banner

ኣብ እዋናዊ ጉዳይ ዘተኮረ ጉባኤ ተቓኒዑ!

ኣብ እዋናዊ ጉዳይ ዘተኮረ ጉባኤ ተቓኒዑ!

ብዕለት 30 ነሓሰ 2011 ዓ.ም.ግ ኣብ ህሉው ኵነታት ምኅደራ ቤተ ክርስቲያንን ኣብ ጉዳይ ሣልሳይ ፓትርያርክ ነበርን ዘተኮረ ጉባኤ፡ ኣብ ኣዳራሽ መንበረ ፓትርያርክ ተቓኒዑ።

ተውሳክ፡ . . . ኣብ እዋናዊ ጉዳይ ዘተኮረ ጉባኤ ተቓኒዑ!

ሥልጠና ማይክሮ ፊልምን ካታሎግን ተዋሂቡ!

ሥልጠና ማይክሮ ፊልምን ካታሎግን ተዋሂቡ!

ካብ 26 ነሓሴ ክሳዕ 30 ነሓሴ 2011 ዓ.ም. ብዛዕባ ዕቃበ ብራናታትን ንዋየ ቅድሳትን ማይክሮ ፊልምን ካታሎግን ኣብ ኣዳራሽ መንበረ ፓትርያርክ ሥልጠና ተዋሂቡ።

እዚ ብፕሮፌሰር ኣሌክሳድሮ ባውዚ ዝተመርሑ ካብ ዩኒቨርሲቲ ሃምቦርግ ጀርመን ዝመጹ ሽዱሽተ ክኢላታት ዝተዋህበ ሥልጠና፡ ብሓሳብን ግብርን ዝተሰነየ ኮይኑ ዝያዳ ኣብ ሃይማኖታዊ ቅርሲ ዘተኮረ እዩ ነይሩ።

ተውሳክ፡ . . .ሥልጠና ማይክሮ ፊልምን ካታሎግን ተዋሂቡ!

ዝክረ ዕረፍት ሓዲስ ሓዋርያ ዘምድረ ኣግዓዚ አቡነ ተክለሃይማኖት ብኽብሪ ተባዒሉ!

ዝክረ ዕረፍት ሓዲስ ሓዋርያ ዘምድረ ኣግዓዚ አቡነ ተክለሃይማኖት ብኽብሪ ተባዒሉ!

ቅዱስ ኣቦና ኣቡነ ተክለ ሃይማኖት፡ ካብ ኣምላኩ ቃል ኪዳን ተቐቢሉ ኣብ መበል 99 ዓመቱ ብዕለት 24 ነሓሴ ምስ ዓረፈ፡ ቅዱሳን መላእኽት እናዘመሩ ንነፍሱ ክቕበልዋ ከለዉ፡ ጐይታናን መድኃኒናን ኢየሱስ ክርስቶስ ድማ ኣክሊለ ጽድቅ ሂቡ ናብ ዘለዓለማዊ ዕረፍቲ ኣእተዎ።

በዚ መሠረት፡ ዓመት መጽአ ዝክረ ዕረፍት አቡነ ተክለሃይማኖት 24 ነሐሴ ኣብ ኵለን ኣብያተ ክርስቲያናት ክዝከር ከሎ፡ ብፍሉይ ግና ኣብ ሃገረ ስብከት ማእከል፡ አቡነ ተክለሃይማኖት ቤተ ክርስቲያን (ቁሸት) ብድሙቕ መንፈሳዊ ሓበን ተኸቢሩ።

ካብ ድሮ’ቲ በዓል ጀሚሩ ሥርዓተ ዋዜማ፡ ስብሐተ እግዚአብሔር በጺሑ። ቀጺሉ’ውን መምህራን ሊቃውንት፡ ተማሃሮ ደቀ መዛሙርት፡ ውሉደ ክህነትን ምእመናንን ምእመናትን ዝተሳተፍሉ .. .. ..

ተውሳክ፡ . . . ዝክረ ዕረፍት ሓዲስ ሓዋርያ ዘምድረ ኣግዓዚ አቡነ ተክለሃይማኖት ብኽብሪ ተባዒሉ!

ኣብ ጉዳይ ምቋም ኮሚተ ኣርቃቒ ሕጊ ምርጫ ቅዱስ ፓትርያርክ ዝምልከት ጉባኤ ቅዱስ ሲኖዶስ ተቓኒዑ!

ኣብ ጉዳይ ምቋም ኮሚተ ኣርቃቒ ሕጊ ምርጫ ቅዱስ ፓትርያርክ ዝምልከት ጉባኤ ቅዱስ ሲኖዶስ ተቓኒዑ!

ብዕለት 22 ነሓሴ 2011 ዓ.ም. (28/08/2019 ፈ.)፦ ቅዱስ ሲኖዶስ ኣብ ዘቃንዖ ጉባኤኡ ኣብ ጉዳይ ምቋም ኮሚተ ኣርቃቒ ሕጊ ምርጫ ቅዱስ ፓትርያርክ ዝምልከት ኣስፊሑ ተዘራሪቡ።

በዚ መሠረት ሕጊ ቤተ ክርስቲያን (ቃለ ዓዋዲ) ኤርትራ ብዘማእከለ ኣገባብ፣ ፍትሓ ነገሥት መንፈሳዊን ዓበይትን ንኡሳን ጉባኤታትን ቀኖናተ ቤተ ክርስቲያን ብምምርማር፣ ኣኃት ኦርየንታል ኣብያተ ክርስቲያን ንዝግልገላሉ ሕጋጋት ብምንጽጻር፣ ምስ ህልዊ ዓቕምን ኵነታትን ቤተ ክርስቲያንና ዝሳነ ኣማኸርቲ ሕጊ ዝርከብዎም ካብ ኵሎም ኣካላት ቤተ ክርስቲያን ማለት ካብ ገዳማውያን፣ ሊቃውንት፣ ውሉደ ክህነት፣ ምእመናን፣ መንእሰያት ትምህርተ ሰንበት ተዋፂኡ ሓደ ኮሚተ ክቐውም እሞ ንሕጊ ምርጫ ቅዱስ ፓትርያርክ ኣርቂቑ ጸብጻባቱ ናብ ቅዱስ ሲኖዶስ ከቕርብ ተሰማሚዑ።

ተውሳክ፡ . . .ኣብ ጉዳይ ምቋም ኮሚተ ኣርቃቒ ሕጊ ምርጫ ቅዱስ ፓትርያርክ ዝምልከት ጉባኤ ቅዱስ ሲኖዶስ ተቓኒዑ!

ሥነ ሥርዓት ቀብሪ ብፁዕ ኣቡነ ሰላማ ሊቀ ጳጳስ ሃገረ ስብከት መንደፈራ ኣብ ገዳም ደብረ ሲና ተፈጺሙ!

ሥነ ሥርዓት ቀብሪ ብፁዕ ኣቡነ ሰላማ ሊቀ ጳጳስ ሃገረ ስብከት መንደፈራ ኣብ ገዳም ደብረ ሲና ተፈጺሙ!

ብመሠረት ቤት ጽሕፍት መንበረ ፓትርያርክ ብዘውፅኦ መርሐ ግብር ሥነ ሥርዓት ቀብሪ ብፁዕ ኣቡነ ሰላማ ኣባል ቅዱስ ሲኖዶስ፡ ሊቀ ጳጳስ ሃገረ ስብከት ደቡብ መንደፈራን፡ ኣብ ገዳም ደብረ ሲና ብፁዓን ሊቃነ ጳጳሳትን ጳጳሳትን፡ ኣበምኔት ገዳማትን ገዳማዊያንን ሊቃውንት መዘምራንን ውሉደ ክህነትን፡ ሰበ ስልጣን መንግሥትን ምእመናትን ምእመናንን ልዑክ ካቶሊካዊት ቤተ ክርስቲያን ኣብ ዝተረክቡሉ ተፈጺሙ።

ተውሳክ ፡ . . .ሥነ ሥርዓት ቀብሪ ብፁዕ ኣቡነ ሰላማ ሊቀ ጳጳስ ሃገረ ስብከት መንደፈራ ኣብ ገዳም ደብረ ሲና ተፈጺሙ!

ዜና ዕረፍት ብፁዕ አቡነ ሰላማ !

ዜና ዕረፍት ብፁዕ አቡነ ሰላማ !

ኣባል ቅዱስ ሲኖዶስ ኦርቶዶክስ ተዋሕዶ ቤተ ክርስቲያን ኤርትራን ሊቀ ጳጳስ ሃገረ ስብከት ደቡብ መንደፈራን ኮይኖም ከገልግሉ ዝጸንሑ ብፁዕ ኣቡነ ሰላማ፣ ሎሚ ዕለት 12 ነሓሰ 2011 ዓ.ም.ግ (18/08/2019 ዓ.ም.ፈ) ፍርቂ ለይቲ ብምኽንያት ሕማም ኣብ መበል 92 ዓመት ዕድመኦም ዓሪፎም። ብፁዕ ኣቦና፡ ቅድም ኣብ ሆስፒታል መንደፈራ ደኃር ድማ ኣብ ሆስፒታል ደምበ ሰምበል ኣሥመራ ሕክምናዊ ረድኤት እናተገብረሎም እዮም ዓሪፎም።

ሥርዓተ ቀብር ብፁዕ ኣቦና ድማ ብመሠረት ቅዱስ ሲኖዶስ ሠሪዕዎ ዘሎ መርሐ ግብር፦ ናብ ሠሉስ ዕለት 14 ነሓሴ 2011 ዓ.ም. (20/08/2019 ፈ.) ዘውግሕ ለይቲ ሰዓት 4፡00 ቅ.ቀ. ኣብ ርእሰ ኣድባራት ደብረ ጽዮን ቅድስት ማርያም ቤተ ክርስቲያን ጸሎተ ፍትሓት ምስ በጽሓሎም፣ ሥነ ሥርዓት ቀብሮምን ግብአተ መሬትን ድማ ሰዓት 2፡00 ድኅሪ ቀትሪ ኣብታ ተመሂሮም ዝዓበዩላን ዘገልግልዋን ጥንታዊት ገዳሞም - ገዳም ደብረ ሲና ቅድስት ማርያም ኪፍጸም ምዃኑ ቅዱስ ሲኖዶስ ኣፍሊጡ።

ጠለ በረከት ይግደፉልና!

More Articles ...

Our Faith

The Eritrean Orthodox Tewahdo Church is the one Apostolic and Universal, and, for authenticatitly,ng righ
A.  It is stated as ‘Eritrean’ for it is located  within Eritrea’s sovereign integrity, 
B.  And it is affirmed that it is ‘Orthodox’ for  the Church has the true faith,
C.  And is called ‘Tewahdo’ for it believes   Read More . . . 

ርኸቡና

ኦርቶዶክስ ተዋሕዶ ቤተ ክርስቲያን ኤርትራ
ፖ.ሳጹን ቁጽሪ 728
ኣስመራ፡ ኤርትራ
ቴለ፡ +291-1-184290/182270
ፋክስ፡ +291-1-182195