banner

በዓለ ግዕዛነ ኤርትራ ኪዳነ ምሕረት ቤተ ክርስቲያን (ፓራዲዞ/ማይተመናይ) ብመንፈሳዊ ሓበን ተኸቢሩ!

"ኣደ ጐይታና ሓበን ናትና ዝኾንኪ ድንግል ማርያም ኪዳንኪ ኃይልናን ጸግዕናን ኢኻ ”

በዓለ ግዕዛን ዘውእቱ ግዕዛነ ኤርትራ ኪዳነ ምሕረት ቤተ ክርስቲያን (ፓራዲዞ/ማይተመናይ) ብመንፈሳዊ ሓበን ተኸቢሩ!

ዓርቢ 16 ግንቦት ብኃይሊ እግዚአብሔርን ኣማላድነት ኣዴና ቅድስት ድንግል ማርያምን ዝተረኽበ ናጽነት ኤርትራ ንምዝካር፡ ሎሚ ዓመት ንመበል 28 ዓመት ኣብ ኵለን ኣብያተ ክርስቲያን ክኽበር ከሎ ብፍሉይ ድማ ኣብ መካነ ገነት ኪዳነ ምሕረት ቤተ ክርስቲያን ፓራዶዞ/ማይተመናይ ካብ ዋዜማ ጀሚሩ ብማኅሌትን ቅዳሴን ዑደተ ታቦትን ክብረ በዓል ተኸቢሩ።

ኣብዚ ብፁዓን ጳጳሳት ብፁዕ ኣቡነ ሉቃስ ዋና ጸሓፊ ቅዱስ ሲኖዶስ፡ ብፁዕ ኣቡነ ጴጥሮስ ጳጳስ ሃገረ ስብከት ማእከል፡ ብፁዕ ኣቡነ ባስልዮስ ዋና ኣመኃዳሪ መንበረ ታርያርክ፡ ከምኡ’ውን ካብ ዝተፈላለየ ቦታ ዝመጹ ሊቃውንት መምህራን፡ ውሉደ ክህነትን ምእመናንን ምእመናትን ዝተረኽቡሉ በዓል፡ ብመንፈሳዊ ሥርዓት ተባዒሉ።

ተውሳክ፡ . . . በዓለ ግዕዛነ ኤርትራ ኪዳነ ምሕረት ቤተ ክርስቲያን (ፓራዲዞ/ማይተመናይ) ብመንፈሳዊ ሓበን ተኸቢሩ!

ብሠናይ ዕረፍቲ ብፁዕ አቡነ ኣትናቴዎስ፡ ካብ ርኁቕን ቀረባን ሕዝበ ክርስቲያን ኃዘኖም ገሊጾም!

ብሠናይ ዕረፍቲ ብፁዕ አቡነ ኣትናቴዎስ፡ ካብ ርኁቕን ቀረባን መግለጺ ኃዘን ቀሪቡ!

ኣብ ቀረባን ርኁቕን ውሽጢ ሃገርን ወፃኢ ሃገርን ዝርከቡ ሕዝበ ክርስቲያን ብሠናይ ዕረፍቲ ብፁዕ አቡነ ኣትናቴዎስ ዝተሰመዖም ኃዘን ገሊጾም።

ብፍላይ ካብ ሃገረ ስብከት ሕቡራት መንግሥታት ኣመሪካን ካናዳን ኣብ ዝለኣኽዎ መልእኽቲ፦ ብዕረፍቲ ብፁዕ ኣቦና ዝተሰምዖም ኃዘን ድኅሪ ምግላጽ ንሶም ብቅዱስ ሲኖዶስ ተወኪሎም ኣብ ሀገረ ስብከቶም ዝፈጸምዎ ሓዋርያዊ ዕዮ፡ ዝሃብዎ ቡራኬን ከምኡ’ውን ትሕትናኦምን ለውሃቶምን ኣባታዊ ኃላፍነቶምን ንዅሉ ምእመን ናይ ተስፋ ስንቂ ኮይንዎ ከምዘሎ ገሊጾም።

ሃገረ ስብከት ኤውሮጳ ብወገኖም ኣብ መግለጺኦም፦ ዕረፍቲ ብፁዕ ኣቦና ንቤተ ክርስቲያንና ዓቢይ ሃጓፍ እዩ እሞ እግዚአብሔር ኃይልን ብርትዐን ይሃባ፣ ንዅሉ ሕዝበ ክርስቲያን ድማ ጽንዓት ይሃብ ኢሎም።

ተውሳክ፡ . . . ብሠናይ ዕረፍቲ ብፁዕ አቡነ ኣትናቴዎስ፡ ካብ ርኁቕን ቀረባን ሕዝበ ክርስቲያን ኃዘኖም ገሊጾም!

ሥርዓተ ቀብር ብፁዕ ኣቡነ ኣትናቴዎስ ተፈጺሙ!

ሥርዓተ ቀብር ብፁዕ ኣቡነ ኣትናቴዎስ ተፈጺሙ!

ሠሉስ 13 ግንቦት 2011 ዓ.ም. ፡ ብፁዓን ሊቃነ ጳጳሳት፡ አበምኔት ገዳማት፡ ገዳማውያን፡ ውሉደ ክህነት፡ ብኣሽሓት ዝቝጸሩ ምእመናንን ምእመናትን ከምኡ’ውን መራሕቲ ሃይማኖታትን ሰበ ሥልጣን መንግሥትን . . . ኣብ ዝተረኽብሉ ሥርዓተ ቀብር ብፁዕ ኣቡነ አትናቴዎስ ኣብ ርእሰ ኣድባራት ቅድስት ማርያም ቤተ ክርስቲያን ኣሥመራ ተፈጺሙ።

ተውሳክ፡ . . . ሥርዓተ ቀብር ብፁዕ ኣቡነ ኣትናቴዎስ ተፈጺሙ!

መርሐ ግብር ጸሎተ ፍትሐትን ሥርዓተ ቀብርን ብፁዕ ኣቡነ ኣትናቴዎስ

በስመ አብ ወወልድ ወመንፈስ ቅዱስ አሐዱ አምላክ!

መርሐ ግብር ጸሎተ ፍትሐትን ሥርዓተ ቀብርን ብፁዕ ኣቡነ ኣትናቴዎስ

ዝፍጸመሉ ዕለት፦ ሠሉስ 13 ግንቦት 2011 ዓ.ም.ግ. (21/05/2019 ፈ.)
ዝፍጸመሉ ቦታ፦ ርእሰ ኣድባራት ደብረ ጽዮን ቅድስት ማርያም ቤተ ክርስቲያን ኣሥመራ

• ኣብ ኵለን ኣብያተ ክርስቲያን ናብ ሠሉስ 13 ግንቦት 2011 ዓ.ም.ግ. (21/05/2019ፈ.) ዘውግሕ ለይቲ ዓሰርተው ክልተ ጊዜ ደወል ብምድዋል ጸሎተ ፍትሓት ብፁዕ ኣቡነ ኣትናቴዎስ ክጽለ ይኃድር።

• ብፍላይ ኣብ ርእሰ ኣድባራት ደብረ ጽዮን ቅድስት ማርያም ቤተ ክርስቲያን (ኣሥመራ) መምህራን ሊቃውንትን ውሉደ ክህነትን ስብሓታትን ጸሎተ ፍትሓትን የብጽሑ።

• ለይቲ ሰዓት 3፡00 ቅ.ቀ፡ ኣስከሬን ብፁዕ ኣቦና ካብ መንበሪ ቤቶም ብብፁዓን ኣቦታት ተዓጂቡ ኣብ ርእሰ ኣድባራት ደብረ ጽዮን ቅድስት ማርያም ቤተ ክርስቲያን ምስ በጽሐ፡ ካብ ቀጽሪ ክሳብ ውሽጢ ቤተ ክርስቲያን ፃዕዳ ልብሰ ተክህኖ ለቢሶም ካህናት ጽንሓሕ ዲያቆናት ድማ ወርቂ መስቀል ኂዞም ጥዋፍ እናብርሁ ብየማነ ጸጋም ተሠሪዖም፣ ከምኡ ድማ ተማሃሮ ትምህርተ ሰንበት ጥዋፍ ኣብሪሆም ይቕበሉ።

ተውሳክ፡ . . .መርሐ ግብር ጸሎተ ፍትሐትን ሥርዓተ ቀብርን ብፁዕ ኣቡነ ኣትናቴዎስ

ዝክረ በዓለ ዕረፍት አቡነ ብፁዐ አምላክ ኣብ ገዳማት ደብረ ምዕዋንን ደብረ ኰዳዱን ብድምቀት ተባዒሉ!

ዝክረ በዓለ ዕረፍት አቡነ ብፁዐ አምላክ ኣብ ገዳማት ደብረ ምዕዋንን ደብረ ኰዳዱን ብድምቀት ተባዒሉ!

ኣብ ገዳም ደብረ ምዕዋን ብፁዕ ኣቡነ ቄርሎስ ሊቀ ጳጳስ ሀገረ ስብከት ደቡብ ዓዲ ቀይሕ፡ ብፁዕ ኣቡነ ባስልዮስ ዋና ኣመኃዳሪ ቤት ጽሕፈት መንበረ ፓትርያርክ፡ ብፁዕ ኣቡነ ጴጥሮስ ጳጳስ ዞባ ማእከል፣ ከምኡ’ውን ኣብ ገዳም ደብረ ኰዳዱ ብፁዕ ኣቡነ ዮሓንስ ሊቀ ጳጳስ ሀገረ ስብከት ደቡብ ድባርዋን ብፁዕ ኣቡነ ሉቃስ ዋና ጸሓፊ ቅዱስ ሲኖዶስ፡ ኣብ ክልተኡ ገዳማት ካብ ዝተፈላለየ ቦታ ዝመጹ ኣበምኔታት ገዳማትን ገዳማውያንን ሊቃውንትን ውሉደ ክህነትን፡ ምእመናንን ምእመናትን ኣብ ዝተረኽቡሉ 09 ግንቦት ብኽብሪ ተባዒሉ።

ተውሳክ፡ . . .ዝክረ በዓለ ዕረፍት አቡነ ብፁዐ አምላክ ኣብ ገዳማት ደብረ ምዕዋንን ደብረ ኰዳዱን ብድምቀት ተባዒሉ!

ዜና ዕረፍት ብፁዕ አቡነ ኣትናቴዎስ

ዜና ዕረፍት ብፁዕ አቡነ ኣትናቴዎስ

‘በድርየኒ ፈጸምኩ/ ጕያይ ፈጺመ እየ’ (2ይ ጢሞ. 4፡7)

ጳጳስ ሃገረ ስብከታት ሰሜናዊን ደቡባዊን ቀይሕ ባሕሪ ዝኾኑ ብፁዕ ኣቡነ ኣትናቴዎስ ብዝኃደሮም ሕማም ኣብ ውሽጥን ወፃእን ሃገር ኽሕከሙ ድኅሪ ምጽናሕ፡ ትማሊ ዓርቢ 09 ግንቦት 2011 ዓ.ም. (17/05/2019 ዓ.ም.ፈ.) ምሸት ሰዓት 10፡00 ድ.ቀ ኣብ ኣሥመራ ኣብ መበል 76 ዓመት ዕድመኦም ዓሪፎም ኣለዉ።

መርሐ ግብር ሥርዓት ቀብሪ ብፁዕ ኣቦና ምስ ታሪኽ ሕይወቶም፡ ቅዱስ ሲኖዶስ ንሕዝበ ክርስቲያን ኣብ ጊዜኡ ኪገልጽ እዩ።

 

ኦ እግዚኦ አዕርፍ ነፍሰ አቡነ ኣትናቴዎስ/

ኦ ጐይታ ነፍሲ ኣቦና ኣትናቴዎስ ኣዕርፍ!

Our Faith

The Eritrean Orthodox Tewahdo Church is the one Apostolic and Universal, and, for authenticatitly,ng righ
A.  It is stated as ‘Eritrean’ for it is located  within Eritrea’s sovereign integrity, 
B.  And it is affirmed that it is ‘Orthodox’ for  the Church has the true faith,
C.  And is called ‘Tewahdo’ for it believes   Read More . . . 

ርኸቡና

ኦርቶዶክስ ተዋሕዶ ቤተ ክርስቲያን ኤርትራ
ፖ.ሳጹን ቁጽሪ 728
ኣስመራ፡ ኤርትራ
ቴለ፡ +291-1-184290/182270
ፋክስ፡ +291-1-182195