ምሥጢረ ክህነት

Feb 17, 2017

ምሥጢረ ክህነት

ምሥጢረ ክህነት ዓቢይ ምሥጢር’ዩ። ናይ ምእሳርን ምፍታሕን ሥልጣን ዘለዎ፣ ነቶም ካልኦት ምሥጢራተ ቤተ ክርስቲያን ዘኽብር . . . እግዚአብሔር ዝመሥረቶ እዩ።

‘ካህን’፦ ማለት ኣገልጋሊ እግዚአብሔር ፣ ናይ ሕዝቢ መንፈሳዊ መራሒ፣ መምህር፣ ኣቦ እዩ። ‘ክህነት’ ዝብል ከኣ ካህን ምዃን፣ መንፈሳዊ ሢመት ምቕባል፡ ምግልጋል የመልክት። ሥልጣነ ክህነት፦ ንኵሉ ብክርስቶስ ኣሚኑ ንዝተጠምቀ ክርስቲያን ዝዕደል መንፈሳዊ ሢመት ዘይኮነስ ብፍቃደ እግዚአብሔር ብኣንብሮተ እድ ብፁዓን ጳጳሳትን ጥራይ ዝወሃብ መንፈሳዊ ሥልጣን እዩ።

ዝኾነ ምእመን ነቲ ንካህናት ጥራይ ዝምልከት ኣገልግሎት ኪፍጽም ኣይክእልን እዩ። ብሥልጣነ ክህነት ኣብ ቅድሚ እግዚአብሔር ደው ኢሉ ከገልግልን መሥዋዕቲ ከቕርብን፣ ንሕዝቢ ክጽልን ከጥምቕን ከነስሕን ከቝርብን ክባርኽን፣ ንዋየ ቅድሳት ክቕድስን ከኽብርን . . . ሥልጣን ዘለዎ ካህን ጥራይ’ዩ።

ምሥጢረ ክህነት ዝተጀመረ በቲ ናይ መጀመርታ ሰብ ኣዳም’ዩ። እግዚአብሔር ኣምላኽ ንኣዳም ፈጢሩ ናይ ጸጋ ወዱ ጌሩ ኣኽቢሩ ነቢይን ካህንን ጌሩ ሸሞ። ብኦሪት ሥርዓተ ክሳዕ ዝውሰን ካብ ኣዳም ጀሚሮም ክሳዕ ሙሴ ዝነበሩ ኣበው ብበረከተ አበው ካብ እግዚአብሔር እናተሸሙ ብነቢይነቶም ነቲ ዝኃለፈን ዝመጽእን ክነግሩ፣ ብክህነቶም ድማ መሥዋዕቲ ከቕርቡ፡ ብጸሎቶም ንኣምላኾም ክጽውዑን ቃል ብቓል ክዘራረቡን ነበረ።

ኣዳም ካብ ገነት ምስ ወፅአ፡ በቲ ዝሠርሖ ኃጢኣት ተጣዒሱ እናኃዘነን እናበኸየን ካብ እግዚአብሔር ምሕረት ንምሕታት መሥዋዕቲ ኣቕረበ። “ኣዳም በታ መዓልቲ ካብ ገነት ምስ ወፅአ ጽቡቕ መኣዛ ጌሩ ንኽቕበሎ ንግሆ ፀሓይ ክወፅእ ከሎ ዕጣን ዓጠነ” (ኩፋ. 5፥1)።

ናይ ክህነት ተግባር ንእግዚአብሔርን ንሰብን ምግልጋል’ዩ። ንእግዚአብሔር ምግልጋል ማለት ካህናት ንቅዱሳን መላእኽቲ መሲሎም ብመዓልትን ብለይትን ንእግዚአብሔር ዘቕርብዎ ምስጋና’ዩ። ንሰብ ምግልጋል ማለት ከኣ ምጥማቕ፣ ምቝራብ፣ ምንዛዝ፣ ብሞት ንዝፍለዩ ጸሎተ ፍትሓት ምግባር . . . ብሓፈሻ ብስብከትን ብትሩፋትን ንክርስቶስ መሲሎም ኣርኣያ ምእመናን ምዃን እዩ። (ማቴ. 13፡1-14፣ ግብ.ሓዋ. 6፡4)

ኣብ ዘመነ ብሉይ፡ ሕዝበ እግዚአብሔር እስራኤላውያን ብኃጢኣቶም ምስ እግዚአብሔር ኣብ ዝበኣሱሉ እዋን፡ መሥተስተረዪ ኃጢኣት መሥዋዕቲ ዘቕርቡ ዝነበሩ ካህናት እዮም። እዚ ኸኣ ኣብ መጽሓፈ ሙሴ ከምዚ ተጻሒፉ ኣሎ፦ “ብዛዕባ እቲ ዝገበሮ ኃጢኣት ድማ ንመሥዋዕቲ በደሉ ኻብ መጓሴኡ ንመሥዋዕቲ ኃጢኣት ሓንቲ ሽበን ወይ ኣርሕዶ ንእግዚአብሔር ይቐርበሉ። እቲ ካህን ድማ ብዛዕባ ኃጢኣቱ የስተሥርየሉ” (ዘሌ. 5፡6)።

ከምኡ’ውን ብዛዕባ ዝገበርዎ ኃጢኣት ሥርየት ካብ እግዚአብሔር ይረኽቡ ዝነበሩ ብካህናት ኣቢሎም ኔሮም። እቲ ሕዝቢ ኃጢኣቱ ንካህን ይናዘዝ እቲ ካህን ከኣ ስለቲ ሕዝቢ ኃጢኣት መሥዋዕቲ ብምቕራብን ብምጽላይን ሥርየት ኃጢኣት ከምዝረኽቡ ይገብር። (ዘሌ. 5፡4-10, ዘሌ. 4፡1-26)። ሎሚ ውን ምእመናን ንኃጢኣቶም ንኣበ ንስሓ ብምንጋር ካብ ኃጢኣቶም ይፍትሑ። ጐይታ “ኣብ ምድሪ ዝኣሰርክምዎ ኣብ ሰማይ ዝተኣስረ ይኸውን፡ ኣብ ምድሪ ዝፈታሕክምዎ ኣብ ሰማይ ዝተፈትሐ ይኸውን” ብምባል ካብ ኃጢኣት ናይ ምፍታሕ ሥልጣን ሂብዎም’ዩ። (ማቴ. 18፡18)
ስለዚ ምእመናን ንኃጢኣቶም ንካህን ብምንጋር ካብቲ ካህን ዝወሃቦም ቀኖና (መቕጻዕቲ) ብዝግባእ ወዲኦም ካብ ማእሠርቲ ኃጢኣት በቲ ካህን ክፍትሑ ይግብኦም።

ኻልእ ሕዝቢ ክትንክፎን ክሠርሖን ዘይግብኦ ካህናት ጥራይ ዝሠርሕዎ ኣገልግሎት ኣለዎም። እንተኾነ ግና ሥልጣነ ክህነት ከይተሸሙ ብትዕቢት ነቲ ካህናት ጥራይ ኪፍጽምዎ (ክትንክፍዎ) ንዝግብኦም ፈጺሞም ወይ ተንኪፎም ቍጥዐ እግዚአብሔር ኣብ ልዕሊኦም ዝነደደትን ዝተቐስፉን ሰባት ኣብ መጽሓፍ ቅዱስ ታሪኾም ተመዝጊቡ ይርከብ።

- ክዓጥኑ ዝፈተኑ ዳታንን ኣቤሮን ምድሪ ኣፋ ኸፊታ ወሓጠቶም። (ዘኁ. 16፡1-50)
- ንጉሥ ዖዝያን ኣብ መቕደስ ኣትዩ ብምዕጣኑ ክሳዕ ዝመውት ለምጻም ኮነ። (2ይ ዜና. 26፡19-25)።

ሢመተ ክህነት፦ ዲቁና፣ ቅስና፣ ኤጲስቆጶስ እዩ። ካብዚ ንላዕሊ ጳጳስ፣ ሊቀ ጳጳስ፣ ፓትርያርክ ኣሎ። ከከም ማዕረጉ ኸኣ ሥርዓተ ሢመትን ጸሎትን ኣለዎ።

ኣብ ኣፈጻጽማ ምሥጢረ ክህነት ብዝርአ ኣገልግሎት ዘይረአ ጸጋ ይወሃብ። እቲ ጳጳስ ብኣንብሮተ እድ (ኢዱ ብምንባር) ብጸሎት ክሸይም ከሎ፡ እቲ ክህነት ዝቕበል ከኣ ብሰቂለ ሕሊና፣ ብሰፊሓ ኢድ፣ ብኣንቃዓድዎ ኣዕይንት፣ ብኣድንኖ ርእስ ተመሲጡ ይጽሊ። ኣብ ቅዱስ መጽሓፍ ውን “ነቲ ብቓል ትንቢትን ብምንባር ኢድ መራሕቲ ቤተ ክርስቲያንን ዝተዋህበካ ጸጋ ሸለል ኣይትበሎ።” ተባሂሉ’ዩ (1ይ ጢሞ. 4፡14)።

ወስብሐት ለእግዚአብሔር ወለወላዲቱ ድንግል ወለመስቀሉ፡ ክቡር!

Ad Right

ዘመነ ማቴዎስ 28 ሓምለ 2013 ዓ.ም.…

August
Wednesday
4
እንድራኒቆስ ወብእሲቱአትናስያ፡ ወተዝካረ አብርሃም ይስሓቅ ወያዕቆብ። ዘቅዳሴ ምንባብ መልእክታት 1ይቆሮ. 7፡1-9 1ይጴጥ. 3፡1-9 ግብረ ሓዋርያት ግብ. ሐዋ. 27፡26-32 ምስባክ መዝ. 103/104 ወንጌል ማቴ. 13፡1-9 ቅዳሴ ቅዳሴ ዘእግዝእትነ ማርያም። * * *
00:00 h

ዜና ኅትመት

እዋናዊ ጽሑፋት

ርደተ ግሥ ዘ ‘ቀተለ”

 ርእሰ አዕማድ ቀተለ- ሠራሒ/ገቢር፡ሰጋሪ (Active) transitive             ቀተለ - He killed/ he has killed ሠራዊተ አዕማድ አቃተለ- ኣሥራሒ(ሓጋዘ)/ገቢር፡ሰጋሪ (Active) transitive             ምስ ካልእ ኮይኑ ቀተለ...

ተኣምር ብፁዕ ወቅዱስ ኣቡነ ሰላማ ከሣቴ ብርሃን፣ ጸሎቱን በረኸቱን ምስ…

ሓደ ንእግዚአብሔር ዝፈርህ፡ ለዋህ፡ ትሑት፡ ገባሬ ሠናይን ተቐባል ጋሻን ዝኾነ ሰብኣይ ነበረ። ነፍስ ወከፍ ወርኂ ዕለት 26 ዝክር ብስም ኣቡነ...

ሰማዕት ቅድስት መሪና

በስመ አብ ወወልድ ወመንፈስ ቅዱስ አሐዱ አምላክ! "ንነፍስኹም ከኣ ብትዕግሥትኹም ከተጥርይዋ ኢኹም!" ሉቃ. 21፡19  ቅድስት መሪና፡ ካብ መምለኽቲ ጣዖት ስድራ እያ ተወሊዳ።...

“ምናዳ እቲ ብራናታት ተማልኣለይ” (2ይ ጢሞ. 4፡13) - ቅዱሳት መጻሕፍተ…

ጥንታውያን መጻሕፍተ ብራና፦ ብኽኢላታት ሰብ ሞያ ብኢድ ኣብ ብራና ዝተጻሕፉ፣ ናይ ሃይማኖት፡ ታሪኽ፡ ፍልስፍና፡ ምኅደራ፡ ቊጽሪ፡ ሥነ ፍልጠት፡ ሕጊ፡ ሥነ...

ኣብ ር/ኣ/ደ/ጽ/ቅ/ድንግል ማርያም ዓዲ ዃላ ኣብ ኣገልግሎት ቤተ ክርስቲያንን ዕቃበ…

ኣብ ር/ኣ/ደ/ጽ/ቅ/ድንግል ማርያም ዓዲ ዃላ ኣብ ዕቃበ ንብረት ( ንዋያተ ቅዱሳት) ኣብነታዊ ሥርሓት ከም ዝተኻየደ ኣመኃዳሪ ደብረ ጽዮን ቀሲስ የማነ...

ብዛዕባ ልምዓታዊ ንጥፈታት ንኡስ ሃገረ ስብከት ዓዲ ዃላ ዝምልከት መብርሂ…

ኣብ ሃገረ ስብከት ደቡብ መንደፈራ ንኡስ ሃገረ ስብከት ዓዲ ዃላ ንፋይናንሳውን ምምኅዳራውን ከምኡ ድማ ንዝተፈላለዩ ንጥፈታት እቲ ንኡስ ሃገረ ስብከት...

ብፁዕ ወቅዱስ አቡነ ቄርሎስ ቀዳማዊ 5ይ ፓትርያርክ ርእሰ ሊቃነ ጳጳሳት…

13 ሐምለ 2013 ዓ.ም.ግ (20 ሐምለ 2021 ዓ.ም.ፈ) ብፁዕ ወቅዱስ አቡነ ቄርሎስ ቀዳማዊ 5ይ ፓትርያርክ ርእሰ ሊቃነ ጳጳሳት ዘኦርቶዶክስ ተዋሕዶ...

ጉባኤ ኣብያተ ትምህርቲ ሰንበት ሃገረ ስብከት ኣሥመራ ተኻይዱ!

10 ሓምለ 2013 ዓ.ም.ግ (17 ሓምለ 2021 ዓ.ም.ፈ) ብክፍሊ ትምህርት ሰንበት ቤት ጽሕፈት መንበረ ፓትርያርክ ዝተማእከለ ጉባኤ ምስ ኣብያተ ትምህርቲ...

ክብረ በዓል ቅድስት ሥላሴ ብመንፈሳዊ ድምቀት ተባዒሉ!

ዓመት መጸ 7 ሓምሌ ክብረ በዓል ቅድስት ሥላሴ ኣብ ገዳም ቅድስት ሥላሴ ደብረ መድኃኒት ባምቡቆ ካብ ርሑቅን ቀረባን ዝመጽኡ መነኮሳት፡...

ጸሎት በሰፊሐ እድ

በቲ ዓለም ባሕሪ ንኣይ ዘፍርሓኒእና’ኣሳገምኩ ናብ ጐይታ መድኃኒ

ጻድቅ ኣቡነ ኪሮስ - 8 ሐምሌ

ቅድስቲ ቤተ ክርስቲያንና ነቶም ብፍጹም ሃይማኖትን ሥነ ምግባርን ጸኒዖም ኣብ እግዚአብሔር ዝተኣመኑ፡ ኣብ ዓለም ዘይሮም ዝመሃሩን ክሳዕ ፍጻሜ ሕይወቶም ዘገልገሉ፡...

ጋሻ ንምቕባል ንቀዳደም! - ሥላሴ ኣብ ቤት አብርሃም

ጋሻ ምቕባል፡ ብዙኅ በረኸትን ጸጋን ዘውህብ እዩ። 7 ሓምሌ ኣቦና ኣብርሃም ጋሻ ብምቕባሉ፡ ኣጋእዝተ ዓለም ቅድስት ሥላሴ ኣብ ቤቱ ዝተኣንገዱሉን፡...

  

latest articles

PRAYER

Prayer is a word by which man communicates with his Creator in Faith, thanking and beseeching Him for the forgiveness...

FAITH AND WORKS

Faith is “a confidence or trust in God”. Faith gives assertion to the things we hope for and explains the...

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...

The feast Of Pentecost

IN THE NAME OF THE FATHER AND THE SON AND THE HOLY SPIRIT, ONE GOD. On this day the Holy...