ምሥጢረ ሜሮን

Jul 01, 2016

‘ሜሮን’፡ ድኅሪ ሥርዐተ ጥምቀት ዚፍጸም ጸጋ እግዚአብሔር ንምእመናን ዝወሃበሉ “ቅዱስ ቅብኣት” እዩ። ብዝርአ ኣገልግሎት ምቕባእ፡ ነቲ ዘይርአ ጸጋ መንፈስ ቅዱስ ስለዘውህብ ምሥጢረ ሜሮን ይበሃል። እዚ ምሥጢር’ዚ ድኅሪ ምሥጢረ ጥምቀት ዚፍጸምን ንእኡ ዘጽንዕን ብምዃኑ ዘይድገም ምሥጢር እዩ። ከምኡ’ውን ሓድሽ ጽላት፡ ሓድሽ ቤተ ክርስቲያን ሓደስቲ ንዋየ ቅድሳትን ኣሣእልን ምእንቲ ኪቕደሱ ቅብኣ ሜሮን ይቕብኡ እዮም።

ቅዱስ ቅብኢ ሜሮን ካብ ብዙኃት ናይ ዘይቲ ጠባይ ዘለዎም ኣትክልቲ ምስ ተዳለወ ብፍሉይ ጸሎት ቅዱስ ፓትርያርክን ሊቃነ ጳጳሳትን ተባሪኹ ይኸብር።

ቅብኣ ሜሮን ካብ ብዙኅ ዘይቲ ኣትክልቲ ተሓዋዊሱ ሓደ ምዃኑ መንፈስ ቅዱስ ሓደ ኪኸውን ከሎ ሃብትታቱ ግና ብዙኅ ምዃኑ ዘረድእ’ዩ።


• ቅብኣ ሜሮን ኣቐዲሙ ኣብ ብሉይ ኪዳን ንመንፈሳዊ ኣገልግሎት ይውዕል ነይሩ እዩ።
ያዕቆብ፦ ካብ ኣዳም ጀሚሮም ክሳዕ ሙሴ ዝነበሩ ኣበው ካብ እግዚአብሔር እናተሸሙ፡ ሃብተ ትንቢትን ክህነትን መንግሥትን እናተቐበሉ የገልግሉ ነበሩ። ኣቦና ያዕቆብ ውን ናይ’ዚ በረኸት እዚ ተኻፋሊ ኾይኑ ነታ ራእይ ሰማያት ዝረኣየላ ቦታ ዘይቲ ኣፍሲሱላ እዩ። (ዘፍ. 26፡10-ፍጻሜ) እዚ ንካህናት ሓዲስ ኪዳን ኣብነት እዩ።

እቲ ዘይቲ፡ ናይ ምሥጢረ ሜሮን፣ ኣቦና ያዕቆብ ናይ ካህናት ምሳሌ ኾይኑ ኣቦና ያዕቆብ ነቲ ቦታ ዘይቲ ኣፍሲሱ ከምዘኽበሮ ካህናት ድማ ብቅብአ ሜሮን ጸጋ እግዚአብሔር የውህቡ። ንጸጋ ጥምቀት’ውን የኽብሩሉ።

ኣሠራርሓን ኣገልግሎትን ቅዱስ ቅብኢ ንሊቀ ነቢያት ሙሴ ዝመሃሮ ልዑል እግዚአብሔር እዩ። ንሙሴ ኪዛረቦ ኸሎ “ንእኡ ከምቲ ኽኢላ ገባር ቅብኢ ዝገብሮ ጌርካ ጥዑም ዝጨናኡ ቅዱስ ዘይቲ ቅብኣት ግበሮ። ንሱ ቅዱስ ዘይቲ ቅብኣት ይኹን። ሽዑ ብእኡ ጌርካ ነቲ ኣነ ዝርከበሉ ድንኳን ምርኻብን ንታቦት ኪዳን፡ ንሰደቓን ነቲ ኣብ ሰደቓ ዘሎ ኣቕሑን፡ ንቐዋሚ ቐንዴል ምስ ናውቱ፡ ንመሠውዒ ዕጣን፡ ንመሠውዒ ናይቲ ዚሓርር መሥዋዕቲ ምስ ኣቕሑኡ፡ ነቲ ሸሓንን ኣጋሮኡን ቅባእ። ነዚ ዅሉ ቐድሶ እሞ ዅሉ ፍጹም ቅዱስ ኪኸውን እዩ። ዝተንከዮ ዘበለ ዅሉ ኸኣ ኺቕደስ እዩ’ በሎ። (ዘፀ. 30፡25-29) እቶም ብክህነት ኬገልግሉ ዝተመደቡ ኣሮንን ደቁን ክህነቶም በዚ ቅዱስ ቅብኢ ጸንዐ። “ንኣሮንን ንደቁን ብክህነት ምእንቲ ኬገልግሉኒ ቅብኣዮምን ቀድሶምን” በሎ። (ዘፀ. 30፡30) እዚ ሥርዓት’ዚ ቐጻልነት ዘለዎን ንወለዶታት ዚመኃላለፍ ምዃኑን ኪገልጽ ከሎ’ውን “እዚ ንውሉድ ወለዶኹም ቅዱስ ዘይቲ ቅብኣት ይኹነለይ” ይብል። (ዘፀ. 30፡31) እዚ ቅዱስ ቅብኢ’ዚ ከም ተራ ቅብኣት ዝኾነ ሰብ ኪሠርሖን ኪጥቀመሉን ከም ዘይግባእ ከረድእ ከሎ፡- “ኣብ ኣካላት ማንም ሰብ ኣይኵዖ፡ በቲ ናቱ ኣቃምማ ዝተዳለወ ኻልእ ዘይቲ ኣይትግበሩ። ንሱ ቅዱስ’ዩ እሞ ንኣኻትኩም ከኣ ቅዱስ (ፍሉይ) ይኹን። እቲ ኸምኡ ዝበለ ቅብኢ ዝገበረን እቲ ካህን ንዘይኮነ ኻልእ ሰብ ካብኡ ዝለኸየን፡ ካብ ሕዝቡ ይወገዝ” ይብሎ። (ዘፀ. 30፡32-33) በዚ መሠረት ካብ ቤተ ኣሮን (ነገደ ሌዊ) ዝተወልደ ብኽህነት ከገልግል፣ ካብ ቤተ ዳዊት(ነገደ ይሁዳ) ዝተወልደ ድማ ብንጉሥነት ኪመርሕ በዚ ቅዱስ ቅብኣት ይቕባእ ነበረ።

• ኣብ ዘመነ ብሉይ ኪዳን ከም ኣብነት ተገሊጾም ዘለዉ ኣብ ሓዲስ ኪዳን ተፈጸምቲ ኾይኖም ንረኽቦም።

ጐይታና ኢየሱስ ክርስቶስ ንደቀ መዛሙርቱ ብመሠረት ዝሃቦም ተስፋ ኣብ በዓለ ኃምሳ ጸጋ መንፈስ ቅዱስ ኣብ ልዕሊኦም ወሪዱ’ዩ። ንሳቶም ድማ ነቶም ብጐይታና ኢየሱስ ክርስቶስ ዝኣመኑ፡ ኣጥሚቖም ብኣንብሮተ እድ ጸጋ መንፈስ ቅዱስ የኅድሩሎም ነበሩ። “እቶም ኣብ ኢየሩሳሌም ዘለዉ ሓዋርያት ከኣ ሰብ ሰማርያ ቃል እግዚአብሔር ከምዝተቐበሉ ምስ ሰምዑ፡ ንጴጥሮስን ዮሓንስን ለኣኹሎም። ንሳቶም ከኣ ወሪዶም መንፈስ ቅዱስ (ሃብተ ጸጋ) ምእንቲ ኪቕበሉ ጸለዩሎም። ምኽንያቱ ብስም ጐይታና ኢየሱስ ክርስቶስ ጥራይ ደኣ ተጠሚቖም ነበሩ እምበር መንፈስ ቅዱስ (ውህበት መንፈስ ቅዱስ) ገና ኣብ ሓደ ካባታቶም እኳ ኣይወረደን (ኣይተዋህበን) ነበረ። ሽዑ ኣእዳዎም ኣንበሩሎም’ሞ መንፈስ ቅዱስ (ንውህበቱ፣ ንጸጋኡ) ተቐበሉ” ይብል። (ግብ.ሓዋ. 8:14-17) ከምኡ’ውን “ነዚ ምስ ሰምዑ ብስም ጐይታና ኢየሱስ ክርስቶስ ተጠምቁ ጳውሎስ ውን ኢዱ ምስ ኣንበረሎም ከኣ መንፈስ ቅዱስ (ሃብቲ ጸጋ መንፈስ ቅዱስ) ወረደሎም (ተዋህቦም)” ይብል። (ግብ. ሓዋ. 19፡5-6)።

ቅዱሳን ሓዋርያት፡ ኣብ መልእኽታቶም ንጸጋ መንፈስ ቅዱስ ቅብኣት ይብልዎ ነበሩ። ሓዋርያ ቅዱስ ዮሓንስ “ንስኻትኩም ድማ ቅብኣት ካብቲ ቅዱስ ኣለኩም ንዅሉ ውን ትፈልጡ ኢኹም” ብምባል ነቲ ዝወሃብ ጸጋ መንፈስ ቅዱስ ብቅዱስ ቅብኣት ገሊጽዎ ኣሎ። (1ይ ዮሓ. 2፡20)። መንፈስ ቅዱስ ንፍልጠት ዝገልጽ መንፈስ እዩ። ስለዚ ኢድ ብምንባር ናይ መንፈስ ቅዱስ ጸጋ ምኅዳር ብዝተቐደሰ ቅብኣት (ሜሮን) ተተኪኡ ኣብ ቅድስት ቤተ ክርስቲያን ካብ ዘመን ሓዋርያት ጀሚሩ ኪሥርሓሉ ዝጸንሐ ሥርዓት እዩ። ሓዋርያ ቅዱስ ጳውሎስ’ውን፦ “እቲ ብክርስቶስ ገይሩ ምሳኻትኩም ዘጽንዓናን ዝቐብኣናን ዝኃተመናን ኣብ ልብና’ውን ዕርቡን መንፈስ ዝሃበናን ኣምላኽ ንሱ’ዩ” (2ይ ቆሮ. 1፡21፣ ኤፌ. 1፡13 ፣ 4፡30) ብምባል ንቅዱስ ቅብኢ “ማኅተመ መንፈስ ቅዱስ” በሎ።

በዚ መሠረት ኣብ ዘመነ ሓዋርያት ሓደስቲ ኣመንትን ሕፃናትን ምስ ተጠምቁ ብኣንብሮተ እድ መንፈስ ቅዱስ ይኃድሮም ነበረ። ኣብ ዳኅራይ ዘመን ግና ምስ ምብዛኅ ምእመናንን ንኣሳልጦ ተልእኾን ኣብ ክንዲ ኣንብሮተ እድ ብቅብኣ ሜሮን ጸጋ መንፈስ ቅዱስ ምኅዳር ብቤተ ክርስቲያን ተወሰነ።

ሥርዓተ ሜሮን ንኢድ ምንባር ዝተክአ ብምዃኑ ሎሚ ውን ካህናት ምስ ኣጥመቑ ሥርዓተ ተቀብኦ ሜሮን ይፍጽሙ።

እቲ ካህን ነቲ ዝተጠምቀ “እቀብአከ በስመ አብ ወወልድ ወመንፈስ ቅዱስ” እናበለ ብኣምሳለ ትእምርተ መስቀል ኣመሳቒሉ፡ መጀመርታ ኣብ የማናይን ጸጋማይን ግንባሩ ይቀብኦ፣ ኣብ ገጹ’ውን ኡፍ ይብለሉ። ቀጺሉ ክልተ ቀዳዳት ኣፍንጫኡ፣ ክልተ ከናፍሩ፣ ክልተ ኣእዛኑ፣ ክልተ ኣዕይንቱ፣ ኣፍ ልቡን፣ ማእከላይ ርእሱ፡ ሕቈኡ፣ ኅንብርቱ፣ የማናይን ጸጋማይን ኣእዳዉ፣ ጸጋማይን የማናይን መንኩቡ፣ ክሳዱ፣ ምሕኵልቱ፣ የማናይን ጸጋማይን ኣእጋሩ፣ ኣብ 36 ኣባላት ኣካላቱ መኅደሪ እግዚአብሔር ኪኸውን ይቀብኦ።

ስለዚ ‘ሜሮን’ ንመንፈሳዊ ዕብየትን ጽንዓትን ኮነ ዘለዓለማዊ ድኅነት ኣገዳሲ እዩ። ጸጋ መንፈስ ቅዱስ ናይ ምርካብናን፡ ካብ መንፈስ ቅዱስ ናይ ምውላድናን መረጋገጺ ማኅተመ መንፈስ ቅዱስ እዩ።

ወስብሐት ለእግዚአብሔር ወለወላዲቱ ድንግል ወለመስቀሉ ክቡር፡ አሜን!

ዘመነ ማቴዎስ 9 መስከረም 2013 ዓ.ም…

September
Saturday
19
ዝክር፦ ዘመጺል ወ፵ምእት ወ፯፻ ዕደው፡ ወሰብኡ አንስት ሰማዕታት፡ ወፋሲለደስ፡ ወተዝካረ ተአምር ዘቅዱስሚካኤል። ዘቅዳሴ ምንባብ መልእክታት፦ ሮሜ 6፡18-23 ያዕ. 1፡2-12 ግብ. ሐዋ. 13፡43-ፍጻሜ ምስባክ፦ መዝ. 66/67 ወንጌል፦ ማር. 2፡23-ፍጻሜ ቅዳሴ፦ ዘያዕብዘሥሩግ። * * *
00:00 h
Ad Right

ዜና ኅትመት

እዋናዊ ጽሑፋት

ሓድሽ ዓመት ብሓድሽ መንፈስ!

ኣብቲ ብብርሃን ዝወቀበ ዘመን ኣዳራሽ ፡ ኣርባዕተ ወንጌላውያን ከም ዕንቍ ተኾሊዖም ብሓጐስ ዝነብርሉ፡ ሓደ ንበይኑ ኣብ መደቡ ግልል ኢሉ ነበረ።...

ዓመታዊ በዓል ቤት ትምህርት ሰንበት ቅዱስ ሩፋኤል ቤተ ክርስቲያን መድኃኔ…

ብዕለት 3 ጳጕሜን 2012 ዓ.ም.ግ. “ሕይወቱ ምሉእ ንእግዚአብሔር ኣሚኑ ዝኃፈረ የለን” መጽ.ሲራ. 2፡10 ብዝብል ኃይለ ቃል ዓመታዊ በዓል ቤት ትምህርት...

ገዳም ደብረ ደናግል ሰማዕት ቅድስት ኣርሴማ ገዳመን ክሓንፃ ፕላን ኣጽዲቀን…

ናይ ደቀ ኣንስትዮ ገዳም ደብረ ደናግል ሰማዕት ቅድስት ኣርሴማ ብ29 መስከረም ብሠናይ ፍቓድ ቅዱስ ሲኖዶስ ምስ ተገደመ ቤተ ጸሎት፡ መንበሪ...

ኣብ ምድላው ዝርከብ ሥርዓተ ትምህርቲ ቤት ትምህርቲ ሰንበት ንምግምጋም ጉባኤ…

ብዕለት 4-5 ጳጕሜን 2012 ዓ.ም. ኣብ ኣዳራሽ ቤት ጽሕፈት መንበረ ፓትርያርክ ንኣብ ምድላው ዝርከብ ሥርዓተ ትምህርቲ (ካሪክሉም) ዝግምግም ጉባኤ ተቓኒዑ።...

አሥርቆት ዘወርኀ መስከረም

በስመ አብ ወወልድ ወመንፈስ ቅዱስ አሐዱ አምላክ! ዮም ሠረቀ ለነ ወርኀ ቡሩክ መስከረም ያብጽሐነ እስከ ወርኀ ጥቅምት በሰላመ እግዚአብሔር! ወርኀ መስከረም...

እንቋዕ ናብ ዘመነ ማቴዎስ 2013 ዓ.ም.ግ. ኣብጽሓና።

“ካብ ኣንስቲ ኻብ ዝተወልዱ ኻብ ዮሓንስ መጥምቕ ዚዓቢ ሓደ እኳ ኸምዘይተንሥአ ብሓቂ እብለኩም ኣሎኹ፤ኣብ መንግሥተ ሰማያት እቲ ዚንእሶ የዓብዮ” ማቴ፡11፥11  ሄሮድስን...

ዐቃቤ መንበር ዘፓትርያርክ ብፁዕ ኣቡነ ጴጥሮስ እንቋዕ ናብ ዓመተ 2013…

ዐቃቤ መንበር ዘፓትርያርክ ብፁዕ ኣቡነ ጴጥሮስ ብምኽንያት ርእሰ ዓውደ ዓመት 2013 ዓ.ም. ኣብ ዝሃብዎ ቃለ ቡራኬ፦ ንዅልኹም ኣብ ቀረባ ውሽጢ...

ባሕረ ሓሳብ ፡ ሓሳበ ዘመን ፳፻፲ወ፫/ 2013 ዓ.ም.

ቅድስት ቤተ ክርስቲያንና እትጥቀመሉ መቝጸሪ ዘመን ባሕረ ሓሳብ ይበሃል። ባሕረ ሓሳብ ማለት ቍጽሪ ዘለዎ ዘመን፤ ናይ ዘመን ቍጽሪ፤ ሓሳብ ናይ...

ብዝተፈላለየ ዐውደ ትምህርት ዝተማህሩ መምህራን ተመሪቖም!

 ኣብ መንፈሳዊ ቤት ትምህርቲ ፍኖተ ብርሃን ብትርጓሜ መጽሓፍተ ሓዲሳት ሽድሽተ ተመሃሮ፡  ብመዝገብ ቅዳሴ ድማ ሸሞንተ ተመሃሮ ብድምር 14 ተመሃሮ ብደረጃ...

ዓመታዊ በዓል ቤት ትምህርት ሰንበት አቡነ ተክለሃይማኖት ራናና ቤተ ክርስቲያን…

ብዕለት 24 ነሓሴ 2012 ዓ.ም.ግ. “ካብ ዕድኻን ካብ ኣዝማድካን ካብ ዓዲ ኣቦኻን ውፃእ” (ዘፍ. 12፡1) ብዝብል ኃይለ ቃል ዓመታዊ በዓል...

ክብረ በዓል ቅዱስ ሩፋኤል 3 ጳጕሜን ብውዳሴን ቅዳሴን ብድምቀት ተኸቢሩ!

3 ጳጕሜን ክብረ በዓል ሊቀ መላእክት ቅዱስ ሩፋኤል ኣብ ኵለን አብያተ ክርስቲያን ብስብሓታትን ጸሎተ ሰዓታትን ክኸብር ከሎ፡ ብፍላይ ኣብ ቅዱስ...

3 ጳጕሜን - ሊቀ መላእክት ቅዱስ ሩፋኤል

ቅዱሳን መላእክት፡ ልኡካን ኣገልገልቲ፡ ምሕረት እግዚአብሔር ናብ ሰባት፡ ምስጋና ልማኖ ጸሎት ሰባት ድማ ናብ እግዚአብሔር ዘብጽሑ ምእንቲ ዅሉ ፍጥረት ዝልምኑ...

  

latest articles

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...

The feast Of Pentecost

IN THE NAME OF THE FATHER AND THE SON AND THE HOLY SPIRIT, ONE GOD. On this day the Holy...

Ascension

After the Lord Jesus Christ had finished the operation of His wisdom upon earth, by His Passion, and His Death...

Tsinset (Annunciation – Feast of Incarnation)

In accordance with the cannon of the Church, one of the nine major feast days of Our Lord. it Tsinset (Annunciation...

The feast of presenting the lord Christ in the temple…

On this day we celebrate the feast of presenting the lord Christ to the temple after 40 days of his...