“ወነአምን በመንፈስ ቅዱስ እግዚእ ማሕየዊ/ ጐይታን መሕወይን ብዝኾነ መንፈስ ቅዱስ ንኣምን”

Dec 25, 2019

መንፈስ ቅዱስ እግዚአብሔር እዩ!

• ጐይታናን ኣምላኽናን መድኃኒናን ኢየሱስ ክርስቶስ ክብርን ምስጋናን ንእኡ ይኹን እሞ! ካብ ዝዓርግ ኣብ ዓሥራይ መዓልቲ፡ ካብ ዝትንሥእ ኣብ ኃምሳ መዓልቲ ቅዱሳን ሓዋርያት መንፈስ ቅዱስ ተቐበሉ። መንፈስ ቅዱስ ኣብ ልዕሊ ሓዋርያት ወረደ ክበሃል ከሎ ብፍሉይ ኣካሉ መንፈስ ቅዱስ ወረደሎም ማለት ኣይኮነን። እንታይ ደኣ! ጸጋ መንፈስ ቅዱስ ተዋህቡ ንምባል እዩ። ፈርሓት ዝነበሩ ተብዓት ኮኑ፣ ካብ ብልየት ተሓደሱ፣ ብኣእምሮ በርትዑ፡ ምሥጢር ተርጐሙ፣ ሓደ ቋንቋ ዝፈልጡ ዝነበሩ ሰብዓን ሓደን ቋንቋ ተገሊጽሎም ብሰብዓን ክልተን ቋንቋ ተዛረቡ። (ግብ. ሓዋ. 2፡2-10) “እምበኣርከ በብዓይነቱ ውህበት ኣሎ፣ መንፈስ ቅዱስ ግና ሓደ ንሱ እዩ። በብዓይነቱ ኣገልግሎት ኣሎ ጐይታ ግና ሓደ ንሱ እዩ። በብዓይነቱ ዝኾነ ተግባራት ኣሎ እቲ ኣብ ኵላቶም ኵሉ ዚገብር ኣምላኽ ግና ሓደ ንሱ እዩ።” ከም ዝብል (1ይ ቆሮ. 12፡1-11) መንፈስ ቅዱስ ሓደ ክንሱ ዝተፈላለየ ጸጋ ዝህብ ኣምላኽ እዩ።

• እግዚአብሔር መንፈስ ቅዱስ፥ ዝነበረን ዘሎን ዝነብርን ፈጣሬ ኵሉ ኣምላኽ ሓደ ኣካል ካብ ሠለስተ ኣካል ሥላሴ እዩ። ሥላሴ፡ ብመለኮት ብኣገዛዝኣ ብባሕርይ ሓደ ክኾኑ ከለዉ ብስም ብግብሪ ብኣካል ከኣ ሠለስተ እዮም። ‘አብ’፥ ብኣካሉ ፈናዊ፡ ብዝተፈለየ ስሙ አብ፡ ብፍሉይ ግብሩ ወላዲ ኣሥራፂ፣ ከምኡ’ውን ለባዊ ኣለባዊ እዩ። ‘ወልድ’፥ ብፍሉይ ኣካሉ ተፈናዊ፡ ብፍሉይ ስሙ ወልድ፡ ብፍሉይ ግብሩ ተወላዲ፣ ከምኡ’ውን ነባቢ ኣንባቢ እዩ። ‘መንፈስ ቅዱስ’፥ ብፍሉይ ኣካሉ ተፈናዊ፣ ብፍሉይ ስሙ መንፈስ ቅዱስ፣ ብፍሉይ ግብሩ ሠራፂ፣ ከምኡ’ውን ሕያው ማሕየዊ እዩ። (ትርጓሜ ቅዳሴ ማርያም ቍ. 54) መንፈስ ቅዱስ ከም አብን ወልድን ፍጹም ገጽ ፍጹም ኣካል ፍጹም መልክዕ ዘለዎ እዩ። መንፈስ ቅዱስ ኣካል ዘይብሉ ዝርው ኃይሊ ኣይኮነን። ኣብ ወንጌል ማቴዎስ 3፡16 ከምዝተጠቕሰ ‘ብኣምሳል ርግቢ ምውራዱ’ ኣካላዊ ምዃኑ ዘረድእ እዩ። (ዘፍ. 18፡1-6፣ ኢሳ. 41፡4፣ ዮሓ. 1፡1-4፣ ሃይማኖተ አበው ዘቅዱስ ቄርሎስ)

• መንፈስ ቅዱስ ካብ አብ ይሠርፅ እምበር ካብ ወልድ ኣይሠርፅን እዩ። “ወሶበ መጽአ ጰራቅሊጦስ ዘአነ እፌኑ ለክሙ እም ኀበ አብ መንፈሰ ጽድቅ ዘይወፅእ እም ኀበ አብ ውእቱ ሰማዕትየ/ እቲ ኣነ ካብ አብ ዝሰደልኩም ጰራቅሊጦስ መጸናንዒ ካብ አብ ዝወፅእ መንፈስ ሓቂ ምስ መጽአ ንሱ ኪምስክረለይ እዩ” ከምዝብል። (ዮሓ. 15፡26) መንፈስ ቅዱስ፡ ካብ አብ ይሠርፅ ክበሃል ከሎ፡ ንአብ ኣኺሉን መሲሉ ተረኺቡ ማለት እዩ። መንፈስ ቅዱስ ዝወርድ ዝወፅእ ዝኸይድ ዝመጽእ ተለኣኻይ ሕፁፅ ኣይኮነን። ‘ኣነ’ ክብል ዝኽእል ፍጹም ኣካል ዘለዎ ብሥልጣን ብኣገዛዝኣ ብመለኮት ምስ አብን ወልድን ሓደ እዩ። መለኮትሲ አብ ወልድ መንፈስ ቅዱስ እዮም። አብ ወልድ መንፈስ ቅዱስ ሓደ አምላኽ እዮም። ብመንግሥቲ፡ ብሥልጣን፡ ብግዝኣት ሓደ እዮም። “አብን ወልድን ኣብ ዘለውዎ ንመንፈስ ቅዱስ ንርእዮ ኢና፣ ኣብ አብን ወልድን ዘሎ ኽብሪ ኣምላኽነት’ውን ንመንፈስ ቅዱስ ገንዘቡ እዩ። እዚ ድማ ሕያውነት፡ ይቕሬታ፡ ፍልጠት፡ ቅድስና ሕይወት፡ ንጽሕና እዩ። (መዝ. 111፡2-4፡ 147፡5 ፣ ኢሳ. 6፡1-5፣ ዮሐ. 15፡26-27፣ 1ይ ቆሮ. 1፡30-31፣ ሃይማኖተ ኣበው ዘቅዱስ ባስልዮስ 33፡39)

• መንፈስ ቅዱስ ፈጣሪ እዩ። “ኣምላኽ ብመጀመርታ ሰማያትን ምድርን ፈጠረ።” ከምዝብል (ዘፍ. 1፡1) አብን ወልድን መንፈስ ቅዱስን ‘ለይኩን’ ኢሎም ፈጠሩ። ኣብ ዘፍጥረት 1፡26 “ኣምላኽ ኸኣ ብመልክዕና ከም ምስልና ሰብ ንፍጠር በለ” ከምዝብል ንሓድነት ሥላሴ ኽገልጽ ‘ኣምላኽ ኸኣ . . ’ ክብል ከሎ ‘ንፍጠር’ ኢሉ ድማ ንሠለስትነቱ የረድእ። ኣቦና ኢዮብ’ውን “መንፈስ ኣምላኽ እዩ ዝፈጠረኒ፣ እስትንፋስ እቲ ዅሉ ዚኽእል እዩ ሕይወት ዝሃበኒ።” ብምባል መንፈስ ቅዱስ ፈጣሪ እግዚአብሔር ምዃኑ ይገልጸልና። (ኢዮብ 33፡4)

• መንፈስ ቅዱስ፡ ስሙ ዝባረኽን ዝቕደስን ምዃኑ ንኸረድኣና ሓዋርያ ቅዱስ ጳውሎስ፦ “ ጸጋ ጐይታና ኢየሱስ ክርስቶስን ፍቕሪ ኣምላኽን ኅብረት መንፈስ ቅዱስን ምስ ኵልኹም ይኹን ኣሜን” ብምባል መንፈስ ቅዱስ ብህልውና ምስ አብን ወልድን ሓደ ስለዝኾነ ኅብረት ሓድነት ሂቡ ከጽንዓና ቃለ ቡራኬ ሃበና። (2ይ ቆሮ. 13፡13)

• ሊቃውንተ ቤተ ክርስቲያን’ውን ናይ መንፈስ ቅዱስ ፈጣሪነትን ግብርን ኽገልጹ ከለዉ፡- “ወነአምን በመንፈስ ቅዱስ እግዚእ ማሕየዊ ዘሠረፀ እም አብ ንስግድ ሎቱ ወንሰብሖ ምስለ አብ ወወልድ ዘነበበ በነቢያት ” ብምባል ኣብ ጸሎተ ሃይማኖት ጠቂሶምልና ኣለዉ።

• እግዚአብሔር መንፈስ ቅዱስ ጰራቅሊጦስ፥ መጽንዒ፡ መንጽሒ፡ ናዛዚ፡ ከሳቲ፡ መስተፍሥሒ፡ መስተሥረዪ እዩ። ንዝኃዘኑ ዘጽንዕ፡ ንዝደኸሙ ዘበርትዕ፡ ንውሉደ ክህነት ናብ ኣገልግሎት፡ ንምእመናን ናብ ጸሎትን ምጽዋትን፡ ንሰማዕታት ናብ ደም፡ ንመነኮሳት ናብ ገዳም ከምዝነቕሑን ከምዝለዓሉን ዝገብር እዩ። (ዮሐ. 16፡13) ጸጋኡ ዓቢይን ዝተፈላለየን እዩ እሞ ንቤተ ክርስቲያን ዝቕድስን ዘጽንዕን እዩ። (1ይ ቆሮ. 12፡1-11)

ጸጋኡ የብዝኃልና!
ወስብሐት ለእግዚአብሔር ወለወላዲቱ ድንግል ወለመስቀሉ ክቡር!

ዘመነ ዮሐንስ 24 መጋቢት 2012 ዓ.…

April
Thursday
2
ዝክር፦ አባ መቃርስ ሊቀ ጳጳሳት፡ ወአፈድፈዱ ምክረ ላዕለ እግዚእነ። ዘቅዳሴ ምንባብ፦ ገላ. 4፡12-20 1ይ ጴጥ. 1፡21-ፍጻሜ ግብ. ሐዋ. 5፡12-16 ምስባክ፦ መዝ. 81/82 ወንጌል፦ ማቴ. 26፡1-5 ቅዳሴ፦ ዘ፫፻ት ግሩም።         *   *   *
 - 23:00 h
Ad Right

ዜና ኅትመት

እዋናዊ ጽሑፋት

በቴርጌላ ማርያም - ካብ ተላባዒ ሕማም ዝደኃነ ብጸሎት ማርያም!

ናይ እግዚአብሔር ምሕረት ናይ ኣዴና ቅድስት ድንግል ማርያም ጸሎት ምስ ኵልና ይኹን እሞ ኣብ መጽሐፈ ተአምረ ማርያም ካብ ዝሰፈሩ ተአምራት...

በቴርጌላ ማርያም - ካብ ተላባዒ ሕማም ዝደኃነ ብጸሎት ማርያም!

ናይ እግዚአብሔር ምሕረት ናይ ኣዴና ቅድስት ድንግል ማርያም ጸሎት ምስ ኵልና ይኹን እሞ ኣብ መጽሐፈ ተአምረ ማርያም ካብ ዝሰፈሩ ተአምራት...

መግለጺ ቅዱስ ሲኖዶስ

ቅዱስ ሲኖዶስ ብምኽንያት ሕማም ኮረና ቫይረስ ሓዲሽ መግለጺ ኣውጺዑ!

6ይ ሰንበት፡ ‘ገብርኄር’

  ሻዱሻይ ሰንበት ዓቢይ ጾም “ገብርኄር” ትበሃል። እዛ ሰንበት እዚኣ ‘ገብርኄር’ ዝተሰምየት፡ ማኅሌታይ ቅዱስ ያሬድ ኣብ ዝደረሶ ጾመ ድጓ፡ ብዛዕባ ቅኑዓት...

ገብር ኄር

  ኣብ ዓቢይ ጾም ኣብ ዝርከቡ ሸሞንተ ሰናብቲ እታ ሻድሸይቲ ሰንበትን ምስኣ ዘላ ሰሙን ገብርኄር ተባሂላ ትፍለጥ። ጐይታ ሠራዊት እግዚአብሔር ነዛ...

ገዳም ደብረ ጽጌ ወደብረ ድኁኃን አቡነ ዮናስ

ሀሎ አሐዱ ብእሲ በአሐቲ ሀገር እንተ ስማ ቡር ሀገረ መስቀል ዘስሙ ንዋየ እግዚእ ወስመ ብእሲቱ ኂሩተ ማርያም / ኣብ ‘ቡር...

ንግደት ኢየሩሳሌም ኣብ በዓለ ፋሲካ 2012 ዓ.ም.ግ. (2020 ዓ.ም.) ንዘይተወሰነ…

ብመሪሕነት ቅዱስ ሲኖዶስን ብማእከልነት ቤት ጽሕፈት መንበረ ፓትርያርክን ኦርቶዶክስ ተዋሕዶ ቤተ ክርስቲያን ኤርትራ ተማእኪሉ ዝካየድ ንግደት ናብ ሀገረ ቅድስት ኢየሩሳሌም፡...

ደብረ ዘይት - ነገረ ምጽአተ ክርስቶስን ኅልፈተ ዓለምን

ኣብ ዓመት ብዛዕባ ዳግማይ ምጽኣት ጐይታናን ኣምላኽናን መድኃኒናን ኢየሱስ ክርስቶስ ከምኡ’ውን ኅልፈተ ዓለም ብፍሉይ እንዝክረሉ ሠለስተ ጊዜያት ኣለዉ። እቲ ሓደ...

“ወዝንቱ ዘመድ ኢይወፅእ ዘእንበለ በጾም ወበጸሎት። /እዚ ከምዚ ዝበለ ብዘይ…

 ዘለናዮ ቅንያት፡ ናይ ጐይታናን አምላኽናን መድኃኒናን ኢየሱስ ክርስቶስ ጾም ኣብነት ብምግባር፡ ፈቃደ ሥጋና ብፈቃደ ነፍስና ኣግዚእና፡ ካብ አኃዜ ኵሉ ወብዙኀ...

ኣብ ሓፈሻዊ ኣገልግሎትን ባጀታዊ ኣሠራርሓን ዘተኮረ ጉባኤ ተኻዪዱ! 

10 መጋቢት 2012 ዓ.ም.ግ ኣብ ሓፈሻዊ ኣገልግሎትን ባጀታዊ ኣሠራርሓን ዘተኮረ ጉባኤ ብመራሕ ሥራሕ ሃገረ ስብከት ኣሥመራ ሊቀ ካህናት ዘርአ ኣስመላሽን...

ክቡር መስቀል

 ጐይታ ዓለማት ክርስቶስ፡ ዝተሰቕለሉ መስቀልምሥጢሩ ዓሚቝ’ዩ ታሪኽ እንተ ዝግንጸልእስራኤላዊ ቀሲኑ ምድረ ተስፋ ከይርኢ ኪለዓል ጀመረ ናይ ኣማሌቅ ጸብኢ

‘ይሁዳ ጠፍአ፡ ቅዱስ ማትያስ ተክአ’

ነታ እግዚአብሔር ብደሙ ዝመሥረታ ቤተ ክርስቲያን፡ ብስብከቶምን መጻሕፍቶምን፡ ብገድሎምን ትሩፋቶምን ስለዝጓሰይዋ ቅድስት ቤተ ክርስቲያን ንቅዱሳን ሓዋርያት ዓቢይ ክብሪ ትህቦም። ንኣብነት፦...

  

latest articles

The feast of presenting the lord Christ in the temple…

On this day we celebrate the feast of presenting the lord Christ to the temple after 40 days of his...

The Fast of Nineveh - Monday 10 – 12 February…

In Eritrean Orthodox Tewahdo Church, one of the seven fasting periods is the fast of Nineveh.

Mystery of Baptism

Baptism is the sacrament given to all who believe in the Mystery of the Trinity and the Mystery of Incarnation...

Mystery of Incarnation

Mystery of Incarnation means the mystery of the descending of God the Son who is one of the Trinity from...

Mystery of the Holy Trinity

The Eritrean Orthodox tewahdo Church has Five pillars of Mysteries through which it teaches and demonstrates its basic religious belief...

Welcome to the Feast of the Nativity of Our Lord…

Glory to God. When the appointed time of salvation and the foretold prophesies came to pass, God the Son come to...

In Memory of His Holiness Abune Yacob the Second Patriarch…

His Holiness Abune Yacob, the Second Patriarch was one of the reputable leaders of the EriOTC, a shining star of...

Fast of the Prophets (Advent)

15th November (geez calander), marks the first day of the Advent Fast, a period of abstinence and penance practiced by...

FASTING

Fasting is abstinence from all things that a body needs, and one has to fast from animal products and from...

The Eritrean Orthodox Tewahdo Church (EriOTC)

In the name of the Father, and of the Son, and of the Holy Spirit, One God. “We call our...

Holy of Holies Our Lady, the virgin Mary

The word holy (kidus) in Geez denotes being special, pure and esteemed. This prefix is an attribute to denote the...

HOLY SCRIPTURES (part one)

All Scriptures are written with the inspiration of the Spirit of God or the breath of God. They are also...