ዜና ዕረፍት ሊቀ መዘምራን ያሬድ ካፍል

Jul 18, 2020

ኦርቶዶክስ ተዋሕዶ ቤተ ክርስቲያን ካብ ዘፍረየቶም ሊቃውንተ ዜማ ሓደ ሊቀ መዘምራን ያሬድ ካፍል እዮም። እዞም ሊቅ’ዚኦም ኣብ መበል 64 ዕድሚኦም ልክዕ ፍርቂ መዓልቲ ብዕለት 08 ሐምሌ 2012 ዓ.ም.ግ. (15/07/2020 ፈረንጂ) ብምኽንያት ሕማም ኣብ መንበሪ ቤቶም ብሰላም ዓሪፎም።

ዜና ሞቶም ምስ ተሰምዐ፡ ቤተ ሰቦምን ውሉደ ክህነትን ምእመናንን ኣስከሬኖም ኣብ ዘለዎ ገዛኦም እናመጽኡ ኀዘኖም ምስ ገለጹ፡ ኣስከሬኖም ናብ ኮከበ ገዳም ኣቡነ ገብረመንፈስ ቅዱስ ቤተ ክርስቲያን (ገጀረት) ተወሲዱ ጸሎተ ፍትሐት ክግበረሉ ኃዲሩ።

ካብ ሰዓት 1:00 ናይ ለይቲ፡ ሊቃውንት መዘምራን ስብሐተ ነግህ ቆይሞም፡ እናዘመሙ፡ መዋሥዕት እናመርሑ፡ ለዘብ እናለዘቡ፡ ቅኔ እናፍሰሱ ንጸሎተ ፍትሐት ኣሰንዮሞ ኃዲሮም። ኣብ መወዳእታ ድማ ጸሎተ ቅዳሴ ተሠሪዑ።

ብድኅር’ዚ ልክዕ ፍርቂ መዓልቲ ብዕለት 09 ሐምሌ 2012 ዓ.ም.ግ. (16/07/2020 ፈረንጂ) ኣብ መበቆል ዓዶም ኣስሓባ ንኡስ ዞባ ድባርዋ (ጉሕ ጪዓ) ሥርዓተ ቀብሮም ተፈጺሙ።

ሊቀ መዘምራን ያሬድ ካፍል፡ ኣብ መንፈሳዊ ጉባኤ ውዒሎም ትምህርቲ ኣጠናቒቖም፡ ንነዊኅ ዓመታት ዘገልገሉ፡ ወንበር ዘርጊሖም ደቀ መዛሙርት ዘፍረዩ ኣቦ እዮም።

ሊቀ መዘምራን ያሬድ ካብ ኣቦኦም ኣቶ ካፍል ዘድንግልን ኣደኦም ወ/ሮ መድኅን ተወልደን ብ17 መስከረም 1948 ዓ.ም.ግ. (1955 ፈ) ኣብ መበቆል ዓዶም ኣስሓባ ንኡስ ዞባ ድባርዋ (ጉሕ ጪዓ) ተወሊዶም።

ንዓቅመ ትምህርቲ ምስ ኣኸሉ፡ ኣብ ዓዶም ቤተ ክርስቲያን ቅድስት ሥላሴ ኣስሓባ ካብ መምህር ቀሺ ሃይለ ሃብተ ከምኡ’ውን ኣብ ገዳም ደብረ ጥሉል ኣቡነ ኣብራንዮስ (እንዳቦና) ፊደል ቈጺሮም ምሉእ ግብረ ዲቁና ተማሂሮም ብ 1958 ዓ.ም.ግ (1965 ፈ) ብብፁዕ አቡነ ሚካኤል መዓርገ ዲቁና ተሠይሙ። ብመዓርገ ዲቁና ኣብ ቅድስት ሥላሴ ኣስሓባ እናኣገልገሉ ካብ 1961 – 1970 ዓ.ም.ግ. ቅድም ካብ የኔታ ሃብተማርያም (ዓዲ ድቡስ) ያሬዳዊ ዜማ ብፍላይ ኣቋቋም ንኽልተ ዓመት ምስ ተማህሩ፡ ቀጺሎም ድማ ካብ መምህር ቅኔ የኔታ በርሀ (ማይልሓም) ቅኔ ንክልተ ዓመት ኣጽፊፎም ተማህሩ።

መኣዲ ትምህርተ ቤተ ክርስቲያን ሰፊሕን ዘይውዳእን እዩ እሞ ንዝለዓለ ትምህርት ካብ ብሉጻት ሊቃውንት ንምምሃር ካብ ትውልዲ ዓዶም ርኂቖም ናብ ጎንደር ኢትዮጵያ ኸዱ። ካብ ቦታ ናብ ቦታ እናተዘዋወሩ፡ ካብ መምህር ናብ መምህር እናተሳገሩ ካብ 1971 -  1981 ዓ.ም.ግ ክሳብ ንመምህርነት ዘብቅዕ ምስክርነት ተማህሩ። እዚ ኸኣ

  • ካብ 1971 – 1974 ዓ.ም.ግ ትምህርተ ኣቋቋም ካብ የኔታ ሄኖክ ኣብ ጉራሬ ማርያም (ወገራ)፣
  • ካብ 1974 - 1975 ዓ.ም.ግ ጾመ ድጓ ካብ የኔታ ይኄይስ ኣብ ሰቀል (ደምብያ)፣
  • ካብ 1975 - 1976 ዓ.ም.ግ ዝማሬ መዋሥዕት ካብ የኔታ መዓዛ ኣብ ዳባት፣
  • ካብ 1976 - 1977 ዓ.ም.ግ ትምህርተ ኣቋቋም ካብ የኔታ ኣእምሮ ኣብ ሰንበትየ ሚካኤል፣
  • ካብ 1977 - 1979 ዓ.ም.ግ ከም መምህር ኮይኖም ኣብ መስቀለ ኢየሱስ ሰላምየ ኣገልገሉ፣
  • ካብ 1979 - 1981 ዓ.ም.ግ ኣብ ጎንደር በኣታ ማርያም፡ ትምህርተ ኣቋቋም ንመምህርነት ብዘብቅዕ ካብ የኔታ ሄኖክ ወልደሚካኤል ምስ ኣመስከሩ ብመምህርነት ተመረቑ።

ብድኅር’ዚ ሊቀ መዘምራን ያሬድ ካፍል፡ ኣብ 1982 ዓ.ም.ግ ብልዑል መንፈሳዊ ስምዒትን ሃይማኖታዊ ቅንዓትን ናብ ሃገሮም ኤርትራ ተመልሱ። 

ከም መምህር ቤተ ክርስቲያን ኮይኖም ኣብ ኮከበ ገዳም ኣቡነ ገብረመንፈስ ቅዱስ ቤተ ክርስቲያን (ገጀረት) ብትግሃት እናኣገልገሉ ካብ ቃል ትምህርቲ ጀሚሮም ክሳብ ኣቋቋም እናመሃሩ ብዙኃት ተማሃሮ ኣፍረዩ።

ብምዑዝ ያሬዳዊ ዝማሬ ክብረ በዓል ገዳማትን ኣብያተ ክርስቲያንን ኣድሚቖም ካብ ዝኃድሩ ሊቃውንት ብቀዳምነት ዝጥቀሱ እዮም። ብምዑዝ ድምፆም ከመ ወርኀ ገሀህ ምሉእ ዘጽልመተ ሌሊት (ከም ምሉእ ወርኂ ለይቲ ዘብርሁ)፣ ቀትሪ ድማ ፀሐይ ብሩህ ኮይኖም ብዘይምስልካይ ዘገልገሉ ማኅቶተ ቤተ ክርስቲያን እዮም ነይሮም።

ድሙፀ ስብሐት ከመ ዕንዚራ ሊቀ መዘምራን ያሬድ፡ በቲ መንፈሰ እግዚአብሔር ዝዓደሎም ክፍለ ዜማን ምዑዝ ድምፅን ንውሉደ ክህነትን ሕዝበ ክርስትያንን ዘገልግል፡ “ናይ ዓመት ወረብን ምርሒት ቅኔን” ብካሴት ኣዳልዮም ኣባጺሖም እዮም ።

ኣብ ቤት ጽሕፈት መንበረ ፓትርያርክ ኣብ ዝተፈላለዩ ክፍልታት ብፍላይ ድማ ኣብ ክፍሊ ጉባኤ ሊቃውንትን ኣርትዖን . . .  ንልዕሊ 20 ዓመት ብትግሃት ኣገልጊሎም እዮም።

ሊቀ መዘምራን ያሬድ ብዓል ሓዳርን ኣቦ 2 ውሉድን እዮም። 

ቃለ ወንጌል ብተግባር ዝነብሩ ምስ ኵሉ ሰብ “ኃወይ ኃፍተይ ወደይ ጓለይ” እናበሉ ዝኸዱ ልዙብን ፈቃርን ብምዃኖም ረድኤተ እግዚአብሔር ኣይተፈለዮምን። ዋላ’ውን ሕማመ ሥጋ ኣሰኒፍዎን ከቢድዎምን ብማየ ጸሎትን ሕክምናን እናተረድኡ ንኂደት ዓመታት እንተጸንሑ፡ ክሳዕ ዕለተ ዕረፍቶም ካብ ቤተ እግዚአብሔር ኣይተፈልዩን።

እንሆ ድማ ፈቃደ እግዚአብሔር ኮይኑ መዓልቲ ዕረፍቶም በጺሓ፣ ኣብ መበል 64 ዕድሚኦም ልክዕ ፍርቂ መዓልቲ ብዕለት 08 ሐምሌ 2012 ዓ.ም.ግ. (15/07/2020 ፈረንጂ) ኣብ መንበሪ ቤቶም ብሰላም ዓሪፎም፣ ልክዕ ፍርቂ መዓልቲ ብዕለት 09 ሐምሌ 2012 ዓ.ም.ግ. (16/07/2020 ፈረንጂ) ኣብ መበቆል ዓዶም ኣስሓባ ንኡስ ዞባ ድባርዋ (ጉሕ ጪዓ) ሥርዓተ ቀብሮም ተፈጺሙ።

ሊቀ መዘምራን ያሬድ ወሪዶም ደይቦም ደኺሞም ሠናይ ገድሊ ዝተጋደሉ፡ ግቡኦም ፈጺሞም ዝተረኽቡ ገብርኄር ስለዝኾኑ “ጽቡቕ፡ ኣታ ሕያዋይን እሙንን ኣገልጋሊ ብውኁድ ተኣሚንካ ኢኻ እሞ ኣብ ልዕሊ ብዙኅ ኽሸመካ እየ፡ ናብ ሓጐስ ጐይታኻ እቶ” (ማቴ. 25፡21) ብምባል አምላከ ሕያዋን ጐይታና ኢየሱስ ክርስቶስ ዘለዓለማዊ መንግሥቱ ከምዘውርሶም እምነትና እዩ።

ዕረፍቲ ነፍሲ ይሃቦም!

ወስብሐት ለእግዚአብሔር፡ አሜን!

ዘመነ ዮሓንስ 1 ነሓሴ 2012 ዓ.ም.ግ…

August
Friday
7
ዝክር፦ አቦሊ ሰማዕት፡ ወተዝካረ ሐና እመ እግዝእትነ፡ ወዮሴፍ ወኒቆዲሞስ እለገነዝዎ ለእግዚእነ። ዘቅዳሴ ምንባብ መልእክታት፦ 1ይ ጢሞ. 2፡2-ፍጻመ 1ይ ዮሐ. 5፡1-6 ግብ. ሐዋ. 13፡38-43 ምስባክ፦ መዝ. 118/119 ወንጌል፦ ዮሐ. 19፡38-ፍጻሜ ቅዳሴ፦ ዘእግዝእትነ ማርያም። * * *
00:00 h

ዜና ኅትመት

እዋናዊ ጽሑፋት

እንቋዕ ናብ ጾመ ፍልሰታ ኣብጽሓና !

ካብ 1 ነሓሴ ክሳዕ 16 ነሓሴ 2008 ዓ.ም.ግ. ዘሎ መዓልታት ብጸሎትን ውዳሴን ቅዳሴን ከምኡ’ውን ዝጽወም ሓደ ካብ ሾብዓተ ናይ ኣዋጅ...

መቅድም ውዳሴ ማርያም

ነዚ መጽሓፍ እዚ ዝደረሶ ኤፍሬም ሶርያዊ፥ ኤፍሬም ለብሓዊ እዩ። ሶርያዊ ዝተባህለ ብሃገሩ ኮይኑ ለብሓዊ ድማ ብተግባሩ እዩ። እዚ ቅዱስ ኤፍሬም...

አሥርቆት ዘወርኀ ነሐሴ

ዮም ሠረቀ ለነ ወርኀ ቡሩክ ነሐሴ ያብጽሐነ እስከ ወርኀ ጳጕሜን በሰላመ እግዚአብሔር! ወርኀ ነሐሴ ቡሩክ መዓልቱ ዓሠርቱ ወሠለስቱ ወእምዝ የሐፅፅ።

መበል 15 ዓመታዊ ጉባኤ ቤት ትምህርቲ ሰንበት ሃገረ ስብከት ኅቡራት…

ዕለት 24-25 ሓምሌ 2012 ዓ.ም. (31/07 – 01/08 2020 ፈ.)፣ “ብጊዜኡን ኣብ ዘይጊዜኡን ጽናዕ” (2ይ ጢሞ 4፡2) ብዝብል መሪሕ ኃይለ...

ቀዳማይ መሥርሕ ኣርትዖት መጽሓፍ ቅዱስ ሐዲስ ኪዳን ንምክያድ ዝዓለመ ጉባኤ…

ብናይ ኤርትራ ኦርቶዶክስ ተዋሕዶ ቤተ ክርስቲያን እትውነን መጽሓፍ ቅዱስ ንምድላው ዝዓለመ ብክፍሊ ጉባኤ ሊቃውንት ብግእዝን ትግርኛን ዝቐረበት መጽሓፍ ሐዲስ ኪዳን...

ቅዱስ ሲኖዶስ ምስ ምምኅዳር ሃገረ ስብከት ኅቡራት መንግሥታት ኣሜሪካን ካናዳን…

ብዕለት 20 ሐምሌ 2012 ዓ.ም. (27/07/2020 ፈ.) ተወከልቲ ቅዱስ ሲኖዶስ ምስ ምምኅዳር ሃገረ ስብከት ኅቡራት መንግሥታት ኣሜርካን ካናዳን ብመንገዲ ማኅበራዊ...

ብሕንፃ እንዳ ኣቡን ኣቡነ ማርቆስ ዝፍለጥ ሕንጻዊ ጽገና ይግበረሉ ኣሎ

 ኣብ ከተማ ኣሥመራ ከባቢ ርእሰ ኣድባራት ደብረ ጽዮን ቅድስት ድንግል ማርያም ዝርከብ ብእንዳ ኣቡን ኣቡነ ማርቆስ ዝፍለጥ ዋንነት ቅድስት ቤተ...

ተኣምር ብፁዕ ወቅዱስ ኣቡነ ሰላማ ከሣቴ ብርሃን፣ ጸሎቱን በረኸቱን ምስ…

ሓደ ንእግዚአብሔር ዝፈርህ፡ ለዋህ፡ ትሑት፡ ገባሬ ሠናይን ተቐባል ጋሻን ዝኾነ ሰብኣይ ነበረ። ነፍስ ወከፍ ወርኂ ዕለት 26 ዝክር ብስም ኣቡነ...

ሓዋርያዊት ቅድስት ቴክላ

ኣብ ዘመነ ስብከቱ ንሐዋርያ ጳውሎስ ዝስዕባ ካብ ዝነበራ ቅዱሳት ኣንስት ሓንቲ ቅድስት ቴክላ እያ። ኣብ ዝተወለደትሉ ሃገር ኒቆምድያ ኣብ ቤት...

ሰማዕት ቅዱስ አበ ኖብ

ሎሚ ሕፃናት ከም ፍቓድ እግዚአብሔር ሓደ ካብ ሰማዕታት ዝኾነ ናይ ኣባ ኖብ ታሪኽ ክንርኢ ኢና። ሰማዕት ዝብል ቃል ትርጕሙ መስካሪ...

መራኄ ብርሃናት ቅዱስ ዑራኤል

ቅዱሳን መላእክት- ልዑካት እግዚአብሔር፡ ኣብሠርቲ ሐጐስ፡ ሓለውቲ ሰባት እዮም። ቅዱሳን መላእክት ወትሩ ከይደኸሙ ቅዱስ ቅዱስ ቅዱስ እግዚአብሔር ጸባዖት ፍጹም ምሉእ...

“ኣእምሮኹም ብምሕዳስ ተለወጡ ደኣ እምበር፡ ነዛ ዓለም እዚኣ ኣይትምሰልዋ” ሮሜ…

ዓለም፡ ካብ ሰብ ወፃኢ ዝቖመት ጽላሎት ኣይኮነትን። ኵሉ ሰብ ኣብኣ እናነበረ ኵሉ ናታ በረኸትን መዓትን ይካፈል። ተለዋዋጢት ስለዝኾነት’ውን ከምኣ ይለዋወጥ።

  

latest articles

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...

The feast Of Pentecost

IN THE NAME OF THE FATHER AND THE SON AND THE HOLY SPIRIT, ONE GOD. On this day the Holy...

Ascension

After the Lord Jesus Christ had finished the operation of His wisdom upon earth, by His Passion, and His Death...

Tsinset (Annunciation – Feast of Incarnation)

In accordance with the cannon of the Church, one of the nine major feast days of Our Lord. it Tsinset (Annunciation...

The feast of presenting the lord Christ in the temple…

On this day we celebrate the feast of presenting the lord Christ to the temple after 40 days of his...

The Fast of Nineveh - Monday 10 – 12 February…

In Eritrean Orthodox Tewahdo Church, one of the seven fasting periods is the fast of Nineveh.

Mystery of Baptism

Baptism is the sacrament given to all who believe in the Mystery of the Trinity and the Mystery of Incarnation...