banner

‘ወናሁ አነ እፌኑ ተስፋሁ ለአቡየ ላዕሌክሙ/ እንሆ ኣነ ተስፋ ኣቦይ ክሰደልኩም እየ’ ሉቃ. 24፡49

በስመ አብ ወወልድ ወመንፈስ ቅዱስ አሐዱ አምላክ!

‘ወናሁ አነ እፌኑ ተስፋሁ ለአቡየ ላዕሌክሙ/ እንሆ ኣነ ተስፋ ኣቦይ ክሰደልኩም እየ’ ሉቃ. 24፡49

ተስፋ

ተስፋ ማለት ነቲ ዘይርአ ከም ዝርአ፡ ነቲ ዘየሎ ከምዘሎ፡ ነቲ ዘይኸውን ድማ ከምዝኸውን ጌርካ ብእምነት ንእግዚአብሔር ምጽባይ እዩ። ተስፋ ሓንቲ ካብተን ሓዋርያ ቅዱስ ጳውሎስ ንሰብ ቆሮንቶስ ጽሒፍሎም ዘሎ ቓላት እያ። ( 1ይ ቆሮ. 13፥13)
እምነት ኣብ እግዚአብሔር ተስፋ የግብር፡ ተስፋ ድማ ፍቕሪ ኣምላኽ የንግሥ እዩ እሞ ኣብዚ ጊዜና ትስፍዋት ክንከውን ይግባእ።

ተስፋ፡ ካብ ቀደም ኣትኂዛ ከም ዝነበረት መጽሐፍ ቅዱስ ይነግረና።

ተውሳክ፡ . . .‘ወናሁ አነ እፌኑ ተስፋሁ ለአቡየ ላዕሌክሙ/ እንሆ ኣነ ተስፋ ኣቦይ ክሰደልኩም እየ’ ሉቃ. 24፡49

ትንሣኤ፡ ብርሃን ወሰላም

በስመ አብ ወወልድ ወመንፈስ ቅዱስ አሐዱ አምላክ!

ትንሣኤ፡ ብርሃን ወሰላም

በዓለ ትንሣኤ፡ ናይ ጐይታና ኢየሱስ ክርስቶስ ሞትን ትንሣኤን እንሓስበሉ፡ ምእንታና ዝተቐበሎ መከራ መስቀል እንዝክረሉ፡ መንፈሳዊ ናፅነትን ክብርን ዝረኸብናሉ ዕለት እዩ። ኣብዚ ዕለት'ዚ ሰብ ካብ ማእሠርቲ ኃጢኣት ተፈቲሑ ብቅድስና ተሓዲሱ ሓዲሽ ሕይወት ለቢሱ ንኽነብር፡ መርገም ተሪፉ፡ በረኸት ሥጋን ነፍስን ዝተጸገወሉ፣ ካብ ሞት ናብ ሕይወት፣ ካብ ኃጢኣት ናብ ጽድቂ ዝተሰጋገረሉ መዓልቲ ብርሃን እዩ።

ግና ብዛዕባ ትንሣኤ ክርስቶስ ብኸመይ መንገዲ ኢና ንሰብኽን ነብዕልን፧ ብሠናይ ትምኒት ‘እንቋዕ ኣብጽሓና’ ብምባል፣ ብድግስ መብልዕን መስተን፡ ክዳን ብምፅዕዳውን ብሓፈሻ ሥጋዊ ተግባራት ብምፍጻም ጥራሕ እንተኾይኑ ትርጕም ትንሣኤ ክርስቶስ ብዝግባእ ኣይተረድኣናን ዘሎ ማለት እዩ። ምኽንያቱ፡ ትንሣኤ ክርስቶስ፡ ሞት ዝተሳዕረሉ፡ ምዉታን ዝተንሥእሉ ነፍሳት ካብ ሲኦል ናብ ገነት ዝተሳገራሉ መዓልቲ ብርሃን እንከሎ ንሕና ብመንገዲ ሞት እናተመላለስና ኣብ ጸልማት ኃጢኣት እናነበርና በዓለ ትንሣኤ እንተኣኽበርና ትርጕሙ እንታይ እዩ፧ ብሓቂ ትንሣኤ ክርስቶስ ትርጕም ዝህልዎ ናትና ትንሣኤ ልቡና ምስ ዝስዕቦ እዩ። ሓዋርያ ቅዱስ ጳውሎስ ‘ ኣታ ደቂስካ ዘሎኻ ተበራበር፡ ካብ ምዉታን’ውን ተንሥእ፡ ክርስቶስ ከኣ ኬብርሃልካ እዩ’ ከምዝበለ፡ ካብ ዓራት ጸልማት፡ ካብ ድቃስ ኃጢኣት ብፍረ ብርሃን ሠናይን ጽድቅን ሓቅን ነቒሕና ብትንሣኤ ልቡና ክንትንሥእ ኣሎና። ኤፌ. 5፡14።

ተውሳክ፡ . . .ትንሣኤ፡ ብርሃን ወሰላም

“አነ ውእቱ ኅብስተ ሕይወት/ ኣነ እንጌራ ሕይወት እየ።” (ዮሓ. 6፥39)

በስመ አብ ወወልድ ወመንፈስ ቅዱስ አሐዱ አምላክ! 

ክብርን ምስጋናን ንእኡ ይኹን እሞ! ነዚ ቓል እዚ ዝተዛረበ ጐይታናን ኣምላኽናን መድኃኒናን ኢየሱስ ክርስቶስ እዩ። ምስ በላዕካዮ ንዘለዓለም ዘየጥሚ እንጌራ ሕይወት ንሱ ባዕሉ ምዃኑ ገለጸ። ሕይወት ሰብ ዚምግብ፤ እንጌራ ሕይወት ዝህብን ማዕበል ፈተናታት ሥጋ፡ ዓለምን ዲያብሎስን ኣሳጊሩ ናብ ሕይወት መሪሑ ዘእቱ ኅብስተ ሕይወት እንጌራ: ንሱ ጐይታና ኢየሱስ ክርስቶስ እዩ።

ሰብ ብፍቓዱ ዝተፈጥረ ብዕድል ውን ዝተረኽበ ስለዘይኮነ፡ ወትሩ ናይ ፈጣሪኡ መጋቢነትን ሓለዋን ረድኤትን የድልዮ። ባዕሉ ጐይታ “ብዘይ ብኣይ ሓንቲ እኳ ክትገብሩ ኣይትኽእሉን ኢኹም” ከምዝበለና (ዮሐ.15፥5) ሰብ ብዘይ ፈጣሪኡ ሕይወት የብሉን። በዚ ድማ እግዚአብሔር ንሰብ ካብ ዚፈጥሮ ኣትኂዙ ንቕጽበት ዓይኒ'ውን ዝኣክል ተፈልይዎ ኣይፈልጥን። “ብእኡ ኢና እንነብርን እንወሳወስን ብእኡ ኸኣ ኢና ዘሎና” ከምዝበለ ሓዋርያ ቅዱስ ጳውሎስ። (ግብ.ሓዋ.17፥26-28)

ንዅሉ ሥነ ፍጥረት ብውሕደትን ሥርዓትን ብዘይምርጻም ይምግብ። ሓዊ ንዓለም ከየንደደ፤ ወርኂ ምስ ከዋኽብቲ ከይተጋጨወ፤ ማይ ንምድሪ ከይደምሰሰ፤ እዋን ዘርእን ማእረርን፡ ክረምትን ሓጋይን፡ መዓልትን ለይትን ካብ ጊዜኡ ፍንትት ከይበለ፡ ሰዓቱን ዓመቱን ሓልዩ ዘመላልስ ሓደ መጋቢ ንሱ እግዚአብሔር እዩ።

Read more: “አነ ውእቱ ኅብስተ ሕይወት/ ኣነ እንጌራ ሕይወት እየ።” (ዮሓ. 6፥39)

መሠረተ ጽድቅ ፍቕሪ

በስመአብ ወወልድ ወመንፈስ ቅዱስ አሐዱ አምላክ!

ኣብ ክርስቲያናዊ ሕይወት ካብ ኵለን ናይ መንፈስ ፍረታት እታ ዝቐደመትን ዝዓበየትን ፍቕሪ እያ። ነቶም ዓሠርተ ትእዛዛት ውን ኣሣሪቶም ፍቕሪ እያ። ንጐይታናን መድኃኒናን ኢየሱስ ክርስቶስ “እታ ዝዓበየት ትእዛዝ ኣየነይቲ እያ፧” ኢሎም ምስ ሓተትዎ፦ “ንእግዚኣብሔር ኣምላኽካ ብምሉእ ልብኻ ብምሉእ ኃይልኻ ብምሉእ ነፍስኻ ኣፍቅር፡ እታ ኻልአይትን ንእኣ እትመስላን ከኣ ንብጻይካ ከም ነፍስኻ ኣፍቅር” ኢሉ መለሰሎም። (ማቴ. 22፡36-38) ሓዋርያ ቅዱስ ጳውሎስ ከኣ ‘ፍቕሪ ማእሠር ኵሉ ፍጻሜ እያ እሞ ልበስዋ’ ብምባል ዕቤት ፍቕሪ ገሊጹልና ኣሎ።
ብዛዕባ ፍቕሪ ብዙኅ እኳ እንተተባህለ ኣብ ዘመንና ግና መጽለሊ ስኢና ተባሪራ፡ ዘኅድራ ስኢና ዘኽቲማ ካብ ደቂ ሰብ ተፈልያ ትነብር ኣላ። ግና ስለምንታይ ኢና ነፍቅር፧ ከመይ ኣቢልና ኢናኸ ነፍቅር፧

ስለምንታይ ኢና ነፍቅር፧
ፍቕሪ እግዚኣብሔር ዘይፈለጠ ሰብ ንኻልኦት ከፍቅር፡ ምሕረት ኣምላኽ ዘይፈልጥ ከኣ ንኻልኦት ኪምሕር ኣይክእልን’ዩ። እግዚኣብሔር ንኣና ገና ኃጥኣን ከሎና ኣፍቒሩና፡ ጸላእቱ ኸሎና ኸኣ ምእንታና ተሰቂሉ ሞይቱ ኣድኂኑና እዩ። እዚ ዘፍቀረና ፍቕሪ ገለ እዃ ዘይከፈልናሉ ብጸጋ ማለት ብናጻ እዩ ተዋሂብና። “ብናጻ ተቐቢልኩም ኢኹም እሞ ብናጻ ሃቡ” (ማቴ. 10፡8)

ተውሳክ፡ . . . መሠረተ ጽድቅ ፍቕሪ

ክርስትና ኣብ መዓልታዊ ሕይወትና

 

በስመ አብ ወወልድ ወመንፈስ ቅዱስ አሐዱ አምላክ!

ቅድስት ቤተ ክርስቲያንና ኵሉ ምእመን ብእምነትን ሥነ ምግባርን ጸኒዑ ንኺነብርን ሕይወቱ ብመንፈሳዊ መንገዲ ንኸመላልስን መዓልታዊ ትሰብኽ። መንፈሳዊ ሕይወት ማለት ብሃይማኖትን ሥነ ምግባርን ጸኒዕካ ካብ ኃጢኣት ምርሓቕ፡ ፍኖተ ቅዱሳን ምስዓብን ብእግዚኣብሔር እሙን ምዃንን እዩ።
እንተኾነ ግና፡ ሰብ ኣብ መንፈሳዊ ሕይወት ጸኒዑ ንኸይነብር፡ በረኸት ሥጋን በረኸት ነፍስን ካብ ፈጣሪኡ ንኸይረክብ ዝተፈላለዩ ፈተናታት የጋጥምዎ እዮም።
ንሕና ከም ክርስቲያን፡ ኣሰር ናይቶም ንዝገጥሞም ዝነበረ መከራ ዘይኮነስ ነቲ ብድኅሪኡ ዘሎ ኣኽሊል ሕይወት እናጠመቱ ብጽንዓት ነዚ ዓለም ስዒሮም ዝኃለፉ ቅዱሳን ንስዕብ ብምዃንና፡ ብዙኅ ጊዜ ኣብ መንፈሳዊ ሕይወትና መሰናኽላት የጋጥመና እዩ። እዚ ዅሉ ግና ንውርደት ዘይኮነስ ንኽብሪ፡ ንሞት ዘይኮነ’ውን ንሕይወት ምዃኑ ክንርዳእ ኣሎና።

ተውሳክ፡ . . . ክርስትና ኣብ መዓልታዊ ሕይወትና

"ወኩን መሃይምነ እስከ ለሞት/ ክሳዕ ሞት እሙን ኩን" (ራእ. ፪፥፲/ 2፥10)

በስመ አብ ወወልድ ወመንፈስ ቅዱስ አሐዱ አምላክ!

እቲ ቐዳማይን ዳኅራይን ሞይቱ ዝነበረ እሞ ሕያው ዝኾነ ወልደ እግዚአብሔር ሕያው ወወልደ ማርያም ሥግው ጐይታና ኢየሱስ ክርስቶስ ዝተዛረቦ ኃይለ ቃል’ዩ። እዚ ቃል’ዚ ኣቡቀለምሲስ ዮሓንስ፥ ንሄሬኔዎስ (ኢያሳ) መራሒ ሓንቲ ካብ ኣብ ንእሽቶ እስያ ዝነበራ ሾብዓተ ኣብያተ ክርስቲያን ዝኾነት ሴመርኔስ ዝጸሓፈሉ እዩ።
“እሙን ኩን” ማለት ኣብ ጊዜኡን ኣብ ዘይጊዜኡን፣ ቦታን ኵነታትን ከይወሰነካ ክሳዕ ሞት ኣብ ሃይማኖትካ ጽኑዕ ኩን እዩ።
እምነት፡ ነቲ ብተስፋ እንጽበዮ ከም እንረኽቦ ዜረጋግጽ፡ ነቲ ዘይረአ ከምዘሎ ዘረድእ እዩ። (ዕብ. ፲፩፥፩/ 11፥1) “ክሳዕ ሞት እሙን ኩን” ማለት ብህልውና፡ ረድኤትን መጋብነትን ዘለዓለማዊ ፈጣሪ እግዚአብሔር ኣሚንካ፡ ንእኡ እናኣሥመርካን ብትእዛዛቱ እናተመላለስካን በቲ ዝህበካ ዓስቢ ብተስፋ ጸኒዕካ ምንባር እዩ።

Read more: "ወኩን መሃይምነ እስከ ለሞት/ ክሳዕ ሞት እሙን ኩን" (ራእ. ፪፥፲/ 2፥10)

Our Faith

The Eritrean Orthodox Tewahdo Church is the one Apostolic and Universal, and, for authenticatitly,ng righ
A.  It is stated as ‘Eritrean’ for it is located  within Eritrea’s sovereign integrity, 
B.  And it is affirmed that it is ‘Orthodox’ for  the Church has the true faith,
C.  And is called ‘Tewahdo’ for it believes   Read More . . . 

ርኸቡና

ኦርቶዶክስ ተዋሕዶ ቤተ ክርስቲያን ኤርትራ
ፖ.ሳጹን ቁጽሪ 728
ኣስመራ፡ ኤርትራ
ቴለ፡ +291-1-184290/182270
ፋክስ፡ +291-1-182195