“ልሕቀ በበሕቅ / በብንእሽቶ ዓበየ”

Jan 18, 2020

ባዕሉ እግዚአብሔር ዝሃቦ ተስፋን፡ ነቢያት ዝተነበይዎ ትንቢትን ንምፍጻም፡ ኣካላዊ ቃል እግዚአብሔር ወልድ ኢየሱስ ክርስቶስ፡ ፍጹም ሰብ ኮይኑ ኣብ ቤተ ልሔም ተወልደ። እቲ ዘመን ዘይቍጸረሉ ኣምላኽ በቲ ዝለበሶ ሥጋ ዘመን እናተቘጽረሉ፣ ሕጊ ጠባያኣውን ሕጊ መጽሓፋውን ፈጸመ።

‘ሕጊ ጠባያኣዊ’፥ ማለት ‘ኣምላኽ እየ’ ኢሉ ብሓንሳእ ናይ ዕብየት ተግባር ኣይፈጸመን። ብህልውና መንፈስ ቅዱስን ጠባይኣዊ ጥበብ ተመሊኡን በርትዓተ መለያልየ (ብኣካል፡ ብቑመት) ብብንእሽቶ ዓበየ። ምዕባይ ማለት ብኣካለ ሥጋ እዩ፣ እዚ ድማ ከም ቀዳማዊ ኣዳም እዩ/ ልህቃንሰ በአካል ዘሥጋ . . . ዝኒ ከመ አዳም ቀዳማዊ/ ” ከምዝብል (ኤራቅሊስ ሃይ. አበው 48፡37)። ከምኡ’ውን “ልሕቀ በበሕቅ እንዘ ይትኤዘዝ ለአዝማዲሁ እንተ ይእቲ እሙ/ ንኣደኡ እናተኣዘዘ በብንእሽቶ ዓበየ።” ከምዝብል።

ሕጊ መጽሓፋዊ ድማ ሕጊ ኦሪት ምፍጻም እዩ። ሠራዔ ሕግ፡ ሓጋጌ ብሉይን ሓዲስን ጐይታ ‘ፈጻሜ ሕግ’ ኮነ። ብዘይካ በይና ኃጢኣት፥ ናይ ሰብ ሥራሕ ኵሉ ፈጸመ። ካብ ዝውለድ ኣብ መበል ሻሙናይ መዓልቲ ኣብ ቤተ ግዝረት ከደ። (ዘሌ. 12፡1-8 ፣ ሉቃ. 2፡21) ኣብ መበል 40 መዓልቲ ድማ ናብ ቤተ መቅደስ ኣተወ። (ሉቃ. 2፡22-27) ከምኡ’ውን ኣብ ዓመት ሠለስተ ጊዜ በዓል ንምኽባር ናብ ኢየሩሳሌም ከደ። (ሉቃ. 2፡42)

 ኣብ ቤተልሔም ዝተወልደ ጐይታ፡ ንሥልጣኑ ዘኅድግ ምድራዊ ንጉሥ መሲልዎ ንጉሥ ሄሮድስ፡ ካብ መንጐኦም ከይሃለወ ኣይተርፍን’ዩ ብምባል ክልተ ዓመትን ካብኡ ንታሕትን ንዝነበሩ 144,000 ሕፃናት ኣቕተለ።

ጐይታ ድማ ምስ ኣደኡ ቅድስት ድንግል ማርያምን ቅዱስ ዮሴፍን ቅድስት ሰሎሜን ብዙኅ ፀዋትወ መከራን ግፍዕን እናኣኅለፈ ናብ ግብጺ ተሰዲዱ፡ ድኅሪ ሠለስተ ዓመትን መንፈቕን ናብ ናዝሬት ተመልሰ። (ማቴ. 2፡13-23፣ ተአምረ ማርያም)

ጐይታና ኢየሱስ ክርስቶስ ናይ ኃሙሽተ ዓመት ሕፃን እንከሎ፡ ብጭቃ ጠፍጢፉ ዓሠርተው ኽልተ ኣዕዋፍ ገበረ። ብድኅር’ዚ ‘ኡፍ’ ኢሉ ሕያዋን ገይሩ ኣብረሮም። (ተኣምረ ኢየሱስ)

“ወአመ ኮኖ ፍጹመ ሎቱ ዐሠርቱ ወክልኤቱ ክረምቱ ዐርጉ ለበዓል ኢየሩሳሌም/ ንጐይታና ኢየሱስ ክርስቶስ 12 ዓመት ምስ ኮኖ በዓል ከኽብር ምስ ኣደኡ ቅድስት ድንግል ማርያምን ቅዱስ ዮሴፍን ናብ ኢየሩሳሌም ደየቡ። በዓሎም ኣኽቢሮም ምስ ፈጸሙ መልክዑ ንምርኣይ ኵሉ ሰብ ይቀዳደመሉ ስለ ዝነበረ፡ ምስቶም ኣቐዲሞም ዝኃለፉ ኣብ መንገዲ ዘሎ መሲልዎም ምትራፉ ከይፈለጡ ኣደኡ ድንግል ማርያምን ቅዱስ ዮሴፍን ናብ ናዝሬት ተመልሱ። ጐይታ ግና ኣብ ኢየሩሳሌም ተሪፉ ነበረ። ምስ በጽሑ ንዕለቱ ኣብ ኣዝማድን ኣብ ዝፈልጥዎን እንተደለይዎ እኳ ኣይረኸብዎን። ምስ ሰኣንዎ እናደለይዎ ናብ ኢየሩሳሌም ተመልሱ። ብድኅር’ዚ ኣብ መበል ሣልሳይ መዓልቲ ኣብ ማእከል ሊቃውንት ተቐሚጡ ረኸብዎ። ነቶም ሊቃውንት ይሰምዖምን ይሓቶምን ይምልሰሎምን ነበረ። በቲ ጥበብ ዝመልኦ ሕቶኡን መልሱን ኵሎም እቶም ዝሰምዑ እምብዛ ተደነቑ። ከመይ! ሕፃን ኣብ ማእከል ሊቃውንት ተቐሚጡ ክምልስ ስለ ዘሰንብድ እዩ። ብድኅር’ዚ ምስ ኣደኡ ድንግል ማርያምን ቅዱስ ዮሴፍን ናብ ናዝሬት ከደ። ይእዘዞም ከኣ ነበረ።

ጐይታና ኢየሱስ ክርስቶስ፡ ከም ሕፃናት ምስ ሕፃናት ፊደል ዕብራውያን ተማሂሩ እዩ። “ወተምህረ ሕገ ዕብራውያን” ከምዝብል ኣባ ሕርያቆስ። (ቅዳሴ ማርያም ቍ. 97)

ቅድስት ድንግል ማርያም፡ ንጐይታ ናብ ቤት ትምህርቲ ወሲዳ ንመምህር መሃሮ ኢላ ሃበቶ። እቲ መምህር ‘አሌፍ በል’ በሎ፣ ጐይታ ድማ ‘አሌፍ’ በለ። ደጊሙ እቲ መምህር ‘ቤት በል’ ምስ በሎ፣ ጐይታ ኸኣ “ ናይ አሌፍ ትርጕም እኳ ዘይነገርካኒ፡ አሌፍ እንታይ ማለት እዩ፧” ክብል ሓተቶ። እቲ መምህር እናተደነቐ “ሕፃንሲ ዝነገርዎ ይቕበል እምበር ዘይነገርዎ’ዶ የሓትት’ዩ፧” ብምባል ኣምላኽነቱ ተረዲኡ ‘ኣነ ነዚ ምስትምሃር ኣይከኣለንን እዩ” ኢሉ መለሶ።

ደጊማ ቅድስት ድንግል ማርያም ናብ ካልእ መምህር ወሰደቶ። ንሱ ድማ ጸሓፊ ነበረ’ሞ ብምኽንያት ሥራሕ ናብ ቤቱ ኣትዩ ከሎ ነቲ ቀይሕን ጸሊምን ቀለም ሓዋዊስሉ ጸንሖ። እቲ መምህር በዚ ተበሳጭዩ “ዝንቱ ወልደ መበለት አማሰነ ቀለምየ/ ቀለመይ ሓዋዊሱ ኣባላሺለይ” ኢሉ ገጹ ጸፍዖ። ጐይታ ግና “ፍለየለይ ከኣ ትብለኒ እምበር ስለምንታይ ትጸፍዓኒ፧” ምስ በሎ ‘ካብ ቅድሙ ዳኅራዩ ይገድድ’ ብምባል ገሠፆ። ድኅር’ዚ ጐይታ ነቲ ቀይሕን ጸሊምን ቀለም ፈላልዩ ሃቦ። በዚ ኸኣ እቲ መምህር ኣምላኽነቱ ተረድአ።

ነዚ ኵሉ ግና ኣዴና ቅድስት ድንግል ማርያም፡ ኣብ ልባ ትዕቅቦ ነበረት። (ሉቃ. 2፡19)

እንሆ ድማ ብኣማላድነት ኣዴና ቅድስት ድንግል ማርያም እትምሕፀን ቅድስት ቤተ ክርስቲያንና፥ ነቲ ጐይታና ኢየሱስ ክርስቶስ ካብ ፅንሰቱ ክሳዕ ሠላሳ ዓመቱ ዘሎ ዕድሚኡ ዝፈጸሞ ሕጊ ጠባያኣውን ሕጊ መጽሓፋውን ከምኡ’ውን ዝገበሮ ተኣምራትን ኣብ ቅዱስ ወንጌል፡ ተኣምረ ኢየሱስ፡ ተአምረ ማርያም. . . ካልኦት ቅዱሳት መጻሕፍት ብዝርዝር ገሊጻትልና ኣላ። 

ወስብሐት ለእግዚአብሔር፡ ወለወላዲቱ ድንግል ወለመስቀሉ ክቡር፡ አሜን!

Ad Right

ዘመነ ማርቆስ 15 መስከረም 2014 ዓ.…

September
Saturday
25
ፍልሰተ ሥጋሁ ለእስጢፋኖስ፡ ወአባጴጥሮስ። ዘቅዳሴ ምንባብ መልእክታት ቈላ.1፡1-10 ያዕ. 5፡13-ፍጻሜ ግብረ ሓዋርያት ግብ. ሐዋ. 6፡7-ፍጻሜ ምስባክ መዝ. 127/128 ወንጌል ዮሐ. 15፡12-19 ቅዳሴ ቅዳሴ ዘወልደ ነጐድጓድ። * * *
00:00 h

ዜና ኅትመት

እዋናዊ ጽሑፋት

ኃይሊ ቅዱስ መስቀል ኣብ ዘመነ ኣበው።

በስመአብ ወወልድ ወመንፈስ ቅዱስ አሐዱ አምላክ ኣብ ዘመነ ኣበው’ውን እንተኾነ ናይቲ ኺመጽእ ዘለዎ ኣማናዊ መስቀል ጽላሎት ኮይኑ ብዙኅ ተኣምራት ሰሪሑ እዩ፤...

ሓድነታዊ ጉባኤ ሓድሽ ዝተመርጸ ምምሕዳር ሰበካ ጉባኤን ምእመናን ኣባላት ሰበካ…

መሪሕነት ኣባላት ሰበካ ጉባኤ መድኃኔ ዓለም ኦርቶዶክስ ተዋሕዶ ቤተ ክርቲያን ኤርትራ (ሉሳካ) ከምኡውን ምእመናን ምእመናት ነበርቲ ሃገረ ዛምብያ ብማእከልነት ቀሲስ...

ጉባኤ ማኅበር መላእ ኣብያተ ክርስቲያናት ኣፍሪቃ ኣብ ሃገረ ዛምብያ ይካየድ…

ብማኅበር መላእ ኣብያተ ክርስቲያናት ኣፍሪቃን(AACC) ብኣኣንጋድነት ቤት ምኽሪ ኣብያተ ክርስቲያናት ዛምብያ (CCZ) ተወዲቡ፡ ኣብ ዛዕባ ሕዝባዊ ዕዳን ብልሽውናን ምቁጽጻር ከምኡ’ውን...

ጉባኤ ኤፌሶን (431 ዓ.ም.) 1ይ ክፋል

ዝቐደመ ጉባኤታት ኣብ ምሥጢረ ሥላሴ ንዝተላዕለ ኑፋቄታት፣ ብፍላይ ብተመሃሮ ቤት ትምህርቲ አንጾኪያ፣  መልሲን ግቡእ መግትኢ ዝኸውን ውግዘትን ኣቐሚጡ ነበረ። ብድሕሪ...

በዓለ ሥእል ዘጼዴንያ

ብመሠረት ትምህርቲ ቅድስት ቤተ ክርስቲያን ካብ ቅዱሳት ኣሣእል ብዙኅን ዓቢይን ጥቕሚ ይርከብ። ኣብ ቅዱሳት መጻሕፍቲ ዝርከቡ ትምህርትታትን ታሪኻትን ብሥእላዊ ኣገላልጻ...

በዅሪ ጽምብል ሥነ ሥርዓት መመረቕታ ኮለጅ ነገረ መለኮት ደብረ ሲና…

ኮለጅ ነገረ መለኮት ደብረ ሲና ቅድስት ሥላሴ ዘኦርቶዶክስ ተዋሕዶ ቤተ ክርስቲያን ኤርትራ፡ ብመዓልታውን ምሸታውን መርሐ ግብር ክምህሮም ካብ ዝጸንሐ ተማሃሮ፡...

“ነቢይ ኢሳይያስ”

ነቢይ ማለት ፡ መንፈስ ትንቢት ኃዲርዎ ብዛዕባ ዚመጽእ ትንቢት ዚንበ፣ ብዛዕባ ዝኃለፈን ዚመጽእን ራእይ ዚርኢ፣ ብዛዕባ ግብረ እግዚአብሔር ኣብ ታሪኽ...

ዜና መዋዕል ካብ ልደት ክሳዕ ግብአተ መሬት መሪጌታ ባራኺ ገብረመድኅን…

በስመ አብ ወወልድ ወመንፈስ ቅዱስ አሐዱ አምላክ! “በድርየኒ ፈጸምኩ ወሃይማኖትየኒ ዐቀብኩ፡ እንከሰ ጽኑሐ ሊተ አክሊለ ጽድቅ ዘየዐሥየኒ እግዚአብሔር ይእተ ዕለተ መኰንነ...

ኣብ ቤት ማኅተም ኮከበ ጽባሕ ንልዕሊ 20 ዓመት ዝሠርሑ መሪጌታ…

ናይ ኤርትራ ኦርቶዶክስ ተዋሕዶ ቤተ ክርስቲያን ቤት ማኅተም ኮከበ ጽባሕ ማኅበረ ሓዋርያት ንልዕሊ 20 ዓመት ዝሠርሑ መሪጌታ በራኺ ገብረመድኅን ኣብ...

እንቋዕ ካብ ዘመነ ማቴዎስ ናብ ዘመነ ማርቆስ ብሰላም ኣሰጋገረናን ኣብጽሓናን!

ዝናም ብመብረቕን ድምፂ ነጐድጓድን ተዓጂቡ ንምድሪ ዘዕለቕልቐሉ ወርኀ ክረምት ኣኅሊፉ፡ ንምድሪ ብልምላሜን ጽጌያትን ኣወቂቡ፡ ናብዚ ሓዲስ ዘመን ንሰጋገረሉ ወርኀ መስከረም...

ካብ ርእሰ ዓውደ ዓመት ክሳዕ ፀአተ ክረምት

1. ካብ ዮሐንስ (መለወጢ ዘመን ) ክሳዕ ዘካርያስ (1 መስከረም ክሳዕ 8 መስከረም) ሓድሽ ዓመት ዝትክኣሉ እዋን ስለዝኾነ ኣብ ልቢ ክርስቲያን...

ቃለ ቡራኬ ርእሰ ዓውደ ዓመት 2014 ዓ.ም.

አቀድም አእኵቶቶ ለእግዚአብሔር በኢየሱስ ክርስቶስ በእንተ ኵልክሙ እስመ ተሰምዓት ሃይማኖትክሙ ውስተ ኵሉ ዓለም። (ሮሜ ፲፩፡፰)/ ኣቐዲመ ንዂልኻትኩም ብኢየሱስ ክርስቶስ ሃይማኖትኩም...

  

latest articles

Transfiguration: (Debre Tabor)

This is the day celebrated on Nehase (August) 13 G.C. in which Our Lord Jesus Christ during his ministry, manifested...

PRAYER

Prayer is a word by which man communicates with his Creator in Faith, thanking and beseeching Him for the forgiveness...

FAITH AND WORKS

Faith is “a confidence or trust in God”. Faith gives assertion to the things we hope for and explains the...

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...