ኦርቶዶክስ ተዋሕዶ ቤተ ክርስቲያን ኤርትራ ብምኽንያት ዕርፍቲ ብፁዕ ኣቡነ ብሾይ መግለጺ ኃዘን ናብ ኮፕቲክ ኦርቶዶክስ ቤተ ክርስቲያን ልኢኻ!
ብምኽንያት ዕርፍቲ ብፁዕ ኣቡነ ብሾይ፡ ኦርቶዶክስ ተዋሕዶ ቤተ ክርስቲያን ኤርትራ ዝተሰምዓ ልባዊ ኃዘን ብምግላጽ፣ ናብ ኮፕቲክ ኦርቶዶክስ ቤተ ክርስቲያን ናይ መጸናንዒ ደብዳበ ልኢኻ።

ልዑካን ቅዱስ ሲኖዶስ ኣብ ሃገረ ስብከት ኤውሮጳ ዑደት ንምግባር ገይሾም!

ልዑካን ቅዱስ ሲኖዶስ ዝኾኑ ብፁዕ ኣቡነ ሉቃስ ዋና ጸሓፊ ቅዱስ ሲኖዶስ፡ ብፁዕ ኣቡነ ቄርሎስ ሊቀ ጳጳስ ሃገረ ስብከት ደቡብ ዓዲ ቀይሕ፡ መምህር መልከ ጼዴቅ አበምኔት ገዳም ኣቡነ ዮናስ ቈሓይንን፡ ተሓጋጋዚ ዋና ኣመኃዳሪ መንበረ ፓትርያርክ ዲያቆን ግርማይ ዘርኣይ ኣብ ሃገረ ስብከት ኤውሮጳ ዑደት ንምግባር ኃሙስ 24 መስከረም 2011 ዓ.ም. ( 04/10/ 2018 ዓ.ም.ፈ.) ገይሾም!

በስመ አብ ወወልድ ወመንፈስ ቅዱስ አሐዱ አምላክ!

እምአምልኮተ ባዕድ ኀበ አምልኮተ እግዚአብሔር!

ኣብ ግብሪ ሰይጣን ምሕባር፡ ፍልጠትን ሃብትን ንምርካብ ከምኡ’ውን መፍትሔ ንምርካብ ኣብ ሰይጣን ምውካል፡ ፈቃደ ሰይጣን ምፍጻም . . . ኣምልኮተ ባዕድ እዩ። “ ኢታምልክ ባዕደ ኣምላከ ዘእንበሌየ/ ብዘይካይ ካልእ ኣምላኽ ኣይትግበር” ዘፀ. 20፡1 ዝብል ኣምላኻዊ ትእዛዝ ምፍራስ እዩ።

ሓደ ሓደ ሰባት፡ ሰይጣን ኣምሲሉ ምትሓታውን ጊዜኣውን ግብሪ ስለዝገበረሎም ይግዝእዎ። ገሊኦም ድማ ሰይጣን ድሌቶም ምእንቲ ክህቦም ከም ዘምልኽዎ ቃል ኪዳን ይኣትውሉ። ተስፋኦም ኵሉ ኣብ ኣጋንንቲ ገይሮም ብቀትሪ ምስ ሰባት፡ ብምሸት ድማ ምስ ኣጋንንቲ ክመሓሓሉ ዝኃድሩ ብዙኃት እዮም።

ፈቐዶ ጠንቈልትን መሠርያንን እናኸዱ ሕሊናኦምን ኣካሎምን ሃብቶምን ጕልበቶምን ብከንቱ ዘፍስሱ’ውን ኣለዉ። እዚኣቶም ኵሎም ትውክልቶም ኣብ ኣጋንንቲ ቀይሮም፡ ፈቃደ ኣጋንንት ይፍጽሙ። ብመንገዲ እዞም ሰባት ኣቢሉ ሰይጣን ናይ ሓሶት ተኣምራት ኽገብር ይኽእል።

በስመ አብ ወወልድ ወመንፈስ አሐዱ አምላክ!

21 መስከረም፡ ብዙኃን ሊቃውንት ኣብ በዓለ ማርያም ተጋቢኦም ክሕደት ኣርኂቖም ሃይማኖት ዘጽንዕሉ ንዝክረሉ ዕለት ስለ ዝኾነ ብዙኃን ማርያም ይበሃል።

ኣብ ራብዓይ ክፍለ ዘመን መዓርገ ክህነት ተቐቢሉ ኣብ እስክንድርያ ዘገልግል ዝነበረ ኣርዮስ ዝበሃል ሰብኣይ ነበረ። ኣርዮስ፡ ካብ ትምህርተ ቤተ ክርስቲያን ዝወፅአ ብፍጹም ክሕደት፡ “ወልድ ፍጡር እዩ እምበር ኣምላኽ ኣይኮነን” ብምባል ተላዕለ።

ክብረ በዓል ወዝክረ ዕረፍት አቡነ ኤዎስጣቴዎስ 18 መስከረም 2011 ዓ.ም.ግ. ብዓቢይ መንፈሳዊ ድምቀት ተኸቢሩ!

ዝክረ ጻድቅ ለዓለም ይሄሉ/ ዝኽሪ ጻድቅ ንዘለዓለም ይነብር፡ መዝ. 111/112

ኣብ ናይ መንፈስ ደቆም ገዳማትን ኣብያተ ክርስቲያንን ክብረ በዓል ኣቡነ ኤዎስጣቴዎስ ክብዓል ከሎ ብፍላይ ድማ ኣብ ሃገረ ስብከት ኣሥመራ ብሽሞም ኣብ ዝተሓንፀ ቤተ ክርስቲያን ደብረ መድኃኒት ኣቡነ ኤዎስጣቴዎስ ጐዳይፍ ብፁዕ ኣቡነ ሉቃስ ዋና ጸሓፊ ቅዱስ ሲኖዶስ፡ ብፁዕ ኣቡነ ጴጥሮስ ጳጳስ ዞባ ማእከል ካብ ርሑቅን ቀረባን ዝመጹ ሊቃውንት ውሉደ ክህነት ምእመናንን ምእመናትን ኣብ ዝተረኽብሉ ተኸቢሩ።

በስመ አብ ወወልድ ወመንፈስ ቅዱስ አሐዱ አምላክ!

በዓለ መስቀል - ፀአተ ክረምት  (17 መስከረም - 25 መስከረም )

ነገረ መስቀለ ክርስቶስ ዝስበኸሉ ጊዜ እዩ። መስቀል፡ ጐይታናን መድኃኒናን ኢየሱስ ክርስቶስ ዝተሰቕለሉ፡ ኃይሊ እግዚአብሔር ዝተገልጸሉን ድኅነት ኣዳም ዝተፈጸመሉን ቅዱስ ዕፅ ብምዃኑ ኃይሊ ዝህብ፡ ዓወት ዘጓናጽፍ፡ ካብ ደዌ ሥጋን ነፍስን ዝፍውስ፡ ልብሰ ጸልማት ኃጢኣት ኣርኂቑ ብርሃን ጽድቂ ዘልብስ . . . ስለዝኾነ ቅድስት ቤተ ክርስቲያን ብዝተፈላለየ መንገዲ ብውዳሴን ቅዳሴን ብፍሉይ ኵነታትን ተኽብሮ።