ምሥጢረ ንስሓ

Feb 17, 2017

ምሥጢረ ንስሓ

“ጻድቅ ሾብዓተ ሳዕ ይወድቕ ሾብዓተ ሳዕ ከኣ ይትንሥእ” (ምሳ. 24፡16)

ንስሓ ማለት ብዝሠርሕዎ ኃጢኣት ምጥዓስ ናብ ገቢረ ኃጢኣት ዘይምምላስ እዩ። “ሰብ ኮይኑ ዘይእብስ ዕንጨይቲ ኾይኑ ዘይነክስ የልቦን” ከምዝተባህለ ቅዱስ ዮሓንስ ሓዋርያ ውን ኣብ መልእኽቱ “ኃጢኣት የብልናን እንተ በልና ንርእስና ንጥብር ኣሎና እታ ሓቂ’ውን ኣባና የለን” ከምዝበለ ክርስቲያን ብኃጢኣት እንተወደቐ ኃጢኣት ኣብ ልዕሊ ኃጢኣት፡ በደል ኣብ ልዕሊ በደል ክውስኽ ዘይኾነስ ቐልጢፉ ብንስሓ ኪትንሥእ ይግባእ። (1ይ ዮሓ. 1፡8) ነዚ እዩ ኸኣ “ጻድቕ ሾብዓተ ሳዕ ይወድቕ ሾብዓተ ሳዕ ይትንሥእ” ዝተባህለ።

ድኅነት ሰብ እምበር ጥፍኣት ዘይፈቱ መፍቀሬ ሰብ እግዚአብሔር “ግናኸ ኃጥ ሰብ፡ ነቲ ዝገብሮ ዝነበረ ኃጢኣት ኵሉ ገዲፉ እንተ ተመልሰ ኵሉ ሕግታተይ ከኣ እንተ ሓለወ፡ ቅንዕናን ጽድቅን ድማ እንተ ገበረ፡ ንሱ ኣይኪመውትን እዩ። ብርግጽ ብሕይወት ኪነብር እዩ። ኵሉ ኃጢኣቱ ኺኅደገሉ እዩ። ጽድቂ ስለ ዝገበረ ኸኣ ብሕይወት ኪነብር እዩ። ብሞት ኃጥእ ዝሕጐስ ድዩ መሲሉኩም፧ ኣይፋልን! ፍታወይሲ ኃጥእ ካብ ክፉእ መገዲ ኺምለስ እሞ ብሕይወት ኪነብር እዩ።” ብምባል ካብ ኃጢኣትና ተመሊስና ብመንገዲ ጽድቂ ክንጓዓዝ ይምዕደና። (ሕዝ. 18፡21-23)

ሰብ ብኃጢኣቱ ተጣዒሱ ኃጢኣት ንዘይምግባር ቁርጽ ዝበለ ውሳነ ብምግባር ኃጢኣቱ ምእንቲ ኪድምሰሰሉ ንእግዚአብሔር ብኃዘንን ብብኽያትን ይቕረ በለለይ ምባልን ምሕረት ምልማንን የድሊ። ኃጢኣትካ ንመምህረ ንስሓ ምንጋር ይግባእ። “ኃጢአትየ ነገርኩ ወአበሳየ ኢኀባእኩ/ ንኃጢኣተይ ነገርኩ፡ ንኣበሳይ ውን ኣይኃባእኩን” ከምዝበለ ቅዱስ ዳዊት (መዝ. 31፡4) ነቲ ክንሠርሖ ዘይኃፈርናሉ ኃጢኣት ከይኃባእና ከይነከና ንልብና ተዓዛባይ ምስክር ንልሳንና ኸሳሲ ንእግዚአብሔር ዳኛ ጌርና እናኃዘንናን እናተጣዓስናን ንርእስና ኽንከስስ ኣሎና።

ንስሓ ምስ እግዚአብሔር ንዕረቐሉ ካብ ሞት ናብ ሕይወት ንሰጋገረሉ ረቂቕ ድልድል እዩ። ንምሕረቱ ወሰን ንርኅራኄኡ መጠን ዘይብሉ ኣምላኽና ድኽመትና ስለ ዝፈልጥ ብኃጢኣት ተሰናኺልና ኣብ ንወድቀሉ እዋን ብዛዕባ ኃጢኣትና ተጣዒስና በዲልና ኢና መሓረና ይቕረ በለልና ብምባል ፈሊጥና ብድፍረት፡ ከይፈለጥና ብስሕተት ንዝሠራሕናዮ ኃጢኣት ይቕሬታ ክንሓትት’ሞ ናብኡ ክንምለስ ዝሠርዓልና ሥርዓት ንስሓ እዩ።

ንስሓ ኣብ ዝሙት ባሕሪ ኣትዩ ንዝሕምብስ ዝነበረ ዘማዊ ድንግል፣ ደም ከፍስስ ሰብ ኪሃርም (ክቐትል) ንዝነበረ ሽፍታ ንጹሕ ትገብር ሥርዓት እያ። በቶም ካብ ኃጢኣት ዝምለሱ ሰባት ኣብ ሰማይ ዘለዉ ሠራዊተ መላእክት ከይተረፉ ይሕጐሱ እዮም። “ንስሓ ብዚኣቱ ሓደ ኃጢኣተኛ ኣብ ሰማይ ሓጐስ ይኸውን” (ሉቃ. 15፡7)

ካብ ቤት ኣቦኡ ተፈልዩ ዝነበረ ቘልዓ ናብ ኣቦኡ ምምላሱ፡ ምሳሌ ናይቶም ብምኽንያት ኃጢኣት ካብ እግዚአብሔር ኣቦና ካብ መንበሪና ቤተ ክርስቲያን ንርሕቕ ሕዝበ ክርስቲያን እዩ። (ሉቃ. 15፡11-32) ብንስሓ ናብ እግዚአብሔር ክንምለስ ከሎና ብምኽንያት ኃጢኣት ስኢንናዮ ዝነበርና ጸጋ እግዚአብሔር መሊስና ንጓናጸፎ። ንሥጋኡን ደሙን ንምቕባል ውን ንበቕዕ። ይቕረ በሃሊ ኣምላኽና ብዝገበርናዮ ኃጢኣት ከይንዓቐናን ከይፈንፈነናን ንበደልና ይቕረ ኢሉ ብጸጋኡ ብምሕረቱ ይርእየና። “ኃጢኣትና እንተ ተናዘዝና ንኃጢኣትና ይቕረ ክብለልና ካብ ዓመጻ’ውን ከንጽሓና ዝተኣመነ ጻድቕ እዩ” (1ይ ዮሓ. 1፡9) “እምበኣርስ እግዚአብሔር ንኣሕዛብ ድማ ንሕይወት ዝኸውን ንስሓ ሂብዎም” ከምዝተባህለ (ግብ.ሓዋ. 11፡18) ብምኽንያት ኃጢኣት ምዉታን ንዝኾኑ ኵሎም፡ ሕይወት ምእንቲ ክረኽቡ ንስሓ የድልዮም እዩ።

ከምቲ ንዝሓመመ ሰብ ናብ ሓኪም ከይዱ ሕማሙ ምስ ነገሮ እቲ ሓኪም እቲ ሕሙም ዝነገሮ ሰሚዑን መርሚሩን ንሕማሙ ዘድኅን መድኃኒ ዝህቦ ናብ ካህን ዝኸደ ተነሳሓይ’ውን “ፈሊጡ ብድፍረት ከይፈለጠ ብስሕተት” ዝገበሮ ገሊጹ ምስ ተዛረበ፡ እቲ ካህን ቀኖና ይህቦ። ቀኖና ማለት ንንስሓ ዝወሃብ መቕጻዕቲ ማለት’ዩ። ንኃጢኣቱ ገሊጹ እንድኅሪ ዘይተዛሪቡሉን ዘይተጣዒሱን “ከምቲ ንሕማሙ ዝኃብአ መድኃኒት ኣይርከበሉን’ዩ።” ዝተባህለ ፍጹም ድኅነት ክረክብ ኣይኽእልን’ዩ። ስለዚ ካብ ልቢ ምምላስ ብዝኃለፈ ኃጢኣት ምጥዓስን ነዚ ኻብ ዝኣመሰለ ኃጢኣት ንምሕላው ቁርጽ ዝበለ ሓሳብ ምግባር ንስሓ ይበሃል። ጥበበኛ ሰሎሞን “ንኃጢኣቱ ዝኃብእ ኣይለምዕን ዝናዘዙን ዝገድፉን ግና ምሕረት ይረክቡ” ብምባል ኃጢኣትና ንካህን ምንጋር ከምዝግባእ ኣረዲኡ’ዩ። (ምሳ. 23፡13) ።

ኣገልግሎት ምሥጢረ ንስሓ

ንስሓ ከም ኵሉ ካልእ ምሥጢር ብኣገልግሎት ካህናት ዝፍጸም ምሥጢር እዩ። ጐይታናን መድኃኒናን ኢየሱስ ክርስቶስ ንካህናት ንስሓ ናይ ምቕባልን ኃጢኣት ናይ ምስትስራይን ሥልጣን ከምዝሃቦም ከረጋግጸልና “ኃጢኣቶም ንዝኃደግኩምሎም ይኅደገሎም ንዝኃዝኩምሎም ከኣ ይተኃዘሎም” ኢሉ እዩ (ዮሓ. 20፡23) እዚ ሥልጣን እዚ ከኣ ንሓዋርያት ጥራይ ዘይኮነ ክሳዕ ዕለተ ምጽኣት ንዝሥየሙ ካህናት ዝተነግረ’ዩ። ጐይታ ንሓዋርያቱ “ክሳዕ ፍጻሜ ዓለም ምሳኻትኩም’የ” ምባሉ ነዚ ዘገንዝበና’ዩ። ብጥምቀት ደቂ ሥላሴ ንዝኾንና ብሽሙ ንጽዋዕ ኵልና “እምበኣር ካበይ ከምዝወደቕካ ዘክር ተነሳሕ እንድኅሪ ዘይተነሲሕካ ነቲ ቐዋሚ ቐንዴልካ ኻብቲ ስፍርኡ ከዝብሎ’የ” ኢሉ ጐይታና የተሓሳስበና (ራእ. 2፡5-6) ካህናት ናይ ሕይወት መደያየቢ ኮይኖም ናይ ሕዝቢ ንስሓን ልመናን ናብ እግዚአብሔር፣ ነቲ ናይ እግዚአብሔር ምሕረት ከኣ ናብ ሕዝቢ ዘብጽሑ እዮም። ንዅሉ ብኃጢኣት ዚዕንቀፍ ንስሓ የድልዮ። ብኣንብዐ ንስሓ (ብንስሓ ንብዓት) ምሕጻብ ፍጹም ንጹሕ ይገብር ናይ ንስሓ ጥምቀት ብንብዓት ምሕጻብ’ዩ። ነዚ ኸኣ ነቢይ ዳዊት “ለይቲ ለይቲ ንመደቀስየይ ኣርሕሶ ንመንጸፈይ ብንብዓት ኣጠልቅዮ” ዝበለ። (መዝ. 6:6)

ብንስሓ ዝወሃብ ቀኖና ብመሠረት ሥርዓት ቤተ ክርስቲያን ይፍጸም። እቲ ተነሳሒ ንመምህረ ንስሓ ይነግር። መምህረ ንስሓ ናይ’ቲ ተነሳሒ ዓቕሚ መዚኑ ናይ ጾም፣ ናይ ጸሎት፣ ናይ ስግደት ናይ ምጽዋት መቕጻዕቲ ይህቦ ነዚ ኸኣ ጊዜ ይውሰነሉ። ተነሳሒ ናይ ቀኖና ጊዜ ምስ ተወድአ ናብ መምህረ ንስሓ ተመሊሱ ኸምትእዛዙ ኸምዝፈጸመ ይነግሮ። እቲ ካህን ከኣ ፍትሓት ሂቡ (ናዚዙ) ሥግ2ኣኡን ደሙን ኣቐቢሉ ምስ ምእመናን ክሕወስ ይፈቕደሉ።

ሥርዓት ንስሓ፦ ብኃጢኣት ኣብ ዝወደቕናሉ እዋን ዚፍጸም ብምዃኑ ዚድገም ምሥጢር’ዩ።

ወስብሐት ለእግዚአብሔር ወለወላዲቱ ድንግል ወለመስቀሉ ክቡር፡ አሜን!

Ad Right

ዘመነ ማርቆስ 15 መስከረም 2014 ዓ.…

September
Saturday
25
ፍልሰተ ሥጋሁ ለእስጢፋኖስ፡ ወአባጴጥሮስ። ዘቅዳሴ ምንባብ መልእክታት ቈላ.1፡1-10 ያዕ. 5፡13-ፍጻሜ ግብረ ሓዋርያት ግብ. ሐዋ. 6፡7-ፍጻሜ ምስባክ መዝ. 127/128 ወንጌል ዮሐ. 15፡12-19 ቅዳሴ ቅዳሴ ዘወልደ ነጐድጓድ። * * *
00:00 h

ዜና ኅትመት

እዋናዊ ጽሑፋት

ኃይሊ ቅዱስ መስቀል ኣብ ዘመነ ኣበው።

በስመአብ ወወልድ ወመንፈስ ቅዱስ አሐዱ አምላክ ኣብ ዘመነ ኣበው’ውን እንተኾነ ናይቲ ኺመጽእ ዘለዎ ኣማናዊ መስቀል ጽላሎት ኮይኑ ብዙኅ ተኣምራት ሰሪሑ እዩ፤...

ሓድነታዊ ጉባኤ ሓድሽ ዝተመርጸ ምምሕዳር ሰበካ ጉባኤን ምእመናን ኣባላት ሰበካ…

መሪሕነት ኣባላት ሰበካ ጉባኤ መድኃኔ ዓለም ኦርቶዶክስ ተዋሕዶ ቤተ ክርቲያን ኤርትራ (ሉሳካ) ከምኡውን ምእመናን ምእመናት ነበርቲ ሃገረ ዛምብያ ብማእከልነት ቀሲስ...

ጉባኤ ማኅበር መላእ ኣብያተ ክርስቲያናት ኣፍሪቃ ኣብ ሃገረ ዛምብያ ይካየድ…

ብማኅበር መላእ ኣብያተ ክርስቲያናት ኣፍሪቃን(AACC) ብኣኣንጋድነት ቤት ምኽሪ ኣብያተ ክርስቲያናት ዛምብያ (CCZ) ተወዲቡ፡ ኣብ ዛዕባ ሕዝባዊ ዕዳን ብልሽውናን ምቁጽጻር ከምኡ’ውን...

ጉባኤ ኤፌሶን (431 ዓ.ም.) 1ይ ክፋል

ዝቐደመ ጉባኤታት ኣብ ምሥጢረ ሥላሴ ንዝተላዕለ ኑፋቄታት፣ ብፍላይ ብተመሃሮ ቤት ትምህርቲ አንጾኪያ፣  መልሲን ግቡእ መግትኢ ዝኸውን ውግዘትን ኣቐሚጡ ነበረ። ብድሕሪ...

በዓለ ሥእል ዘጼዴንያ

ብመሠረት ትምህርቲ ቅድስት ቤተ ክርስቲያን ካብ ቅዱሳት ኣሣእል ብዙኅን ዓቢይን ጥቕሚ ይርከብ። ኣብ ቅዱሳት መጻሕፍቲ ዝርከቡ ትምህርትታትን ታሪኻትን ብሥእላዊ ኣገላልጻ...

በዅሪ ጽምብል ሥነ ሥርዓት መመረቕታ ኮለጅ ነገረ መለኮት ደብረ ሲና…

ኮለጅ ነገረ መለኮት ደብረ ሲና ቅድስት ሥላሴ ዘኦርቶዶክስ ተዋሕዶ ቤተ ክርስቲያን ኤርትራ፡ ብመዓልታውን ምሸታውን መርሐ ግብር ክምህሮም ካብ ዝጸንሐ ተማሃሮ፡...

“ነቢይ ኢሳይያስ”

ነቢይ ማለት ፡ መንፈስ ትንቢት ኃዲርዎ ብዛዕባ ዚመጽእ ትንቢት ዚንበ፣ ብዛዕባ ዝኃለፈን ዚመጽእን ራእይ ዚርኢ፣ ብዛዕባ ግብረ እግዚአብሔር ኣብ ታሪኽ...

ዜና መዋዕል ካብ ልደት ክሳዕ ግብአተ መሬት መሪጌታ ባራኺ ገብረመድኅን…

በስመ አብ ወወልድ ወመንፈስ ቅዱስ አሐዱ አምላክ! “በድርየኒ ፈጸምኩ ወሃይማኖትየኒ ዐቀብኩ፡ እንከሰ ጽኑሐ ሊተ አክሊለ ጽድቅ ዘየዐሥየኒ እግዚአብሔር ይእተ ዕለተ መኰንነ...

ኣብ ቤት ማኅተም ኮከበ ጽባሕ ንልዕሊ 20 ዓመት ዝሠርሑ መሪጌታ…

ናይ ኤርትራ ኦርቶዶክስ ተዋሕዶ ቤተ ክርስቲያን ቤት ማኅተም ኮከበ ጽባሕ ማኅበረ ሓዋርያት ንልዕሊ 20 ዓመት ዝሠርሑ መሪጌታ በራኺ ገብረመድኅን ኣብ...

እንቋዕ ካብ ዘመነ ማቴዎስ ናብ ዘመነ ማርቆስ ብሰላም ኣሰጋገረናን ኣብጽሓናን!

ዝናም ብመብረቕን ድምፂ ነጐድጓድን ተዓጂቡ ንምድሪ ዘዕለቕልቐሉ ወርኀ ክረምት ኣኅሊፉ፡ ንምድሪ ብልምላሜን ጽጌያትን ኣወቂቡ፡ ናብዚ ሓዲስ ዘመን ንሰጋገረሉ ወርኀ መስከረም...

ካብ ርእሰ ዓውደ ዓመት ክሳዕ ፀአተ ክረምት

1. ካብ ዮሐንስ (መለወጢ ዘመን ) ክሳዕ ዘካርያስ (1 መስከረም ክሳዕ 8 መስከረም) ሓድሽ ዓመት ዝትክኣሉ እዋን ስለዝኾነ ኣብ ልቢ ክርስቲያን...

ቃለ ቡራኬ ርእሰ ዓውደ ዓመት 2014 ዓ.ም.

አቀድም አእኵቶቶ ለእግዚአብሔር በኢየሱስ ክርስቶስ በእንተ ኵልክሙ እስመ ተሰምዓት ሃይማኖትክሙ ውስተ ኵሉ ዓለም። (ሮሜ ፲፩፡፰)/ ኣቐዲመ ንዂልኻትኩም ብኢየሱስ ክርስቶስ ሃይማኖትኩም...

  

latest articles

Transfiguration: (Debre Tabor)

This is the day celebrated on Nehase (August) 13 G.C. in which Our Lord Jesus Christ during his ministry, manifested...

PRAYER

Prayer is a word by which man communicates with his Creator in Faith, thanking and beseeching Him for the forgiveness...

FAITH AND WORKS

Faith is “a confidence or trust in God”. Faith gives assertion to the things we hope for and explains the...

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...