banner

ዓመታዊ በዓል ኣብያተ ትምህርተ ሰንበት መድኃኔ ዓለም (ደቀምሓረ) ከምኡ’ውን ቅዱስ ጊዮርጊስ (መንደፈራ) ብመንፈሳዊ ድምቀት ተኸቢሩ!

ዓመታዊ በዓል ኣብያተ ትምህርተ ሰንበት መድኃኔ ዓለም (ደቀምሓረ) ከምኡ’ውን ቅዱስ ጊዮርጊስ (መንደፈራ) ብመንፈሳዊ ድምቀት ተኸቢሩ!

ብዕለት 11 መስከረም 2012 ዓ.ም. መበል 20 ዓመት ምምሥራት ቤት ትምህርተ ሰንበት ደብረ ሰላም መድኃኔ ዓለም (ደቀምሓረ) ከምኡ’ውን መበል 17 ዓመት ምምሥራት ቤት ትምህርተ ደብረ ሣህል ቅዱስ ጊዮርጊስ (መንደፈራ) ብዝተፈላለየ መንፈሳዊ መደባት ብድምቀት ተኸቢሩ። 

ኣብ ቤት ትምህርተ ሰንበት ደብረ ሰላም መድኃኔ ዓለም (ደቀምሓረ)፡ ብፁዕ ኣቡነ ቄርሎስ ሊቀ ጳጳስ ሀገረ ስብከት ደቡብ ብሓዋርያዊ ዑደት ኣብ ከተማ ጾሮና ውዒሎም ደኺምኒ ከይበሉ ብመንፈሳዊ ጽንዓት ጽላልን ክብርን ኮይኖም ነቲ ጉባኤ ብጸሎት ከፊቶሞ።

ብድኅር’ዚ ብስብከተ ወንጌል ዝተሰነየ ያሬዳዊ ወረብን መዛሙርን መንፈሳዊ ተዋሥኦን ካልእን ቀሪቡ። ኣብዚ ኃለፍቲ ሃገረ ስብከት ደቡብ፡ ውሉደ ክህነት፡ ወለዲ፡ መንእሰያት፡ ሕፃናት ዝተሳተፍዎ ጉባኤ ብፁዕ ኣቡነ ቄርሎስ ቃለ ምዕዳንን ቡራኬን ምስ ሃቡ ብጸሎትን ምህላን ተፈጺሙ።

ብተመሳሳሊ ኣብ ቤት ትምህርተ ሰንበት ደብረ ሣህል ቅዱስ ጊዮርጊስ (መንደፈራ)፡ ኃላፊ ክፍሊ ትምህርተ ሰንበት ዘመንበረ ፓትርያርክ ቀሲስ ተኽሎም ተስፋልደት ከምኡ’ውን ኃለፍቲ ሃገረ ስብከት ደቡብ፡ ውሉደ ክህነት፡ ወለዲ፡ መንእሰያት፡ ሕፃናት ኣብ ዝተሳተፍሉ ንኃላፊ ዘይኮነስ ንዘለዓላማዊ፡ ንምድራዊ ዘይኮነስ ንሰማያዊ፡ ንሥጋዊ ዘይኮነስ ንመንፈሳዊ . . . ኽንጥምት ዝሕግዙና ሰማያዊ ምሥጢር ኃዘል መደባት ቀሪቦም። 

ብድኅር’ዚ ‘አመ ከመ ዮም ያብጽሐነ/ እንቋዕ ኣብጽሓና’ እናተበሃሃሉ ብመንፈሳዊ ሓበንን ጸሎትን ምህላን እቲ ጉባኤ ተፈጺሙ!

Our Faith

The Eritrean Orthodox Tewahdo Church is the one Apostolic and Universal, and, for authenticatitly,ng righ
A.  It is stated as ‘Eritrean’ for it is located  within Eritrea’s sovereign integrity, 
B.  And it is affirmed that it is ‘Orthodox’ for  the Church has the true faith,
C.  And is called ‘Tewahdo’ for it believes   Read More . . . 

ርኸቡና

ኦርቶዶክስ ተዋሕዶ ቤተ ክርስቲያን ኤርትራ
ፖ.ሳጹን ቁጽሪ 728
ኣስመራ፡ ኤርትራ
ቴለ፡ +291-1-184290/182270
ፋክስ፡ +291-1-182195