banner

ተኣምር ቅዱስ መርቆሬዎስ ሰማዕት

በስመ አብ ወወልድ ወመንፈስ ቅዱስ አሐዱ አምላክ!

ተኣምር ቅዱስ መርቆሬዎስ ሰማዕት

“ነቲ ንነፍስን ንሥጋን ኣብ ገሃነም ከእቱ ዝከኣሎ ደኣ ፍርህዎ እምበር ነቶም ንሥጋ ክቐትሉ ንነፍሲ ግና ኪቐትልዋ ዘይከኣሎም ኣይትፍርህዎም” (ማቴ. 10፡18) ከምኡ’ውን “ካብ ፍቕሪ ክርስቶስ ዝፈልየና መን እዩ፧” (ሮሜ 8፡35) ዝብል መሪሕ ቃል ገይሮም፡ ስለ እግዚአብሔር፡ ስለ ቅድስት ቤተ ክርስቲያን፡ ስለ ሃይማኖትን ሓቅን ክብሉ ዝተፈላለየ መከራ ዝተቐበሉ፡ ደሞም ኣፍሲሶምን ዓጽሞም ከስኪሶምን ሕይወቶም ዝወፈዩ ‘ቅዱሳን ሰማዕታት’ ይበሃሉ።
ስለቲ ሰማዕትነቶም ድማ ዘይጽምሉ ኣኽሊል ጽድቂ ይደፍኡ፣ ብቃል ኪዳኖም በረኸት ይዕድሉ፣ ብዐፀደ ነፍስ ኮይኖም ነቶም ብኣካለ ሥጋ ዘለዉ ይራድኡን ተኣምራት ይገብሩን፣ . . . ።

ሰማዕት ቅዱስ ፒሉፓዴር መርቆሬዎስ ብዐፀደ ነፍስ እናተገልጸ ይትረፍ ንክርስቲያን ዋላ’ውን ንዘይኣማኒ ተኣምራት ፈጺሙ እዩ። ሓደ ኻብኡ በረኸት ንክኾነና ክንትርኾ ኢና፡ እግዚአብሔር ፍቕሪ ሰማዕታት የኅድረልና!

ተውሳክ፡ . . . ተኣምር ቅዱስ መርቆሬዎስ ሰማዕት

ዕሥራን ኣርባዕተን ካህናተ ሰማይ

በስመ አብ ወወልድ ወመንፈስ ቅዱስ አሐዱ አምላክ!

ዕሥራን ኣርባዕተን ካህናተ ሰማይ

ብርግጽ ኣብ ዙርያ ዝፋን ጐይታ ዚቖሙን ዘመስግኑን ክቝጸሩ ዘይከኣሉ ኣእላፈ ኣእላፋት ሠራዊተ መላእክት ከምዘለዉ በዓል ራእይ ነቢይ ዳንኤል(ዳን. 7፡10) ደኣ ይግለጽ እምበር፡ ብፍሉይ ድማ ዕሥራን ኣርባዕተን ሊቃናት ካህናተ ሰማይ ከም ዘለዉ ኣብ ራእይ ዮሓንስ ተጻሒፉ ኣሎ። (ራእ. ዮሓ. 4፡10) ዕሥራን ኣርባዕተን ካህናተ ሰማይ ኣብ ቅድሚ ሰማያዊ ኣምላኽ ዓቢይ ኽብሪ ዘለዎም፡ ኣብ ዕሥራን ኣርባዕተን ተሸይሞም ዕሥራን ኣርባዕተን ሰዓት ንሰማያዊ ንጉሥ ዘመስግኑ፡ ጸልዮም ንርእሶም ሓልዮም ዓስቦም ተቐቢሎም ዝነብሩ ሰማያውያን መላእኽቲ እዮም። ቅዱስ ዮሓንስ ኣብ ራእዩ ንኽብሮም ኪገልጽ ከሎ ፃዕዳ ልብሲ ለቢሶም፡ ኣኽሊል ደፊኦም ኣብ ዙርያ ዝፋን ጐይታ ድማ ዕሥራን ኣርባዕተን ዝፋናት ተዘርጊሕሎም ንኪቕመጡ ክብሪ ከም ዝተዋህቦም ደጋጊሙ ይዛረብ። (ራእ. ዮሓ. 4፡4) ብሓፈሻ እቲ ናቶም ኣገልግሎት ፦

ተውሳክ፡ . . .ዕሥራን ኣርባዕተን ካህናተ ሰማይ

ሓዋርያ ቅዱስ በርተሎሜዎስ

በስመ አብ ወወልድ ወመንፈስ ቅዱስ አሐዱ አምላክ!

ሓዋርያ ቅዱስ በርተሎሜዎስ

ሓደ ካብ ዓሰርተው ክልተ ሓዋርያት ዝኾነ ሓዋርያ በርተሎሜዎስ እዩ። (ማቴ. 10፡3፣ ማር. 3፡18) በርተሎሜዎስ ማለት ተኽሊ ናይ ምስታይ ሃብት ዝተዋህቦ ውሉድ ማለት እዩ። “ኩን ወልደ ኃይል፡ ኩን ወልደ የማን” ከም ዝብል። ኣብ ሀገረ ስብከቱ ስሙ ምስ ግብሩ ተሳንዩ ንግሆ ወይኒ ተኺሉ ምሸት ንመሥዋዕቲ ኣብጺሑ እዩ።

ምስ ቅዱሳን ሓዋርያት ጐይታናን መድኃኒናን ኢየሱስ ክርስቶስ ኣብ ዝወዓሎ እናወዓለ፡ ኣብ ዝኃደሮ እናኃደረ ንልዕሊ ሠለስተ ዓመት ተማህረ። ሕሙማን የሕዊ፡ ለምጻማት የንጽሕ፡ ኣጋንንቲ የውፅእ ነበረ። ድኅሪ ናይ ጐይታ ስቅለትን ትንሣኤን ዕርገትን ድማ ምስ ሓዋርያት ብሓደ ይነብር ነበረ። ቅዱሳን ሓዋርያት ጸጋ መንፈስ ቅዱስ ተቐቢሎም፡ ንስብከተ ወንጌል ምእንቲ ክጥዕምም ነዛ ዓለም ምስ ተኻፈልዋ ንቅዱስ ሓዋርያ በርተሎሜዎስ ‘ሃገረ እልዋህ’ በጽሖ።

ብሊቀ ሓዋርያት ቅዱስ ጴጥሮስ ተሰንዩ ናብ ሃገረ ስብከቱ እልዋህ ኣምርሐ። ብጥበበ እግዚአብሔር ድማ ናብታ ዓዲ ንምእታው ሓዋርያ ጴጥሮስ ናብ ሓደ ገፊሕ ናይ ወይኒ ሕርሻ ዘለዎ ነጋዳይ ሸጦ።

ተውሳክ፡ . . . ሓዋርያ ቅዱስ በርተሎሜዎስ

“በአማን ፈነወ መልአኮ ወአድኃነኒ / ብሓቂ መልኣኹ ልኢኹ ኣድኃነኒ” (ግብ. 12፡11)

በስመ አብ ወወልድ ወመንፈስ ቅዱስ አሐዱ አምላክ!

“በአማን ፈነወ መልአኮ ወአድኃነኒ / ብሓቂ መልኣኹ ልኢኹ ኣድኃነኒ” (ግብ. 12፡11)

ብኣምጻኤ ዓለማትን ፈጣሬ ፍጥረታትን እግዚአብሔር ብዕለተ እሑድ ካብ ዝተፈጥሩ፡ ‘መላእክት’ እዮም።

ቍጽሪ መላእክት ብዘይካ እግዚአብሔር ዝፈልጦ የለን። (ዳን. 7፡10) ብነገድ ግና ዓዓሠርተ ዝኅዙ 100 ነገዳት እዮም። ንሳቶም ድማ ኣጋዕዝት፡ ኪሩቤል፡ ሱራፌል፡ ኃይላት፡ አርባብ፡ መናብርት፡ ሥልጣናት፡ መኳንንት፡ ሊቃናት፡ መላእክት እዮም። (ቅዱስ ኤጲፋንዮስ) ኣብ ሠለስተ ሰማያት ኢዮር፡ ራማ፡ ኤረር ድማ ይሰፍሩ። ዲያብሎስ ብትዕቢቱ ድኅሪ ምውራዱ ግና ቍጽሪ ነገደ መላእክት 99 ነገዳት ኮነ።

ተውሳክ ፡ . . .“በአማን ፈነወ መልአኮ ወአድኃነኒ / ብሓቂ መልኣኹ ልኢኹ ኣድኃነኒ” (ግብ. 12፡11)

“ብጸሎት ጻድቕ፡ ሃገር ካብ ጥፍኣት ትድኅን”

በስመ አብ ወወልድ ወመንፈስ ቅዱስ አሐዱ አምላክ!

“ብጸሎት ጻድቕ፡ ሃገር ካብ ጥፍኣት ትድኅን”

ቅዱስ ኣቡነ ጰንጠሌዎን

ቅዱስ መጽሓፍ “ብጸሎት ጻድቕ ሃገር ካብ ጥፍኣት ትድኅን” ከምዝብል ንሕዝበ ክርስቲያን ብዛዕባ ናይ ጻድቃን መንፈሳዊ ፍቕርን ጽንዓት ሃይማኖትን ፍጹም ትዕግሥትን ክሰምዑ ከለዉ፡ ከይበልዑ ዘጽግብ፡ ከይሰተዩ ዘርዊ፡ ከይተኸድኑ ዘምውቕ፡ በረኸትን ዓስብን ዘውህብ እዩ።

ሓደ ካብ ዓበይቲ ጻድቃን፡ ሓበን ኦርቶዶክስ ተዋሕዶ ሃይማኖት ዝኾነ ኣባ ጰንጠሌዎን እዩ። ‘ጰንጠሌዎን’ ማለት ብልሳነ ጽርኢ ‘ልብሲ’ ማለት እዩ። ትውልዱ ካብ ቤተ መንግሥት እኳ እንተኾነ፡ ጡብ ኣዲኡ ኻብ ዚኃድግ ኣትኂዙ፡ ኣብ ገዳማት ምስ መነኮሳት፡ ብመንፈሳዊ ጥበብን ተግሣፅን ብጾምን ጸሎትን እናተግሀ፡ ጋሻ እናቐበለ፣ ኣረጋውያን ኣቦታት እናኣለየ፣ ሕሙማን እናረድአ፣ ቃለ እግዚአብሔር እናተማህረ ዓበየ።

ድኅር’ዚ ኣብ መፋርቕ ኃሙሻይ ዘመን ምስ ሾመንተ ቅዱሳን ናብ ምድረ ኣግዓዚት ኣተወ። እዞም ቅዱሳን ብፍቕርን ሰላምን ኣብ ሡር ሓንቲ ትእዛዝ ኣብ ሓንቲ ወልድ ዋሕድ ተዋሕዶ ሃይማኖት ክርስቶስ እናኣስፋሕፍሑ ብደብረ ሲና ኃሊፎም ናብ ኣክሱም ኣተዉ።

ተውሳክ፡ . . . “ብጸሎት ጻድቕ፡ ሃገር ካብ ጥፍኣት ትድኅን”

ካብ ተኣምር ቅድስት ኣርሴማ

በስመ አብ ወወልድ ወመንፈስ ቅዱስ አሐዱ አምላክ!

ካብ ተኣምር ቅድስት ኣርሴማ

ብገንዘብ ኃላፍን ጠፋእን ዝኾነ ዓለም ኣዝያ ሃብታም ዝኾነት ሓንቲ ሰበይቲ ነበረት፡ ብዝኂ ገንዘባ ሥፍርን ቊጽሪን ኣይነበሮን። ከም ከዋኽብቲ ሰማይን ከም ሑጻ ባሕርን እዩ። ምግባ ግና ብማይ ዝተኣልከ ፍረ ዓተር ነበረ። ንሳ ግና ንሽጉራትን ንጥሙያትን፡ ካህናትን ዲያቆናትን መንገደኛታትን ስደተኛታትን፡ ኣረገውትን ዘኽታማትን ትጽውዕ ነበረት።

ብስም ጐይታና ኢየሱስ ክርስቶስን፡ ብስም እግዝእትነ ቅድስት ድንግል ማርያምን ብስም መላእኽትን ጻድቃንን ሰማዕታትን ዝኽሪ ክትገብር ከላ ኣብ ዓዳ ካብ ዘለው ሰባት ንሓደ እኳ ኣይትፈልን ነበረት። ዝያዳ ድማ ዝኽሪ በዓል ብፅዕት ኣርሴማ 29 መስከረም፡ 6 ታኅሣሥ ዝክረ በዓል ትፈቱ ነበረት። ቃል መክብብ ከም ዝብሎ፦ ‘ነቶም ሕያዎት ሰባት ለጋስነቶም ትመርሖም ካብ መከራ’ውን ተናግፎም። ከምኡ’ውን ንኣዕዋፍ ሰማይ እኽልን ማይን ትህቦም ኣብ ልዕሊ እንስሳታት’ውን ትርኅርኅ ነበረት። ሰሎሞን ኣብ መጽሓፈ ምሳሌ፦ ‘ጻድቅ ሰብ ኣብ ልዕሊ እንስሳ ርኅሩኅ እዩ ኃጢአተኛ ግና ርኅራኄ የብሉን’ ከም ዝበለ።

ተውሳክ፡ . . . ካብ ተኣምር ቅድስት ኣርሴማ

Our Faith

The Eritrean Orthodox Tewahdo Church is the one Apostolic and Universal, and, for authenticatitly,ng righ
A.  It is stated as ‘Eritrean’ for it is located  within Eritrea’s sovereign integrity, 
B.  And it is affirmed that it is ‘Orthodox’ for  the Church has the true faith,
C.  And is called ‘Tewahdo’ for it believes   Read More . . . 

ርኸቡና

ኦርቶዶክስ ተዋሕዶ ቤተ ክርስቲያን ኤርትራ
ፖ.ሳጹን ቁጽሪ 728
ኣስመራ፡ ኤርትራ
ቴለ፡ +291-1-184290/182270
ፋክስ፡ +291-1-182195