banner

ጉባኤ ወለንታውያን ሓካይም ኣብ ኣዳራሽ መንበረ ፓትርያርክ ተቓኒዑ!

ጉባኤ ወለንታውያን ሓካይም ኣብ ኣዳራሽ መንበረ ፓትርያርክ ተቓኒዑ!

ብዕለት 17 ግንቦት 2011 ዓ.ም. (25/05/2019 ዓ.ም.ፈ.)፡ ብፁዓን ኣቦታትን መራሕቲ ኣብያተ ጽሕፈት መንበረ ፓትርያርክን ኃለፍቲ ክፍልታትን ከምኡ’ውን ሰብ ሞያ ሕክምናን ኣብ ዝተረኽቡሉ ኣብ ኣዳራሽ መንበረ ፓትርያርክ ጉባኤ ወለንታውያን ሓካይም ተቓኒዑ!

ጉባኤ ብጸሎት ምስ ተጀመረ፡ ተሓጋጋዚ ኣካያዲ ሥራሕ ቤት ጽሕፈት መንበረ ፓትርያርክ ዲያቆን ግርማይ ዘርኣይ ኣብ ዘስምዖ መኽፈቲ ቃል፦ ቤተ ክርስቲያን ንዘለዋ ሰፊሕ መንፈሳዊ፡ ምምኅዳራውን ልምዓታውን መደባት ከምኡ’ውን ኣበርክቶ ወለንታውያን ብሓፈሻ ኣበርክቶ ሰብ ሞያ ሕክምና ንዝምልከት መብርሂ ሂቡ። 

ኃላፊ ክሊኒክ ቅድስት ሥላሴ ኮሌጅ ደብረ ሲና ዝኾኑ ቀሲስ ኣኽሊሉ ብወገኖም ህልዉ ሕክምናዊ ንጥፈታት ኣብ ቤተ ክርስቲያንን ክሊኒክ ኮሌጅን ዝምልከት መግለጺ ሂቦም። 

ተጋባእቲ ሰብ ሞያ ጥዕና ኣብ ዘስምዕዎ ቃል፦ ዘለዎም ቅሩብነት ድኅሪ ምግላጽ እትጥርንፎምን እተዋሕዶምን ሾብዓተ ዝኣባላታ ኮሚቴ ኣቚሞም።

ኣብ መወዳእታ፡ ብፁዕ ኣቡነ ሉቃስ ንኣባላት ቅዱስ ሲኖዶስ ወኪሎም ቃል ምዕዳንን ምስጋናን ቡራኬን ምስ ሃቡ እቲ ጉባኤ ብጸሎት ተዛዚሙ።

ዕላማ’ዚ ጉባኤ’ዚ ወለንታውያን ሰብ ሞያ ጥዕና ንገዳማውያንን ገዳማውያትን ናጻ ሕክምናዊ ኣገልግሎት ዝህብሉን፣ ነቲ ኣብ መንፈሳዊ ኮሌጅ ቅድስት ሥላሴ ተዶኪኑ ዘሎ ክሊኒክ ናብ ዝለዓለ ደረጃ ክሳዕ ማእከል ጥዕና ንምዕባይን ምስፋሕን ዝዓለመ እዩ።

Our Faith

The Eritrean Orthodox Tewahdo Church is the one Apostolic and Universal, and, for authenticatitly,ng righ
A.  It is stated as ‘Eritrean’ for it is located  within Eritrea’s sovereign integrity, 
B.  And it is affirmed that it is ‘Orthodox’ for  the Church has the true faith,
C.  And is called ‘Tewahdo’ for it believes   Read More . . . 

ርኸቡና

ኦርቶዶክስ ተዋሕዶ ቤተ ክርስቲያን ኤርትራ
ፖ.ሳጹን ቁጽሪ 728
ኣስመራ፡ ኤርትራ
ቴለ፡ +291-1-184290/182270
ፋክስ፡ +291-1-182195