ዓመታዊ ክብረ በዓል ኅዳር ጽዮን 2012 ዓ.ም ብክብ ዝበለ ድምቀት ተኸቢሩ!

Dec 02, 2019

ኦርቶዶክስ ተዋሕዶ ቤተ ክርስቲያን ኤርትራ ኣብ ውሽጢ ሓደ ዓመት ብብዝኂ ዓበይትን ናኣሽቱን በዓላት እተኽብረላ ወርኂ ኅዳር እያ። ብስፍሓትን ዕብየትን ዝብዓለሉ ሃገረ ስብከትን ኣድያማተ ስብከትን ድማ ንበዓለ ኅዳር ጽዮን ዝዳረጋ የሎን። እዚ ክብረ በዓል ታቦተ ሕጉን፡ ዕብየትን ቅድስናን ቅድስተ ቅዱሳን ድንግል ማርያም ዝበዓለሉ በዓል፡ ሎሚ ዓመት’ውን ኣብ ኵለን ናይ ኦርቶዶክስ ተዋሕዶ ኣብያተ ክርስቲያን ብስብሐተ ማኅሌትን ጸሎተ ሰዓታትን ውዳሴን ቅዳሴን ብድሙቅ ሥርዓትን ትውፊትን ባህልን ተኸቢሩ።

ብፍላይ ኣብ ሃገረ ስብከት ኣሥመራ ርእሰ ኣድባራት ደብረ ጽዮን ቅድስት ማርያም ቤተ ክርስቲያን፡ ዓቃቤ መንበር ኦርቶዶክስ ተዋሕዶ ቤተ ክርስቲያን ኤርትራ ብፁዕ ኣቡነ ጴጥሮስ፡ ዋና ጸሓፊ ቅዱስ ሲኖዶስ ብፁዕ ኣቡነ ሉቃስ፡ ኣበምኔታት ገዳማት ኤርትራ፡ ኣካላት መንግሥትን፡ ኃለፍቲ ክፍልታት መንበረ ፓትርያርክ፡ ኣመኃደርቲ ኣብያተ ክርስቲያን፡ ሊቃውንት መዘምራን፡ ብኣማኢት ዝቍጸሩ ውሉደ ክህነትን፡ ብኣሽሓት ዝቍጸሩ ምእመናንን ምእመናትን ብዘማእከልዎ ደሚቑ ተባዒሉ።

ብመሠረት መርሐ ግብር፡ ቀዳም 20 ኅዳር ካብ ፍርቂ መዓልቲ ክሳብ ሠርክ ዋዜማ ስብሐተ እግዚአብሔር በጺሑ። ቀጺሎም ሊቃውንት መዘምራን ካብ ሰዓታት ምሸት ጀሚሮም ክሳዕ ሰዓት 5፡00 ቅ.ቀ ስብሐተ ማኅሌት ምስ ቆሙ፣ ብለባስያን ተኣምረ ማርያምን ጸሎተ ኪዳንን በጺሑ። ካብ ሰዓት 6፡00 ቅ.ቀ ክሳዕ 9፡00 ቅ.ቀ ኣብ ዘሎ ጊዜ ጸሎተ ቅዳሴ ምስ ተፈጸመ፡ ታቦተ ሕጉ ኣብ ውሽጥን ካብ ቀጽሪ ቤተ ክርስቲያን ወፃእን ልብሰ ተክህኖ ተኸዲኖም፡ ማዕጠንት መስቀል ሥእለ ኣድኅኖን ብዝኃዙ ውሉደ ክህነት፡ ያሬዳዊ ዜማ ብዘሸብሽቡ ሊቃውንትን ከምኡ’ውን ብተማሃሮ ትምህርተ ሰንበትን ብኣሽሓት ዝቍጸሩ ምእመናትን ምእመናንን ተዓጂቡ ድኅሪ ምዛሩ ኣብ ዓውደ ምሕረት ቆመ።

ቀጺሎም ንክብሪ ታቦተ ሕጉ ፈለገ ጥበብ ዝኾኑ ሊቃውንት ምስ’ቲ በዓል ዝሰማማዕ “ጽላት ዘሙሴ ዕፀ ጳጦስ ዘሲና ጸናጽል ዘውስተ ልብሱ ለአሮን ካህን”፣ “ዘእንበለ ይትፈጠር ሰማይ ወምድር . . . ሀለወት ስብሕት ቅድስት ወቡርክት ይእቲ ማርያም” እናበሉ ንሕልና ናብ ሰማይ ዝምስጥ ያሬዳዊ መዝሙር ኣቕሪቦም።

ኣስዒቦም ተማሃሮ ትምህርቲ ሰንበት፡ ነቲ በዓል ዝገልጽ ተስፋ ዘስንቅ ሠለስተ መዛሙር ከቕርቡ ከለው፡ ኃላፊ ስብከተ ወንጌል ዘመንበረ ፓትርያርክ መሪጌታ ስምዖን በየነ ድማ ካብ መዝሙር 86፡5 “እምነ ጽዮን ይብል ሰብእ/ሰብ ኣዴና ጽዮን ይብል” ብዝብል መሪሕ ኃይለ ቃል ፍጻሜ ታሪክ ብምጥቓስ ንኃይልን ትእምርትን ታቦተ እግዚአብሔር ኣብ ዘመነ ብሉይን ሓዲስ ኪዳንን ገሊጾም። ኣብ ትምህርቶም፦ “ኣብ ታቦተ ሕጉ ዝተጻሕፉ ትእዛዛተ እግዚአብሔር ብምኽባር ንቤተ ክርስቲያን ሰላም ንሃገር ሐድነት ክህበና ካብ ክብሪ ገዛእ ርእስና ክብሪ እግዚአብሔርን ክብሪ ቅዱሳኑን ቅዱስ ሕጉን ብምሕላው ብጸሎትን ጾምን ክንተግህ ይግብኣና። ንጸላእትና ንስዕረላ ንፍርሓትና ናብ ትብዓት ንቅይረላ ኣማናዊት ታቦት ወላዲተ ቃል ኣዴና ቅድስተ ቅዱሳን ድንግል ማርያም ምስጋናናን ውዳሴናን ይብጽሓያ” ብምባል ትምህርቶም ፈጺሞም።

ኣብ መወዳእታ ብመምህር ፊልሞን ተከሥተ ኣብዚ ደብሪ ንኣርባዕተ ዓመት ኣብ ናይ ኣቋቋም ጉባኤ ክምሃሩ ዝጸንሑ 22 ደቀ መዝሙርት ብዓቃቤ መንበር ብፁዕ ኣቡነ ጴጥሮስ ትምህርቶም ከም ዘጠናቀቁ ዝገልጽ ምስክር ወረቐት ተዓዲሉ።

ኣብ መፈጸምታ ቡራኬ ብብፁዓን ኣቦታት ምስ ተዋህበ ብጸሎት ምህላ ተዓጂቡ ታቦት ናብ መንበረ ክብሩ ተመሊሱ። በዚ ድማ ፍጻሜ ናይ’ቲ በዓል ኮነ።

ዘመነ ዮሓንስ 9 ሓምሌ 2012 ዓ.ም.ግ…

July
Thursday
16
ዝክር፦ ከላድያኖስ ሊቀ ጳጳሳት፡ ወብስንዳ። ዘቅዳሴ ምንባብ መልእክታት፦ ሮሜ. 14፡1-8 ያዕ. 1፡19-ፍጻሜ ግብ. ሐዋ. 10፡9-16 ምስባክ፦ መዝ. 17/18 ወንጌል፦ ዮሐ. 9፡12-17 ቅዳሴ፦ ዘ፫፻ትግሩም። * * *
00:00 h
Ad Right

ዜና ኅትመት

እዋናዊ ጽሑፋት

ጻድቅ ኣቡነ ኪሮስ - 8 ሐምሌ

ቅድስቲ ቤተ ክርስቲያንና ነቶም ብፍጹም ሃይማኖትን ሥነ ምግባርን ጸኒዖም ኣብ እግዚአብሔር ዝተኣመኑ፡ ኣብ ዓለም ዘይሮም ዝመሃሩን ክሳዕ ፍጻሜ ሕይወቶም ዘገልገሉ፡...

ብርሃነ ዓለም፡ ማኅቶተ ቤተ ክርስቲያን፡ ንዋየ ኅሩይ ቅዱስ ሓዋርያ ጳውሎስ

ሐዋርያ ቅዱስ ጳውሎስ ቅዱስ ሓዋርያ ጳውሎስ ዓሌቱ ዕብራዊ ኾይኑ ኣብ ከተማ ጠርሴስ ተወሊዱ። ሮማውያን ነቶም ኣብ ትሕቲኦም ዚመሓደሩ ሕዝቢ፡ ሮማዊ ዜግነት...

ኰኵሐ ቤተ ክርስቲያን ሊቀ ሐዋርያት ቅዱስ ጴጥሮስ

ሊቀ ሓዋርያት ቅዱስ ጴጥሮስ ቅዱሳን ሓዋርያት: ብኸመይ ከም እተጸውዑን ክሳዕ ዕርገት ዝነበርዎ ኵነታትን ኣብ ኣርባዕቱ ወንጌል፡ ድኅሪ ዕርገትን ክሳዕ መጀመርያ ስሳታትን...

ዓምደ ሃይማኖት ወማኅቶተ ቤተ ክርስቲያን ቅዱስ ቄርሎስ

ቅዱሳን አበው ሊቃውንት፡ ከም መጠን ስፍሓት ኣእምሮኦምን ጽንዓት ሃይማኖቶምን መንፈስ ቅዱስ ገሊጽሎም መንፈሳውያን ድርሳናት፡ ተግሣፃት፡ መድበላት ዝጸሓፉ፣ ናይ መጽሓፍ ቅዱስ...

ብመስቀሉ ክዘንመልና እዩ ፈውሰ ምሕረቱ

እስከ ኽንዛረብ ምእንትዚ ተላቢዑ ዘሎ ኮሮና ሕማምእግዚአብሔር ንሰብ ክፈጥሮ ከሎ ብተድላ ብደስታ ክነብር እምበር ኣይነበረን ክሳቐ ብሕማምምናልባት ነዚ ሰብ ዘጽሕን...

ቅዱስ ሓዋርያ ታዴዎስ፦ “ነዚ እዩ ጐይታ ሃብታም መንግሥተ ሰማያት ካብ…

ታዴዎስ ማለት ዘርእን ማእረርን፡ ካህነ ኣምላኽ ማለት እዩ። ቍጽሩ ምስ ዓሰርተው ክልተ ሓዋርያት ኮይኑ ሃገረ ስብከቱ ሶርያ እዩ። ሊቀ ሓዋርያት...

አሥርቆት ዘወርኀ ሐምሌ

ዮም ሠረቀ ለነ ወርኀ ቡሩክ ሐምሌ ያብጽሐነ እስከ ወርኀ ነሐሴ በሰላመ እግዚአብሔር! ወርኀ ሐምሌ ቡሩክ መዓልቱ ፲ወ፬ቱ ሰዓት ወሌሊቱኒ ፲ቱ...

ገዳም ቅዱስ ዮሓንስ መጥምቅ ቴድረር

ገዳም ቅዱስ ዮሓንስ መጥምቅ ቴድረር ኣብ ዞባ ደቡብ ንኡስ ዞባ ደቀምሓረ፡ ካብ ከተማ ደቀምሓረ ንደቡብ 25 ኪሎ ሜትር ኣብ ከባቢ...

“ብኃጢኣት ሕዝበይ እየ ኣብ ኢድኩም ኣውዲቐያ!”

ገቢረ ተአምራት ወላዲተ ኣምላክ ድንግል ማርያም፡ ተነጊሩ ዘይጽገብ ተጻሒፉ ዘይፍጸም እዩ። ካብ ፅንሰታ ዝጀመረ ገቢረ ተአምራት ክሳዕ ምጽኣተ ክርስቶስ በቲ...

"ወያስተዴሉ ክረምተ ለምድር/ ንምድሪ ዝናም የዝንመላ” “መዝ. ፻፵፮፥፰/147፡8

ቅድስት ቤተ ክርስቲያንና፡ ንዓመት ኣብ ኣርባዕተ ወቕትታት ማለት ዘመነ መፀው፡ ዘመነ ሓጋይ፡ ዘመነ ፀደይ ከምኡ ውን ዘመነ ክረምት ብምባል ትኸፍሎ። 

እንቋዕ ናብ ዘመነ ክረምት ብሰላም ኣብጽሓና!

ዘመነ ክረምት  ካብ 26 ሰኔ ክሳዕ 25 መስከረም ዘሎ ወቅቲ ጊዜ ክረምቲ እዩ። ሰማይ ብደመና ተሸፊኑ፡ ዝናም ብመብረቕን ድምፂ ነጐድጓድን ተዓጂቡ ንምድሪ...

“ብፁዕ ዘይሌቡ ላዕለ ነዳይ ወምስኪን/ ንድኻ ዝሓልየሉ ሰብ ብፁዕ እዩ”(መዝ…

ንሕይወተ ሥጋ ኣድለይቲ ዝኾኑ ነገራት ማይ፡ እንጌራ፡ ክዳን፡ መኅደሪ ቤት እዮም። (ሢራ. 29፡21) ብቐዳምነት ነዚኦም ዘይረኸቡን ዘይብሎምን ሰባት “ጽጉማት” ይበሃሉ። ብተወሳኺ’ውን...

  

latest articles

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...

The feast Of Pentecost

IN THE NAME OF THE FATHER AND THE SON AND THE HOLY SPIRIT, ONE GOD. On this day the Holy...

Ascension

After the Lord Jesus Christ had finished the operation of His wisdom upon earth, by His Passion, and His Death...

Tsinset (Annunciation – Feast of Incarnation)

In accordance with the cannon of the Church, one of the nine major feast days of Our Lord. it Tsinset (Annunciation...

The feast of presenting the lord Christ in the temple…

On this day we celebrate the feast of presenting the lord Christ to the temple after 40 days of his...

The Fast of Nineveh - Monday 10 – 12 February…

In Eritrean Orthodox Tewahdo Church, one of the seven fasting periods is the fast of Nineveh.

Mystery of Baptism

Baptism is the sacrament given to all who believe in the Mystery of the Trinity and the Mystery of Incarnation...

Mystery of Incarnation

Mystery of Incarnation means the mystery of the descending of God the Son who is one of the Trinity from...

Mystery of the Holy Trinity

The Eritrean Orthodox tewahdo Church has Five pillars of Mysteries through which it teaches and demonstrates its basic religious belief...