሐዱ አምላክ!
          ዕለት፦ 29 ታኅሣሥ 2009 ዓ.ም.ግ
                                7  ጥሪ 2017 ዓ.ም.ፈ.
ቃለ ቡራኬ በዓለ ልደት  audioiconn
“ ሕዝብ ዘይነብር ውስተ ጽልመት ወጽላሎተ ሞት ብርሃን ዓቢይ ሠረቀ ላዕሌሆሙ/

እቲ ኣብ ጸልማት ዝነብር ሕዝቢ ዓቢይ ብርሃን ረኣየ፣ ነቶም ኣብ ጸልማት ምድሪ ሞት ዝነብሩ ድማ ብርሃን ወፀሎም” (ኢሳ. 9፡2)

ኣብ ቀረባ ውሽጢ ሃገርን፡ ኣብ ርሑቕ ወፃኢ ሃገራትን ዘለኹም ክቡራን ሕዝበ እግዚአብሔር፣ ከምኡ’ውን ብሓፈሻ ኵልኹም ደቂ ሃገር እንቋዕ ናብ ብርሃነ ልደት ጐይታናን ኣምላኽና መድኃኒናን ኢየሱስ ክርስቶስ ብሰላም ኣብጽሓና!

ተውሳክ፡ . . . ቃለ ቡራኬ በዓለ ልደት 2009 ዓ.ም.

“ ብርሃን ሓቂ ናብ ዓለም መጽአ . . .” (ዮሓ. 1፡9)

በስመ አብ ወወልድ ወመንፈስ ቅዱስ አሐዱ አምላክ!

እንቋዕ ናብ ብርሃነ ልደቱ ኣብጽሓና!

“ ብርሃን ሓቂ ናብ ዓለም መጽአ . . .” (ዮሓ. 1፡9)

‘ብርሃን’፦ ዝተባህለ እቲ ብዕለተ እሑድ ዝተፈጥረ ብርሃን (ዘፍ. 1፡2)፣ ወይ’ውን ካብዚ ናይ ዕለተ ሰንበት ብርሃን ተቐቢአን ብዕለተ ረቡዕ ናይ ዝተፈጥራ ፀሐይ፡ ወርኅን ከዋክብትን ኣይኮነን። እቲ ገባሬ ብርሃናት ከምኡ’ውን እቲ ንልቢ ኵሉ ሰብ ዜብርህን ፍልጠት ዚህብን ናብዚ ዓለም ዝመጸ ብርሃነ ጽድቅ ጐይታናን መድኃኒናን ኢየሱስ ክርስቶስ እዩ። (ዮሓ. 1፡9፤ ያዕ. 1፡17) ጐይታ’ውን ብኣምላካዊ ቃሉ “አነ ውእቱ ብርሃኑ ለዓለም/ኣነ ንዓለም ብርሃኑ እየ” (ዮሓ. 8፡12 ፤ 9፡5) ኢሉ እዩ። ሓዋርያ ዮሓንስ ከኣ “እግዚአብሔር ብርሃን እዩ፡ ኣብኡ ከኣ ጸልማት ዝብልዎ ከቶ የልቦን” (1ይ ዮሓ. 1፡5) ከምዝብል ብርሃን፡ እግዚአብሔር እዩ። ብባህርየ መለኮቱ ሓደ እኳ ከቶ ዘይረኣዮ ክርእዮ ውን ዘይክእል፡ ፍጹም ዘይጠፍእ ብርሃን ዘለዎ እዩ።(1ይ ጢሞ. 6፡16)።

ተውሳክ፡ . . .“ ብርሃን ሓቂ ናብ ዓለም መጽአ . . .” (ዮሓ. 1፡9)

ወርኀ ታኅሣሥ

በስመ አብ ወወልድ ወመንፈስ ቅዱስ አሐዱ አምላክ! 

ወርኀ ታኅሣሥ

ዮም ሠረቀ ለነ ወርኀ ቡሩክ ታኅሣሥ ያብጽሐነ እስከ ወርኀ ጥር በሰላመ እግዚአብሔር! ወርኀ ታኅሣሥ ቡሩክ መዓልቱ ፱ቱ ሰዓት ወእምዝ ይዌስክ።

ሎሚ ቡሩኽ ወርኂ ታኅሣሥ ብሒትልና ኣሎ እሞ ናብ ብሩኽ ወርኂ ጥሪ ብሰላመ እግዚአብሔር የብጽሓና! ቡሩኽ ወርኂ ታኅሣሥ፡ ናይ መዓልቲ ትሽዓተ ሰዓት ኮይኑ ብድኅር’ዚ እናወሰኸ ይኸይድ።

ሰላም ለልደትኪ እግዝእትየ ማርያም፡

ቤዛዊተ ኵሉ ዓለም፡

ቀርነ ንግሥ አንቲ እስከነ አርያም፡

ሁኪዮም ለአጽራርየ ለእለ ከዋላ ወፍፅም፡

ወለእለሂ በይምን ወጽግም።

      ወስብሐት ለእግዚአብሔር!

በአተ ጾመ ነቢያት!

በስመ አብ ወወልድ ወመንፈስ ቅዱስ አሐዱ አምላክ!

በአተ ጾመ ነቢያት!

ጾመ ነቢያት፦ ቅድሚ በዓለ ልደት ኣብ ዘሎ ጊዜያት፡ “ወጥንተ ዚአሁ መንፈቀ ኅዳር/ መጀመርታኡ ፍርቂ ወርኀ ኅዳር” ከምዝብል ካብ 15 ኅዳር ጀሚሩ ክሳዕ 28 ታኅሣሥ ይጽወም እሞ በዓለ ልደቱ 29 ታኅሣሥ ብምብዓል ይፍጸም። ኣብ ዘመነ ዮሓንስ ኪኸውን ከሎ ግና በዓለ ልደቱ 28 ታኅሣሥ ብምብዓል ይፍጸም።

በዚ መሠረት ናይ ሎሚ ዓመት 2009 ዓ.ም. ጾመ ነቢያት ኃሙስ 15 ኅዳር ክጅምር እዩ እሞ በረኸት ናይዚ ጾም እዚ ንሳተፍ።


እዚ ጾም እዚ ኵሎም ካብ ኣዳም ጀሚሮም ክሳዕ ልደት ክርስቶስ ዝነበሩ ቐዳሞት ኣበውን ነቢያትን በብዘመኖም ንልደተ ክርስቶስ ብጾምን ጸሎትን እናተጸበዩ ዝጾምዎ እዩ። ንሕና ድማ ኣሰሮም ስዒብና በዓለ ልደት ቅድሚ ምኽባርና እዚ ጾም እዚ ብኣዋጅ ክጽወም ቅድስት ቤተ ክርስቲያንና ሠሪዓትልና። (ፍትሐ ነገሥት አንቀጽ 15)

ተውሳክ፡ . . .በአተ ጾመ ነቢያት!

እንቋዕ ናብ በዓለ ቁስቋም ኣብጽሓና!

ኦርቶዶክስ ተዋሕዶ ቤተ ክርስቲያን፦ ነቲ ኣዴና ቅድስት ድንግል ማርያም ምስ ፍቁር ወዳ ናብ ደብረ ቁስቋም ዝኣተወትሉ ሽድሽተ ኅዳር በዓለ ቁስቋም ብድምቀት ተብዕሎ።

በዓለ ቁስቋም ሓደ ካብ 33 በዓላተ ቅድስት ድንግል ማርያም እዩ፡ ‘አመ ፮ ለኅዳር በዓታ ውስተ ደብረ ቁስቋም’ ከምዝብል። (መቅድመ ተአምረ ማርያም) ቅድስት ድንግል ማርያም ነቲ ናይ ሠለስተ ዓመትን መንፈቕን ስደታ ወዲኣ፡ ንመስፍን ሰላም ኣቦ ዘለዓለም ኣምላኽና ኢየሱስ ክርስቶስ ኂዛ ናብ እስራኤል ኣብ ዘቕንዓትሉ ጊዜ ደብረ ቁስቋም ኣትያ ብሓጐስ ዘዕረፈት ብሽድሽተ ኅዳር ስለዝኾነ ነዚ ንምዝካር በዓለ ቁስቋም ይበሃል።

ሕዝበ ክርስቲያን ነዚ ኣዴና ቅድስት ድንግል ማርያም ምስ ፍቁር ወዳ ናብ ደብረ ቁስቋም ዝኣተወትሉ እናዘከሩ “ተመየጢ ተመየጢ ሃሌ ሉያ፤ ሰላመ ሰጣዊት ወንርአይ ብኪ ሰላመ/ ሃሌ ሉያ! ኣንቲ ወሃቢት ሰላም ብኣኺ ሰላም ምእንቲ ኽንረክብሲ ተመለሲ” እናበሉ ብፍቕሪ የብዕልዎ ።

Our Faith

The Eritrean Orthodox Tewahdo Church is the one Apostolic and Universal, and, for authenticatitly,ng righ
A.  It is stated as ‘Eritrean’ for it is located  within Eritrea’s sovereign integrity, 
B.  And it is affirmed that it is ‘Orthodox’ for  the Church has the true faith,
C.  And is called ‘Tewahdo’ for it believes   Read More . . . 

ርኸቡና

ኦርቶዶክስ ተዋሕዶ ቤተ ክርስቲያን ኤርትራ
ፖ.ሳጹን ቁጽሪ 728
ኣስመራ፡ ኤርትራ
ቴለ፡ +291-1-184290/182270
ፋክስ፡ +291-1-182195