ቃለ ቡራኬ በዓለ ልደት ጐይታናን አምላክናን መድኃኒናን ኢየሱስ ክርስቶስ 2012 ዓ.ም.

Jan 06, 2020

“ኢትፍርሁ እስመ ናሁ እዜንወክሙ ዓቢየ ዜና ፍሥሓ ዘይከውን ለኵሉ ዓለም/ እንሆ ንዅሉ ዓለም ዝከውን ዓቢይ ሓጐስ አበሥረኩም ኣለኹ እሞ ኣይትፍርሁ።” ሉቃ. 2፡10

እግዚአብሔር ዘፍቅረኩም ንእግዚአብሔር እተፍቅርዎ ኣብ ውሽጥን ወፃእን እትርከቡ ሕዝበ ኤርትራ፡ ሰላመ እግዚአብሔር ምሳኹም ይኹን።

ብቀዳምነት መንፈሳውን ሃገራውን በዓላትና፡ ብሓድነትን ሓጐስን ከነኽብር ዘብቅዓና ልዑል እግዚአብሔር ክብርን ምስጋናን ይብጽሓዮ።

ከምኡ’ውን ስለ ሰላም ኢሎም መተካእታ ዘይብላ ብዋጋ ዘይትትመን ክብርት ሕይወቶም ዝወፈዩ ሰማእታትና ዕረፍተ ነፍሲ ይሃቦም።

ብምቕጻል ኣብ ሓለዋን ሕንፃን ሃገር እትርከቡ ኃይልታት ምክልኻል ልዑል እግዚአብሔር ኃይልን ጽንዓትን ይሃብኩም። ከምኡ’ውን ብሕማም ምኽንያት ኣብ ማየ ጸሎታትን ሕክምናን ኣብ ገዛኹምን ዘለኹም ልዑል እግዚአብሔር ፈውሰ ምሕረቱ ይሃብኩም እናበልኩ ብሓፈሻ ንዅልኩም ሕዝቢ ኤርትራ እንቋዕ ናብዚ ክቡር በዓል ብርሃን ልደት ጐይታናን መድኃኒናን ኢየሱስ ክርስቶስ ብሰላም ኣብጽሓና እብል።

1. በዓል ልደት ናይ ምስጋና በዓል እዩ።

እዚ ነቢያት ዝተነበይሉ ክቡር በዓል፡ ፍሉይ ዝገብሮ እቲ ገጽ አምላኽ ከይንርእን፡ ድምፂ ምስጋና ሰማያውያን መላእክቲ ከይንሰምዕን ን5500 ዓመታት ከልኪልና ዝነበረ ጸልማት ናይ ኃጢኣት መጋረጃ ዝተቐንጠጠሉ እዩ። “ሕዝብ ዘይነብር ውስተ ጽልመት ወጽላሎተ ሞት ብርሃን ዓቢይ ሠረቀ ላዕሌሆሙ/ ነቲ ኣብ ጸልማትን ድነ ሞትን ዝነብር ዝነበረ ሕዝቢ ዓቢይ ብርሃን ወፀሉ።” (ትንቢት ኢሳይያስ 9፡2) ከም ዝተባህለ በዚ ዕለት’ዚ ቅዱስ መልኣኽ ናብቶም ጓሶት መጺኡ፥ “እንሆ ንዅሉ ዓለም ዝከውን ዓቢይ ሓጐስ አበሥረኩም ኣለኹ እሞ ኣይትፍርሁ። ሎሚ መድኃኒት ኣብ ዓዲ ዳዊት ተወሊድልኩም ኣሎ” በሎም። እቶም ጓሶት፡ መድኃኒና ኢየሱስ ክርስቶስ ካብ ቅድስት ድንግል ማርያም ኣብ ቤተ ልሔም ተወሊዱ ምስ ረአዩ፡ ብሓጐስ ምስ መላእክት ኮይኖም ‘ስብሐት ለእግዚአብሔር በሰማያት ወሰላም በምድር/ ኣብ ሰማያት ንእግዚአብሔር ምስጋና ኣብ ምድሪ ድማ ሰላም ይኩን’ ኢሎም ኣመስገኑ። (ሉቃ. 2፡14) ስለዚ እዚ ዕለት እዚ እንበኣር ከምቶም ጓሶትን መላእክትን ብሓድነትን ጸሎትን እነመስገናሉ ዕለት እዩ።

2. በዓል ልደት ናይ ሓድነት በዓል እዩ።

እዚ ዕለት እዚ ሓድነት መላእክትን ደቂ ሰባትን ዝተገልጸሉ እዩ። ከምቲ ቅዱስ ጳውሎስ ኣብ 1ይ ቆሮ. 1፡10 ‘ኣኅዋተይ ሓደ ልብን ሓደ ቃልን ክትኾኑ እምበር ኣብ ማእከልኩም ምፍልላይ ከይህሉ ብስም ጐይታናን መድኃኒናን ኢየሱስ ክርስቶስ አመኅጸነኩም ኣለኩ’ ዝበሎ ስለዚ ክቡራን ምእመናን፡ ኣምላኽ ዝሕጐሰሉ ንሕና ንኸብረሉ ንቤተ ክርስትያናን ሃገርናን ዝጠቅም ሠናይ ሓሳባት ክንሓሰብ ናይ’ዚ ዕለት መልእክቲ እዩ።

ዝኸበርኩም ሕዝበ እግዚአብሔር፡ ካብ ኵሉ ጽንጽዋያት ርኂቅና ኣብ ሓድነት ቅድስት ቤተ ክርስቲያንና ክንጸንዕ፣ ነዛ ኣምላክ ባሪኹ ዝሃበና ቅድስት ሃገርና ድማ ብሓድነትን ፍቅርን፡ ብቃል ኪዳን ቀዳሞት ኣቦታትናን ሕድሪ ሰማእታት ደቅናን እናሓለና፣ ፍትሒ ዘለዋ ብልጽግቲ፡ ልምዓት ዘለዋ ምዕብልቲ፡ ቅኑዕ ባህሊ ዘለዋ ክብርቲ ሃገር፣ ክትከውን ሎሚ’ውን ከም ትማሊ በቲ እግዚአብሔር ዝሃበና ኃይሊ ግቡእና ከነበርክት ሓደራ እብል።

3. በዓል ልደት ናይ ምትሕግጋዝ በዓል እዩ።

ነዚ ከረድእ ሓዋርያ ቅዱስ ጳውሎስ ኣብ ሮሜ 12፡9-13 “ፍቅሪ ብዘይ ግብዝና ትኹን፡ ንክፍኣት ፈንፍንዎ ንሠናይ ሰዓብዎ ኣብ ነሓድሕድኩም ፍቅሪ ኣኅዋት ይሃልኩም። ነሓድሕድኩም ተከባበሩ፡ ንእግዚአብሔር ኣገልግሉ፣ ብተስፋ ተሓጐሱ፡ ብጸበባ ተዓገሡ ፣ ከየቋረጽኩም ጸሎት ኣዘውትሩ። ንዝተሸገሩ ኣማቕሉ፣ ተቐበልቲ ኣጋይሽ ኩኑ።” ከም ዝብለና በዚ ዕለት ንጥሙያት ከንብልዕ ንዕሩቃት ክንከድን ንዝሓመሙ ክንበጽሕ ንዝኃዘኑ ከነጸናንዕ ትእዛዝ ኣምላኽና እዩ። ከምዚ እንተገበርና ኢና ድማ ውሉድ ኣምላኽ ክንበሃል ንኽእል።

ኣብ መወዳእታ፦ ንመንግሥትን ሕዝብን ኤርትራ ርሑስ በዓል ልደት እናበልኩ፡ ነዚ ካብ ቅዱሳን ኣቦታትና ዝወረስናዮ ቅኑዕ ሃይማኖታዊ ባህልናን፡ ከምኡ’ውን ኤርትራዊ መንነትና ዝኾነ ሓድነትናን ፍቕርናን ምትሕግጋዝናን ኣባና ተወሲኑ ከይተርፍ ንዝመጽእ ወለዶ ከነውርሶ ሓደራ እብል።

ደጊመ ብሩክ በዓለ ልደት ጐይታና ኢየሱስ ክርስቶስ ይግበረልና እብል።

ልዑል እግዚአብሔር ቤተ ክርስቲያንናን ሃገርናን ይባርኽ።

ወስብሐት ለእግዚአብሔር፡ አሜን!

 

ዘመነ ማርቆስ 11 ጥቅምት ነሓሰ 2014…

October
Thursday
21
አባ ያዕቆብ፡ ወቅድስት ጲላግያ፡ ወአርማሚ ሰማዕት። ዘቅዳሴ ምንባብ መልእክታት 1ይ ጢሞ. 4፡9-ፍጻሜ ያዕ. 3፡1-6 ግብረ ሓዋርያት ግብ. ሐዋ. 20፡20-25 ምስባክ መዝ.106/107 ወንጌል ማር. 8፡1-9 ቅዳሴ ቅዳሴ ዘእግዝእትነ። * * *
00:00 h

ዜና ኅትመት

እዋናዊ ጽሑፋት

ብፁዕ አቡነ ጳውሎስ ኣቐባብላ ተጌሩሎም!

ኣብ ዝነበርዎ ሃገረ ስብከት አውሮጳ ብጊዜያዊ ኣቦ መንበርነት ከገልግሉ ዝጸንሑ ደኃር መዓርገ ጵጵስና ዝተቐብዑ ብፁዕ አቡነ ጳውሎስ ብብፁዕ አቡነ ባስልዮስ...

2ይ ዓመታዊ ጉባኤ ን/ሃ/ስ ካናዳ ኣብ ከተማ ቶሮንቶ ተካይዱ!

“ብጐይታ ኩሉ ሳዕ ተሓጐሱ ፡ ደጊመ ተሓጐሱ እብል ኣለኩ ” ኤፌ 4፦4 ኣብ ትሕቲ ዝብል መሪሕ ቃል ንክልተ መዓልቲ ዝወሰደ...

ኣብ ሀገረ ስብከት ደቡብ መንደፈራ ንኡስ ሃገረ ስብከት ዓዲ…

ኣብ ሃገረ ስብከት ደቡብ መንደፈራ ንኡስ ሃገረ ስብከት ዓዲ ዃላ፡ ኣብ ፋይናንስን ምኅደራን ከምኡ ድማ ንጉዳይ ጥሮታን መምርሒታቱን ዝምልከት ስልጠና፡...

ክብረ በዓል ገዳም ደብረ ክሳሄ ወደብረ ማርያም አቡነ አብሳዲ ብድሙቕ…

“ኀበ ጽላሎታ ዘበጽሐ ኢይሬኢ ደይነ” ዓመት መጽአ 30 መስከረም ክብረ በዓል አቡነ አብሳዲ ኣብ ገዳሞም ደብረ ክሳሄ ወደብረ ማርያም አቡነ አብሳዲ...

“ኦ አርሴማ ኪዳነኪ ኮነ ለኃጥአን ቤዛነ” ብዝብል ድምቀት ክብረ በዓል…

ዓመት መጽአ 29 መስከረም ዝክረ ሰማዕትነት ቅድስት ኣርሴማ ኣብ ኦርቶዶክሳውያን ኣብያተ ክርስቲያን ዝኽበር ኮይኑ፣ ብስማ ዝተሓንፀ ቤተ ክርስቲያንን ዝተገደመ ደብረ...

“ብክዩ ኅዙናን ሐልየክሙ ስደታ . . . እቲ መሪር ስደታ”

ሕዝበ ክርስቲያን እዚ ቅንያት’ዚ ንስደት ኣዴና ቅድስት ድንግል ማርያም ምስ ፍቁር ወዳ፡ ቅዱስ ዮሴፍን ቅድስት ሰሎሜን ካብ እስራኤል ናብ ግብጺ...

ተመረቕቲ ነገረ መለኮት መንእሰያት ኣባላት ትምህርት ሰንበት ንዝተማህርዎ ትምህርቲ ኣብ…

ብዕለት 20 መስከረም 2014 ዓ.ም. (30/09/2021.ፈ) ተመረቕቲ ነገረ መለኮት መንእሰያት ኣባላት ትምህርት ሰንበት ንዝተማህርዎ ትምህርቲ ኣብ ምትኅልላፍ ክተግሁ ኣብ ቤት...

ትምህርቲ ቀዳምነት ዝተወሃቦ ዕላማ ቅዱስ ሲኖዶስ!

ቀዳማይ ዕላማ ቅድስት ቤተ ክርስቲያን፡ ቃለ ወንጌል ንሰባት ብምምሃር ናብ ርቱዕ እምነት ከምዝመጹን ብሃይማኖትን ሠናይ ግብርን ከምዝነብሩን ብምግባር ንዘለዓለማዊ መንግሥተ...

'ብዙኃን ማርያም'

21 መስከረም፡ ብዙኃን ሊቃውንት ኣብ በዓለ ማርያም ተጋቢኦም ክሕደት ኣርኂቖም ሃይማኖት ዘጽንዕሉ ንዝክረሉ ዕለት ስለ ዝኾነ ብዙኃን ማርያም ይበሃል። ኣብ ራብዓይ...

ጉባኤ ኤፌሶን (431 ዓ.ም.) 2ይ ክፋል

ነገረ ጉባኤ እቲ ጉባኤ ምስ ተጀመረ፣ ተኸሳሲ ንስጥሮስ ናብቲ ጉባኤ ቀሪቡ ትምህርቱ ከቕርብ ተሓተ። ጉባኤ ብምልኣት እንተዘይተአኪቡ ኣይመጽእን በለ። ሠለስተ ጊዜ...

በዓል ቅዱስ መስቀል 2014 ዓ.ም. ብዓቢይ ድምቀት ተባዒሉ!

ዓመት መጸ 17 መስከረም ብዓቢይ ድምቀት ኣብ ኵለን ኣብያተ ክርስቲያን ክበዓል ከሎ፡ ብፍላይ ግና ኣብ ሀገረ ስብከት ኣሥመራ ኣብ ርእሰ...

ኃይሊ ቅዱስ መስቀል ኣብ ዘመነ ኣበው።

በስመአብ ወወልድ ወመንፈስ ቅዱስ አሐዱ አምላክ ኣብ ዘመነ ኣበው’ውን እንተኾነ ናይቲ ኺመጽእ ዘለዎ ኣማናዊ መስቀል ጽላሎት ኮይኑ ብዙኅ ተኣምራት ሰሪሑ እዩ፤...

  

latest articles

Transfiguration: (Debre Tabor)

This is the day celebrated on Nehase (August) 13 G.C. in which Our Lord Jesus Christ during his ministry, manifested...

PRAYER

Prayer is a word by which man communicates with his Creator in Faith, thanking and beseeching Him for the forgiveness...

FAITH AND WORKS

Faith is “a confidence or trust in God”. Faith gives assertion to the things we hope for and explains the...

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...