ወስእነ አርምሞ (ስቅ ምባል ስኣነ)

Jun 17, 2020

ኣብ ‘ድርሳነ ቅዱስ ገብርኤል’ ብዛዕባ ኣውር ዝስሙ ግብጻዊ ሰብኣይን ረድኤት ቅዱስ ገብርኤል መልኣኽን ብኸምዚ ዝስዕብ ተገሊጹ ኣሎ። ኣውር፡ ካብ ዝተወልደሉ ዓዲ ኔቅሎን ወፂኡ ኣብ ቤት ንጉሥ ይሠርሕ ነበረ። ሕዝቢ ኔቅሎን፡ ብስም ቅዱስ ገብርኤል ቤተ ክርስቲያን ክሓንፁ ከም ዝሓሰቡ ምስ ፈለጠ፡ ናብ ዓዱ ንምኻድ ካብ ንጉሥ ብመንገዲ ንግሥቲ ፍቓድ ሓተተ። ንጉሥ ግና ኣይፈቐደሉን።

ኣውር ጕህዩ ኣብ ዝኃደረሉ ዕለት፡ ሊቀ መላእክት ቅዱስ ገብርኤል ንንጉሥ ብራእይ ተገሊጹ ተዛረቦ። በዚ ድማ ካብ ንጉሥን ንግሥትን ፍቓድ ረኺቡ፡ ናብ ዓዱ ኔቅሎን ከይዱ ቤተ ክርስቲያን ክሓንፅ ጀመረ። እቲ ፍቓድ ከይረክብ ዝጻብኦ ዝነበረ ጸላኤ ሠናያት፡ ቤተ ክርስቲያን ክሕንፅ ምስ ጀምረ`ውን ብዙኅ ፈተኖ። እንተኾነ ግና ብፈቃደ እግዚአብሔርን ብረድኤት ቅዱስ ገብርኤልን ሕንፃ ቤተ ክርስቲያን ተፈጸመ። ጸሓፊ ድርሳነ ቅዱስ ገብርኤል ድማ ኣብ መፈጸምታ እቲ ጽሑፍ ንኽፉእ ግብሪ ዲያብሎስ ክገልጽ ከሎ “ወሰይጣንሰ ቀንአ ላዕሌሁ እስመ ውእቱ ጸላኤ ሠናያት ወስእነ አርምሞ በእንተዝ ነገር / ሰይጣን ድማ ጸላኤ ሠናያት ስለዝኾነ ቀንኣሉ፡ በዚ ነገር’ዚ ኸኣ ስቅ ምባል ሰኣነ” ብምባል ይገልጾ። (ዘወርኀ ግንቦት)

መንፈሳዊ ጕዕዞ ቅድስት ቤተ ክርስቲያንን ሕይወት ሕዝበ ክርስቲያንን ፈተና ምስ መከራ ዝበዝኆ ምዃኑ ባዕሉ ጐይታናን አምላኽናን መድኃኒናን ኢየሱስ ክርስቶስ፡ “ዓለም ክትጸልኣኩም እያ” ክብል ኣቐዲሙ ምሂሩና እዩ። (ዮሐ. 15፡19)

ጉባኤ ምእመናን ብርቱዕ ትምህርተ ወንጌል ክሕነፅ ከሎ፡ ነፍሲ ኣማኒ ቃለ እግዚአብሔር ተመጊባ መንገዲ ንስሓ ክትኅዝ ከላ፡ መናፍቅ ተረቲዑ ክምለስ ወይ ክፍለ፣ ዓላዊ ክኣምን፣ አንቀጸ ሰማያት ዝኾነት ቤተ ክርስቲያን ክትሕነፅን ክትግልገልን ከላ ዲያብሎስ ስቅ ምባል ኣይክእልን’ዩ።

ኣብ መዋዕለ ስብከቱ ጐይታናን መድኃኒናን ኢየሱስ ክርስቶስ፡ ነቶም ብርሃናተ ዓለም ንኽኾኑ ብቅዱስ ቃሉ ዘሠልጠኖም ቅዱሳን ሐዋርያት ብዙኅ ጊዜ ሰይጣን ክፍትኖም ስቅ ምባል ይስእን ከም ዝነበረ ክነግሮም ከሎ በኣንጻረ ቅዱስ ጴጥሮስ “ስምዖን ስምዖን እንሆ ሰይጣን ከም ሥርናይ ክሓሕየኩም ተመነየ” በሎም። (ሉቃ. 22፡31)

ጸላኤ ሠናያት ሰይጣን፡ ካብ ዓለመ መላእክት ጀሚሩ ክሳዕ ሎሚ ንልዕሊ 7500 ዓመት፣ ፀረ አምልኮተ እግዚአብሔር ተሰሊፉ እዩ። ክሳዕ ምጽአተ ክርስቶስ’ውን ገና ክስለፍ እዩ።

ኦርቶዶክስ ተዋሕዶ ቤተ ክርስቲያን ግና ኣብ ዘመነ ብሉይ ብሕገ ልቦናን ሕገ ኦሪትን፣ ኣብ ዘመነ ሓዲስ ብሕገ ወንጌል እናተመርሐት ሃይማኖታን ሥርዓታን ትውፊታን ሓልያ ካብ ዘመን ናብ ዘመን ትሰጋገር ኣላ። ነፋሳት ሲኦል ዘይኅይልዎ መሠረት እኳ እንተሃለዋ፡ ኣብዚ ዘመናት ግና ኣፍ ደገ ቅድስት ቤተ ክርስቲያን ሰይጣን ካብ ምኵሕኳሕ ስቅ ምባል ስኢኑ እዩ።  

ኣብ ዓላዊ ንጉሥን መናፍቅ ጳጳስን እናኃደረ ኣብ ሕዝበ እግዚአብሔር መከራ ከምዘበርትዐን ክሳብ ሞት ከም ዘብጽሐን ታሪኽ ቤተ ክርስቲያንና ይትርኸልና። (ግብ. ሓዋ. 5፡17፣ 7፡54)

ኣብዚ ዘመንና’ውን ብመናፍቓዊ ትምህርቲ ልቦም ዘኽበዱ መናፍቓን ቅድም ከም ጸጕሪ በጊዕ ዝተኸድነ ተዅላ ኣብ ሕቍፊን ጽላልን ቅድስት ቤተ ክርስቲያን ኦርቶዶክስ ተዋሕዶ ኤርትራ ኮይኖም ብሥውር ዕላማ ዝገበርዎን ሕጂ’ውን ብማዕዶ ዘልዕልዎ ዘለዉ ፈተናን ኣካል ናይ ስቅ ዘይምባል ጠባይ ሰይጣን እዩ።

ኣብኦም እናኃደረ፡ ነቶም ከም ቅዱስ ዮሐንስ መጥምቅ ስምዐ ጽድቅ ኮይኖም ምስ ዓለምን ሥጋን ሄሮድያዳ ኪዳን ዘለኩም ኣፍርሱ ዝብሉ፣ ከም ገማልኤልን ኒቆዲሞስን መምህራነ ሕግ ኮይኖም ርቱዕ ትምህርቲ ኣይኮነን፣ ጥንታዊ ሕግና ኣየፍቅደልናን እዩ” ኢሎም ዝቃወሙ መገብቲ ሃይማኖት ኣቦታት ከጸልምን ተሰማዕነት ንኽስእኑ ክጽዕርን ስቕ ኣይብልን ዘሎ። ስቕ ምባል ዝሰኣነ ዲያብሎስ ጸለመ እናነዝሐ ኣብ ሕዝበ ክርስቲያን ዘርኢ ጽልእን ጥርጥርን ክዘርእ፣ ዝናም ሓሶት ከዝንም፡ ነፋሳት ጠቀነን ጸለመን ከንፍስ ግድን እዩ።

እንተኾነ ቅድስት ቤተ ክርስቲያን ንደቃ ኣብ ጊዜ ፈተና እተዘኻኽሮ ትምህርቲ ብቅዱስ ጳውሎስ ዝተነግረ ቃል እዩ። “ሰብ ክፆሮ ዘይኽእል ፈተና ኣይበጽሓኩም እዩ። ኣምላኽ እሙን እዩ እሞ፡ ምስቲ ፈተናኹም ምጽዋሩ ምእንቲ ኽትክእሉስ፡ መውፅኢ ገይሩልኩም ኣሎ፡ ካብ ዓቕምኹም ንንየው ክትፍተኑ ኣይኃድገኩምን እዩ” 1ይ ቆሮ. 10፡13።

መጽሐፈ መነኮሳት ዝህቦ ቃለ ምዕዳን ኣሎ። መነኮስ ኣብ ገዳም ክምንኩስ ምስ ኣተወ ኣይውፃእ፣ ብላዕ ዝብል ፈተና እንተመጾ ይብላዕ፡ ደቅስ ዝብል ፈተና እንተመጾ ይደቅስ፡ ውፃእ ዝብል ፈተና እንተመጾ ግና ዓንዲ ኂዙ የእዊ ኢሉ ይምዕድ። ሎሚ ‘ውፃእ፡ርሓቅ፡ ተፈለ. . .’ ዝብሉ ቃላት ምኽሪ’ቲ እኩይ ምዃኖም ምስትውዓል ይግባእ።

ነዚ ጊዜን ንዅሉ እዋንን ዝኸውን ጐይታና ኢየሱስ ክርስቶስ ብቅዱስ ቃሉ ክምዕደና ከሎ፦ “ብኣይ ዘይዕንቀፍ ብፁዕ እዩ” ብምባል ኣጠንቂቑ ምሂሩና እዩ። (ማቴ. 11፡6 ፣ ሉቃ. 7፡23)  

መሠረት ቤተ ክርስቲያን ኣብ ከውሒ ክርስቶስ ኮይኑ ማዕበል ባሕሪ ዓለምን ኣናቅጸ ሲኦልን ዘይኅይሎ እኳ እንተኾነ፡ ናትና መሠረት ኣብዚ ከውሒ ድዩ ዋላስ ኣብ ሑፃ ዘሎ ምርግጋጽ ኣገዳሲ እዩ። (ማቴ. 7፡24-27 ፣ 16፡17-18 ፣ ራእ. 12፡18)

ስለዚ ሎሚ መሠረትና፡ ኣብታ ጸጋ ውልድነት ዘውሃበትና፡ ርትዕትን መሠረታዊትን ኣጽናፋዊትን ሓዋርያዊትን ቅድስት ቤተ ክርስቲያን ክኸውን ይግባእ።

ልዑል እግዚአብሔር፡ ኣብ ርትዕት ሃይማንኖትና የጽንዓና!

ወስብሐት ለእግዚአብሔር፡ አሜን።

ዘመነ ዮሓንስ 28 ሰኔ 2012 ዓ.ም.ግ…

July
Sunday
5
ቴዎዲስዮስ ሊቀ ጳጳሳት፡ ባስልዮስ፡ ወቢፋሞን፡ ወባሊድስ፡ ወኮቶሎስ፡ ወአርዶሚስ።                   ዘቅዳሴ ምንባብ መልእክታት፦ 1ይ ቆሮ. 14፡6-13 1ይ ጴጥ. 4፡14-ፍጻሜ። ግብ. ሐዋ. 7፡1-8 ምስባክ፦ መዝ. 36/37 ወንጌል፦ ማቴ. 13፡10-23 ቅዳሴ፦ ዘባስልዮስ።        * * *
00:00 h
Ad Right

ዜና ኅትመት

እዋናዊ ጽሑፋት

“ብኃጢኣት ሕዝበይ እየ ኣብ ኢድኩም ኣውዲቐያ!”

ገቢረ ተአምራት ወላዲተ ኣምላክ ድንግል ማርያም፡ ተነጊሩ ዘይጽገብ ተጻሒፉ ዘይፍጸም እዩ። ካብ ፅንሰታ ዝጀመረ ገቢረ ተአምራት ክሳዕ ምጽኣተ ክርስቶስ በቲ...

"ወያስተዴሉ ክረምተ ለምድር/ ንምድሪ ዝናም የዝንመላ” “መዝ. ፻፵፮፥፰/147፡8

ቅድስት ቤተ ክርስቲያንና፡ ንዓመት ኣብ ኣርባዕተ ወቕትታት ማለት ዘመነ መፀው፡ ዘመነ ሓጋይ፡ ዘመነ ፀደይ ከምኡ ውን ዘመነ ክረምት ብምባል ትኸፍሎ። 

እንቋዕ ናብ ዘመነ ክረምት ብሰላም ኣብጽሓና!

ዘመነ ክረምት  ካብ 26 ሰኔ ክሳዕ 25 መስከረም ዘሎ ወቅቲ ጊዜ ክረምቲ እዩ። ሰማይ ብደመና ተሸፊኑ፡ ዝናም ብመብረቕን ድምፂ ነጐድጓድን ተዓጂቡ ንምድሪ...

“ብፁዕ ዘይሌቡ ላዕለ ነዳይ ወምስኪን/ ንድኻ ዝሓልየሉ ሰብ ብፁዕ እዩ”(መዝ…

ንሕይወተ ሥጋ ኣድለይቲ ዝኾኑ ነገራት ማይ፡ እንጌራ፡ ክዳን፡ መኅደሪ ቤት እዮም። (ሢራ. 29፡21) ብቐዳምነት ነዚኦም ዘይረኸቡን ዘይብሎምን ሰባት “ጽጉማት” ይበሃሉ። ብተወሳኺ’ውን...

ገዳም ደብረ ሲና

ገዳም ደብረ ሲና፡ ኣብ ዞባ ዓንሰባ ንኡስ ዞባ ዒላበርዕድ ከባቢ መንሳዕ፡ ካብ ዒላበርዕድ ንሸነኽ ምሥራቕ ብእግሪ ናይ ክልተ ሰዓትን ፈረቓን...

ክብረ በዓል ሕንፀተ ቤታ ወቅዳሴ ቤታ

20 ሰኔ ሕንፀተ ቤታ ከምኡ'ውን 21 ሰኔ ቅዳሴ ቤታ እናተባህለ ዝኽበር በዓል እዩ። እዚ ኸኣ ክብረ በዓል ናይታ ንመጀመርታ ጊዜ...

ቤተ ክርስቲያን - ቤተ ቅድስና ቤተ በረከት

ሥርዓተ ኣምልኾ ዝፍጸመሉ፣ ስብሐታትን ውዳሴያትን ዝበጽሓሉ፡ ቅዱስ ሥጋኡን ክቡር ደሙን ዝዳለወሉ፡ ነገረ ሃይማኖትን ሥርዓትን ትውፊትን ዝንገረሉ ቅዱስ ቦታ (ሕንፃ) ቤተ...

ኣባ ገሪማ

ስም ኣቡኡ ንጉሠ ሮማ መስፍያኖስ ስም ኣደኡ ሰፍኖግያ፡ ኣደኡ መካን ስለዝነበረት ናብ ቅድስት ድንግል ማርያም ምስ ለመነት እግዚአብሔር ነዚ ብሩክ...

“ፍቅረ ብጻይ ክሳዕ ሞት” - ኣባ ለትጹን

ኣብ ሃገረ ብሕንሳ ዝተወልደ፡ ሓደ ካብ ዓበይቲ ቅዱሳን ኣበው ናይ ፍቕሪ ኣቦ ‘ኣባ ለትጹን’ እዩ። ቅድሚ ምንኵስናኡ፡ ኣብ ዕድመ ጉብዝናኡ፡...

ዝክረ ዕለተ ሰማዕታተ ኤርትራ ብጸሎተ ፍትሓት ተዘኪሩ!

ኣብ ሥጋዊ ሕይወት ኮነ መንፈሳዊ ሕይወት ቀይሕ ደም ከይፈሰሰ ፃዕዳ ዓፅሚ ከይተኸስከሰ ብዘይ መሥዋዕቲ ናፅነት ኣይርከብን’ዩ። ሃገርካ ክወርር፡ ሕዝብካ ከሕስር፡...

ወስእነ አርምሞ (ስቅ ምባል ስኣነ)

ኣብ ‘ድርሳነ ቅዱስ ገብርኤል’ ብዛዕባ ኣውር ዝስሙ ግብጻዊ ሰብኣይን ረድኤት ቅዱስ ገብርኤል መልኣኽን ብኸምዚ ዝስዕብ ተገሊጹ ኣሎ። ኣውር፡ ካብ ዝተወልደሉ...

ጥቕሚ’ቲ ጎዳኢ

ደመና ኃጢኣትና ኣብ ልዕሌና ከቢዱ ሰርቢ ቁጥዓ ኣምላኽና ናብ ምድሪ ወሪዱ ዕፀ በለስ ኣበሳና ምስ ፈረየ ብግህዶ ኣፍደገ ሲኦል ተራሕዩ ነፍሳት ክእንገዶ።

  

latest articles

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...

The feast Of Pentecost

IN THE NAME OF THE FATHER AND THE SON AND THE HOLY SPIRIT, ONE GOD. On this day the Holy...

Ascension

After the Lord Jesus Christ had finished the operation of His wisdom upon earth, by His Passion, and His Death...

Tsinset (Annunciation – Feast of Incarnation)

In accordance with the cannon of the Church, one of the nine major feast days of Our Lord. it Tsinset (Annunciation...

The feast of presenting the lord Christ in the temple…

On this day we celebrate the feast of presenting the lord Christ to the temple after 40 days of his...

The Fast of Nineveh - Monday 10 – 12 February…

In Eritrean Orthodox Tewahdo Church, one of the seven fasting periods is the fast of Nineveh.

Mystery of Baptism

Baptism is the sacrament given to all who believe in the Mystery of the Trinity and the Mystery of Incarnation...

Mystery of Incarnation

Mystery of Incarnation means the mystery of the descending of God the Son who is one of the Trinity from...

Mystery of the Holy Trinity

The Eritrean Orthodox tewahdo Church has Five pillars of Mysteries through which it teaches and demonstrates its basic religious belief...

Welcome to the Feast of the Nativity of Our Lord…

Glory to God. When the appointed time of salvation and the foretold prophesies came to pass, God the Son come to...

In Memory of His Holiness Abune Yacob the Second Patriarch…

His Holiness Abune Yacob, the Second Patriarch was one of the reputable leaders of the EriOTC, a shining star of...