ጥንተ አብሶን ጥምቀተ ክርስትናን (2ይ ክፋል)

Jan 30, 2019

ጥምቀተ ክርስትና

ጥምቀት ማለት ‘አጥመቀ’ ካብ ዝብል ግሢ ዝወፀ ኾይኑ፦ ‘ኣብ ዝተባረኸን ዝተቐደሰን ማየ ገቦ ጠሊቕካን ተኣሊኽካን፡ ተሓጺብካን ምውፃእ’ ማለት እዩ። “ወተቀበርነ ምስሌሁ ውስተ ጥምቀት በሞቱ/ ብሞቱ ጥምቀት መቓብርነት ከም ዝተቐበርና ፍለጡ” ከምዝብል። (ሮሜ 6፡4)። እዚ ድማ ብሞቱ ጥምቀት መቓብርነት ከም ዝኸበርናን ከም ዝተቐደሰናን ፍለጡ ማለት እዩ። ስለዚ ግቡእ ሥርዓተ ጸሎተ ጥምቀት ተፈጺሙ፡ እቲ ካህን ‘፩ዱ አብ ቅዱስ፡ ፩ዱ ወልድ ቅዱስ፡ ፩ዱ ውእቱ መንፈስ ቅዱስ’ ኢሉ ብመስቀሉ ምስ ባረኾ፣ ብኃይሊ እግዚአብሔርን ብሥልጣን ናይቲ ካህንን እቲ ተራ ማይ ናብ ማየ ገቦ ይልወጥ።

ሽዑ እቲ ካህን ናብዚ ማየ ገቦ ብምጥላቕ፡ ናይ ምቕባሩ ምሥጢር ይፍጸም፣ ካብዚ ማየ ገቦ ብምውፃእ ድማ ናይ ምትንሣኡ ምሥጢር ይፍጸም ኣሎ። ‘እም ከመሰ ዐረይነ ሕማመ ንዔሪ ክብረ ምስሌሁ’ ከምዝብል። (ሮሜ 8፡17)

እምበኣር ካብዚ ዝተጠቕሰ ኣማናዊ ጥምቀት ዝርከብ ክብሪ፦ ውሉድነት ሥላሴን ሥርየት ኃጢኣትን እዩ።

1. ውሉድነት ሥላሴ፦ ካብ ሥላሴ ክብረ ውልድነት ረኺብና ሰማያዊ ርስቱ እንወርስ ብጥምቀት ምዃኑ ኣብ ቅዱሳን መጻሕፍቲ ተገሊጹ ኣሎ። (ዮሓ. 3፡5፤ ገላ. 3፡27፤ ኤፌ. 5፡26)። እግዚአብሔር ወልድ ኢየሱስ ክርስቶስ ንኒቆዲሞስ ክዛረቦ ከሎ፡ “ዘኢተወልደ ዳግመ እማይ ወእመንፈስ ቅዱስ ኢይክል በዊኣ ውስተ መንግሥተ እግዚአብሔር/ ካብ ማይን ካብ መንፈስ ቅዱስን ዘይተወልደ ናብ መንግሥተ እግዚአብሔር ኪኣቱ ዚኽእል ከቶ የልቦን።” ይብለና። (ዮሓ. 3፡5) ስለዚ ከምቲ ንሱ ዝተጠመቖን በቲ ንሱ ዝኣዘዞን፡ ቅድስት ቤተ ክርስቲያንና ነቶም ንጽሐ ጠባይዕ ዘለዎም ሕፃናት ንወዲ ኣብ ኣርብዓ መዓልቱ፡ ንጓል ድማ ኣብ ሰማንያ መዓልታ እናኣጥመቐት ጸጋ ውልድነት ከም ዝረኽቡን ብርቀት ካብ መንፈስ ቅዱስ ተወሊዶም ብወልድ ውሉድ ብክርስቶስ ክርስቲያን ከም ዝስመዩን ትገብር።

2. ሥርየት ኃጢኣት፦ “ወነአምን በአሐቲ ጥምቀት ለሥርየተ ኃጢኣት/ ኃጢኣት ብዝሥረየላ ሓንቲ ጥምቀት ንኣምን” (ጸሎተ ሃይማኖት)። እዚ ቃል’ዚ ትምህርተ ሃይማኖት ኦርቶዶክስ ተዋሕዶ ቤተ ክርስቲያን እዩ። በዚ መሠረት እምበኣር ጥምቀት ኃጢኣት ከም ዝድምስስ ዘየጠራጥር እሙን ነገር እዩ። እንተኾነ ግና ‘ነየናይ ኃጢኣት፧ ናይ መን ኃጢኣት ይድምስስ፧’ ኣነጺርካ ምፍላጥ ይግባእ።

ካብ ሡራ ተማሕያ ዝወደቐት ገረብ ዳግማይ ተተኺላ ለምሊማ ዓምቢባ ከተፍሪ ከምዘይትኽእል፡ ከምኡ ድማ ድኅሪ ስቅለተ ክርስቶስ፡ ጥንተ አብሶ ብፍዳ ዘይኅዝን ዘይመኃላለፍን ስለዝኾነ፡ ኣብ ዘመነ ሓዲስ (ዘመነ ሥጋዌ) ናብ ሕፃናት ዝኃልፍ ኣዳማዊ ኃጢኣት የለን። ነዚ ብምርዳእ እዮም ድማ ቅዱሳን ኣቦታት፡ ‘ወያቅድሙ አጥምቆ ሕፃናት/ ሕፃናት ንጽሐ ጠባይዕ ዘለዎም ኣምሳል መላእክት ስለ ዝኾኑ ፍጹም ኃጢኣት የብሎምን እሞ፡ ንሕፃናት ኣቐዲምኩም ኣጥምቕዎም’ ዝብል ሥርዓት ዝሠርዑልና። (ፍትሐ ነገሥት አንቀጽ ሣልስ)። ከምኡ’ውን ቅዱስ ሳዊሮስ ዘአንጾኪያ “ ተፀንሰ ወተወልደ በሥጋ ያሰስል ትካዘ ዘልደተ ደቂቅ ወያግዕዝ ትዝምደ እጓለ እመ ሕያው እምዘቀዳሚ መርገም/ ንሕፃናት ካብ ማኅፀን ጀሚሩ ይሳቕዮም ንዝነበረ ንኸርሕቕን፡ ንባሕርየ ሰብ ድማ ካብቲ ናይ ቀደም ፍዳ መርገም ንኸድኅንን ብሥጋ ተፀኒሱ ተወልደ። (ሃይ. አበው 86፡7)

ስለዚ ሕፃናት ዝጥመቑሉ ምኽንያት “እስመ ዘተወልደ እምሥጋ ሥጋ ውእቱ፡ ወዘተወልደ እመንፈስ መንፈስ ውእቱ/ እቲ ካብ ሥጋ ዝተወልደ ሥጋ እዩ፡ እቲ ካብ መንፈስ ዝተወልደ ኸኣ መንፈስ እዩ” (ዮሐ. 3፡6) ከም ዝብል ድኅነት ብጥምቀት ስለዝርከብ ደኣ እምበር ጥንተ አብሶ ስለ ዝኃለፎም ኣይኮነን።

ሓደ ሓደ ሰባት ሕፃናት ጥንተ አብሶ ዘይኃልፎም እንተኾይኑ ክጥመቑ ከለዉ ‘ . . . ወነአምን በአሐቲ ጥምቀት ለሥርየተ ኃጢአት’ ዘለዎ ጸሎተ ሃይማኖት ክድገመሎም ኣይግባእን’ዩ ዝብልዎ ስሑት ትምህርቲ እዩ። ‘ወነአምን በአሐቲ ጥምቀት ለሥርየተ ኃጢአት’ ዝበሎ በቲ ክርስቶስ ኣብ ፈለገ ዮርዳኖስ ክጥመቕ ከሎ ብሰብነቱ ረጊጹ፡ ብኣምላኽነቱ ኣምኪኹ ንሓዋሩ ዝደምሰሰልና ኃጢኣት እተሥተሥሪ ሓንቲ ጥምቀት ነኣምን ኢና ማለት እዩ። ቅዱስ ያሬድ ብወገኑ ‘ኃጢኣት ወመንሡት ወኵሉ ይደመሰስ በዮርዳኖስ’ ይብል እዩ። ከምኡ’ውን ቅዱስ ዲዮስቆሮስ ኣብ ቅዳሴኡ (ቍ. 66)፦ ‘ኢትዝክር ለነ አበሳነ ዘትካት/ ነቲ ኣዳማዊ ኃጢኣት ኣይትዘክረልና’ ይብል። እዚ ኸኣ ‘ፍዳ መርገም ይመኃላለፍ እዩ’ ዝብሉ ስሑታን ኣለዉ’ሞ ነዚ ከብርህ ‘አበሳነ ዘትካት’ በለ። ስለዚ እምበኣር እዚ ብቤዛነት ክርስቶስ ዝተደምሰሰ ጥንተ አብሶ፡ ድኅሪ ስቅለተ ክርስቶስ ናብ ደቂ ኣዳም ናይ ምኅላፍ ሥልጣን የብሉን።

ከምቲ ‘ወአሥለጠ ዕዳ ዘኮነ ላዕለ ደቂቀ እጓለ እመ ሕያው ወቤዘዎሙ በርእሱ ወሞተ በእንቲአሆሙ ከመ ሰብእ ወተንሥአ ወአኅጐሎ ለዘቦቱ እዘዘ ሞት ዘውእቱ ዲያብሎስ ዝንቱ ግብር ይትሌዐል እምኵሉ ንባብ ንትወከፎ በሃይማኖት ወኢንሕትት በእንቲአሁ በተቃውሞ/ ነቲ ኣብ ልዕሊ ደቂ አዳም ዝነበረ ኵሉ ዕዳ ከፈለ፡ ሰብ ብምዃኑ ድማ ብርእሱ ተበጀዎም፡ ምእንታኦም ሞተ፡ ነቲ ሥልጣን ሞት ዘለዎ ዲያብሎስ ስዒሩ ተንሥአ። እዚ ሥራሕ’ዚ ካብ ምዝራብ (ምምርማር) ዝረቐቐ እዩ። ብሃይማኖት ደኣ ንቀበሎ እምበር ብዛዕባኡ ብምክርኻር (ብምቅዋም) ኣይንመርምር።’ (ሃይማኖተ አበው ዘኤራቅሊስ 48፡24-25) ዝብል ነዚ ትምህርቲ’ዚ ብእምነት ምቕባል እምበር ምቅዋም ኮነ ምክርኻር ኣይግባእን እዩ።

ብሓቂ ጥምቀተ ክርስትና ንሕፃናት ብንጹሓቶም፡ ደጊም ኣብ ኣርዑት ባርነት ንኸይኣትዉ ደቂ ሥላሴ ገይራ፣ ንንኡሰ ክርስቲያን ድማ ካብ ዝነበሮም ምልኣተ ኃጢኣት ኣንጺሓ ኃይሊ እትህብ ምሥጢር እያ። ነዚ ከብርህ እዩ ድማ ሳዊሮስ ዘእስሙናይን ኣብ ድርሳኑ፡ “ወበጥምቀተ ክርስትና ይከውን ሰብእ አግዐዜ እምግብርናተ ኃጢኣት እምሥልጣነ ዲያብሎስ ወእምእጋንንቲሁ ርኩሳን። ብጥምቀት ኵሉ ሰብ ካብ ግብሪ ኃጢኣትን ካብ ሥልጣን ዲያብሎስን ርኹሳን ኣጋንንቱን ናፃ ይኸውን።” ዝበለ። እቶም ጥምቀተ ክርስትና ዘይተቐበሉ ግና እዚ ኃይሊ እዚ የብሎም። ከመይ! ቅዱስ ጳውሎስ፡ “ዘይኄይሎም ይእዜ ለደቂቀ ከሐድያን/ ሎሚ ነቶም ደቂ ከሓድያን ገዚእዎም ዝነብር . . . ” (ኤፌ. 2፡2) ከም ዝበለ፡ ዲያብሎስ ባሮት ኃጢኣት ንምግባር እናኃየሎም ይነብር።

እዚ ትምህርቲ እዚ ኣብ ቅዱሳት መጻሕፍት ብሰፊሑ ዝተገልጸ፣ ካብ ቅዱሳን ኣቦታትና እናተመኃላለፈ ኣባና ዝበጽሐን ዝቕጽልን ርቱዕ ትምህርቲ ቤተ ክርስቲያን እዩ።

‘ንሕነሰ ንተሉ እምነተ አበዊነ ቅዱሳን እንበለ ተወላውሎ። ንሕናስ ብዘይ ጥርጥር ሃይማኖት ቅዱሳን ኣቦታትና ኢና ንስዕብ። (ሃይማኖተ አበው ዘቄርሎስ 70፥1)

ወስብሐት ለእግዚአብሔር ወለወላዲቱ ድንግል ወለመስቀሉ ክቡር፡ አሜን!

Ad Right

ዘመነ ማርቆስ 15 መስከረም 2014 ዓ.…

September
Saturday
25
ፍልሰተ ሥጋሁ ለእስጢፋኖስ፡ ወአባጴጥሮስ። ዘቅዳሴ ምንባብ መልእክታት ቈላ.1፡1-10 ያዕ. 5፡13-ፍጻሜ ግብረ ሓዋርያት ግብ. ሐዋ. 6፡7-ፍጻሜ ምስባክ መዝ. 127/128 ወንጌል ዮሐ. 15፡12-19 ቅዳሴ ቅዳሴ ዘወልደ ነጐድጓድ። * * *
00:00 h

ዜና ኅትመት

እዋናዊ ጽሑፋት

ኃይሊ ቅዱስ መስቀል ኣብ ዘመነ ኣበው።

በስመአብ ወወልድ ወመንፈስ ቅዱስ አሐዱ አምላክ ኣብ ዘመነ ኣበው’ውን እንተኾነ ናይቲ ኺመጽእ ዘለዎ ኣማናዊ መስቀል ጽላሎት ኮይኑ ብዙኅ ተኣምራት ሰሪሑ እዩ፤...

ሓድነታዊ ጉባኤ ሓድሽ ዝተመርጸ ምምሕዳር ሰበካ ጉባኤን ምእመናን ኣባላት ሰበካ…

መሪሕነት ኣባላት ሰበካ ጉባኤ መድኃኔ ዓለም ኦርቶዶክስ ተዋሕዶ ቤተ ክርቲያን ኤርትራ (ሉሳካ) ከምኡውን ምእመናን ምእመናት ነበርቲ ሃገረ ዛምብያ ብማእከልነት ቀሲስ...

ጉባኤ ማኅበር መላእ ኣብያተ ክርስቲያናት ኣፍሪቃ ኣብ ሃገረ ዛምብያ ይካየድ…

ብማኅበር መላእ ኣብያተ ክርስቲያናት ኣፍሪቃን(AACC) ብኣኣንጋድነት ቤት ምኽሪ ኣብያተ ክርስቲያናት ዛምብያ (CCZ) ተወዲቡ፡ ኣብ ዛዕባ ሕዝባዊ ዕዳን ብልሽውናን ምቁጽጻር ከምኡ’ውን...

ጉባኤ ኤፌሶን (431 ዓ.ም.) 1ይ ክፋል

ዝቐደመ ጉባኤታት ኣብ ምሥጢረ ሥላሴ ንዝተላዕለ ኑፋቄታት፣ ብፍላይ ብተመሃሮ ቤት ትምህርቲ አንጾኪያ፣  መልሲን ግቡእ መግትኢ ዝኸውን ውግዘትን ኣቐሚጡ ነበረ። ብድሕሪ...

በዓለ ሥእል ዘጼዴንያ

ብመሠረት ትምህርቲ ቅድስት ቤተ ክርስቲያን ካብ ቅዱሳት ኣሣእል ብዙኅን ዓቢይን ጥቕሚ ይርከብ። ኣብ ቅዱሳት መጻሕፍቲ ዝርከቡ ትምህርትታትን ታሪኻትን ብሥእላዊ ኣገላልጻ...

በዅሪ ጽምብል ሥነ ሥርዓት መመረቕታ ኮለጅ ነገረ መለኮት ደብረ ሲና…

ኮለጅ ነገረ መለኮት ደብረ ሲና ቅድስት ሥላሴ ዘኦርቶዶክስ ተዋሕዶ ቤተ ክርስቲያን ኤርትራ፡ ብመዓልታውን ምሸታውን መርሐ ግብር ክምህሮም ካብ ዝጸንሐ ተማሃሮ፡...

“ነቢይ ኢሳይያስ”

ነቢይ ማለት ፡ መንፈስ ትንቢት ኃዲርዎ ብዛዕባ ዚመጽእ ትንቢት ዚንበ፣ ብዛዕባ ዝኃለፈን ዚመጽእን ራእይ ዚርኢ፣ ብዛዕባ ግብረ እግዚአብሔር ኣብ ታሪኽ...

ዜና መዋዕል ካብ ልደት ክሳዕ ግብአተ መሬት መሪጌታ ባራኺ ገብረመድኅን…

በስመ አብ ወወልድ ወመንፈስ ቅዱስ አሐዱ አምላክ! “በድርየኒ ፈጸምኩ ወሃይማኖትየኒ ዐቀብኩ፡ እንከሰ ጽኑሐ ሊተ አክሊለ ጽድቅ ዘየዐሥየኒ እግዚአብሔር ይእተ ዕለተ መኰንነ...

ኣብ ቤት ማኅተም ኮከበ ጽባሕ ንልዕሊ 20 ዓመት ዝሠርሑ መሪጌታ…

ናይ ኤርትራ ኦርቶዶክስ ተዋሕዶ ቤተ ክርስቲያን ቤት ማኅተም ኮከበ ጽባሕ ማኅበረ ሓዋርያት ንልዕሊ 20 ዓመት ዝሠርሑ መሪጌታ በራኺ ገብረመድኅን ኣብ...

እንቋዕ ካብ ዘመነ ማቴዎስ ናብ ዘመነ ማርቆስ ብሰላም ኣሰጋገረናን ኣብጽሓናን!

ዝናም ብመብረቕን ድምፂ ነጐድጓድን ተዓጂቡ ንምድሪ ዘዕለቕልቐሉ ወርኀ ክረምት ኣኅሊፉ፡ ንምድሪ ብልምላሜን ጽጌያትን ኣወቂቡ፡ ናብዚ ሓዲስ ዘመን ንሰጋገረሉ ወርኀ መስከረም...

ካብ ርእሰ ዓውደ ዓመት ክሳዕ ፀአተ ክረምት

1. ካብ ዮሐንስ (መለወጢ ዘመን ) ክሳዕ ዘካርያስ (1 መስከረም ክሳዕ 8 መስከረም) ሓድሽ ዓመት ዝትክኣሉ እዋን ስለዝኾነ ኣብ ልቢ ክርስቲያን...

ቃለ ቡራኬ ርእሰ ዓውደ ዓመት 2014 ዓ.ም.

አቀድም አእኵቶቶ ለእግዚአብሔር በኢየሱስ ክርስቶስ በእንተ ኵልክሙ እስመ ተሰምዓት ሃይማኖትክሙ ውስተ ኵሉ ዓለም። (ሮሜ ፲፩፡፰)/ ኣቐዲመ ንዂልኻትኩም ብኢየሱስ ክርስቶስ ሃይማኖትኩም...

  

latest articles

Transfiguration: (Debre Tabor)

This is the day celebrated on Nehase (August) 13 G.C. in which Our Lord Jesus Christ during his ministry, manifested...

PRAYER

Prayer is a word by which man communicates with his Creator in Faith, thanking and beseeching Him for the forgiveness...

FAITH AND WORKS

Faith is “a confidence or trust in God”. Faith gives assertion to the things we hope for and explains the...

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...