ርክበ ካህናት

May 14, 2020

“ርክበ ካህናት” ማለት ናይ ካህናት መራኸቢ፡ ጉባኤ፡ መተኣኻኸቢ፡ መዛተዪ . . . ወዘይመስሎ ዝብል ትርጕም ኣለዎ።

ኣብ ቅድስት ቤተ ክርስቲያንና፡ ዓመታዊ ድኅሪ በዓለ ትንሣኤ ኣብ መበል 25 መዓልቲ ኣብ ፍርቂ በዓለ ኃምሳ ብዕለተ ረቡዕ ዝዝከር በዓል “ ርክበ ካህናት” ይበሃል። ዓመታዊ ዕለተ ረቡዕ ዝውዕል ኮይኑ ዝውዕለሉ ወርኅን ዕለትን ብቀመር በዓላትን ኣጽዋማትን ይድይብን ይወርድን እዩ።

ሎሚ ዓመት 2012 ዓ.ም. በዓለ ትንሣኤ ካብ ዝኸበረሉ ዕለት (11 ሚያዝያ) ጀሚርና እንተቈጺርና መበል 25 መዓልቲ፡ 5 ግንቦት ይውዕል። ስለዚ ርክበ ካህናት 5 ግንቦት ይውዕል ማለት’ዩ።

ክህነት ዝብል ቃል ካብ ጵጵስና ጀሚሩ ክሳዕ ዲቁና ዘለዉ መዓርጋት ዘጠቃልል ስያሜ ክኸውን ከሎ፣ ንቀሳውስት ዝውክል ኮይኑ ብካልእ ወገን ድማ ናይ ጳጳሳት፡ ኤጲስ ቆጶሳት፡ ቀሳውስት፡ ዲያቆናት ናይ ኃባር መጸውዒ ኮይኑ የገልግል። ርክበ ካህናት ትርጕም ቃሉ ከምዘረድኦ ናይ ኣቦታት ካህናት ማለት ናይ ብፁዓን ሊቃነ ጳጳሳት (ኣባላት ቅዱስ ሲኖዶስ) ጉባኤ ማለት እዩ።

ክህነት ዝተጀመረ በቲ መጀመርታ ሰብ ብኣዳም እዩ። እግዚአብሔር አምላኽ ንኣዳም ፈጢሩ ብውልድነት ኣኽቢሩ ነቢይ፡ ንጉሥን ካህንን ገይሩ ስለ ዝሸሞ፡ ሕጊ ኦሪትን ወንጌልን ተወሲኑ ክሳዕ ዝንገር ካብ ኣዳም ጀሚሮም ክሳዕ ሙሴ ዝነበሩ አበው፡ ብሕገ ልቡና ብበረከተ አበው ብእግዚአብሔር እናተሸሙ፣ ትንቢትን ክህነትን ካብ መንፈስ ቅዱስ እናተቐበሉ፡ ብነቢይነቶም መጻእያት ክገልጹን ክምህሩን ከለዉ፡ ብክህነቶም ድማ መሥዋዕቲ ከቕርቡን ብጸሎት ንኣምላኾም ክጽውዑን ቃል ብቓል ይዘራረቡን ነይሮም።

ካህን ዝብል ስም ኣብ ጊዜ ኦሪት ቅድሚ ምግላጹ፡ ዓቢይ ሊቀ ካህናት ዝኾነ እግዚአብሔር ወልድ ቅድሚ ብተዋሕዶተ ሥጋ ኣብዚ ምድሪ ምምልላሱ፡ ናይ ወልደ እግዚአብሔር ምሳሌ ኮይኑ ብእግዚአብሔር ተመሪፁ ዝተሾመን ዝተላእከን ዓቢይ ካህን መልከጼዴቅ እዩ። (ዘፍ. 14፡10)። መልከጼደቅ ናይ ወልደ እግዚአብሔር ምሳሌ ከም ምዃኑ መጠን ሌዋውያን ካህናት ዘይመዓራረይዎ መዓርገ ክህነቱ ምጡቕ፡ ምሥጢረ ክህነቱ ረቂቕ ስለ ዝኾነ፡ እቲ ኣቦ ሌዋውያን ዝኾነ ኣብርሃም ሌዊ ገና ኣብ ሕቖኡ ከሎ ገጸ በረኸት ኣቕረበሉ፤ ዐሥራት ኣውፀኣሉ። መልከጼድቅ ድማ ኅብስተ አኰቴት፡ ጽዋዐ በረከት ባሪኹ ቀዲሱ ብምሃብ ንኣብርሃም ባረኾ። (ዕብ. 7፡1-4)።

ኣብ ዘመነ ኦሪት (ካብ ሙሴ ክሳዕ ልደተ ክርስቶስ) ድማ ክህነት ብነገድ ተሓፂሩ (ነገደ ሌዊ ጥራይ) ብጽሑፋዊ ሥርዓተ ሢመትን ናብራን ኣገልግሎትን ተማእዚኑ ይኸይድ ነበረ። (ዘኍ. 3፡6)።

ኣብ ዘመነ ወንጌል (ሓዲስ ኪዳን) ግና ዓቢይ ሊቀ ካህናት ኢየሱስ ክርስቶስ ከም ካህናተ ብሉይ ናይ እንስሳ መሥዋዕት ዘይኮነስ፡ መሥዋዕቲ ደሙ ኂዙ ባዕሉ ሠዋዒ፣ ባዕሊ መሥዋዕት፣ ባዕሉ ተቐባሊ መሥዋዕት ኮይኑ ናብ መቕደስ ኣተወ። ቅዱስ ኤፍሬም፡ “ዘአዕረገ ለአቡሁ ርእሶ ዕጣነ ወመሥዋዕተ ሥሙረ፤ ንገዛእ ርእሱ ምዑዝ መሥዋዕት ገይሩ ዘቕረበ፤" ከምዝበሎ። (ውዳሴ ማርያም ዘሰንበተ ክርስቲያን ቅድስት)።

ብድኅሪኡ ቅዱሳን ሐዋርያት ክትክኡ ብአንብሮተ እድ ሸሞም። (ሉቃ. 24፡50)። ቅዱሳን ሐዋርያት’ውን ንሰዓብቶም ብአንብሮተ እድን ብንፍሓትን እናኣተኃላለፉ ክሳዕ ሎሚ በጺሑ ኣሎ። ንቐጻሊ’ውን ናይ እግዚአብሔር መንፈሳዊ ጻውዒት ንዘለዎ ኵሉ ተማሂሩን በቒዑን እንተ ተረኽበ ብኸም’ዚ ዓይነት ሥርዓት ክሳዕ ዕለተ ምጽኣት እናቐጸለ ክነብር እዩ።

ብደም ክርስቶስ ዝተመሥረተት ቅድስት ቤተ ክርስቲያን ሓድሽ ኪዳን፡ ናይቶም ብደም ክርስቶስ ዝተዓደጉ ምእመናን ናይ ምምጋብ (መግቦት) ሥልጣን ተዋሂቡዋ ብመንገዲ ካህናት ኣገልግሎታ ትፍጽም። እዚ ድማ እቲ ቀዳማይ ቃለ እግዚአብሔር ብምምሃር ኮይኑ እቲ ካልኣይ ድማ ብመንገዲ ምሥጢራተ ቤተ ክርስቲያን ጸጋ ምዕዳል እዩ። ብምሥጢረ ጥምቀት፡ ውሉድ ሥላሴ ምዃንን ብሓድሽ ሕይወት ምንባርን (ዮሐ. 3፡3-8)፣ ብምሥጢረ ሜሮን መንፈሳዊ ዕቤትን ጽንዓትን (ሉቃ. 1፡80)፣ ብምሥጢረ ቍርባን ኅድገት ኃጢኣትን ዘለዓለማዊ ሕይወትን (ዮሐ. 6፡52-58)፣ ብምሥጢረ ክህነት ናይ ምምሃርን ምጥማቕን ምቕዳስን ኃጢኣት ምስትሥራይን (ዮሐ. 20፡23)፣ ብምሥጢረ ንስሓ ኅድገት ኃጢኣትን ምሕዳስ ሕይወትን (ግብ. ሓዋ. 3፡19-21)፣ ብምሥጢረ ተክሊል፡ ጽንዓት ቃል ኪዳንን ቅድስና ናብራን (ሚልክ. 2፡14-16፣ ኤፌ. 5፡21-33፡ ማቴ. 19፡1-9)፣ ብምሥጢረ ቀንዲል መንፈሳዊ ኃይልን ጥዕናን (ያዕ. 5፡14-17፡ ማር. 6፡13) ትዕድልን ተኅድርን።

ሊቀ ኖሎት ጐይታናን ኣምላኽናን መድኃኒናን ኢየሱስ ክርስቶስ፡ “አነ ውእቱ ኖላዊ ኄር። ወኖላዊሰ ኄር ይሜጡ ነፍሶ ቤዛ አባግዒሁ። ሕያዋይ ጓሳ ኣነ እየ። ሕያዋይ ጓሳ ንነፍሱ በጃ ኣባጊዑ ይህብ።” (ዮሐ. 10፡11) ከምዝበለ፡ ናቱ ኣርኣያ ብምውሳድ ካህናት እናመሃሩን ወንጌል እናኣበሠሩን ንሕዝቢ ስለ ዝጓስዩ፡ ኖሎት (ሓለውቲ/ጓሰይቲ) ተባሂሎም ይጽውዑ እዮም።

ካህናት፡ ንሕዝበ ክርስቲያን ኣብታ ጥንታዊት፡ ሓዋርያዊት፡ ታሪኻዊትን ርትዕትን ዝኾነት ሃይማኖትን ቅዱስ ሥርዓታን ክጸንዑን፡ ብኑፋቄያዊ ትምህርቲ ከይውሰዱን፡ ንጹሕ ዘርኢ ወንጌል ብምምሃር ናብ ንስሓን ቅዱስ ሥጋኡን ክቡር ደሙን የብቅዕዎም፤ ብፍቕርን ብትሕትናን እናኣገልገሉ ድማ ኣርኣያ (ኣብነት) ይኾኑዎም።

ካህን ንሰብ ምስ ሰብ ጥራይ ዘይኮነስ፡ ንሰብ ምስ እግዚአብሔር’ውን ዘተዓርቕ እዩ። (2ይ ቆሮ. 5፡18-20) ኣገልግሎተ ካህን ብምምሃር፡ ብምምካር፡ ኣብነት ብምዃን ጥራይ ዘይኮነስ፡ ኣብ ቤተ መቕደስ እውን ብቅዳሴ፡ ብመዝሙር፡ ብማኅሌት፡ ብስብሐታት፡ ብጸሎት፡ ብሓፈሻ ምሥጢራተ ቤተ ክርስቲያን ብጥንቃቐ ብምፍላጥ ኣብ ኅብረተ ሰብ ዝንበብ ወንጌል ክኸውን ይግበኦ። “ወአንተሰ ንቃሕ ወጥበብ በኵሉ፤ ወፃሙ ወግበር ምግባረ ወንጌላዌ ወፈጽም መልእከተከ። ንስኻ ግና ብዅሉ ንቓሕን ጥበበኛ ኩንን። ተጋደል፣ ናይ ወንጌል ዕዮ ዕየ፤ ኣገልግሎትካ ድማ ፈጽም።” (፪ይ ቆሮ. 5፡18)። 

ኵሉ ጊዜ ብቓልን ብግብርን “ተመሰሉ ኪያየ በከመ አነ እትሜሰሎ ለክርስቶስ። ከም’ቲ ኣነ ንክርስቶስ ዝመሰልክዎ፡ ንስኻትኩም’ውን ንኣይ ምሰሉ፤” ከምዝበለ (1ይ ቆሮ. 11፡10)፣ ካህን ናይ እግዚአብሔር ምሳሌ ከም ምዃኑ መጠን፡ ኣብ ክንዲ ኣባጊዑ ንርእሱ ኣኅሊፉ ኣብ ምሃብ እንተ በጺሑን ነባጊዑ ነቂሑን ተጊሁን እንተ ሓልዩን፡ ጽባሕ ካብ ውሽጢ’ተን ኣባጊዑ ሃይማኖት ምስ ምግባሩ፣ ታሪኽ ምስ ምሉእ ክብሩ፡ ጽሑፋት ምስ ፊደሉ ሓልዩ ዘሐሉ ፓትርያርክ (ርእሰ ሊቃነ ጳጳሳት)፡ ኤጲስ ቆጶሳት፡ መነኮሳት፡ ቀሳውስት፡ ዲያቆናት፡ ኣናጐንስጢሳውያን፡ መዘምራን፡ ዲያቆናውያት፡ ምእመናን፡ . . . ከፍሪ ይኽእል እዩ። ዝዓበየ ናይ ቤተ ክርስቲያን ኮነ ናይ ሃገር ኃደራ ብዝበለጸ ኣብ ልዕሊ ካህን ስለ ዝኾነ፡ ንክርስቶስ መሲሉ ኣብነት ኮይኑ፣ መኽሊቱ ኣርቢሑ ክርከብ ይግበኦ።

ወስብሐት ለእግዚአብሔር፡ አሜን!

 

ዘመነ ዮሓንስ 6 ነሓሴ 2012 ዓ.ም.ግ…

August
Wednesday
12
ዝክር፦ ኢየሉጣ፡ ወማርያም መግደላዊት፡ ወአባዊፃ። ዘቅዳሴ ምንባብ መልእክታት፦ 1ይ ቆሮ. 7፡12-20 1ይ ጴጥ. 3፡1-7 ግብረ ሓዋርያት፦ ግብ. ሐዋ. 16፡13-18 ምስባክ፦ መዝ. 44/45 ወንጌል፦ ማር. 16፡9-18 ቅዳሴ፦ ዘእግዝእትነ ማርያም ዓዲ ዘ፫፻ት። * * *
00:00 h

ዜና ኅትመት

እዋናዊ ጽሑፋት

ፅንሰታ ለማርያም - 7 ነሐሴ

ቅድስት ድንግል ማርያም ቅድመ ዓለም ኣብ ሕሊና አምላኽ ስለዝነበረት ገና ከይተወልደት ትንቢት ተነጊሩላ ሱባዔ ተቘጺሩላ ነበረ። ምስ ተወልደት’ውን ኣደ አምላኽ...

'ትእምርተ ጽንዓት ሃይማኖት - ጥንታዊ ገዳም ደብረ ቢዘን'

ገዳም ደብረ ቢዘን ‘ቢዘን’፦ ሚዛን፡ ማዕረ ማለት’ዩ። ከምቲ ወርቅን ብሩርን ብሚዛን ዝምዘን፡ ከምኡ ኸኣ ኣብ ደብረ ቢዘን ጻድቃንን ኃጥኣንን፡ ድኹማትን ፍጹማንን...

ብመንገዲ ቴሌኮንፈረንስ ምስ ኣብ እስራኤል ዘለዉ ኦርቶዶክሳውያን ርክብ ተኻዪዱ!

ዕለት 27 ሓምሌ 2012 ዓ.ም. (03/08/2020 ፈ.) ብመንገዲ ቴሌኮንፈረንስ ኣባላት ቅዱስ ሲኖዶስን ኃለፍቲ ቤት ጽሕፈት መንበረ ፓትርያርክን ምስ ምምኅዳር ሰበካ...

ቤተ መዘክር (ሙዝየም) ዘመንበረ ፓትርያርክ ንጥፈታቱ የዕቢ ኣሎ!

ኦርቶዶክስ ተዋሕዶ ቤተ ክርስቲያን ኤርትራ፡ ብዓይኒ ዝርአ ዝንቀሳቐስን ዘይንቀሳቐስን ከምኡ’ውን ግዙፍነት ዘይብሉ ናይ ነዊኅ ዓመታት፡ ብቝጽሩ ብዙኅ፡ ብዓይነቱ ዘደንቕ ቅርስን...

እንቋዕ ናብ ጾመ ፍልሰታ ኣብጽሓና !

ካብ 1 ነሓሴ ክሳዕ 16 ነሓሴ 2008 ዓ.ም.ግ. ዘሎ መዓልታት ብጸሎትን ውዳሴን ቅዳሴን ከምኡ’ውን ዝጽወም ሓደ ካብ ሾብዓተ ናይ ኣዋጅ...

መቅድም ውዳሴ ማርያም

ነዚ መጽሓፍ እዚ ዝደረሶ ኤፍሬም ሶርያዊ፥ ኤፍሬም ለብሓዊ እዩ። ሶርያዊ ዝተባህለ ብሃገሩ ኮይኑ ለብሓዊ ድማ ብተግባሩ እዩ። እዚ ቅዱስ ኤፍሬም...

አሥርቆት ዘወርኀ ነሐሴ

ዮም ሠረቀ ለነ ወርኀ ቡሩክ ነሐሴ ያብጽሐነ እስከ ወርኀ ጳጕሜን በሰላመ እግዚአብሔር! ወርኀ ነሐሴ ቡሩክ መዓልቱ ዓሠርቱ ወሠለስቱ ወእምዝ የሐፅፅ።

መበል 15 ዓመታዊ ጉባኤ ቤት ትምህርቲ ሰንበት ሃገረ ስብከት ኅቡራት…

ዕለት 24-25 ሓምሌ 2012 ዓ.ም. (31/07 – 01/08 2020 ፈ.)፣ “ብጊዜኡን ኣብ ዘይጊዜኡን ጽናዕ” (2ይ ጢሞ 4፡2) ብዝብል መሪሕ ኃይለ...

ቀዳማይ መሥርሕ ኣርትዖት መጽሓፍ ቅዱስ ሐዲስ ኪዳን ንምክያድ ዝዓለመ ጉባኤ…

ብናይ ኤርትራ ኦርቶዶክስ ተዋሕዶ ቤተ ክርስቲያን እትውነን መጽሓፍ ቅዱስ ንምድላው ዝዓለመ ብክፍሊ ጉባኤ ሊቃውንት ብግእዝን ትግርኛን ዝቐረበት መጽሓፍ ሐዲስ ኪዳን...

ቅዱስ ሲኖዶስ ምስ ምምኅዳር ሃገረ ስብከት ኅቡራት መንግሥታት ኣሜሪካን ካናዳን…

ብዕለት 20 ሐምሌ 2012 ዓ.ም. (27/07/2020 ፈ.) ተወከልቲ ቅዱስ ሲኖዶስ ምስ ምምኅዳር ሃገረ ስብከት ኅቡራት መንግሥታት ኣሜርካን ካናዳን ብመንገዲ ማኅበራዊ...

ብሕንፃ እንዳ ኣቡን ኣቡነ ማርቆስ ዝፍለጥ ሕንጻዊ ጽገና ይግበረሉ ኣሎ

 ኣብ ከተማ ኣሥመራ ከባቢ ርእሰ ኣድባራት ደብረ ጽዮን ቅድስት ድንግል ማርያም ዝርከብ ብእንዳ ኣቡን ኣቡነ ማርቆስ ዝፍለጥ ዋንነት ቅድስት ቤተ...

ተኣምር ብፁዕ ወቅዱስ ኣቡነ ሰላማ ከሣቴ ብርሃን፣ ጸሎቱን በረኸቱን ምስ…

ሓደ ንእግዚአብሔር ዝፈርህ፡ ለዋህ፡ ትሑት፡ ገባሬ ሠናይን ተቐባል ጋሻን ዝኾነ ሰብኣይ ነበረ። ነፍስ ወከፍ ወርኂ ዕለት 26 ዝክር ብስም ኣቡነ...

  

latest articles

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...

The feast Of Pentecost

IN THE NAME OF THE FATHER AND THE SON AND THE HOLY SPIRIT, ONE GOD. On this day the Holy...

Ascension

After the Lord Jesus Christ had finished the operation of His wisdom upon earth, by His Passion, and His Death...

Tsinset (Annunciation – Feast of Incarnation)

In accordance with the cannon of the Church, one of the nine major feast days of Our Lord. it Tsinset (Annunciation...

The feast of presenting the lord Christ in the temple…

On this day we celebrate the feast of presenting the lord Christ to the temple after 40 days of his...

The Fast of Nineveh - Monday 10 – 12 February…

In Eritrean Orthodox Tewahdo Church, one of the seven fasting periods is the fast of Nineveh.

Mystery of Baptism

Baptism is the sacrament given to all who believe in the Mystery of the Trinity and the Mystery of Incarnation...