ቤተ ክርስቲያን - ቤተ ቅድስና ቤተ በረከት

Jun 27, 2020

ሥርዓተ ኣምልኾ ዝፍጸመሉ፣ ስብሐታትን ውዳሴያትን ዝበጽሓሉ፡ ቅዱስ ሥጋኡን ክቡር ደሙን ዝዳለወሉ፡ ነገረ ሃይማኖትን ሥርዓትን ትውፊትን ዝንገረሉ ቅዱስ ቦታ (ሕንፃ) ቤተ ክርስቲያን ወይ ቤተ እግዚአብሔር ተባሂሉ ይጽዋዕ። ቤተ እግዚአብሔር ንኽሕነፅ ዝኣዘዘ ባዕሉ እግዚአብሔር እዩ። ሕዝበ እስራኤል ካብ ግብጺ ምስ ወፅኡ፡ ነቢየ እግዚአብሔር ሙሴ ኣብ ደብረ ሲና ኣርብዓ መዓልትን ኣርብዓ ለይትን ጾመ እሞ እግዚአብሔር ኣምላኽ ንሕዝቡ ዝመርሓሉ ዓሰርቱ ቃላት ሕጊ ኣብ ጽላት ጽሒፉ ሃቦ። ነዚ ጽላት’ዚ ዘቐምጠሉን ሥርዓተ ኣምልኮ ዝፍጸመሉን ስመ እግዚአብሔር ዝምስገነሉን ድንኳን ክሓንፅ እግዚአብሔር ኣዘዞ። ነቢይ ሙሴ ምስ ባስልኤልን ኤልያብን ዝበሃሉ ጥበበኛታት ድማ ነቲ ድንኳን ሠሪሖም ፈጸሙ።

እቲ ዝተሠርሐ ድንኳን ዙሪያኡ ክቢ ኾይኑ ሠለስተ ክፍልታት ነበሮ። እቲ ናይ መጀመርታ ክፍሊ ሕዝበ እግዚአብሔር ዝጽልይሉ፡ እቲ ካልኣይ ክፍሊ ድማ ካህናተ እግዚአብሔር ኣገልግሎት ዝፍጽሙሉ እዩ። እቲ ሣልሳይ ድማ ዓሠርቱ ትእዛዛት ዝኃዘ ጽላት ዝቕመጠሉ ክፍሊ ኮይኑ ሓንሳብ ኣብ ዓመት እቲ ሊቀ ካህናት ናብኡ እናኣተወ፡ ቅድም ስለ ርእሱ፡ ደኃር ድማ ምእንቲ ኵሉ ሕዝቢ መሥዋዕቲ አቕርብ ነበረ።

ብዛዕባ ኣሠራርሓን ንዋያትን ናይዚ ድንኳን ሐዋርያ ቅዱስ ጳውሎስ ክጽሕፍ ከሎ ከምዚ ይብል፥ “እታ ቐዳመይቲ ኪዳን’ውን ናይ ኣገልግሎት ሥነ ሥርዓትን ምድራዊ መቕደስን ነበራ። ድንኳን ተተኺሉ ነበረ፡ እታ ‘ቕድስቲ’ ተባሂላ እትጽዋዕ ቅድም እትርከብ ክፍሊ ድማ ቀዋሚ ቐንዴልን ሰደቓን ኅብስተ ቍርባንን ነበራ። ብኽንየው እቲ ኻልኣይ መጋራጃ ዘላ ክፍሊ ድማ ‘ቅድስተ ቅዱሳን’ ትብሃል ነበረት። ኣብኣ ብወርቂ ዝተሠርሐ መዕጠንን ብዅሉ ወገኑ ብወርቂ ዝተለበጠ ታቦት ኪዳንን ነበረ። እዛ ታቦት እዚኣ መሶበ ወርቅን ዝጠጥዐት በትሪ ኣሮንን ጽላት ኪዳንን ዝኃዘት ነበረት። ኣብ ልዕሊ እቲ ታቦት ከኣ ነቲ ኅድገት ኃጢኣት ዚርከበሉ ቦታ ዜጽልሉሉ ናይ ክብሪ ኪሪቤል ነበሩ።” (ዕብ. 9፡1-5|)

እዚ ድንኳን እዚ’ውን ኣገልግሎት እናተፈጸመሉ ካብ ዘመነ ነቢይ ሙሴ ክሳብ ዘመነ ንጉሥ ዳዊት ጸንሐ። ንጉሥ ዳዊት ንጸላእቱ ኢያውሴዎን ስዒሩ ኣብ ደብረ ጽዮን ዝተባህለ ቤተ መንግሥት ተቐሚጡ ከሎ ነቢይ ናታን ናብኡ መጽአ። በዚ ጊዜ ዳዊት ኃዚኑን ተኪዙን ረኸቦ እሞ “እንታይ ዄይንካ ኃዚንካ ኣሎኻ በሎ። ዳዊት’ውን እንታይ ኴይነ ዘይኃዝን ኣነ ጽቡቕ ቤት ተቐሚጠ፡ ታቦተ ጽዮን ግና ኣብ ድንኳን ትነብር ኣላ” በሎ። ነቢይ ናታን ድማ “እንታይ እሞ አኅዘነካ ጸላእትኻ ጠፊኦሙልካ ኣለዉ፡ ንምንታይ ቤተ መቅደስ ዘይትሠርሕ” በሎ። እዚ ብዘይ ፈቃደ እግዚአብሔር ኣይከውንን እዩ ኢሎም ክልቲኦም ሱባኤ ኣተዉ። ብድኅሪ ሱባኤ ንዳዊት ዝበለጸ ነገረ ሥጋዌ ክግለጸሉ ከሎ፡ “ወረከብናሁ ውስተ ኦመ ገዳም ናሁ ሰማዕናሁ በኤፍራታ / ሰብ ኮይኑ ሥጋ ለቢሱ ካብ ድንግል ማርያም ተወሊዱ ኣብ ጎል ብጨርቂ ተጠቅሊሉ ከም ሕፃናት ክበክይ ሰሚዕናዮ” ኢሉ ተዛረበ። ንነቢይ ናታን ድማ ብዛዕባ ቤተ መቅደስ ተገልጸሉ እሞ ንዳዊት “ንስኻ ቤተ መቅደስ ብስመይ ክትሓንፀለይ ኣይትኽእልን ኢኻ፡ እቲ ካብ ኣብራካ ዝወፀ ወድኻ ሰሎሞን ግና ሽመይ ዝምስገነሉ ቤተ መቅደስ ክሠርሐለይ እዩ” በሎ። ንጉሥ ዳዊት ቤተ መቕደስ ንምሥራሕ ዝነበሮ ሓሳብ በዚ ተቛረጸ። ብድኅሪኡ ግና ወዱ ሰሎሞን ቤተ መቅደስ ክሠርሕ እግዚአብሔር ስለ ዝፈቐደሉ፡ ኵሉ ኣገልግሎት ዝፍጸመሉ ኣዝዩ ግሩም ቤተ መቅደስ ሓነፀ። ብድኅር’ዚ እግዚአብሔር ንሰሎሞን ከምዚ በሎ፡ “ጸሎትካ ሰሚዐ ኣለኹ፣ ነዛ ቦታ እዚኣ’ውን ቤት መሥዋዕቲ ኽትኮነኒ ሓርየያ ኣሎኹ። . . . ሕጂ ኸኣ ኣብዛ ቦታ እዚኣ ንዚጽለ ጸሎት ኣዕይንተይ ኪኽፈታ፡ ኣእዛረይውን ጽን ኪብላ እየን። ሕጂ ድማ ነዛ ቤት መቅደስ እዚኣ ሕዝበይ ንዘለዓለም ኣብኣ ኼምልኹኑ ሓርየያን ቀዲሰያን ኣሎኩ፡ ኣነ ኸኣ ኵሉ ጊዜ ኽሕልዋን ክሓልየላን እየ። (1ይ ነገ. 6-9 ፣ ግብ.ሓዋ. 7፡44-47)

ካብቲ ዘመን ኣትኂዙ ኣብ ደብተራ ኦሪት(ድንኳን) ዝነበረ ዓሠርቱ ቃላት ዝተጸሓፈሉ ታቦት ናብ ቤተ መቅደስ ኣተወ፡ ኵሉ ኣገልግሎት’ውን ኣብኡ ዝፍጸም ኮነ። ክሳዕ ዘመነ ሓዲስ ድማ ኣብዚ ቤተ መቅደስ እዚ መሥዋዕተ ኦሪት ይቐርብ ነበረ።

እንተኾነ ግና ኣብዚ ቤተ መቕደስ ዝቐርብ ዝነበረ መሥዋዕት ፍጹም ድኅነት ዘውህብ ስለዘይነበረ፡ ጐይታናን ኣምላኽናን ኢየሱስ ክርስቶስ ካብ ሰማየ ሰማያት ወሪዱ ካብ ቅድስት ድንግል ማርያም ተወሊዱ፡ ከም ሕፃናት በብቑሩብ ዓቢዩ፡ ኣብ ሠላሳ ዘመኑ ተጠሚቑ፡ ኣብ ገዳመ ቆሮንቶስ ኣርብዓ መዓልትን ለይትን ጾይሙ፡ ሠለስተ ዓመትን ሠለስተ ወርኂን ምሂሩ፡ ንደቂ ኣዳም ዅሎም ካብ ፍዳን መርገምን ናፃ ንምውፃእ ባዕሉ መሥዋዕቲ ኾይኑ ኣብ ቀራንዮ ተሰቒሉ፡ ሞይቱ ብሞቱ ንሞት ስዒሩ ብምትንሣእ ኣድኃነና፡ በረኸት ሥጋን ሕይወተ ነፍስን ዘውህብ ሓድሽ ሥርዓት ድማ ሠርዓልና።

ኣብ ቀራንዮ ዝተሠወዐ ሥጋኡን ዝፈሰሰ ደሙን ፍጹም ድኅነት ዘውህብ ስለዝኾነ ብድኅር እዚ መሥዋዕተ እንስሳ የለን። መሥዋዕቲ ሥጋኡን ደሙን ክህብ ዝጀመረ ባዕሉ ጐይታናን ኣምላኽናን መድኃኒናን ኢየሱስ ክርስቶስ ኣብ ዋዜማ ስቕለቱ እዩ።  ቅዱሳን ሓዋርያት ጸጋ መንፈስ ቅዱስ ተቐቢሎም ኣብ ስብከተ ወንጌል ኣብ ዝተዋፈርሉ ጊዜ ጉባኤ ዝሠርዕሉ ጸሎተ ቅዳሴ ኣብጺሖም ቅዱሱ ቍርባን ዘዳልውሉን ንኣማንያንን ዘቝርብሉ ፍሉይ ቦታ ኣይነበሮምን።

ጐይታ ካብ ዝዓርግ ኣብ መበል 8ይ ዓመት፡ ብዛዕባ ምሕናፅ ቤተ ክርስቲያን ዝምልከት ቅዱስ ጳውሎስን ቅዱስ በርናባስን ናብ ቅዱስ ጴጥሮስን ቅዱስ ዮሓንስን መልእኽቲ ለኣኹ።  ቅዱስ ጴጥሮስን ቅዱስ ዮሓንስን ድማ ፈቃደ እግዚአብሔር ምዃኑ ተገልጸሎም። ንቅዱሳን ሓዋርያት ብደመና ጽዒኑ ናብ ‘ፊልጵስዩስ’ እትበሃል ዓዲ ኣብጽሖም እሞ ኣብኡ ምስ ቅዱስ ጳውሎስን ቅዱስ በርናባስን ተራኸቡ። ብድኅር’ዚ ጐይታናን መድኃኒናን ኢየሱስ ክርስቶስ “ኣብዚ ቦታ ብስም ኣደይ ድንግል ማርያም ቤተ ክርስቲያን ክሕነፅ ፍቓደይ እዩ” ኢልዎም ናይቲ ቤተ መቅደስ ቦታ ዓቂኑ ለኪዑ ሂብዎም ናብ ሰማይ ዓረገ።

ቅዱሳን ሓዋርያት’ውን ምሕናፅ ቤተ ክርስቲያን ጀመሩ። ብሠለስተ እምኒ ምሕናፅ ጀሚሮም ክሳብ ዝፍጸም ባዕሉ እናዓበየ ተሓንፀ። ብዕለት 21 ሰኔ ሕንፃ ቤተ ክርስቲያን ምስ ተፈጸመ ጐይታናን ኣምላክናን መድኃኒናን ኢየሱስ ክርስቶስ ምስ ሓዋርያት ቀዲሱ ኣቝረቦም። (መጽሓፈ ስንክሳር 21 ሰኔ) ብድኅር’ዚ ‘እምይእዜሰ አንትሙኑ ከመዝ ግበሩ/ ካብ ሕጂ ከምዚ ግበሩ” በሎም።

እታ ሓዋርያዊትን ኣጽናፋዊትን ሥሉስ ቅዱስ፡ ወልድ ዋሕዲ ኢላ እተኣምን፣ ብደም ክርስቶስ ዝተመሥረተት ሓንቲ ምእመን ቤተ ክርስቲያን እያ። በዚ እምነት’ዚ ዝተመሥረታ ምሥጢረ ሥጋኡን ደሙን ተሠሪዑ ዝወሃበለን ኣምልኮተ እግዚአብሔር ዝፍጸመለን ቤተ ንጽሕ ቤተ በረከት ኣብ ኣርባዕተ መዓዝነ ዓለም ብስም እግዚአብሔር፡ ብስም ወላዲተ አምላክ፣ ብስም ቅዱሳን መላእክትን ሰብን ኣብያተ ክርስቲያን እናተሓንፃ ይነብራ ኣለዋ።

ወስብሐት ለእግዚአብሔር ወለወላዲቱ ድንግል ወለመስቀሉ ክቡር!

Ad Right

ዘመነ ማቴዎስ 11 ጥር 2013 ዓ.ም.ግ…

January
Tuesday
19
ዝክር፦ ተጠምቀ እግዚእነ፡ ወአስተርእዮተ መላእክት፡ ወእንጠልዮስ፡ ወዮስጦስ፡ ወጕድብ፡ ወአባ ዮሐንስ፡ ወሪቅረስ። ዘቅዳሴ ምንባብ መልእክታት፦ ቲቶ 3፡1-7። 1ይ ዮሐ. 5፡5-12። ግብረ ሓዋርያት፦ ግብ. ሐዋ. 10፡34-38። ምስባክ፦ መዝ. 41/42 ዓዲ መዝ. 113/114 ወንጌል፦ ዮሐ. 1፡29-34። ቅዳሴ፦ ቅዳሴ ዘዲዮስቆሮስ። * * *
00:00 h

ዜና ኅትመት

እዋናዊ ጽሑፋት

ሕፅበተ መድኃኒት - ምሥጢረ ጥምቀት

ቀዳማይ ሰብ ኣዳም፡ ሕገ እግዚአብሔር ብምጥሓሱ ኣብ ደቂ ሰባት ውርደትን መርገምን ን5500 ዓመት ጸኒዑ ነበረ። እንተኾነ ግና ባዕሉ እግዚአብሔር ዝሃቦ...

ስብሐተ ማኅሌት

‘ማኅሌት’፦ ‘ኀለየ፡ዘመረ፡ኣመስገነ’ ካብ ዝብል ግእዛዊ ቃል ዝወፀ ኮይኑ ምስጋና፡ መዝሙር፡ ንእግዚአብሔር ዝቐርብ መንፈሳዊ መሥዋዕት ማለት እዩ። ብሰንበት ዝቅወም ‘መዝሙር መወድስ’...

ክብረ በዓል አቡነ ሊባኖስ ብዓቢይ መንፈሳዊ ድምቀት ተኸቢሩ!

ዓመት መጽአ 3 ጥር ዝክረ ዕረፍት ኣቡነ ሊባኖስ ዝኽበር ኮይኑ ሎሚ ዓመት’ውን ኣብ ገዳሞም ክብረ በዓል ደብረ ወርቅ ኣቡነ ሊባኖስ...

ግዝረት አመ ፮ ለጥር

ሓደ ካብተን ትሽዓተ ንኡሳን በዓላት ጐይታና ኢየሱስ ክርስቶስ በዓለ ግዝረት’ዩ። ሠራዔ ሕግ ጐይታና ኢየሱስ ክርስቶስ ብዘይካ በይና ኃጢኣት ፡ ሕጊ...

ግዝረት ኣብ ክርስትና፧?!

ግዝረት፡ ማለት ሕፃን ዕልቦኡ ዝኽንሸበሉ ኵነት እዩ። ዕልቦ ፆታዊ ኽፍሊ ኣካል ናይ ሕፃን ብምቕራጽ ዝፍጸም እዩ።

ናይ ኦርቶዶክስ ተዋሕዶ ቤተ ክርስቲያን መደብ ፓልቶክ መበል 11 ዓመት…

ኣብ ትኅቲ ሃገረ ስብከት ኤውሮጳ ዝመሓደር ናይ ኦርቶዶክስ ተዋሕዶ ቤተ ክርስቲያን መደብ ፓልቶክ መበል 11 ዓመት ኣብ ትሕቲ “መስቀሉ ኣልዒሉ...

ዘመነ ልደት

ካብ 29 ታኅሣሥ ክሳዕ 5 ጥር ዘሎ ጊዜ ኾይኑ ጐይታና ኢየሱስ ክርስቶስ ብኅቱም ድንግልና ተፀኒሱ፡ ብኅቱም ድንግልና ከም እተወልደ ብሰፊሑ...

“ኮከብ ርኢና፡ ኽንሰግደሉ መጺእና” ማቴ 2፡2

ኣብ ሥነ ፍጥረት ብዕለተ ረቡዕ፡ ካብ ዝተፈጥሩ ሓደ ከዋክብት እዮም። “እግዚአብሔር ድማ ‘ንመዓልቲ ካብ ለይቲ ዝፈልዩ ብርሃናት ኣብ ጠፈር ሰማይ...

ብምኽንያት በዓል ልደት ጐይታናን መድኃኒናን ኢየሱስ ክርስቶስ 2013 ዓ.ም.ግ (2021)…

በስመ ኣብ ወወልድ ወመንፈስ ቅዱስ አሐዱ አምላክ! ኣብ ውሽጢ ሃገርን ወጻእን እትነብሩ ሕዝበ እግዚኣብሔር፡ ኣብ ሆስፒታል ዘለኹም ሕሙማነ ሥጋ፥ ሕዝብኹም ንምድኃን...

ኣብ ደብረ ሲና ቅድስት ሥላሴ መንፈሳዊ ኮሌጅ ኣብ ጕዳያት…

ብዕለት 15 ታኅሣሥ 2013 ዓ.ም. ላዕለዎት ኃለፍቲ ቤት ጽሕፈት መንበረ ፓትርያርክ ምስ ተማሃሮን ምምኅዳርን ቤት ትምህርቲ ሥነ መለኮት ብዛዕባ ኣብ...

ቤት ጽሕፈት ቅዱስ ሲኖዶስ ዘካይዶ ዘሎ ናይ ዙም ርክባት ይቕጽሎ…

ቤት ጽሕፈት ቅዱስ ሲኖዶስ ኦርቶዶክስ ተዋሕዶ ቤተክርስቲያን ኤርትራ፡ ብምኽንያት ኮረና ቫይረስ ናይ ዙም ርክባት በብጊዜኡ ይቕጽል ኣሎ።

መርሓዊ’ዩ ኣምላኽና!

ኣብቲ ጸልሚ-ጭንቂ ዓዘቕቲ ታኼላ፣ወጥሪ በዚኅወን ኣዕይንተይ ክኾላ፣ ውሽጠይ’ውን እናበለ፥ 

  

latest articles

FAITH AND WORKS

Faith is “a confidence or trust in God”. Faith gives assertion to the things we hope for and explains the...

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...

The feast Of Pentecost

IN THE NAME OF THE FATHER AND THE SON AND THE HOLY SPIRIT, ONE GOD. On this day the Holy...

Ascension

After the Lord Jesus Christ had finished the operation of His wisdom upon earth, by His Passion, and His Death...