banner

ብቅዱስ ሲኖዶስ ዝተማእከለ ጐስጓስ ኣብ መላእ ሃገር ይቕጽል ኣሎ!

ብቅዱስ ሲኖዶስ ዝተማእከለ ጐስጓስ ኣብ መላእ ሃገር ይቕጽል ኣሎ!

ቅዱስ ሲኖዶስ ብመሠረት ኣብ መወዳእታ ሚያዚያ 2011 ዓ.ም. (2019) ዘኅለፎ ውሳነ፣ ብዛዕባ ህልዊ ኩነታት ቤተ ክርስቲያን ኣብ ጉዳይ ምንቅስቓስ ተሓድሶ መናፍቓን ኣፍልጦ ስዩማን ኣገልገልትን ሕዝበ ክርስቲያንን ንምብራኽ፣ ከምኡ’ውን ብጉዳይ ሣልሳይ ፓትርያርክ ነበር ካብ ጠንቂ እቲ ፍልልይ ኣትኂዙ ክሳዕ ትማሊ ብውግዘት ዝፈለየሉ መሥርሕ ንምብራህን ዕላምኡ ዝገበረ ጐስጓስ ኣብ መላእ ሃገር ይካየድ ኣሎ።

እዚ ብኣባላት ቅዱስ ሲኖዶስ ዝኾኑ ብፁዓን ኣቦታትን ኃለፍቲ ዝተፈላለያ ክፍልታት ቤት ጽሕፈት መንበረ ፓትርያርክን ተመሪሑ ዝካየድ ዘሎ ጐስጓሳት፣ ብቐጻሊ ክለዓሉ ኣብ ዝጸንሑ ጉዳያት ሣልሳይ ፓትርያርክ ነበር ኣተኵሩ ብተንቀሳቓሲ ምስልታትን (ቪዲዮታት) ሰነዳትን ዝተሰነየ ሰፊሕ መብርሂታትን መግለጺታትን ዝወሃበሉ ዘሎ እዩ።

ተውሳክ፡ . . .ብቅዱስ ሲኖዶስ ዝተማእከለ ጐስጓስ ኣብ መላእ ሃገር ይቕጽል ኣሎ!

ዐቃቤ መንበር ብፁዕ አቡነ ጴጥሮስ ብምኽንያት ሱባዔ ጾመ ፍልሰታ ለማርያም ዘኅለፍዎ መልእኽቲ!

ዐቃቤ መንበር ብፁዕ አቡነ ጴጥሮስ ብምኽንያት ሱባዔ ጾመ ፍልሰታ ለማርያም ዘኅለፍዎ መልእኽቲ!

ኣብ ውሽጥን ወፃእን እትርከቡ ኣገልገልቲ ቤተ መቕደሱን ምእመናንን ምእመናትን ሕዝበ እግዚአብሔር፣ ጸጋሁ ለእግዚአብሔር የሀሉ ምስለ ኵልክሙ፤ ናይ ኣዴና ቅድስት ድንግል ማርያም በረኸትን ረድኤትን የኅድረልኩም።

ቅድስት ቤተ ክርስቲያንና ካብ ዝኣወጀቶም 7ቱ አጽዋማት ሓደ፡ ጾመ ፍልሰታ ለማርያም እዩ። እዚ ጾም እዚ ሬሣኣ ክወሓቦም፡ ብድኅሪኡ ድማ ትንሣኤኣን ዕርገታን እግዚአብሔር ኪገልጸሎም ኣቦታትና ሐዋርያት ዝጾምዎ ኮይኑ፣ ብሥርዓተ ቤተ ክርስቲያን እዚ ሱባዔ እዚ አበው ገዳማትን ውሉደ ክህነትን ለይቲ ብሰዓታትን ስብሐታትን፣ ቀትሪ ድማ ብመሥዋዕተ ቅዳሴ ዘወትር ካብ ሕፃን ክሳብ ሽማግለ ብጾምን ምህላን፡ “ሰአሊ ለነ ቅድስት” እናበሉ ንኣኣን ንፍቁር ወዳን ዝልምንሉ ዓቢይ ሱባዔ እዩ።

ተውሳክ፡ . . .ዐቃቤ መንበር ብፁዕ አቡነ ጴጥሮስ ብምኽንያት ሱባዔ ጾመ ፍልሰታ ለማርያም ዘኅለፍዎ መልእኽቲ!

ልኡካን ቤት ጽሕፈት መንበረ ፓትርያርክ ብቤት ምክሪ ዓለም ኣብያተ ክርስቲያናት ኣብ ዝተማእከለ ሰሜናር ተሳቲፉ!

ልኡካን ቤት ጽሕፈት መንበረ ፓትርያርክ ብቤት ምክሪ ዓለም ኣብያተ ክርስቲያናት ኣብ ዝተማእከለ ሰሜናር ተሳቲፉ!

ኣብ ሃገረ ጀርመን ኣብ ከተማ ውፔትርታል (Wuppertal) ቱጌዘር ቱዋርድስ ፒስ ኤንስ ጀስቲስ( together towards peace & Justice )/ ማለት ብኃባር ንሰላምን ፍትሕን ኣብ ዝብል ቴማ ካብ 13-28 ሓምሌ 2019 ዓ.ም. ኣብ ጅርመን ኣብ ዝተኻየደ ሰሚናር ኣባ ሲላስ ብርሃነ ምኽትል ዲን ኮለጅ ደብረ ሲና ቅድስት ሥላሴ ሊቀ ካህናት ሳሙኤል ጸጋይ ምኽትል ጸሓፊ ቅዱስ ሲኖዶስ ድሕሪ ምስታፍ ናብ ሃገሮም ተመሊሶም።

ተውሳክ፡ . . .ልኡካን ቤት ጽሕፈት መንበረ ፓትርያርክ ብቤት ምክሪ ዓለም ኣብያተ ክርስቲያናት ኣብ ዝተማእከለ ሰሜናር ተሳቲፉ!

ኣገዳሲ ሥሉሳዊ ጉባኤ ተኻይዱ!

ኣገዳሲ ሥሉሳዊ ጉባኤ ተኻይዱ!

ዕለት 28 ግንቦት 2011 ዓ.ም. (05/07/2019) ምልኣተ ጉባኤ ቅዱስ ሲኖዶስ፣ ኣባላት ሥምረት ገዳማትን ጉባኤ ሊቃውንትን ዝተረኽቡሉ ሥሉሳዊ ጉባኤ ኣብ ኣዳራሽ ቤት ጽሕፈት መንበረ ፓትርያርክ ተኻይዱ። እዚ ጉባኤ’ዚ ከም መቐጸልታ ዝሓለፈ ሰሙን ረቡዕ 19 ግንቦት 2011 ዓ.ም (26/07/2019) ኣብ ሞንጎ ቅዱስ ሲኖዶስን ሥምረት ገዳማትን ዝተኻየደ ጉባኤ ኮይኑ፣ ብቀንዱ ኣብ ህልዊ ኩነታት ቤተክርስቲያንን ክግበር ብዛዕባ ዘለዎም መደባትን ዘተኮረ ዓበይቲ ጉዳያት ዝተሳለጠሉ እዩ ነይሩ። ሓደ ካብቶም ዓበይቲ ኣጀንዳታቱ ከኣ ድኅሪ ዕረፍቲ ራብዓይ ፓትርያርክ ብዘይ ኣቦ ብዛዕባ ዝጸንሐ መንበር ቅዱስ ፓትርያርክ ዝምልከት እዩ ነይሩ።

ተውሳክ፡ . . .ኣገዳሲ ሥሉሳዊ ጉባኤ ተኻይዱ!

ክብረ በዓል ቅዳሴ ቤታ 21 ሰኔ 2011 ዓ.ም. ኣብ ገዳም ደብረ ሲና ብዓቢይ መንፈሳዊ ድምቀት ተኸቢሩ!

“ ‘ስምኪ ዝጸውዐ ዝኽርኺ ዝገበረ ናይ ዘለዓለም ሕይወት ኣለዎ’ ኢልካያ ኢኻ እሞ በታ ንኣኻ ብምውላድ መመክሒትናን ኣዴናን ዝኾነት ኣዴኻ ድንግል ማርያም ንምኅፀን ኣሎና።” (ቅዳሴ ያዕቆብ ዘሥሩግ ቍ. 99)

ክብረ በዓል ቅዳሴ ቤታ 21 ሰኔ 2011 ዓ.ም. ኣብ ገዳም ደብረ ሲና ብዓቢይ መንፈሳዊ ድምቀት ተኸቢሩ!

ጐይታናን መድኃኒናን ኢየሱስ ክርስቶስ ካብ ዝዓርግ ኣብ መበል 8 ዓመቱ ኣብ ሀገረ ፊልጵስዩስ ንኵሎም ቅዱሳን ሓዋርያት ብምእካብ ብስም ወላዲቱ ቅድስት ድንግል ማርያም ሕንፃ ቤተ ክርስቲያን ሓኒፁን ቅርጹ ኣውፂኡ ለኪዑን ዘርኣየሉ ከምኡ’ውን 21 ሰኔ ሥርዓተ ቅዳሴ ሠሪዖም ንሕዝቢ ቅዱስ ቍርባን ከቝርቡን ነዛ ዕለት ከኽብሩን ዝኣዘዘሉ ከምዝኾነ ቅዱሳት መጻሕፍቲ ይሕብሩና። (ስንክሳር 21 ሰኔ)

ተውሳክ፡ . . .ክብረ በዓል ቅዳሴ ቤታ 21 ሰኔ 2011 ዓ.ም. ኣብ ገዳም ደብረ ሲና ብዓቢይ መንፈሳዊ ድምቀት ተኸቢሩ!

ኣብ ሠለስተ ንኡሳን ሃገረ ስብከታት ደቡብ መንደፈራ ርክበ ካህናት ተኻይዱ!

ኣብ ሠለስተ ንኡሳን ሃገረ ስብከታት ደቡብ መንደፈራ ርክበ ካህናት ተኻይዱ!

ኣብዚ በብመዓልቱ ዝተቓንዐ፦ ኣብ መንፈሳዊ ኣገልግሎት፡ ጕስነት ምእመናንን ምእመናትን፡ ምምኅዳራውን ፋይናንሳውን ኣሠራርሓ፡ . . . ዘተኮረ ርክበ ካህናት፡ ኣብ ንኡስ ሃገረ ስብከት እምኒ ኃይሊ 350 ተሳተፍቲ፡ ኣብ ንኡስ ሃገረ ስብከት ዓዲ ኳላ 430 ተሳተፍቲ፡ ኣብ ንኡስ ሃገረ ስብከት መንደፈራ ድማ 380 ተሳተፍቲ ነይሮም።

ተውሳክ፡ . . . ኣብ ሠለስተ ንኡሳን ሃገረ ስብከታት ደቡብ መንደፈራ ርክበ ካህናት ተኻይዱ!

Our Faith

The Eritrean Orthodox Tewahdo Church is the one Apostolic and Universal, and, for authenticatitly,ng righ
A.  It is stated as ‘Eritrean’ for it is located  within Eritrea’s sovereign integrity, 
B.  And it is affirmed that it is ‘Orthodox’ for  the Church has the true faith,
C.  And is called ‘Tewahdo’ for it believes   Read More . . . 

ርኸቡና

ኦርቶዶክስ ተዋሕዶ ቤተ ክርስቲያን ኤርትራ
ፖ.ሳጹን ቁጽሪ 728
ኣስመራ፡ ኤርትራ
ቴለ፡ +291-1-184290/182270
ፋክስ፡ +291-1-182195