ሥርዓተ ቀብር ናይ አበምኔት ገዳም አቡነ አብራንዮስ(እንዳቦና) ዝኾኑ መምህር ኃይለሚካኤል አምኀጽዮን ተፈጺሙ።

Jan 31, 2020

ዕለት 21 ጥር 2012 ዓ.ም. ካብ ገዳሞም ዝዓረፉ መምህር ኃይለሚካኤል አምኀጽዮን ንጽባሒቱ ዝግባእ ጸሎተ ፍትሐት ተጸልዩ ፍርቂ መዓልቲ ጸሎተ ቅዳሴ ምስ ተሠርዐ ሓመድ ኣዳም ለቢሶም።

ኣቦና መምህር ኃይለሚካኤል ኣብ ኣቦኦም አምኀጽዮን ባርያሥላሴን ካብ ኣደኦም ሃንሱ ተኽለ ሽሻይ ብ 1934 ዓ.ም.ግ (ብ1942 ዓ.ም. ፈ) ኣብ ዞባ ደቡብ ንኡስ ዞባ ደቀምሓረ ኣብ ዓዲ ጓቋት ተወሊዶም፡፡ ወለዶም ካብ እግዚአብሔር አምላክ ካብ ዝተዋህብዎም ትሸዓተ ውሉዶም ንእግዚአብሔር ሓደ ዕሽር ክህቡን ክርስቲያናዊ ግቡኦም ክፍጽሙን ዝኣተውዎ መብጽዓ ንምፍጻም ንኣቦና መምህር ኃይለ ሚካኤል ኣብ ሾብዓተ ዓመት ዕድሜኦም ኣብ ሃገረ ስብከት ደቡብ ናብ ዝርከብ ገዳም ደብረ ጥሉል አቡነ አብራንዮስ ከም አምሃ ሃብዎም።

ኣብ ንኡስ ዕድመኦም ገዳም ምስ ኣተው ንናብራ ገዳም ሓደ ኢሎም ብምጅማር ካብ እግዚአብሔር ብዝተዋህቦም ጸጋ ብርድእና እናኣገልገሉ ትምህርተ ቤተ ክርስቲያን ማለት ግብረ ዲቁናን ክህነትን ብዝግባእ ተማህሩ። ኣብ መበል 14 ዓመቶም ካብ ብፁዕ አቡነ ማርቆስ ጳጳስ ዘኤርትራ ብ1948 ዓ.ም.ግ መዓረገ ዲቁና ተሠይሙ። ኣብዚ ገዳም ከም ሓራጻይን ቀዳስን እናገልገሉ ብፍቓድ ማኅበር ካብ መምህር ፍሥሐጽዮን ኣብ መበል 21 ዓመቶም ኣስኬማ ዘመላእክት ምንኵስና ምስ ተቐበሉ ካብ አቡነ ሚካኤል መዓርገ ክህነት ተቐብዑ። ብተልእኮ ማኅበር ከም መጋብን ሽማግለን ከምኡ’ውን ኣብ ገዳም ዝነበረ ልምዓታዊ ሥራሕ ኣብ ምሕዳስን ምሕናጽን ቅድስት ማርያም ቤተ ክርስቲያን ካልእ ብዙኅ መንፈሳዊ ዕዮ ፈጸሙ።

ትምህርቶም ንምቕጻል ናብ ሃገረ ኢትዮጵያ ብምኻድ ዜማ ቅዳሴ ብግቡእ ከጠናቕቑ ከለዉ ኣብ መቀለ መንፈሳዊ ኮሌጅ አቡነ ሰላማ ከሣቴ ብርሃን ድማ ናይ ሠለስተ ወርኂ ሥልጠና ካህናት ብዝግባእ ተማህሩ።

ብድኅር’ዚ ናብ ገዳሞም ተመሊሶም ከገልግሉ እኳ እንተጸንሑ ብሰንኪ ጸገም ጥዕና ናብ ከተማ ኣሥመራ ብምኻድ ኣብ ቤተ ክርስቲያን ደብረ መንክራት ቅዱስ ቂርቆስ ንዕሥራን ክልተን ዓመት ከም ገበዝ ፣ ዓቃቤ ኮይኖም ብትግሃት ኣገልገሉ። ኣብዚ ቦታ ንኵሉ ጊዜ ዘዘክሮም ካብ ማይ ጭሆት ናብ ቤተ ክርስቲያን ቅዱስ ቂርቆስ ዘእትዉ ጽርጊያ ክገፍሕን ክጽረግን፡ ኣብ ውሽጢ ቤተ ክርስቲያን ዘሎ ቅዱሳን አሣዕል ገበርቲ ሠናይ ብምውሕሓድ ክሠዓል ዝገበሩ ኣቦ እዮም።

ካብ ኣሥመራ ናብ ገዳሞም ምስ ተመልሱ፡ ማኅበር ነቲ ዝነበሮም ምስትውዓልን ጥበብን ብምግንዛብ ነዚ ገዳም መምህር ኮይኖም ከገልግልዎ ዓቢ ኃላፍነት ምስ ሃቦም ንኣስታት ኣርባዕተ ዓመት ዝኣኽል አበምኔት ኮይኖም ኣብ ዘገልገልሉ እዋን ገዳም ኣገልግሎት መብራህቲ ክረኽብ ኣብ ርእሲ ምግባሮም ዓቢይ መንፈሳዊ ኣገልግሎትን ልምዓታዊ ዕዮታትን ኣቃኒዖም እዮም። ከምኡ’ውን ኣብ ቅዱሳት መካናት ክሳብ ቅድስት ሃገር ኢየሩሳሌም ብምብጻሕ’ውን ንሕዝበ ክርስቲያን ብትግሃት ኣገልጊሎም እዮም።

ኣቦና ብዝኃደሮም ናይ ሓፂር መዓልቲ ሕማም ክሕከሙ ድኅሪ ምጽናሕ ኣብታ ቅዱሳን አበው ብፍላይ ድማ ደቂቀ ኣብራንዮስ ዝምነይዋ ዕለት ዕረፍቶም ኮነ። እዛ ዕለት’ዚኣ ከምቲ “ግበሩ በዓልየ ምስለ ማርያም እምየ/ በዓለይ ምስ ኣደይ ማርያም ግበሩለይ” ኢሎም አቡነ ዮናስ ዝዝከሩላ ዕለተ ዕረፍታ ናይ ኣዴና ቅድስት ድንግል ማርያምን ከምኡ’ውን ኣብታ ናይ መንፈስ ኣቦኦም አቡነ አብራንዮስ ዝዝከሩላ ዕለት 21 ጥር 2012 ዓ.ም.ግ. ኣብ መበል 78 ዕድሜኦም ብሰላም ዓሪፎም።

ሥርዓተ ቀብሮም ድማ ኣብታ ካብ ትሽዓተ ዓመቶም ፍኖተ እግዚአብሔር ዘምሃረቶምን ዘገልገልዋን ገዳሞም ገዳም ኣቡነ ኣብራንዮስ (እንዳቦና) ካብ ፍርቂ መዓልቲ ጸሎተ ቅዳሴ ምስ ተሠርዐ፡ ብፁዕ አቡነ ሉቃስ ዋና ጸሓፊ ቅዱስ ሲኖዶስ፣ ገዳማውያን፡ ሊቃውንት፡ ውሉደ ክህነትን ምእመናንን ምእመናትን ኣብ ዝተረኽብሉ 22 ጥር 2012 ዓ.ም. ሰዓት 3፡00 ድ.ቀ. ተፈጺሙ።

ኦ እግዚኦ አዕርፍ ነፍሰ አቡነ ኃይለሚካኤል

እስመ መምህረ ሕግ ይሁብ በረከተ፡ ወየሐውር እም ኃይል ውስተ ኃይል / መምህር ሕጊ በረከት የውህብ እዩ እሞ ኃይሊ ኣብ ርእሲ ኃይሊ እናወሰኸ ይኸይድ። (መዝ. 83/ 84፡7)

 

ዘመነ ዮሐንስ 24 ግንቦት 2012 ዓ.…

June
Monday
1
ዝርክ፦ ቦአ እግዚእነ ውስተ ምድረ ግብጽ፡ ወዕንባቆም ነቢይ፡ ወአብቍልታ መስተጋድል፡ ወዕረፍቱ ለአልአዛር፡ ወአርከሌድስ፡ ወቲፍላስ፡ ወበዓለማርዩ። ዘቅዳሴምንባብ መልእክታት፦ ፊል. 3፡7-12 1ይጴጥ. 1፡6-12 ግብ. ሐዋ. 12፡20-ፍጻሜ ምስባክ፦ መዝ. 98/99 ወንጌል፦ ዮሐ. 12፡30-34 ቅዳሴ፦ ዘእግዝእትነ ማርያም። * * *
00:00 h
Ad Right

ዜና ኅትመት

እዋናዊ ጽሑፋት

‘ወናሁ አነ እፌኑ ተስፋሁ ለአቡየ ላዕሌክሙ/ እንሆ ኣነ ተስፋ ኣቦይ ክሰደልኩም…

ተስፋ ማለት ነቲ ዘይርአ ከም ዝርአ፡ ነቲ ዘየሎ ከምዘሎ፡ ነቲ ዘይኸውን ድማ ከምዝኸውን ጌርካ ብእምነት ንእግዚአብሔር ምጽባይ እዩ። ተስፋ ሓንቲ...

ደብረ ምጥማቅ (21-25 ግንቦት)

ደብረ ምጥማቅ  ጐይታናን ኣምላኽናን ኢየሱስ ክርስቶስ ምስ ኣደኡ ቅድስት ድንግል ማርያም ናብ ምድረ ግብጽ ምስ ተሰደ በኪደተ እግሩ ካብ ዝረገጸን ቦታታት...

"ናብ ሰማይ ዓረገ " ማር. 16፡19

  ዓመት መጸ ብዓቢይ መንፈሳዊ ኽብሪ ካብ እነኽብሮም ዓበይቲ በዓላት ጐይታናን መድኃኒናን ኢየሱስ ክርስቶስ እቲ ሓደ በዓለ ዕርገት እዩ። ጐይታናን መድኃኒናን...

ማኅሌታይ ቅዱስ ያሬድ 

'ኣብ ወርኂ ታኅሣሥ ዕለቱ ሰኑይ፡ ሰዓቱ ሰዓት ፫ተ ብግዕዝ (9ተ)፡ ኣብ ቅድሚ ታቦተ ጽዮን ኣክሱም ደው ኢሉ ድምፁ ዓው ብምባል...

“ተዘከረኒ እግዚኦ አመ ትመጽእ በመንግሥትከ።/ ጐይታይ ብመንግሥትኻ ክትመጽእ ከሎኻ ዘክረኒ።”…

እቲ ብየማን ጐይታ ተሰቒሉ ዝነበረ ሽፍታ (ፈያታዊ ዘየማን)፡ ደመ ማኅተምን መርኆ ድኅነትን ተዋሂቡ ንኣቦና ኣዳም ቀዲሙ ናብ ገነት ከምዝኣተወ ቅዱሳት...

“ኣዴና ቅድስት ድንግል ማርያም ቅድሚ ዓለም ምፍጣሩ ኣብ ሕሊና ኣምላኽ…

እዚ ቓል’ዚ ኣብ መቅድም ተኣምረ ማርያም ዝርከብን ወትሩ ዝንበብን ኮይኑ፡ እግዚአብሔር ኣምላኽ ቅድሚ ንዓለም ምፍጣሩን ዘመን ምቝጻሩን፡ ኣዴና ቅድስት ድንግል...

ቅዱስ ኣትናቴዎስ

ታሪኽ ቤተ ክርስቲያን ከምዝሕብሮ፡ ድኅሪ ዘመነ ሓዋርያት ቅድስት ቤተ ክርስቲያንና ኣብ ዝተፈላለየ ዘመናት ብደገ ብዓላውያን ነገሥታት፡ ብውሽጢ ድማ ብናይ ጽርኣውያን...

ርክበ ካህናት

“ርክበ ካህናት” ማለት ናይ ካህናት መራኸቢ፡ ጉባኤ፡ መተኣኻኸቢ፡ መዛተዪ . . . ወዘይመስሎ ዝብል ትርጕም ኣለዎ። ኣብ ቅድስት ቤተ ክርስቲያንና፡ ዓመታዊ...

ናባይ ንዑ፡ ኣነ ኸኣ ከዕርፈኩም እየ! (ማቴ. 11፡28)

ክታብ ካብ ኣልፋ ወዖ እግዚአብሔር ኣምላኽ! ኣኽቢረ ብኣርኣያይን ብኣምሳለይን ዝፈጠርክኹም ደቀይ! ቅድሚ ኵሉ ሰላመይ ምስ ኵላትኩም ይኹን! ቅድሚ ሕጂ ብዙኅ ደብዳቤታት ሰዲደልኩም...

አሥርቆት ዘወርኀ ግንቦት

ዮም ሠረቀ ለነ ወርኀ ቡሩክ ግንቦት ያብጽሐነ እስከ ወርኀ ሰኔ በሰላመ እግዚአብሔር! ወርኀ ግንቦት ቡሩክ መዓልቱ ፲ወ፬ቱ ሰዓት ወእምዝ ይትዌስክ። ሎሚ...

ባሕቲ ግንቦት፡ ልደተ ማርያም

ቅድስት ድንግል ማርያም፡ ቅድሚ ምፍጣር ዓለም ኣብ ሕሊና ኣምላኽ ዝነበረት፣ ገና ከይተወልደት ትንቢት ዝተነግረላ፡ ሱባኤ ዝተቘጽረላን ምሳሌ ዝተመሰለላን እያ። ሊቀ...

ዮም ፍሥሐ ኮነ በእንተ ልደታ ለማርያም/ ሎሚ ብልደት ቅድስት ድንግል…

ልደት ኣዴና ቅድስት ድንግል ማርያም ሃንደበታዊ ኣይኮነን። ካብ ፅንሰታ ክሳዕ ልደታ ኵሉ መስተንክር እዩ። ትንቢት ዝተነግረሉ፡ ሱባዔ ዝተቘጽረሉ፡ ምሳሌ ዝተመሰለሉ...

  

latest articles

Ascension

After the Lord Jesus Christ had finished the operation of His wisdom upon earth, by His Passion, and His Death...

Tsinset (Annunciation – Feast of Incarnation)

In accordance with the cannon of the Church, one of the nine major feast days of Our Lord. it Tsinset (Annunciation...

The feast of presenting the lord Christ in the temple…

On this day we celebrate the feast of presenting the lord Christ to the temple after 40 days of his...

The Fast of Nineveh - Monday 10 – 12 February…

In Eritrean Orthodox Tewahdo Church, one of the seven fasting periods is the fast of Nineveh.

Mystery of Baptism

Baptism is the sacrament given to all who believe in the Mystery of the Trinity and the Mystery of Incarnation...

Mystery of Incarnation

Mystery of Incarnation means the mystery of the descending of God the Son who is one of the Trinity from...

Mystery of the Holy Trinity

The Eritrean Orthodox tewahdo Church has Five pillars of Mysteries through which it teaches and demonstrates its basic religious belief...

Welcome to the Feast of the Nativity of Our Lord…

Glory to God. When the appointed time of salvation and the foretold prophesies came to pass, God the Son come to...

In Memory of His Holiness Abune Yacob the Second Patriarch…

His Holiness Abune Yacob, the Second Patriarch was one of the reputable leaders of the EriOTC, a shining star of...

Fast of the Prophets (Advent)

15th November (geez calander), marks the first day of the Advent Fast, a period of abstinence and penance practiced by...

FASTING

Fasting is abstinence from all things that a body needs, and one has to fast from animal products and from...

The Eritrean Orthodox Tewahdo Church (EriOTC)

In the name of the Father, and of the Son, and of the Holy Spirit, One God. “We call our...