በስመ አብ ወወልድ ወመንፈስ ቅዱስ አሐዱ አምላክ!

ታሪክ ሠለስቱ ደቂቅ ንሕፃናት

ከመይ ቀኒኹም ሕፃናት ሎሚ ብዛዕባ ታሪኽ ሠለስቱ ደቂቅ ክንመሃር ኢና!

ኣናንያ ኣዛርያ ሚሳኤል ዝበሃሉ ሠለስተ መንእሰያት ነበሩ። እዞም መንእሰያት’ዚኦም ብምርኮ ኣብ ባቢሎን ይነብሩ ነበሩ። ኣብቲ ነቢይ ዳንኤል ብልዒ ንጉሥ በሊዑ ንኸይረክስ ቆሎ ቘርጢሙን ማይ ሰትዩን ክኃድር ከሎ፣ እዞም ሠለስተ መንእሰያት ከኣ ምስኡ ሠሚሮም ነበሩ። ንእግዚአብሔር ድማ ኣዝዮም ይፈትውዎ ነበሩ።

ካብ ዕለታት ሓደ መዓልቲ ንጉሥ ናቡከደነጾር ኣዚዩ ነዊኅ ብወርቂ ዝተገብረ፡ ምስሊ ኣቒሙ ንዅሉ ሕዝቢ ናብዚ ምስሊ’ዚ ክሰግድ፡ እቲ ዘይሰገደ ግና ኣብቲ እቶን ሓዊ ክድርበ ምዃኑ ኣወጀ። እዞም ሠለስተ እስራኤላውያን መንእሰያት ግና ኣብቲ ዝተባህለ እቶን ሓዊ ከይድርበዩ ኣይፈርሑን። ንንጉሥ ከኣ “ኦ ንጉሥ ንሕና ነዚ ንስኻ ዘቖምካዮ ምስሊ ኣይንሰግድን፣ ምኽንያቱ እነምልኾ ኣምላኽ ኣሎና፡ ካብዚ ሓዊ ድማ ከድኅነና ስለዝኽእል ንእኡ ጥራይ ኢና ንሰግድ” በልዎ።

በስመ አብ ወወልድ ወመንፈስ ቅዱስ አሐዱ አምላክ!

እቶም ሠለስተ መንእሰያት (ሠለስቱ ደቂቅ)

ሠለስቱ ደቂቅ ‘ኣናንያ ኣዛርያ ሚሳኤል’ ደቂ ንጉሥ ኤልያቄም ንጉሥ ይሁዳ እዮም። ነቢይ ዳንኤል ድማ ወዲ ኃፍቶም እዩ። ንጉሥ ናቡከደነጾር ንንጉሥ ይሁዳ ኢኮንያን ስዒሩ ንደቂ እስራኤል ብምርኮ ናብ ባቢሎም ምስ ወሰዶም፡ ካብ ደቂ እስራኤል እናመሃረን እናመገበን ኣገልገልቱ ክገብሮም መንእሰያት ኃረየ። ካብቶም ዝኃረዮም ዳንኤልን እዞም ሠለስተ መንእሰያትን (ሠለስቱ ደቂቅ) ይርከብዎም። እዞም ቅዱሳን ግና በቲ ብልዒ ንጉሥን ነቢትን ንኸይረኽሱ፡ ነቲ ሓለቓ ሹማምንቲ ኣሕምልትን ማይን ክህቦም ለመንዎ። እቲ ሓለቓ ድማ ‘ንስኻትኩም ካብቶም ካልኦት እንተ ዓቢርኩም ንጉሥ ንኣይ ስለዝቐጽዓኒ ኣይከውንን እዩ’ በሎም። ንሳቶም ከኣ ‘ንዓሠርተ መዓልቲ ተዓዘበና ደኃር ንኣናን ነቶም ብልዒ ንጉሥ ዚበልዑንን ርኣየና ሽዑ ኸምቲ ዚመሰለካ ግበረና’ በልዎ።

በስመ አብ ወወልድ ወመንፈስ ቅዱስ አሐዱ አምላክ!

ምሥጢረ ቍርባን

‘ቍርባን’፦ ማለት መንፈሳዊ ኣምኃ፣ መሥዋዕት፣ መባእ . . . ንእግዚአብሔር ኣምላኽ ዝቐርብን ዝወሃብን እዩ። ኣብ ዘመነ ብሉይ፡ ንእግዚአብሔር ዝቐርብ መሥዋዕቲ እንስሳን እኽልን ቍርባን ይብሃል ነበረ። (ዘሌ. 4፥1-35፤ 5፥1-19፤ 6፥1-30፤ 7፥1-15) ኣብ ሓዲስ ኪዳን ግና ቍርባን ዚበሃል ናይ ጐይታናን መድኃኒናን ኢየሱስ ክርስቶስ ሥጋን ደምን እዩ። (ማቴ. 26፥26፤ 1ይ ቆሮ. 11፥24-27) “ሥጋይ ብልዒ ሓቂ እዩ እሞ ደመይ ከኣ መስተ ሓቂ እዩ። እቲ ሥጋይ ዚበልዕ ደመይ ውን ዚሰቲ ኣባይ ይነብር ኣነ’ውን ኣብኡ እነብር።” ዮሓ. 6፡55

ክብረ በዓል ልደት ኣቡነ ቡሩክ ኣብ ገዳም ኣቡነ ቡሩከ ኣምላክ ብመንፈሳዊ ድምቀት ተባዒሉ!

ዓመት መጸ ክብረ በዓል ልደት ኣቡነ ቡሩክ ባሕቲ ግንቦት ኣብ ገዳም ደብረ ኮል ኣቡነ ቡሩከ ኣምላክ ብዓቢይ ክብሪ ተብዕሎ። ከምቲ ዝፍለጥ ሓደ ግንቦት ልደት እግዚእትነ ማርያም ብምዃኑ ኣብያተ ክርስቲያን ብዓቢይ መንፈሳዊ ድምቀት ዝበዓል ዓቢይ በዓል እዩ። ገዳም ኣቡነ ብሩክ ከኣ ምስ እዚ ክቡር በዓል ጸንቢራ ንክብረ በዓል ልደት ኣቡነ ቡሩከ ኣምላክ መሥራቲ ናይዚ ገዳም ዝኾኑ ብኽብሪ ተብዕሎ።

በስመ አብ ወወልድ ወመንፈስ ቅዱስ አሐዱ አምላክ!

አሥርቆት ዘወርኀ ግንቦት

ዮም ሠረቀ ለነ ወርኀ ቡሩክ ግንቦት ያብጽሐነ እስከ ወርኀ ሰኔ በሰላመ እግዚአብሔር! ወርኀ ግንቦት ቡሩክ መዓልቱ ፲ወ፬ቱ ሰዓት ወእምዝ ይትዌሰክ ።

ሎሚ ቡሩኽ ወርኂ ግንቦት ብሒትልና ኣሎ እሞ ናብ ብሩኽ ወርኂ ሰኔ ብሰላመ እግዚአብሔር የብጽሓና! ቡሩኽ ወርኂ ግንቦት፡ ናይ መዓልቲ 14 ሰዓት ኮይኑ ብድኅር’ዚ እናወሰኸ ይኸይድ።

በስመ አብ ወወልድ ወመንፈስ ቅዱስ አሐዱ አምላክ!

በእንተ ፅንሳ ወልደታ ወበአታ

ሓደ ካብ ወገን ይሁዳ ዝተወልደ፡ ካብ ዘመድ ካህናት ዝኾነት ሃና እትብሃል ሰበይቲ ዘእተወ ኢያቄም ዝበሃል ሰብኣይ ነበረ። ክልተኦም ፈሪሀ እግዚአብሔር ዘለዎም ሕጊ እግዚአብሔር ዝፍጽሙ ርኅሩኃትን ፍቁራትን ነበሩ።
ሃና ግና መኻን ነበረት እሞ ውላድ ብዘይ ምህላዎም ይኃዝኑን ይትክዙን ነበሩ። ወትሩ ኸኣ ናብ ቤተ እግዚአብሔር እናኸዱ ውላድ ክህቦም ብኃዘንን ንብዓትን ልመናኦም ናብ እግዚአብሔር የቕርቡ ነበሩ።
እግዚአብሔር ልመናኦም ተቐቢሉ ውላድ ክህቦም ብእምነትን ብብዙኅ ተስፋን ይነብሩ ነበሩ።