ባሕቲ ግንቦት፡ ልደተ ማርያም

May 08, 2020

ቅድስት ድንግል ማርያም፡ ቅድሚ ምፍጣር ዓለም ኣብ ሕሊና ኣምላኽ ዝነበረት፣ ገና ከይተወልደት ትንቢት ዝተነግረላ፡ ሱባኤ ዝተቘጽረላን ምሳሌ ዝተመሰለላን እያ። ሊቀ ነቢያት ሙሴ ኣብ ደብረ ሲና ኣባጊዑ እናሓለወ ኸሎ፡ ነበልባል ምስ ሓመልማል ተዋሓሒዱ፡ እቲ ነበልባል ነቲ ሓመልማል ከየቃጸሎ፡ እቲ ሓመልማል ድማ ነቲ ነበልባል ከየጥፍኦ ርኣየ። (ዘፀ 3:2) እቲ ቐንዲ ምሥጢሩ ነበልባል ናይ መለኮት፡ ሓመልማል ናይ ትስብእት ምሳሌ ኾይኑ ተዋሕዶ መለኮትን ትስብእትን የረድእ። ከምኡ’ውን ከምቲ ቅዱስ ኤፍሬም ዝመሰሎ እቲ ነበልባል ምሳሌ መለኮት ኪኸውን ከሎ እቲ ሓመልማል ድማ ምሳሌ ኣዴና ቅድስት ድንግል ማርያም እዩ። (ውዳሴ ማርያም ዘሠሉስ ወዘኃሙስ)።

ነቢይ ኢሳይያስ’ውን ካብ እግዚአብሔር ብዝተዋህቦ ጸጋ ትንቢት “ትወፅእ በትር እምሥርወ ዕሤይ ወይዐርግ ጽጌ እምጕንዱ/ ካብቲ ጕንዲ ዕሤይ ሓደ ጠጥዒ ኪጭብጭብ እዩ፡ ሓደ ጨንፈር ከኣ ካብ ሡሩ ፍረ ክፈሪ እዩ።’ ኢሉ ተነብዩ ነበረ። (ኢሳ 11:1) ብበትሪ ወይ ጠጥዒ ዝተመሰለት ቅድስት ድንግል ማርያም እያ፣ ዕንባባ ወይ ፍረ ዝተባህለ ድማ ጐይታናን ኣምላኽናን መድኃኒናን ኢየሱስ ክርስቶስ እዩ። ኣብዚ ምድራዊ ዓለም መድኃኔዓለም ክርስቶስ ካብ ቅድስት ድንግል ማርያም ካብ ሥጋኣ ሥጋ ካብ ነፍሳ ነፍሲ ወሲዱ ከምዚውለድ ዘመልክት ትንቢት እዩ። 

ከምቲ ሡር ንላዕሊ ይዓቢ ንታሕቲ’ውን ይወፍር እዩ። ንላዕሊ እንተበልና ዕሤይ፡ ንታሕቲ እንተበልና ኸኣ ኢያቄም መራኸቢኦም ዳዊት እዩ። ወለዲ እግዝእትነ ማርያም ኢያቄምን ሃናንን ብሕጊ መውስቦ ምስ ተመርዓዉ ነባሪ ዘይኮነ ጊዜያዊ ምምካን ኣጋጢምዎም ነበረ። በዚ ምኽንያት እዚ ኣብ ርእሲ እቲ ውላድ ምስኣኖም፡ መባኦም ስለዘይቅበሉሎም ዝነበሩ ኅዙናት ነበሩ። “እግዚአብሔር እንተ ዝፈትወኩም ውላድ ምሃበኩም ነይሩ ግና ብእግዚአብሔር ዝተጸላእኩም ስለ ዝኾንኩም ንሕና ውን ክንፈትወኩም መባእኩም ክንቅበለኩም ኣይግበኣናን” ይብልዎም ነበሩ።

እንተኾነ ኢያቄምን ሃናንን ብተስፋ ናብ ቤተ እግዚአብሔር ከይዶም እናጸለዩ ዓመታት ኣኅለፉ። ጸሎቶም ሰሚዑ ከምዘሥመረሎም ብምእማን፡ ቡሩኽ ውላድ ኪህቦም እሞ ወዲ ኾነ ጓል እንተ ወለዱ ናብ ቤተ እግዚአብሔር ከገልግል ክህብዎ ምዃኖም ተመባጽዑ።

እንሆ ድማ እግዚአብሔር ረዲእዎም ሓደ ዕፁብ ራእይ ረኣዩ። ሓና ዝረኣየቶ ራእይ ንኢያቄም ክትነግሮ ከላ “ ምዕሩግ ግምጃ ክትዕጠቕ፡ በትርኻ ድማ ለምሊማን ዕምቢባን ፈርያን ንፍሬኣ ኸኣ ኣብ ዓለም ዘሎ ፍጡር ኪምገቦ ኸሎ ረኣኹ” በለቶ። ኢያቄም ድማ ብወገኑ “ኣነ ውን ሓንቲ ፃዕዳ ርግቢት ሾብዓተ ሰማያት ሰንጢቓ ኣብ ርእስኺ ኮፍ ክትብል ርእየ” በላ ።

እዚ ራእይ’ዚ ናይ ውላድ ሰለዝነበረ፡ ኣብ ሾብዓተ ነሓሴ ቅድስት ድንግል ማርያም ተፀንሰት። ኣብ ማሕጸን ኣደኣ ሓና ኸላ ብዙኃት ድዉያን ኣሕውያን ንምዉት ኣተንሢኣን እያ። እንሆ ድማ ባሕቲ ግንቦት መሠረተ ሕይወት ቅድስት ድንግል ማርያም ተወልደት። እዛ ዕለት እዚኣ ካብ ኵለን በዓላታ ዝኸበረት እያ። 

ሓደ ባሕታዊ ካብ ፍቕራ ዝተላዕለ “ካብተን ሠላሳን ሠለስተን በዓላትኪ ነየነይቲ ከኽብሩልኪ ትፈትዊ፧” ምስ በላ፡ “ነታ ካብ ጸቢብ ናብ ርኂብ ካብ ጸልማት ናብ ብርሃን ዝወፃእኩላ፡ በዓል ልደተይ ከኽብሩለይ እፈቱ” በለቶ። (ነገረ ማርያም)

ቅድስት ቤተ ክርስቲያን ድማ ነዛ ዕለት እዚኣ ብውዳሴን ቅዳሴን ስብሐተ ማኅሌትን ክትዝክራን ከተኽብራን ትነብር ኣላ።

ልደት ኣዴና ቅድስት ድንግል ማርያም ንጊዜኡ እኳ ንኣቦኣን ኣደኣን ይኹን እምበር ንሓዋሩስ ንዅሉ ዓለም ጸጋን ሃብትን ሓጐስን ተስፋን እዩ። ጸጋን ሃብትን (መድኃኔዓለም) ዝተረኽበላ፡ ብኣማላድነታ በረኸት ሥጋን ነፍስን እተውህብ ንኣና ኣደ ክትኮነና ዝተዋህበት እያ። (ዮሓ. 19:27)

ስለዚ ንበዓላት እግዝእትነ ማርያም ምኽባር ማለት ነቲ ዘኽበራን መኅደሪኡ ክትከውን ዝመረጻን እግዚአብሔር ምኽባር ስለዝኾነ፡ ነዚ በዓለ ልደታ ‘ ዮም ፍሥሐ ኮነ በእንተ ልደታ ለማርያም’ እናበልና ብሓጐስ ከነኽብሮ ቅዱስ ፍቓዱ ይኹነልና።

ጸሎታን በረኸታን ምሕረት ፍቁር ወልዳን ኣብ ኵልና ጸኒዑ ይንበር።

ሰላም ለልደትኪ እምልደተ አበው ዘዓበየ፤

ለነፍሰ ፅዑራን ኵሉ እስመ ጸገወ ናኅየ፤

እንዘ ረድኤትኪ ወአድኅኖትኪ ብየ፤

ኢይፈርህ ሞተ ወዓዲ ሥቃየ።

ወስብሐት ለእግዚአብሔር ወለወላዲቱ ድንግል ወለመስቀሉ ክቡር፡ አሜን!

ዘመነ ዮሐንስ 18 ግንቦት 2012 ዓ.…

May
Tuesday
26
ዝክር፦ ወረደ መንፈስ ቅዱስ ላዕለ ሐዋርያት፡ ወአባ ገዓርጊ ቢጹ ለአባ አብርሃም። ዘቅዳሴምንባብ መልእክታት፦ ኤፌ. 4፡1-10 ያዕ. 1፡17-ፍጻሜ ግብ. ሐዋ. 10፡44-ፍጻሜ። ምስባክ፦ መዝ. 50/51 ወንጌል፦ ዮሓ. 14፡11-17 ቅዳሴ፦ ቅዳሴ ዘ፫፻ት ግሩም። * * *
00:00 h
Ad Right

ዜና ኅትመት

እዋናዊ ጽሑፋት

ማኅሌታይ ቅዱስ ያሬድ 

'ኣብ ወርኂ ታኅሣሥ ዕለቱ ሰኑይ፡ ሰዓቱ ሰዓት ፫ተ ብግዕዝ (9ተ)፡ ኣብ ቅድሚ ታቦተ ጽዮን ኣክሱም ደው ኢሉ ድምፁ ዓው ብምባል...

“ተዘከረኒ እግዚኦ አመ ትመጽእ በመንግሥትከ።/ ጐይታይ ብመንግሥትኻ ክትመጽእ ከሎኻ ዘክረኒ።”…

እቲ ብየማን ጐይታ ተሰቒሉ ዝነበረ ሽፍታ (ፈያታዊ ዘየማን)፡ ደመ ማኅተምን መርኆ ድኅነትን ተዋሂቡ ንኣቦና ኣዳም ቀዲሙ ናብ ገነት ከምዝኣተወ ቅዱሳት...

“ኣዴና ቅድስት ድንግል ማርያም ቅድሚ ዓለም ምፍጣሩ ኣብ ሕሊና ኣምላኽ…

እዚ ቓል’ዚ ኣብ መቅድም ተኣምረ ማርያም ዝርከብን ወትሩ ዝንበብን ኮይኑ፡ እግዚአብሔር ኣምላኽ ቅድሚ ንዓለም ምፍጣሩን ዘመን ምቝጻሩን፡ ኣዴና ቅድስት ድንግል...

ቅዱስ ኣትናቴዎስ

ታሪኽ ቤተ ክርስቲያን ከምዝሕብሮ፡ ድኅሪ ዘመነ ሓዋርያት ቅድስት ቤተ ክርስቲያንና ኣብ ዝተፈላለየ ዘመናት ብደገ ብዓላውያን ነገሥታት፡ ብውሽጢ ድማ ብናይ ጽርኣውያን...

ርክበ ካህናት

“ርክበ ካህናት” ማለት ናይ ካህናት መራኸቢ፡ ጉባኤ፡ መተኣኻኸቢ፡ መዛተዪ . . . ወዘይመስሎ ዝብል ትርጕም ኣለዎ። ኣብ ቅድስት ቤተ ክርስቲያንና፡ ዓመታዊ...

ናባይ ንዑ፡ ኣነ ኸኣ ከዕርፈኩም እየ! (ማቴ. 11፡28)

ክታብ ካብ ኣልፋ ወዖ እግዚአብሔር ኣምላኽ! ኣኽቢረ ብኣርኣያይን ብኣምሳለይን ዝፈጠርክኹም ደቀይ! ቅድሚ ኵሉ ሰላመይ ምስ ኵላትኩም ይኹን! ቅድሚ ሕጂ ብዙኅ ደብዳቤታት ሰዲደልኩም...

አሥርቆት ዘወርኀ ግንቦት

ዮም ሠረቀ ለነ ወርኀ ቡሩክ ግንቦት ያብጽሐነ እስከ ወርኀ ሰኔ በሰላመ እግዚአብሔር! ወርኀ ግንቦት ቡሩክ መዓልቱ ፲ወ፬ቱ ሰዓት ወእምዝ ይትዌስክ። ሎሚ...

ባሕቲ ግንቦት፡ ልደተ ማርያም

ቅድስት ድንግል ማርያም፡ ቅድሚ ምፍጣር ዓለም ኣብ ሕሊና ኣምላኽ ዝነበረት፣ ገና ከይተወልደት ትንቢት ዝተነግረላ፡ ሱባኤ ዝተቘጽረላን ምሳሌ ዝተመሰለላን እያ። ሊቀ...

ዮም ፍሥሐ ኮነ በእንተ ልደታ ለማርያም/ ሎሚ ብልደት ቅድስት ድንግል…

ልደት ኣዴና ቅድስት ድንግል ማርያም ሃንደበታዊ ኣይኮነን። ካብ ፅንሰታ ክሳዕ ልደታ ኵሉ መስተንክር እዩ። ትንቢት ዝተነግረሉ፡ ሱባዔ ዝተቘጽረሉ፡ ምሳሌ ዝተመሰለሉ...

“ሓዋርያ ኣፍሪቃ - ቅዱስ ማርቆስ ወንጌላዊ”

ሓደ ካብ ጸሓፍቲ ኣርባዕቱ ወንጌል ቅዱስ ማርቆስ እዩ። ‘ዮሐንስ’ ዝብል ኻልኣይ ስም (ግብ. 13፡13) እኳ እንተሃለዎ ፍሉጥ ግና ‘ማርቆስ’ ዝብል...

ጸሎት ምእንቲ ዝሓመሙ ሰባት

ጐይታናን መድኃኒናን ኢየሱስ ክርስቶስ “ለምኑ ክወሃበኩም እዩ፡ ድለዩ ክትረኽቡ ኢኹም፡ ማዕጾ ኳሕኵሑ ክረሓወልኩም እዩ” (ማቴ. 7፡7) ዝበሎ ኣምላካዊ ቃሉ መሠረት...

ድኅረ ትንሣኤ ኣብ ባሕረ ጥብርያዶስ

ጐይታናን መድኃኒናን ኢየሱስ ክርስቶስ ድኅሪ ትንሣኤኡ ቅድሚ ዕርገቱ ኣብ ዝጸንሓለን ኣርብዓ መዓልታት ንደቀ መዛሙርቱ ብጉባኤ ሠሪዑ ዝመሃረሉ ሓደ ኣብ ባሕረ...

  

latest articles

Tsinset (Annunciation – Feast of Incarnation)

In accordance with the cannon of the Church, one of the nine major feast days of Our Lord. it Tsinset (Annunciation...

The feast of presenting the lord Christ in the temple…

On this day we celebrate the feast of presenting the lord Christ to the temple after 40 days of his...

The Fast of Nineveh - Monday 10 – 12 February…

In Eritrean Orthodox Tewahdo Church, one of the seven fasting periods is the fast of Nineveh.

Mystery of Baptism

Baptism is the sacrament given to all who believe in the Mystery of the Trinity and the Mystery of Incarnation...

Mystery of Incarnation

Mystery of Incarnation means the mystery of the descending of God the Son who is one of the Trinity from...

Mystery of the Holy Trinity

The Eritrean Orthodox tewahdo Church has Five pillars of Mysteries through which it teaches and demonstrates its basic religious belief...

Welcome to the Feast of the Nativity of Our Lord…

Glory to God. When the appointed time of salvation and the foretold prophesies came to pass, God the Son come to...

In Memory of His Holiness Abune Yacob the Second Patriarch…

His Holiness Abune Yacob, the Second Patriarch was one of the reputable leaders of the EriOTC, a shining star of...

Fast of the Prophets (Advent)

15th November (geez calander), marks the first day of the Advent Fast, a period of abstinence and penance practiced by...

FASTING

Fasting is abstinence from all things that a body needs, and one has to fast from animal products and from...

The Eritrean Orthodox Tewahdo Church (EriOTC)

In the name of the Father, and of the Son, and of the Holy Spirit, One God. “We call our...

Holy of Holies Our Lady, the virgin Mary

The word holy (kidus) in Geez denotes being special, pure and esteemed. This prefix is an attribute to denote the...