" ወዲበ ዛቲ ኰኵሕ አሐንፃ ለቤተ ክርስቲያንየ/ንቤተ ክርስቲያነይ ኣብዛ ከውሒ ክሓንፃ እየ።” (ማቴ. 16፡18)

Dec 27, 2019

እግዚአብሔር ሓደ እዩ፣ ብእኡ እንኣምና ሃይማኖትን ካብኡ እንውለደላ ጥምቀትን፣ ተስፋ እንገብራ መንግሥተ ሰማያትን ሓንቲ እያ፣ እንቕበሎ ቅዱስ ሥጋኡን ክቡር ደሙን ሓደ እዩ። ነዚ እትኣምንን እተስተምህርን ቤተ ክርስቲያን ድማ ሓንቲ እያ።

ቤተ ክርስቲያን፥ ቅድሚ ፍጥረተ ሰብ ኣብ ዓለመ መላእክት ብእምነት ቅድስት ሥላሴ ህልውናኣ ዝጀመረት፣ ንቅዱሳን መላእክት፡ ነቶም ጕዕዞኦም ብዓወት ዝፈጸሙ ብዓፀደ ነፍስ ዘለዉን፡ ገና ጕያኦም ዘይወድኡ ብዓፀደ ሥጋ ዘለዉን ምእመናን እትሓቍፍ ሓንቲ ናይ ሓድነት ጉባኤ እያ።

ኣብ ሰማይ፡ ገነት፡ ብሔረ ሕያዋን፡ ብሔረ ብፁዓን፡ ኣብዚ ዓለም ዘላ ሓድነት እያ። ርእሳን ሓድነታን ክርስቶስ ዝኾነላ፡ ብደሙ ዝጸንዐት ናቱ ኣካል እያ። (ዕብ. 12:22-24)

ሕዝበ ክርስቲያን ኣብዛ ሓንቲ ቤተ ክርስቲያን፡ ጊዜ ከይደረቶም ቦታ ከይወሰኖም ምስ እግዚአብሔር ሓድነት ይህልዎም። መላእክት ኮኑ ሰባት ብክሕደት ወይ ውን ብኃጢኣት ካብኣ ወፂኦም ካልእ ቤተ ክርስቲያን ክምሥርቱ ኣይክእሉን እዮም። ክንምሥርት እንተበሉ’ውን ቤተ ክርስቲያን ተባሂሎም ክስመዩ ኣይክእሉን። ቤተ ክርስቲያን ተከፋፈለት ምባል’ውን ኣይግባእን። ምኽንያቱ እታ ካብ ዓለመ መላእክት ዝጀመረት፡ ብክርስቶስ ዝተመሥረተት ቤተ ክርስቲያን ሓንቲ ስለዝኾነት። ብዙኃት ካብ ኣይሁድ ብኣምላክነት ኢየሱስ ክርስቶስ ኣይንኣምን ኢሎም እኳ እንተወፅኡ እታ ጉባኤ ግን ኣይተበተነትን ኣይተኸፍለትን። ዋላ እኳ ሰብአ ኣይሁድ ንጐይታናን መድኃኒናን ኢየሱስ ክርስቶስ ገሊኦም ዮሓንስ ገሊኦም ኤልያስ ገሊኦም ኤርምያስን ካብ ቀዳሞት ነቢያትን እንተ በልዎ እዚ ጊጉይ ስያሜ ነቲ ናይ ባህርየ ኣምላክነቱ ዝልውጦ ኣይኮነን። ነዚ እዩ ድማ በቲ ኣማናዊ ቃሉ ባዕሉ ጐይታናን መድኃኒናን ኢየሱስ ክርስቶስ፥ "ወዲበ ዛቲ ኰኵሕ አሐንፃ ለቤተ ክርስቲያንየ ወአናቅጸ ሲኦል ኢይኄይልዋ/ንቤተ ክርስቲያነይ ኣብዛ ከውሒ ክሓንፃ እየ፡ ኣፍ ደገታት ሲኦል ድማ ኣይክኅይልዋን እዮም” (ማቴ. 16፡18) ብምባል ብኦርቶዶክሳዊት ተዋሕዶ ሓድነት ጉባኤ ኣጽንዓ።

ኣብ ዘዘመናቱ ዘጋጠማ ነፋስ ፈተና፡ ዝናም መከራ፣ ውኂዝ መናፍቅነት፡ ካብ ኔሮን ክሳብ ዲዮቅልጥያኖስ፡ ካብ ይሁዳ ክሳብ ኣርዮስ፣ ካብ ልዮን ክሳብ ሉተርን ተሓድሶን ዝተላዕሉ ጸላእታ ኣናዊጾም ከውድቕዋ ኣይተኻእሎምን። ምኽንያቱ ቤተ ክርስቲያን ኣብ ከውሒ ዝተሠረተት፡ ኣብ መስቀል ብዝፈሰሰ ደም ኢየሱስ ክርስቶስ ዝጸንዐት፡ መከራ ዝመንገዳ፣ መስቀል ዝምርኵዛ፣ እግዚአብሔር ዝመራሒኣ፣ ሓቂ ዝሥርሓ፣ መንግሥተ ሰማያት ዝዕላማኣ ስለዝኾነት እዩ። በዚ ኸኣ ንኵሉ ሥዒራ ንሕና ኣብ ዘለናዮ ዘመን በጺሓ ኣላ፡ ንመጻኢ’ውን ኽትነብር እያ።

ነዛ ቤተ ክርስቲያን ምሁራነ መጻሕፍትን ሰባክያነ ወንጌልን ኣብ ዓውደ ምሕረት ንእምነታን ሥርዓታን ትውፊታን ይምህሩ እኳ እንተኾኑ ምእመናን ግና ናይ ቀረባ ሓተትቲ ዘይኮነስ ናይ ርኁቅ ተዓዘብቲ ብምዃኖም፡ ንኣጽራረ ሃይማኖት ካብኡ ኃሊፉ’ውን ናታ ካባ ዝተከድኑ ቋንቋኣ ዝናገሩ ናይ ውሽጢ ጸላእቲ “ንቤተ ክርስቲያን ክንሕድሳ” ኢሎም ክለዓሉ ምኽንያት ኮይንዎም እዩ።

ብቅዱስ ሲኖዶስ ብውግዘት ካብ ሓድነት ቤተ ክርስቲያን ዝተፈልዩ እኳ እንተኾኑ “ ኦርቶዶክሳውያን ኢና፣ ሰዓብቲ ቀዳሞት ኣቦታት ኢና” እናበሉን ብስመ መዓርግ ቀሺ፡ ዲያቆን፡ መምህር፡ መሪጌታ፡ . . . እናተጸውዑን፣ ከምቲ “ዕግርግር ዕዳጋ ንሰራቒ ዝጥዕም” መርዚ ዝተለኸየ ባኒ ነቲ ቀንዲ ኣካል ሕብረተ ሰብ ዝኾነ መንእሰይ ወለዶ እናኮለሱ ንኣቦታቱ ከም ዘይማዕበሉ ድሑራት ጌሩ ክሓስብ፣ “ቤተ ክርስቲያን ካባይ እንታይ ትጽበ፧” ኢሉ ክንዲ ዝሓትት ንኑፋቄን ክህደትን ከም ምዕባለ ብምርኣይ ጸገማት ብምዝርዛር ካብ ቤተ ክርስቲያን ከም ዝርኅቕ ምግባር፣ ብፍሉይ ድማ ነቲ ናይ ቤተ ክርስቲያን ላዕለዋይ መንፈሳዊ ኣካል፡ ላዕላዋይ ሓጋጊ፡ ላዕላዋይ ወሳኒ ዝኾነ ቅዱስ ሲኖዶስ ዕላማ ብምግባር ውሳኔታቱ ጊጉይን ዘይሕጋውን እዩ ኣብ ርእሲ ምባሎም ብድፍረት ቤተ ክርስቲያን እትምራሕ ዘላ ብመንፈስ ቅዱስ ዘይኮነስ ብግለ ሰባት እያ እናበሉ ንምእመናን የደናግሩ ከምዘለዉ ዝተፈልጠ እዩ።

እዚ ክርዳድ ፈተና’ዚ ንግራት ቤተ ክርስቲያን ዘየባድማ እኳ እንተኾነ ካብ ሥሩ ንምምሓዉ ግና ከምቲ መስፍን እስራኤል ኢያሱ ምስ ሕዝቡ ኾይኑ ብዘስምዖ ኣውያት ንመንደቅ ኢያሪኮ ዘፍረሰ፡ ኵልና ደቂ ሓንቲ ቤተ ክርስቲያን ዝኾንና ካብ ደቂቅ ክሳብ ልኂቅ ድማ ብእግዚአብሔር ዝተጸዋዕናሉን ዝተሓረናሉን ጸጋ ውልድነት ዝረከብናሉን ዕላማ ብምጽናዕ ስለ ኵሉ ነገር ብጸሎትን ምህላን ናብ እግዚአብሔር ከነመልክት ይግባእ። (ኢያ. 6፡20፣ ዳን. 9፡7)

ተወካፌ ጸሎት እግዚአብሔር ይቀበለልና!

ወስብሐት ለእግዚአብሔር፡ አሜን!

 

ዘመነ ዮሓንስ 1 ነሐሴ 2012 ዓ.ም.ግ…

July
Wednesday
8
ዝክር፦ ቅፍሮንያ፡ ወክልዮስ፡ ወበዮክ፡ ወብንያሚን፡ ወአግናጥዮስ፡ ወቶማስ። ዘቅዳሴምንባብ መልእክታት፦ 1ይጢሞ. 5፡1-17 1ይጴጥ. 3፡1-6 ግብ. ሐዋ. 9፡36-ፍጻሜ ምስባክ፦ መዝ. 18/19 ወንጌል፦ ማቴ. 14፡1-7 ቅዳሴ፦ ዘኤጲፋንዮስ። * * *
00:00 h

ዜና ኅትመት

እዋናዊ ጽሑፋት

አሥርቆት ዘወርኀ ሐምሌ

ዮም ሠረቀ ለነ ወርኀ ቡሩክ ሐምሌ ያብጽሐነ እስከ ወርኀ ነሐሴ በሰላመ እግዚአብሔር! ወርኀ ሐምሌ ቡሩክ መዓልቱ ፲ወ፬ቱ ሰዓት ወሌሊቱኒ ፲ቱ...

ገዳም ቅዱስ ዮሓንስ መጥምቅ ቴድረር

ገዳም ቅዱስ ዮሓንስ መጥምቅ ቴድረር ኣብ ዞባ ደቡብ ንኡስ ዞባ ደቀምሓረ፡ ካብ ከተማ ደቀምሓረ ንደቡብ 25 ኪሎ ሜትር ኣብ ከባቢ...

“ብኃጢኣት ሕዝበይ እየ ኣብ ኢድኩም ኣውዲቐያ!”

ገቢረ ተአምራት ወላዲተ ኣምላክ ድንግል ማርያም፡ ተነጊሩ ዘይጽገብ ተጻሒፉ ዘይፍጸም እዩ። ካብ ፅንሰታ ዝጀመረ ገቢረ ተአምራት ክሳዕ ምጽኣተ ክርስቶስ በቲ...

"ወያስተዴሉ ክረምተ ለምድር/ ንምድሪ ዝናም የዝንመላ” “መዝ. ፻፵፮፥፰/147፡8

ቅድስት ቤተ ክርስቲያንና፡ ንዓመት ኣብ ኣርባዕተ ወቕትታት ማለት ዘመነ መፀው፡ ዘመነ ሓጋይ፡ ዘመነ ፀደይ ከምኡ ውን ዘመነ ክረምት ብምባል ትኸፍሎ። 

እንቋዕ ናብ ዘመነ ክረምት ብሰላም ኣብጽሓና!

ዘመነ ክረምት  ካብ 26 ሰኔ ክሳዕ 25 መስከረም ዘሎ ወቅቲ ጊዜ ክረምቲ እዩ። ሰማይ ብደመና ተሸፊኑ፡ ዝናም ብመብረቕን ድምፂ ነጐድጓድን ተዓጂቡ ንምድሪ...

“ብፁዕ ዘይሌቡ ላዕለ ነዳይ ወምስኪን/ ንድኻ ዝሓልየሉ ሰብ ብፁዕ እዩ”(መዝ…

ንሕይወተ ሥጋ ኣድለይቲ ዝኾኑ ነገራት ማይ፡ እንጌራ፡ ክዳን፡ መኅደሪ ቤት እዮም። (ሢራ. 29፡21) ብቐዳምነት ነዚኦም ዘይረኸቡን ዘይብሎምን ሰባት “ጽጉማት” ይበሃሉ። ብተወሳኺ’ውን...

ገዳም ደብረ ሲና

ገዳም ደብረ ሲና፡ ኣብ ዞባ ዓንሰባ ንኡስ ዞባ ዒላበርዕድ ከባቢ መንሳዕ፡ ካብ ዒላበርዕድ ንሸነኽ ምሥራቕ ብእግሪ ናይ ክልተ ሰዓትን ፈረቓን...

ክብረ በዓል ሕንፀተ ቤታ ወቅዳሴ ቤታ

20 ሰኔ ሕንፀተ ቤታ ከምኡ'ውን 21 ሰኔ ቅዳሴ ቤታ እናተባህለ ዝኽበር በዓል እዩ። እዚ ኸኣ ክብረ በዓል ናይታ ንመጀመርታ ጊዜ...

ቤተ ክርስቲያን - ቤተ ቅድስና ቤተ በረከት

ሥርዓተ ኣምልኾ ዝፍጸመሉ፣ ስብሐታትን ውዳሴያትን ዝበጽሓሉ፡ ቅዱስ ሥጋኡን ክቡር ደሙን ዝዳለወሉ፡ ነገረ ሃይማኖትን ሥርዓትን ትውፊትን ዝንገረሉ ቅዱስ ቦታ (ሕንፃ) ቤተ...

ኣባ ገሪማ

ስም ኣቡኡ ንጉሠ ሮማ መስፍያኖስ ስም ኣደኡ ሰፍኖግያ፡ ኣደኡ መካን ስለዝነበረት ናብ ቅድስት ድንግል ማርያም ምስ ለመነት እግዚአብሔር ነዚ ብሩክ...

“ፍቅረ ብጻይ ክሳዕ ሞት” - ኣባ ለትጹን

ኣብ ሃገረ ብሕንሳ ዝተወልደ፡ ሓደ ካብ ዓበይቲ ቅዱሳን ኣበው ናይ ፍቕሪ ኣቦ ‘ኣባ ለትጹን’ እዩ። ቅድሚ ምንኵስናኡ፡ ኣብ ዕድመ ጉብዝናኡ፡...

ዝክረ ዕለተ ሰማዕታተ ኤርትራ ብጸሎተ ፍትሓት ተዘኪሩ!

ኣብ ሥጋዊ ሕይወት ኮነ መንፈሳዊ ሕይወት ቀይሕ ደም ከይፈሰሰ ፃዕዳ ዓፅሚ ከይተኸስከሰ ብዘይ መሥዋዕቲ ናፅነት ኣይርከብን’ዩ። ሃገርካ ክወርር፡ ሕዝብካ ከሕስር፡...

  

latest articles

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...

The feast Of Pentecost

IN THE NAME OF THE FATHER AND THE SON AND THE HOLY SPIRIT, ONE GOD. On this day the Holy...

Ascension

After the Lord Jesus Christ had finished the operation of His wisdom upon earth, by His Passion, and His Death...

Tsinset (Annunciation – Feast of Incarnation)

In accordance with the cannon of the Church, one of the nine major feast days of Our Lord. it Tsinset (Annunciation...

The feast of presenting the lord Christ in the temple…

On this day we celebrate the feast of presenting the lord Christ to the temple after 40 days of his...

The Fast of Nineveh - Monday 10 – 12 February…

In Eritrean Orthodox Tewahdo Church, one of the seven fasting periods is the fast of Nineveh.

Mystery of Baptism

Baptism is the sacrament given to all who believe in the Mystery of the Trinity and the Mystery of Incarnation...

Mystery of Incarnation

Mystery of Incarnation means the mystery of the descending of God the Son who is one of the Trinity from...

Mystery of the Holy Trinity

The Eritrean Orthodox tewahdo Church has Five pillars of Mysteries through which it teaches and demonstrates its basic religious belief...

Welcome to the Feast of the Nativity of Our Lord…

Glory to God. When the appointed time of salvation and the foretold prophesies came to pass, God the Son come to...

In Memory of His Holiness Abune Yacob the Second Patriarch…

His Holiness Abune Yacob, the Second Patriarch was one of the reputable leaders of the EriOTC, a shining star of...