ኣብ ቅድስት ሃገር እስራኤል ዓመታዊ በዓል ብድምቀት ተኸቢሩ!

Feb 05, 2020

ቀዳም 23 ጥር 2012 ዓ.ም. (01/02/2020 ዓ.ም.ፈ.) ኣብ ቅድስት ሃገር እስራኤል ዓመታዊ ክብረ በዓል ዕረፍታ ናይ ቅድስት ድንግል ማርያም ከምኡ ውን ምምሥራት ቤት ትምህርቲ ሰንበት ቅድስት ድንግል ማርያም ቤተ ክርስቲያን መድኃኔ ዓለም “ህቦብላ ምስ ዝኃልፍ ነቲ እኩይ ይወስዶ፡ እቲ ጻድቕ ግን ብደኃን ይነብር።" (ምሳ 10፡25) ኣብ ትሕቲ ዝብል መሪሕ ቃል ብድምቀት ተኸቢሩ።

ብድሮ ዓርቢ፡ ብርክት ዝበሉ ሊቃውንት መዘምራንን ውሉደ ክህነትን ምእመናንን ምእመናትን ዝተሳተፍዎ ናይ ዋዜማ ስብሐተ እግዚአብሔር ምስ ቀረበ፡ ምሸት ካብ ሰዓት 7፡00 ድ.ቀ. ኣትኂዙ ፍሉይ መደብ ብሕፃናት (መዝሙርን መንፈሳዊ ተዋሥኦን) ከምኡ’ውን ናይ ዕለቱ ቃለ እግዚአብሔር ተዋሂቡ። በዚ ድሙቅ መደባት መርሐ ግብር ዕለተ ዓርብ ብሰላም ተዛዘመ።

ቀጺሉ ናብ ቀዳም ዘውግሕ ካብ ፍርቂ ለይቲ ጀሚሮም ሊቃውንት መዘምራን ስብሐተ ማኅሌት ብያሬዳዊ ተመስጦ ከዝይሙን ክውርቡን ድኅሪ ምኅዳሮም ካብ ሰዓት 6፡00-8፡00 ቅ.ቀ. ጸሎተ ቅዳሴ ተሠሪዑ።

ብድኅሪ’ዚ ሕዝበ ክርስቲያን መክፈልቲ ምስ ተቛደሱ፡ ካብ ሰዓት 11፡00 – 3፡00 ድ.ቀ ናይ ቀዳም ሥሩዕ መደብ ብዓውደ ርእይ (ኤግዚቭሽን) ካልእ መደባትን ተቓኒዑ። ካብ ምሳሌ 10፣25 “ህቦብላ ምስ ዝኃልፍ ነቲ እኩይ ይወስዶ፡ እቲ ጻድቕ ግን ብደኃን ይነብር” ኣብ ትሕቲ ዝብል ኣርእስቲ ትምህርተ ወንጌል ምስ'ዚ ዘሎ ፈተናታት ናይ ቤተ ክርስቲያን ብምትኅኃዝ ተዋሂቡ።

ኪነ ጥበባዊ ዕዮ ዝኾነ መንፈሳዊ ተዋሥኦን ግጥምን ምስ ቀረበ፡ ብመንእሰያት መዘምራን 'ህቦብላ ማዕበልን፡ ናይ ፍቅሪ ዕንበባ’ ዝብላ መዛሙርን ወረብን ቀሪቡ።

ብድኅርዚ ካብ ኵለን ኣብ ቅድስት ሃገረ እስራኤል ኣብ ትሕቲ ቤተ ክርስቲያን መድኃኔ ዓለም ዝምእከላ 14 ትምህርተ ሰንበታት ማኅበራት ዝተዋፅኡ መዘምራን ሠለስተ ናይ ኅብረት መዛሙር ምስ ተዘመረ ከምኡ’ውን ብሊቃውንቲ ኣቦታት ወረብ ምስ ተሸብሸበ እቲ መርሐ ግብር ብጸሎት ተፈጺሙ።

ከምዝፍለጥ ቤት ትምህርተ ሰንበት ማርያም ቤተ ክርስቲያን መድኃኔ ዓለም ቅድሚ ዓሠርተ ክልተ ዓመት (2008 ዓ.ም.ፈ.) ኣብ ቅድስት ሃገረ እስራኤል ብውሑዳት ደቂ ቤተ ክርስቲያን ናይ መጀመርታ ትምህርቲ ሰንበት ኣብ ቅድስት ሃገረ እስራኤል ዝተመሥረተ፡ ኣብ ትሕቲ ቅዱስ ሲኖዶስ ኦርቶዶክስ ተዋሕዶ ቤተ ክርስቲያን ኤርትራ ዝመኃደር ማኅበር እዩ።

እዚ ማኅበር ክጅምር እንከሎ ካብ መጀመርታኡ ሰብ ዋላ ብስደት ሃገር እንተ ቐየረ ሃይማኖቱን ቤተ ክርስቲያኑን ክቕይር የብሉን ብዝብል ሃይማኖታዊ ቅንኣት "ኣምላኽ ሰማይ ከቕንዓልና እዩ እሞ፡ ንሕና ባረቱ ተንሢእና ኽንዓዪ ኢና" (ነህ. 2፣20) ብዝብል መሪሕ ቃል ዝተበገሰ ማኅበር እዩ። እዚ ትምህርተ ሰንበት'ዚ ናይ ኤርትራ ኦርቶዶክስ ተዋሕዶ ቤተ ክርስቲያን ዶግማኣን፡ ቀኖነኣን፡ ሥርዓታን ትውፊታን ኣብ ዓዲ ስደት ብዝግባእ ተሓልዩን ተኸቢሩን ናብ መንእሰይ ወለዶ ምምኅልላፍ፡ ንቤተ ክርስቲያን ካብ ኣጽራራ ብፍላይ ካብ ተሓድሶ መናፍቓን ምክልኻል፡ ዋንነት ናይ ኤርትራ ቤተ ክርስቲያን ኣብ ቅድስቲ ሃገረ ኢየሩሳሌም ምሕናፅን ካልእን . . . ዕላማ ገይሩ ዝነጥፍ ዘሎ እዩ።

በዚ መሠረት ድማ ኣብ ቅድስት ሃገረ እስራኤልን ካብኡ ወፃእን ንዝርከብ ሕዝበ ክርስቲያን ብዝተፈላለየ መገዲ ማለት ብመልክዕ መጻሕፍቲ ፡ ሲዲ፡ መርበብ ሓበሬታ (you tube፡ facebook) .. .. .. ንመሠረታዊ ትምህርቲ ሃይማኖትን ታሪኽ ቤተ ክርስቲያንን ስብከተ ወንጌልን ህልው ኵነታት ቤአ ክርስቲያንን ብሓፈሻ ሓዋርያዊ ርቱዕ ኦርቶዶክሳዊ ትምህርቲ ኣብ ምብጻሕ ዘገልግል ዘሎ ትምህርተ ሰንበት እዩ።

ከምኡ’ውን ካብ ኤርትራን ካልእ ሃገራትን ዝመጹ ኦርቶዶክሳውያን ነጋድያን ቅድስት ሃገረ ኢየሩሳሌም ኣብ ዝተፈላለዩ ቅዱሳን ቦታታት (መካናት) ንኽሳለሙ ዝግባእ ምትሕብባርን ሓገዛትን ኣብ ምግባር ዝርከብ ማኅበር እዩ።

ዘመነ ዮሐንስ 10 የካቲት 2012 ዓ.…

February
Tuesday
18
ዝክር፦ ያዕቆብ ወልደ እልፍዮስ፡ ወዮስጦስ፡ ወአባ ኤስድሮስ፡ ወፊሎ ኤጲስ ቆጶስ፡ ወኒቆላዎስ፡ ወአስምዖን። ዘቅዳሴ ምንባብ 1ይ ቆሮ. 12፡3-11። 1ይ ዮሐ. 4፡4-9። ግብ. ሐዋ. 1፡15-19። ምስባክ፦ መዝ. 18/19 ወንጌል፦ ማቴ. 10፡1-8። ቅዳሴ፦ ዘሐዋርያት። * * *
00:00 h

  

ዜና ኅትመት

እዋናዊ ጽሑፋት

ሓዋርያ ቅዱስ ያዕቆብ ወልደ እልፍዮስ

ያዕቆብ ማለት አኀዜ ሰኰና አዕቃጺ (ሓንኳሊ) ማለት እዩ። ነገዱ ካብ ነገደ ጋድ ሃገረ ስብከቱ ኢየሩሳሌም ዕረፍቱ 10 የካቲት ቍጽሩ ካብ...

አዋጅ ምህላ ጾመ 40 ኣብ ኵለን ኣብያተ ክርስቲያናት

“ቀድሱ ጾመ ወስብኩ ምህላ/እትጾሙሉ እዋን ፍለዩ ምህላ’ውን ኣውጁ” ኢዩ. 1፡14 ብኦርቶዶክሳዊት ተዋሕዶ ቤተ ክርስቲያን ሕገ ቀኖና ኣብ ዓመት ካብ ዘለዉ ሾብዓተ...

ሠራሕተኛታት ቤት ጽሕፈት መንበረ ፓትርያርክ ናብ ገዳም ደብረ ጥሉል አቡነ…

05 የካ 2012 ዓ.ም.ግ (13 የካ 2020 ፈ.) ሠራሕተኛታት ቤት ጽሕፈት መንበረ ፓትርያርክ ናብ ገዳም ደብረ ጥሉል አቡነ አብራንዮስ (እንዳ...

በዓለ ስምዖን ኣረጋዊ - 8 የካቲት

ጐይታናን መድኃኒናን ኢየሱስ ክርስቶስ ካብ ቅድስት ድንግል ማርያም ነፍስን ሥጋን ተዋሒዱ ምስ ተወልደ፡ ሕጊ መጽሓፋዊ ንምፍጻም ኣብ 40 መዓልቱ፡ መሥዋዕቲ...

ክብረ በዓል ገዳም አቡነ እንድርያስ ሰፍኣ ተኸቢሩ!

ዓመት መጸ 1 የካቲት ዝበዓል ዝክረ ዕረፍቲ ኣቡነ እንድርያስ ሎሚ ዓመት 2012 ዓ.ም. እውን ብዓቢይ መንፈሳዊ ክብሪ ተኸቢሩ! ኣብዚ ክብረ በዓል...

ዕለታት ጾመ ነነዌ

ጾመ ነነዌ ሓደ ካብቶም 7ተ ናይ ኣዋጅ ኣጽዋማት ቤተ ክርስቲያን እዩ። ጾመ ነነዌ ኵል ሳዕ ዓቢይ ጾም ቅድሚ ምእታዉ ቅድሚ...

ንዑ ደቂቅየ ወስምዑኒ . . እመሀርክሙ - ታሪክ ሰብአ ነነዌ…

እግዚአብሔር ዝፈትወኩም ሕፃናት ከመይ ኣሎኹም፧ ናብዚ ሰዓትን እዝን ዕለትን ብሰላም ዘብጸሓና እግዚአብሔር ዝኸበረን ዝተመስገነን ይኹን። ልበ ኣምላክ ኣቦና ቅዱስ ዳዊት...

እንቋዕ ናብ ጾመ ነነዌ ኣብጽሓና፦ ሰኑይ 2 የካቲት ክሳዕ ረቡዕ…

ጾመ ነነዌ ሓደ ካብቶም ሾብዓተ ናይ ኣዋጅ ኣጽዋማት እዩ። ኣብ ነነዌ ዝቕመጡ ዝነበሩ ሕዝቢ ጾይሞም ምሕረት ከምዝረኸቡ፡ ሕዝበ ክርስቲያን ድማ...

አሥርቆት ዘወርኀ የካቲት

በስመ አብ ወወልድ ወመንፈስ ቅዱስ አሐዱ አምላክ! አሥርቆት ዘወርኀ የካቲት ዮም ሠረቀ ለነ ወርኀ ቡሩክ የካቲት ያብጽሐነ እስከ ወርኀ መጋቢት በሰላመ እግዚአብሔር...

ገዳም ደብረ ጽጌ ጺዳርዋ ኣቡነ እንድርያስ (ሰፍኣ)

ገዳም ደብረ ጽጌ ጺዳርዋ፡ ኣብ ዞባ ደቡብ ከባቢ ሰፍኣ ምብራቕ ካብ ዓዲ ፈለስቲ ኣብ 1760 ሜትሮ ብራኸ ይርከብ። እዚ ገዳም’ዚ...

ገዳም ወግረ ስኂን ኣቡነ እንድርያስ (ዕፉን)

ገዳም ወግረ ስኂን ኣቡነ እንድርያስ ዕፉን ኣብ ዞባ ደቡብ ንኡስ ዞባ ዓረዛ ዝርከብ ኮይኑ፡ ካብ ዓረዛ ንሸነኽ ደቡብ 33 ኪ.ሜ...

ኣብ ቅድስት ሃገር እስራኤል ዓመታዊ በዓል ብድምቀት ተኸቢሩ!

ቀዳም 23 ጥር 2012 ዓ.ም. (01/02/2020 ዓ.ም.ፈ.) ኣብ ቅድስት ሃገር እስራኤል ዓመታዊ ክብረ በዓል ዕረፍታ ናይ ቅድስት ድንግል ማርያም ከምኡ...

  

latest articles

The feast of presenting the lord Christ in the temple…

On this day we celebrate the feast of presenting the lord Christ to the temple after 40 days of his...

The Fast of Nineveh - Monday 10 – 12 February…

In Eritrean Orthodox Tewahdo Church, one of the seven fasting periods is the fast of Nineveh.

Mystery of Baptism

Baptism is the sacrament given to all who believe in the Mystery of the Trinity and the Mystery of Incarnation...

Mystery of Incarnation

Mystery of Incarnation means the mystery of the descending of God the Son who is one of the Trinity from...

Mystery of the Holy Trinity

The Eritrean Orthodox tewahdo Church has Five pillars of Mysteries through which it teaches and demonstrates its basic religious belief...

Welcome to the Feast of the Nativity of Our Lord…

Glory to God. When the appointed time of salvation and the foretold prophesies came to pass, God the Son come to...

In Memory of His Holiness Abune Yacob the Second Patriarch…

His Holiness Abune Yacob, the Second Patriarch was one of the reputable leaders of the EriOTC, a shining star of...

Fast of the Prophets (Advent)

15th November (geez calander), marks the first day of the Advent Fast, a period of abstinence and penance practiced by...

FASTING

Fasting is abstinence from all things that a body needs, and one has to fast from animal products and from...

The Eritrean Orthodox Tewahdo Church (EriOTC)

In the name of the Father, and of the Son, and of the Holy Spirit, One God. “We call our...

Holy of Holies Our Lady, the virgin Mary

The word holy (kidus) in Geez denotes being special, pure and esteemed. This prefix is an attribute to denote the...

HOLY SCRIPTURES (part one)

All Scriptures are written with the inspiration of the Spirit of God or the breath of God. They are also...