banner

17 መስከረም ክሳዕ 25 መስከረም

በስመ አብ ወወልድ ወመንፈስ ቅዱስ አሐዱ አምላክ!

በዓለ መስቀል - ፀአተ ክረምት  (17 መስከረም - 25 መስከረም )

ነገረ መስቀለ ክርስቶስ ዝስበኸሉ ጊዜ እዩ። መስቀል፡ ጐይታናን መድኃኒናን ኢየሱስ ክርስቶስ ዝተሰቕለሉ፡ ኃይሊ እግዚአብሔር ዝተገልጸሉን ድኅነት ኣዳም ዝተፈጸመሉን ቅዱስ ዕፅ ብምዃኑ ኃይሊ ዝህብ፡ ዓወት ዘጓናጽፍ፡ ካብ ደዌ ሥጋን ነፍስን ዝፍውስ፡ ልብሰ ጸልማት ኃጢኣት ኣርኂቑ ብርሃን ጽድቂ ዘልብስ . . . ስለዝኾነ ቅድስት ቤተ ክርስቲያን ብዝተፈላለየ መንገዲ ብውዳሴን ቅዳሴን ብፍሉይ ኵነታትን ተኽብሮ።

ተውሳክ፡ . . . 17 መስከረም ክሳዕ 25 መስከረም

9 መስከረም ክሳዕ 16 መስከረም

በስመ አብ ወወልድ ወመንፈስ ቅዱስ አሐዱ አምላክ!

ካብ ጽባሕ ዘካርያስ - ሕንፀት (9 መስከረም ክሳዕ 16 መስከረም)

ብወርኀ ሰኔን ሓምሌን ዝተዘርአ ዘርኢ፡ ንፍሬ ምብጽሑ ዝግለጸሉ እዩ። ቅዱስ ዳዊት “ምድርኒ ወሀበት ፍሬሃ ወይባርከነ እግዚአብሔር አምላክነ/ ምድሪ ፍሬኣ ሃበት፣ እግዚአብሔር ኣምላኽና ድማ ባረኸና።” (መዝ. 66/67፡6) እናተባህለ እግዚአብሔር ዝምስገነሉ እዋን እዩ።

ተውሳክ፡ . . .9 መስከረም ክሳዕ 16 መስከረም

1 መስከረም ክሳዕ 8 መስከረም

በስመ አብ ወወልድ ወመንፈስ ቅዱስ አሐዱ አምላክ!

ካብ ዮሐንስ (መለወጢ ዘመን ) ክሳዕ ዘካርያስ (1 መስከረም ክሳዕ 8 መስከረም)

ሓድሽ ዓመት ዝትክኣሉ እዋን ስለዝኾነ ኣብ ልቢ ክርስቲያን ሓድሽ ተስፋ ዝሽውተሉ እዩ። ኣብዚ ሰሙን’ዚ “ካብ ዘመነ ፍዳ ናብ ዘመነ ምሕረት እትሰጋገርሉ ጊዜ በጺሑ’ዩ” እናበለ ዝዓወጀ መጥምቀ መለኮት ቅዱስ ዮሐንስ ዝዝከረሉን ናቱ ትምህርተ ንስሓን ተግሣፅን፣ ተስፋን ጽንዓትን ዝስበኸሉ እዩ። ኵሎም ኣገልገልትን ምእመናንን ምእመናትን ከም ቅዱስ ዮሓንስ ስምዐ ጽድቅ (መስከርቲ ሓቂ) ከምኡ’ውን ክሳብ ሰማዕትነት ጽኑዓት ክኾኑ ቅድስት ቤተ ክርስቲያን ተስተምህር።

ተውሳክ፡ . . .1 መስከረም ክሳዕ 8 መስከረም

ፍቓድ እግዚአብሔር

በስመ አብ ወወልድ ወመንፈስ ቅዱስ አሐዱ አምላክ!

ካብ ታሪኽ ኣቦታት “ፈቃደ እግዚአብሔር”

ኣብ ሓደ ገዳም፡ ካብ ዚነበረ ኣቦታት እንትርፎ ሓደ ኵሎም ዳርጋ ኵሉ ጊዜ ምህርቶም እኹል ስለ ዘይኮነሎም ይሽገሩ ነበሩ። ብፍላይ ዘመነ ደርቂ ኣብ ዝኾነሉ እዋን፡ ዚብላዕ ክሳዕ ምስኣን ስለ ዚበጽሑ እምብዛ ይሽገሩ ነበሩ። ዋላ ብምህላን ሱባኤን እንተለመኑ ብዙኅ ጊዜ ብደርቂ ይጥቅዑ ስለ ዝነበሩ ኣብ ልዕሊ እግዚአብሔር የዕዘምዝሙ ነበሩ።

ከምዚ ኢሎም እናነበሩ፡ ኵሉ ጊዜ ብኵነታት ሓደ ፈላሲ ኣዝዮም ይድነቑ ነበሩ። ኣብ እዋን ብርቱዕ ዝናም ኮነ ደርቂ፡ ኣስሓይታ ይኹን በረድ፡ ባልዕ እኽሊ ይሃልዉ ዋላስ ኣንበጣ ኵሉ ጊዜ ናይዚ ፈላሲ ምህርቱ ልዑልን እቶቱ ጽቡቕን ነበረ። በዚ ምኽንያት’ዚ ሓደ ሓደ ኣቦታት ካብ ምድናቕ ኃሊፎም ኽጥርጥርዎ ጀመሩ እሞ “እንታይ ዝተፈልየ ነገር ስለ ዘለካ እዩ፧” ብምባል ሓተትዎ።

ንሱ ድማ ምሥጢሩ ነገሮም፥ “ኣነ ብሱባኤ ንእግዚኣብሔር ኽንልምኖ ከለና ነቲ እንደልዮ ዘይኮነስ ነቲ ዚጠቕመና ኪገብረልና ይልምኖ። ስለዚ ደርቂ ኣብ ዚኾነሉ እዋን እግዚአብሔር ነቲ ደርቂ ዘምጸኦ ካብ ዝናም ንላዕሊ ደርቂ ስለዝጠቕመና እዩ” ኢለ ብልበይ ይኣምን።

ተውሳክ፡ . . . ፍቓድ እግዚአብሔር

“ዘቦ ዕዝን ሰሚዐ ለይስማዕ/ እዝኒ ዘለዎ ይስማዕ”

በስመ አብ ወወልድ ወመንፈስ ቅዱስ አሐዱ አምላክ!

“ዘቦ ዕዝን ሰሚዐ ለይስማዕ/ እዝኒ ዘለዎ ይስማዕ”

ጐይታናን ኣምላኽናን መድኃኒናን ኢየሱስ ክርስቶስ ወንጌለ መንግሥት ድኅነተ ዓለም ኽምህር ከሎ ብምሳሌን እንበለ ምሳሌን ይምህር ነበረ። ብዘይ ምሳሌ ንኣንቀጸ ብፁዓን (ማቴ. 5፡1-17) ዝኣመሰለ ትምህርቲ። ብምሳሌ ከኣ ንምሳሌ ዘርእን ዘራእን ካልኦትን መሃረ።
ጐይታ ብምሳሌ ዘስተምሃረሉ ምኽንያት ዝተነግረ ትንቢትን ምሳሌን ንምፍጻም ከምኡ’ውን ብምሥጢር እዩ።

ተውሳክ፡ . . .“ዘቦ ዕዝን ሰሚዐ ለይስማዕ/ እዝኒ ዘለዎ ይስማዕ”

ቤተ ክርስቲያን - ቤተ ቅድስና ቤተ በረከት

በስመ አብ ወወልድ ወመንፈስ ቅዱስ አሐዱ አምላክ!

ቤተ ክርስቲያን - ቤተ ቅድስና ቤተ በረከት

ሥርዓተ ኣምልኾ ዝፍጸመሉ፣ ስብሐታትን ውዳሴያትን ዝበጽሓሉ፡ ቅዱስ ሥጋኡን ክቡር ደሙን ዝዳለወሉ፡ ነገረ ሃይማኖትን ሥርዓትን ትውፊትን ዝንገረሉ ቅዱስ ቦታ (ሕንፃ) ቤተ ክርስቲያን ወይ ቤተ እግዚአብሔር ተባሂሉ ይጽዋዕ። ቤተ እግዚአብሔር ንኽሕነፅ ዝኣዘዘ ባዕሉ እግዚአብሔር እዩ። ሕዝበ እስራኤል ካብ ግብጺ ምስ ወፅኡ፡ ነቢየ እግዚአብሔር ሙሴ ኣብ ደብረ ሲና ኣርብዓ መዓልትን ኣርብዓ ለይትን ጾመ እሞ እግዚአብሔር ኣምላኽ ንሕዝቡ ዝመርሓሉ ዓሰርቱ ቃላት ሕጊ ኣብ ጽላት ጽሒፉ ሃቦ። ነዚ ጽላት’ዚ ዘቐምጠሉን ሥርዓተ ኣምልኮ ዝፍጸመሉን ስመ እግዚአብሔር ዝምስገነሉን ድንኳን ክሓንፅ እግዚአብሔር ኣዘዞ። ነቢይ ሙሴ ምስ ባስልኤልን ኤልያብን ዝበሃሉ ጥበበኛታት ድማ ነቲ ድንኳን ሠሪሖም ፈጸሙ።

ተውሳክ፡ . . .ቤተ ክርስቲያን - ቤተ ቅድስና ቤተ በረከት

Our Faith

The Eritrean Orthodox Tewahdo Church is the one Apostolic and Universal, and, for authenticatitly,ng righ
A.  It is stated as ‘Eritrean’ for it is located  within Eritrea’s sovereign integrity, 
B.  And it is affirmed that it is ‘Orthodox’ for  the Church has the true faith,
C.  And is called ‘Tewahdo’ for it believes   Read More . . . 

ርኸቡና

ኦርቶዶክስ ተዋሕዶ ቤተ ክርስቲያን ኤርትራ
ፖ.ሳጹን ቁጽሪ 728
ኣስመራ፡ ኤርትራ
ቴለ፡ +291-1-184290/182270
ፋክስ፡ +291-1-182195