“ኀለፈት ጽልመት ወብርሃን ዘበአማን ወድአ አስተርአየ / ጸልማት ኃሊፉ እዩ፣ ሓቀኛ ብርሃን ድማ ፈጺሙ ተራእዩ እዩ።” 1ይ ዮሐ. 2፥8

Sep 11, 2019

“ኀለፈት ጽልመት ወብርሃን ዘበአማን ወድአ አስተርአየ / ጸልማት ኃሊፉ እዩ፣ ሓቀኛ ብርሃን ድማ ፈጺሙ ተራእዩ እዩ።” 1ይ ዮሐ. 2፥8

እቲ ለይትን መዓልትን ጸልማትን ብርሃንን ኣፈራሪቑ ካብ ሰዓት ናብ ዕለት፡ ካብ ዕለት ናብ ሰሙን፡ ካብ ሰሙን ናብ ወርኂ፡ ካብ ወርኂ ናብ ዓመት ዘሰጋግር ፈጣሬ ኣዝማናት እግዚአብሔር፡ እንቋዕ ካብ ዘመነ ሉቃስ 2011 ዓ.ም. ናብ ዘመነ ዮሓንስ 2012 ዓ.ም. ኣሰጋገረና።  

ብመሠረት ኣቈጻጽራ ቅድስት ቤተ ክርስቲያንና፡ ካብ ሓደ ዓመት ናብ ካልእ ዓመት መሰጋገሪ ናይ መጀመርታ ዕለት ሓደ መስከረም ኮይኑ ንኽብርን መዘከርታን መጥምቀ መለኮት ቅዱስ ዮሓንስ ፡ ርእሰ ዓውደ ዓመት ቅዱስ ዮሓንስ ይበሃል። እዚ ኸኣ ቅዱስ ዮሓንስ ናይ ዘመነ ብሉይ ዛዛሚ ናይ ዘመነ ሓዲስ ጀማሪ፣ ንኽረምቲ መውፅኢ ንሓጋይ መእተዊ፣ ካብ ነቢያት ናብ ሓዋርያት መሰጋገሪ ድልድል ስለዝኾነ እዩ።

ጊዜ፡ ምስ ሥነ ፍጥረት ዝመጸ ውህበት እግዚአብሔር እዩ። እግዚአብሔር ንፍጥረታቱ ኣብ ውሽጢ ጊዜ የመላልስን ይምግብን ይሕሉን። ነቲ ዝፍጽሞ ሥራሕ ብኣምላኽነቱ ኣብ ዝፈቀዶን ዝወሰኖን ጊዜ ደኣ ይፍጽሞ እምበር ንንግሆ ዝሓስቦ ንምሸት፡ ንሓጋይ ዝሓስቦ ከኣ ንኽረምቲ ኣይገብሮን እዩ። “ሣህሉ ለእግዚአብሔር በጊዜሁ/ ምሕረት እግዚአብሔር ኣብ ጊዜኡ እዩ!” (መዝ. 68፥13) ከም ዝብል። ኣዳም ብምክረ ከይሲ ተታሊሉ ትእዛዙ ምስ ኣፍረሰ እግዚአብሔር ኣብታ ዝመደባ ጊዜ ቀጽዖ። በደሉ ኣሚኑ ንስሓ ምስ ኣተወ ድማ ባዕሉ እግዚአብሔር ኣብቲ ዝወሰኖ ጊዜ ኣድኃኖ። ነዚ ንኸረድእ ድማ ንዋየ ኅሩይ ዝተሰምየ ሓዋርያ ቅዱስ ጳውሎስ “ወአመ በጽሐ ጊዜሁ ፈነወ እግዚአብሔር ወልዶ ወተወልደ እም ብእሲት/ ጊዜኡ ምስ በጽሐ ድማ እግዚአብሔር ንወዱ ለኣኾ’ሞ ካብ ድንግል ማርያም ተወልደ” ይብል። (ገላ. 4፥4) 

 

ስለዚ ድማ እግዚአብሔር ኣምላኽ፡ ከምቲ ጥበበኛ ሰሎሞን “ንዅሉ ዘዘመኑ ኣለዎ። ኣብ ትሕቲ ሰማይ ንዘሎ ኵሉ ነገር ከኣ ገጊዜኡ ኣለዎ። ንምውላድ ጊዜ ኣለዎ፣ ንሙማት ከኣ ጊዜ ኣለዎ . . . ” ዝበሎ (መክ. 3፥1-8)፣ ኵሉ ሥራሓትን መሥርሕ ሕይወትን ሰብኣዊ ፍጡር ኣብ መድረኽ ጊዜ ከም ዝፍጸም ገበሮ። በዚ’ውን መንፈሳውን ሥጋውን ዕዮ ዝፍጽመሉ ከምኡ’ውን ብውጥንን ትግሃትን ዝጥቀመሉ ጊዜ ሃቦ። ዓመት ኃሊፉ ብሓድሽ ክትካእ ከሎ፡ ነቲ ዝሃበና ጊዜ ተጠቂምና ኣብ ዝኃለፈ ዓመት ዝበለየ ሕይወትና ብሓድሽ ሕይወት ክንልውጦ ከም ዝግብኣና ክገልጽ ከሎ ወንጌላዊ ቅዱስ ዮሓንስ ኣብ መልእኽቱ፦ “ ወካዕበ ትእዛዘ ሐዲሰ እጽሕፍ ለክሙ ወውእቱ እሙን ብክሙ፡ ወአንትሙኒ ቦቱ እስመ ኃለፈት ጸልመት ወብርሃን ዘበአማን ወድአ አስተርአየ / ደጊመ ሓዲሽ ትእዛዝ እጽሕፈልኩም ኣለኹ። ከምቲ ንሱ ኣባኹም እሙን ዝኾነ ንስኻትኩም ድማ ብእኡ ጸኒዕኩም ንበሩ። ከመይ! ጸልማት ኃሊፉ እዩ፡ ብርሃን ድማ ፈጺሙ ተራእዩ እዩ” ይብለና። (1ይ ዮሓ. 2፡8) ምኽንያቱ ሓድሽ ዓመት እቶም ብጥንተ ተፈጥሮ ዝተረኽቡ ዕለታት ተደሚሮም ዝህብዎ ለውጢ እምበር ካልእ ዝተወሰኸ ሓዲሽ ነገር የለን። ነቲ ቀመር ሓልዩ ዝመላለስ ዘይልወጥ ጊዜ ሓዲሽ ዘብሎ ናትና ሥራሕ ብምዃኑ ንዝተዋህበና ጊዜ ኣብ በረኸት ሥጋን በረኸት ነፍስን ዘውህብ ዝተፈላለየ መንፈሳውን ሥጋውን ዕዮ ኸነውዕሎ ይግባእ።

ንልዑል እግዚአብሔር ፈሊጥና ፍቓዱ እንፍጽም፣ ትምህርተ ሃይማኖትን ሥርዓተ ቤተ ክርስቲያንን እንፈልጥ፡ ንዕለታዊ መነባብሮና ዘድልዩና መሠረታውያን ነገራት እነማልእ ምስ እንመሃር እዩ። ኵሉ ዝፈልጥ ጐይታናን መድኃኒናን ኢየሱስ ክርስቶስ ኣብ ዓሰርተው ክልተ ዓመቱ ኣብ ቤተ መቅደስ ኣብ ማእከል መምህራን ሊቃውንት ተቐሚጡ ዝሰምዕን ዝሓትትን ዝነበረ፡ ሰብ ንጊዜኡ ፍልጠት ኣብ ምቕሳም ከውዕሎ ከምዘለዎ ኣብነት ንምዃን እዩ።(ሉቃ. 2፥46) ነዚ ኣርኣያ ስዒብና በቲ ዝተዋህበና ጊዜ ምስትውዓል ኣጥሪና መንፈሳውን ሥጋውን ፍልጠት ምስ እንቐስም ሕይወት ከምእረክብ ጥበበኛ ሰሎሞን ኽገልጽ ከሎ፦ “ምስትውዓል ንዜጥርያ ሰብ ሕይወት ትህቦ” ይብል። (ምሳ. 16፥22) እግዚአብሔር ብነቢይ ሆሴዕ “ሕዝበይ ሰኣን ፍልጠት ይጠፍእ” (ሆሴ. 4፥6) ከምዝበለ፡ መንገዲ ጽድቅን ኵነኔን እንፈልጥ ምስ እንመሃር ስለዝኾነ ኣብዛ ላዕልን ታሕትን፣ ኃጢኣትን መናፍቕነትን፣ ምፍኽኻርን ምልውዋጥን ዝዓብለላ ዓለም፡ ካብ ርቱዕ ሃይማኖትናን ሠናይ ምግባርናን ምእንቲ ኸይንወፅእ ንጊዜና ኣብ ፍልጠት ከነውዕሎ ይግባእ።
 

ሰብ ንፈቃደ እግዚአብሔር ዝፍጽመሉ፡ መንፈሳውን ሥጋውን ድሌታቱ ዘማልኣሉ ብሥራሕ እዩ። እግዚአብሔር ንኣዳም ፈጢሩ ናብ ገነት ዘእተዎ ኣብ ገነት ጽቡቕ ሥራሕ ንኽሠርሕን ንኽሕልዋን ምዃኑ “ንሰብ ወሲዱ ኺዓያን፡ ኪሕልዋን ኣብ ገነት ኣቐመጦ” ይብል። (ዘፍ. 2፥15) ሓዋርያ ቅዱስ ጳውሎስ’ውን “ነቲ ኣምላኽ ኣቐዲሙ ዘዳለወልና ሠናይ ተግባራት እናፈጸምና ምእንቲ ኽንነብር ብኢየሱስ ክርስቶስ እተፈጠርና ኢና” ይብል። (ኤፌ. 2፥10) ደኃር’ውን ኣዳም ብኃጢኣቱ ናብ ምድሪ ኣብ ዝተሰደሉ እዋን ብርሃጹ ጽዒሩ ክበልዕ እዩ ኣዚዝዎ። (ዘፍ. 3፥17) 
 

ስለዚ ጊዜ ዝተዋህበና ካብ ፈቃደ እግዚአብሔር ከይወፃእና ብውጥን ኽንሠርሓሉ እዩ። ንጊዜና ብውጥን ኣብ ሥራሕ ምውዓል ብዓቢኡ ፆር ሥጋ ኣውኂዱ ካብ ኃጢኣት ንኽንሕሎ ዝሕግዝ እዩ። ቅዱሳን ኣቦታትና ሥራሕ አልቦ ኮይኖም ጊዜኦም ብኸንቱ ንኸየኅልፉ እሞ ፆር ሥጋ ንኸይብርትዖም፡ ኣብ ሥራሕ ተጸሚዶም ንርእሶም ኮይኖም ንኻልኦት ይምጽውቱ ከም ዝነበሩ ገድለ ቅዱሳን ይነግረና። ልዑል እግዚአብሔር እትሠርሓሉ ጊዜን ዝሓስብ ኣእምሮን ምሉእ ኣካል ምስ ጥዕናን ሂብካ ከሎ ብትህኪት ተታኂዝካ ንጊዜኻ ብዋዛን ፈዛዛን ምኅላፍ ከምኡ’ውን ተጊህካ ብቕንዕና ኣብ ተግባረ ነፍስን ተግባረ ሥጋን ዘይምውዓል ንመከራ ሥጋን ንመከራ ነፍስን ዘቃልዕ እዩ። ቅዱስ ጳውሎስ “ኪሠርሕ ዘይደሊ ኣይብላዕ” ክብል ከሎ (2ይ ተሰ. 3፥10) ጥበበኛ ሰሎሞን ድማ ‘ብልዕን ድቃስን ጥራይ እንተ ዄንካ ጨርቃም ኽትከውን ኢኻ’ ይብል።
 

ስለዚ በረኸት ሥጋን በረኸት ነፍስን ንምርካብ ነቲ እግዚአብሔር ዝሃበና ጊዜ ብውጥንን ትግሃትን ኣብ ሥራሕ ከነውዕሎ ይግባእ። (ምሳ. 23፥21) 
ኃጢኣት፡ ካብቲ ምስ እግዚአብሔር ዘሎና ርክብ ፈልዩ፣ ኣብዚ ምድራዊ ዓለም ንሽግርን መከራን፡ ኣብ ዝመጽእ ዓለም ድማ ንዘለዓለም ሞት ዘቃልዕ ብምዃኑ መፍቀሬ ንስሐ እግዚአብሔር ንስሓ ንኣትወሉ ጊዜ ሃበና። ነዚ ኽገልጽ ከሎ ሓዋርያ ቅዱስ ጴጥሮስ “ጐይታስ ኵላቶም ናብ ንስሓ ኪበጽሑ እምበር ሓደ እኳ ኪጠፍእ ዘይፈቱ ስለዝኾነ፡ ምእንታኹም ይዕገሥ ኣሎ እምበር ከምቲ ንገሊኣቶም ዝድንጒ ዚመስሎም ንተስፉኡ ኣየደንጕዮን እዩ” ይብል። (2ይ ጴጥ. 3፥9-10) 
 

ኣብዚ ምድራዊ ዓለም ንኃጢኣትና ተዓጊሡ ኣብ ዕድመና ዕድመ ወሲኹ ሓድሽ ዓመት ባሪኹን ቀዲሱን ምሃቡ ተወሳኺ ካልእ ኃጢኣት ኽንፍጽመሉ ዘይኮነስ ንስሓ ንኽንኣትወሉ እዩ እሞ ንጠቀመሉ። “እምበኣር እግዚአብሔር ናይ ዘይምፍላጥ ጊዜ ኣኅሊፉ ሕጂ ግና ኣብ በቦታኦም ንስሓ ንኽኣትዉ ንደቂ ሰባት ኵሎም ይእዝዝ፡ መዓልቲ'ውን ይቘጽር” ከም ዝበሎ ጻውዒት ንስሓ ሰሚዕና ብዝተወሃበና ጊዜ ናብ እግዚአብሔር ንቕረብ። ምኽንያቱ ኣብዚ ምድራዊ ዓለም’ዚ ንኃጢኣትና ብንብዓት ንስሓ እንተዘየጽረና ዝጽበየና ቅጽዓትን ዋይዋይታን እዩ።

እምበኣር እቲ ካብ ዕለተ እሑድ ዝተፈጥሩ ፍጥረታትን ህልውና ሰብ ካብ ዝተፈልጠሉን እዋን ጀሚሩ ክሳዕ ሕጂ ዝቝጸር ዘሎ ጊዜ ሓዲሽን ኣረጊትን ዘብሎ ቀመራዊ ኣቈጻጽራ ጥራሕ ዘይኮነስ ዋና ነገር ለውጢ ናይ ሕይወትና ማለት ንዝተዋህበና ጊዜ ኣብ ትምህርቲ፡ ሥራሕ፡ ንስሓ . . . ብምሉኡ ኣብ ረብሓ ምውዓል ምዃኑ ነስተውዕል። (ኤፌ. 5፡15) ኣብ ዝኃለፈ ዓመት ነቲ ዝተዋህበና ጊዜ ብምሉኡ ኣብ ረብሓ ብዘይምውዓልና ሕልናና ዝኸሰሰናን ዝፈረደልናን ‘ከምዚ ኢለ ክሳዕ መዓስ፧‘ ንበል! ነዚ ሓድሽ ዓመት እግዚአብሔር ብምሕረቱ ሓድሽ ጊዜ ከምዝሃበና ፈሊጥና ብሩህ ናይ ዓወት ጊዜ ንምግባር ምስ ርእስና ቃል ኪዳን ንእቶ። 
 

ነቲ ዝተዋህበና ጊዜና ብምሉኡ ኣብ ረብሓ እናኣውዓልና በረኸት ሥጋን በረኸት ነፍስን ኽንረክብ ናይ እግዚአብሔር ቅዱስ ፍቃድ ይኹን፣ ጸሎት ናይ ኣዴና ቅድስት ድንግል ማርያምን ናይ ኵሎም ቅዱሳንን ኣይፈለየና! 
 

ወስብሐት ለእግዚአብሔር፡ ወለወላዲቱ ድንግል ወለመስቀሉ ክቡር!

ዘመነ ማቴዎስ 10 መስከረም 2013 ዓ.…

September
Sunday
20
ዝክር፦ በዓለ ሥዕላ ወተዝካረ ልደታ ለእግዝእትነ ማርያም፡ ወዮዲት፡ ወመጥሮንያ። ዘቅዳሴ ምንባብ መልእክታት፦ ዕብ. 13፡14-ፍጻሜ ያዕ. 3፡13-ፍጻሜ ግብ. ሐዋ. 15፡1-12 ምስባክ፦ መዝ. 44/45 ወንጌል፦ ሉቃ. 1፡46-56 ቅዳሴ፦ ዘእግዝእትነ ማርያም። * * *
00:00 h
Ad Right

ዜና ኅትመት

እዋናዊ ጽሑፋት

በዓለ ሥእል ዘጼዴንያ

ብመሠረት ትምህርቲ ቅድስት ቤተ ክርስቲያን ካብ ቅዱሳት ኣሣእል ብዙኅን ዓቢይን ጥቕሚ ይርከብ። ኣብ ቅዱሳት መጻሕፍቲ ዝርከቡ ትምህርትታትን ታሪኻትን ብሥእላዊ ኣገላልጻ...

ሓድሽ ዓመት ብሓድሽ መንፈስ!

ኣብቲ ብብርሃን ዝወቀበ ዘመን ኣዳራሽ ፡ ኣርባዕተ ወንጌላውያን ከም ዕንቍ ተኾሊዖም ብሓጐስ ዝነብርሉ፡ ሓደ ንበይኑ ኣብ መደቡ ግልል ኢሉ ነበረ።...

ዓመታዊ በዓል ቤት ትምህርት ሰንበት ቅዱስ ሩፋኤል ቤተ ክርስቲያን መድኃኔ…

ብዕለት 3 ጳጕሜን 2012 ዓ.ም.ግ. “ሕይወቱ ምሉእ ንእግዚአብሔር ኣሚኑ ዝኃፈረ የለን” መጽ.ሲራ. 2፡10 ብዝብል ኃይለ ቃል ዓመታዊ በዓል ቤት ትምህርት...

ገዳም ደብረ ደናግል ሰማዕት ቅድስት ኣርሴማ ገዳመን ክሓንፃ ፕላን ኣጽዲቀን…

ናይ ደቀ ኣንስትዮ ገዳም ደብረ ደናግል ሰማዕት ቅድስት ኣርሴማ ብ29 መስከረም ብሠናይ ፍቓድ ቅዱስ ሲኖዶስ ምስ ተገደመ ቤተ ጸሎት፡ መንበሪ...

ኣብ ምድላው ዝርከብ ሥርዓተ ትምህርቲ ቤት ትምህርቲ ሰንበት ንምግምጋም ጉባኤ…

ብዕለት 4-5 ጳጕሜን 2012 ዓ.ም. ኣብ ኣዳራሽ ቤት ጽሕፈት መንበረ ፓትርያርክ ንኣብ ምድላው ዝርከብ ሥርዓተ ትምህርቲ (ካሪክሉም) ዝግምግም ጉባኤ ተቓኒዑ።...

አሥርቆት ዘወርኀ መስከረም

በስመ አብ ወወልድ ወመንፈስ ቅዱስ አሐዱ አምላክ! ዮም ሠረቀ ለነ ወርኀ ቡሩክ መስከረም ያብጽሐነ እስከ ወርኀ ጥቅምት በሰላመ እግዚአብሔር! ወርኀ መስከረም...

እንቋዕ ናብ ዘመነ ማቴዎስ 2013 ዓ.ም.ግ. ኣብጽሓና።

“ካብ ኣንስቲ ኻብ ዝተወልዱ ኻብ ዮሓንስ መጥምቕ ዚዓቢ ሓደ እኳ ኸምዘይተንሥአ ብሓቂ እብለኩም ኣሎኹ፤ኣብ መንግሥተ ሰማያት እቲ ዚንእሶ የዓብዮ” ማቴ፡11፥11  ሄሮድስን...

ዐቃቤ መንበር ዘፓትርያርክ ብፁዕ ኣቡነ ጴጥሮስ እንቋዕ ናብ ዓመተ 2013…

ዐቃቤ መንበር ዘፓትርያርክ ብፁዕ ኣቡነ ጴጥሮስ ብምኽንያት ርእሰ ዓውደ ዓመት 2013 ዓ.ም. ኣብ ዝሃብዎ ቃለ ቡራኬ፦ ንዅልኹም ኣብ ቀረባ ውሽጢ...

ባሕረ ሓሳብ ፡ ሓሳበ ዘመን ፳፻፲ወ፫/ 2013 ዓ.ም.

ቅድስት ቤተ ክርስቲያንና እትጥቀመሉ መቝጸሪ ዘመን ባሕረ ሓሳብ ይበሃል። ባሕረ ሓሳብ ማለት ቍጽሪ ዘለዎ ዘመን፤ ናይ ዘመን ቍጽሪ፤ ሓሳብ ናይ...

ብዝተፈላለየ ዐውደ ትምህርት ዝተማህሩ መምህራን ተመሪቖም!

 ኣብ መንፈሳዊ ቤት ትምህርቲ ፍኖተ ብርሃን ብትርጓሜ መጽሓፍተ ሓዲሳት ሽድሽተ ተመሃሮ፡  ብመዝገብ ቅዳሴ ድማ ሸሞንተ ተመሃሮ ብድምር 14 ተመሃሮ ብደረጃ...

ዓመታዊ በዓል ቤት ትምህርት ሰንበት አቡነ ተክለሃይማኖት ራናና ቤተ ክርስቲያን…

ብዕለት 24 ነሓሴ 2012 ዓ.ም.ግ. “ካብ ዕድኻን ካብ ኣዝማድካን ካብ ዓዲ ኣቦኻን ውፃእ” (ዘፍ. 12፡1) ብዝብል ኃይለ ቃል ዓመታዊ በዓል...

ክብረ በዓል ቅዱስ ሩፋኤል 3 ጳጕሜን ብውዳሴን ቅዳሴን ብድምቀት ተኸቢሩ!

3 ጳጕሜን ክብረ በዓል ሊቀ መላእክት ቅዱስ ሩፋኤል ኣብ ኵለን አብያተ ክርስቲያን ብስብሓታትን ጸሎተ ሰዓታትን ክኸብር ከሎ፡ ብፍላይ ኣብ ቅዱስ...

  

latest articles

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...

The feast Of Pentecost

IN THE NAME OF THE FATHER AND THE SON AND THE HOLY SPIRIT, ONE GOD. On this day the Holy...

Ascension

After the Lord Jesus Christ had finished the operation of His wisdom upon earth, by His Passion, and His Death...

Tsinset (Annunciation – Feast of Incarnation)

In accordance with the cannon of the Church, one of the nine major feast days of Our Lord. it Tsinset (Annunciation...

The feast of presenting the lord Christ in the temple…

On this day we celebrate the feast of presenting the lord Christ to the temple after 40 days of his...