ኣብ ዘመነ መርዓዊ - ክርስቲያናዊ ኃዳር

Jan 27, 2021

ሰማያዊ መርዓዊ ጐይታናን መድኃኒናን ኢየሱስ ክርስቶስ፡ ምስ ኣዲኡ ቅድስት ድንግል ማርያምን ኣርድእቱ ቅዱሳን ሓዋርያትን ኣብ ቃና ዘገሊላ ኣብ ቤት መርዓ ተረኺቡ ከምዝባረኸ ንምዝካር ካብ መጀመርታ ወርኀ ጥር ክሳዕ ምእታው ዓቢይ ጾም ዘሎ “ዘመነ መርዓዊ” ይበሃል።

ኣብዚ ወቕት’ዚ ለአካለ መጠን ዝበጽሑ ብኦርቶዶክስ ሃይማኖቶም ዝጸንዑ፡ ብድንግልና ሰብነቶም ዝሓለዉ መርዓዊ ወመርዓት ጸሎተ ተክሊል ተደጊምሎም ሥርዓተ ተክሊል ይፍጸመሎም። ከምኡ’ውን ነቶም ብሥጋዊ ድቀት ድንግልናኦም ዘፍረሱ፡ ምስ ተነስሑ ጸሎተ መዓስባን በጺሕሎም ሥርዓተ መርዓ ይፍጸመሎም።

“የኀድግ ብእሲ አባሁ ወእሞ ወይተልዋ ለብእሲቱ ወይከውኑ ክልኤሆሙ አሐደ ሥጋ/ ሰብኣይ ኣቦኡን ኣደኡን ይኃድግ፣ ንሰበይቱ ከኣ ይስዕባ። ክልቲኦም ድማ ሓደ ሥጋ ይኾኑ” (ዘፍ. 2፡24፣ ማቴ. 19፡5) ከምዝብል በዚ ሥርዓት’ዚ መርዓውን መርዓትን ሓደ ኣካል ኮይኖም ኃዳር ይምሥርቱ። “ብዝኁ ወተባዝኁ” ብዝበሎ ኣምላካዊ ቃል ከምኡ’ውን ቅዱስ ዳዊት “ ናሁ ጸጋሁ ለእግዚአብሔር ውሉድ ዕሤተ ፍሬሃ ለከርሥ” (መዝ. 126፡3) ከምዝበለ ተተካኢ ውሉድ ብምውላድ፡ ዓሥራት በኵራት ቀዳምያት ብምውፃእ፡ ሥጋኡን ደሙን እናተቐበሉ እስከ ኅልፈተ ሕይወት ክርስቲያናዊ ናብራ ይነብሩ፡ ክርስቲያናዊ ኃዳር ይመርሑ።

ክርስቲያናዊ ኃዳር፦

•  ብእግዚአብሔር ዝተዋህበ ዓቢይ ናይ ተዋሕዶ ምሥጢር እዩ።
“ወይቤ እግዚአብሔር ኢኮነ ለእጓለ እመሕያው ይንበር ባሕቲቱ አላ ንግበር ቢጸ ዘትረድኦ/ እግዚአብሔር ድማ ሰብ በይኑ ክነብር ጽቡቕ ኣይኮነን እሞ ንእኡ ደጋፊት ንግበረሉ በለ” (ዘፍ. 2፡22) ከም ዝብል፡ ኃዳር ዘለዓለማዊ ሕይወት ንኽወርሱ እግዚአብሔር ብአዳምን ሔዋንን ንደቂ ሰባት ዝሃቦ ዓቢይ ምሥጢር እዩ። “ዓቢይ ውእቱ ዝ ነገር። ወአነ እብሎ ላዕለ ክርስቶስ ወላዕለ ቤተ ክርስቲያን/ ናይ መርዓዊን ናይ መርዓትን ተዋሕዶ ዓቢይ ምሥጢር እዩ። ኣነ ግና ብክርስቶስን ብቤተ ክርስቲያንን ከምኡ’ውን ብትስብእትን ብመለኮትን መሲለ እዛረብ ኣለኹ።” ይብሎ። (ትርጓሜ ኤፌ. 5፡32) ስለዝኾነ ድማ ኃዳር ተጻመድቲ ተሰማሚዖም ዝምሥርትዎን ዘፍርስዎን ሥጋዊ ወግዒ ዘይኮነስ እግዚአብሔር ብዝፈቐዶ ዝፍጸም ሥርዓት እዩ።

• ብጾምን ጸሎትን ተወሲንካ ሕጊ እግዚአብሔር እትሕልወሉ ፍኖተ ጽድቅ እዩ።
ጐይታ ባዕሉ፦ “ውሉደዝ ዓለም ይጠበቡ በዓለሞሙ/ ደቂ’ዚ ዓለም ኣብ ዓለሞም ይጣበቡ” ዝበሎም ደቂ ዓለም ዝተባህሉ ሰብ ኃዳር ኮይኖም ‘ይጣበቡ’ ዝበሎ ድማ ኃዳር መሥሪቶም፡ ቤት ሠሪሖም ኣብ ሃይማኖቶም ጸኒዖም ብሥነ ምግባር ተጊሆም፣ ብጾም ብጸሎት ብንስሓ ብቍርባን ተወሲኖም መንግሥተ ሰማያት ይወርሱ ማለት እዩ። (ሉቃ. 16፡8) ክርስቲያናዊ ኃዳር ካብ ኃጢኣት ዘርኅቕ፡ ብንጽሕና ዘንብር ደምበ ጾምን ጸሎትን እዩ። ነዚ ኣብነት ዝኾነና ካብ ቅዱሳን፡ “ወክልኤሆሙ ጻድቃን እሙንቱ በቅድመ እግዚአብሔር ወየሐውሩ በኵሉ ትእዛዙ ወሕጉ ወኵነኔሁ ለእግዚአብሔር ወንጹሐን እሙንቱ እምኃጢአት/ ኣብ ቅድሚ እግዚአብሔር ክልቲኦም ጻድቃን ነበሩ። ብዅሉ ትእዛዙን ሕጉን ይኸዱ ነበሩ። ካብ ኃጢኣት ድማ ንጹሓን ነበሩ።” ተባሂሉ ንካህን ዘካርያስን ቅድስት ኤልሳቤጥን ተመስኪርሎም እዩ። (ሉቃ. 1፡6)

• ብምክረ ካህን እናተመላለስካ እትነብሮ ግብራዊ ሕይወት እዩ።
ጐይታናን መድኃኒናን ኢየሱስ ክርስቶስ፦ “ኵለኬ ዘይሰምዕ ዘንተ ቃልየ ወይገብሮ ይመስል ብእሴ ጠቢበ ዘሐነፀ ቤቶ ዲበ ኰኵሕ/ ኵሉ ነዚ ቃለይ ሰሚዑ ዝገብሮ ቤቱ ኣብ ከውሒ ዝሓነፀ ጥበበኛ ሰብአይ ይመሰል” (ማቴ. 7፡24) ኢሉ ንዝመሃሮ፡ “ነዚ ቃለይ ሰሚዑ ዝገብሮ ብምኽሪ ካህን ዝመላለስ ብልሂ ሰብ ይመስል” ብምባል ሊቃውንተ ቤተ ክርስቲያን ተርጕሞም  ኣለዉ። እዚ ድማ “ወቀሳውስትኒ ከመ መምህራን/ ቀሳውስት መምህራን እዮም”፣ “ኦ ካህናት አንትሙ ውእቱ አዕይንተ እግዚአብሔር ብሩሃን/ ኦ ካህናት ብሩሃን ኣዕይንተ እግዚአብሔር ንስኻትኩም ኢኹም” ከምዝብል፡ ካህናት ንምእመናን ምሂሮም፡ ኣእሚኖም፡ ኣጥሚቆም፡ ኣነሲሖም፡ ኣቝሪቦም፡ ንመንግሥተ ሰማያት ድልዋት ዝገብሩ ሰማያዊ መፍትሕ ዝኃዙ እዮም።
ስለዚ ብምኽሪ ካህን ዝምራሕ ኃዳር እሳት ኃጢኣት ከይጸለዎ፡ ወራሲ መንግሥተ ሰማያት ዝገብር እዩ።

• ቃላተ ወንጌል ዝፍጸመሉ ናይ ተግባር ቤት ትምህርት እዩ።
ንቃላት ጐይታ ንትእዛዛተ ወንጌል ኽንፍጽም ክርስቲያናዊ ኃዳር እቲ ቀንድን ጥጡሕን ባይታ እዩ። ሽዱሽተ ቃላተ ወንጌል ዝበሃሉ “ጠምየ ኣብሊዕኩምኒ፡ ጸሚአ ኣስቲኹምኒ፡ ጋሻ ኮይነ ተቐቢልኩምኒ፡ ዓሪቐ ኣልቢስኩምኒ፡ ሓሚመ በጺሕኩምኒ፡ ተኣሢረ እግዚአብሔር ይፍታሕካ ኢልኩምኒ” ከምኡ’ውን ቃል ኪዳን ወንጌል ዝኾነ “ዘተወክፈ ነቢየ በስመ ነቢይ ዐስበ ነቢይ ይነሥእ፣ ወዘተወክፈ ጻድቀ በስመ ጻድቅ ዐስበ ጻድቅ ይነሥእ። ወዘአስተየ ለአሐዱ እምእሉ ንኡሳን ጽዋዐ ማይ ቈሪር ባሕቲቶ በስመ ረድእየ አማን እብለክሙ ኢየኀጕል ዐስቦ/ ነቢይ ኢኻ ኢሉ ብስም ነቢይ ዝተቐበለ ዓስቢ ነቢይ ይረክብ። ጻድቕ ኢኻ ኢሉ ብስም ጻድቕ ዝተቐበለ ድማ ዓስቢ ጻድቕ ይረክብ። ብስም ወዲ መዝሙረይ ንሓደ ካብዞም ናኣሽቱ ጽዋዕ ማይ ጥራይ ዘስተየ ብሓቂ እብለኩም ኣለኹ ዓስቡ ኣይጠፍእን እዩ” (ማቴ. 10፡40) ዝብል ብግብሪ ንመሃረሉ እዩ።

• ምንጪ ቅዱሳን ውሉድ ዝኾነ ናይ ቅድስና ሕይወት እዩ።
“ወከመሰ ኢትዘምዉ ኵሉ ብእሲ ይንበር በብእሲቱ ወኵላ ብእሲት ትንበር በምታ/ ምእንታን ከይትዝምዉ ኵሉ ሰብኣይ ብሰበይቱ፣ ሰብይቲ ድማ ብሰብኣያ ተወሲና ትንበር” 1ይ ቆሮ. 7፡2 ከምዝብል ካብ ዝሙት ንኽሕለዉ ብቅዱስ ኃዳር ነፍሲ ወከፍ ሰብኣይ ናይ ገዛእ ርእሱ ሰበይቲ ከምኡ ድማ ሰበይቲ ናይ ገዛእ ርእሳ ሰብኣይ ሃሊዋ ብሕግን ሥርዓትን ይነብሩ። “ወለብእሲትኒ ዘበርቱዕ ይግበር ላቲ ምታ ወከማሁ ብእሲትኒ ለምታ/ ሰብኣይ ድማ ከምቲ ዝግባእ (ማለት ጊዜ ሕርሲ፡ ፅንሲ፡ ወርኃዊ ጽግያት፡ በዓላት፡ ኣጽዋማት) ሓልዩ ከምቲ ዝግባእ ይግበረላ ከምኡ ድማ ሰበይቲ ንሰብኣያ” ይብል። (1ይ ቆሮ. 7፡3) ነዚ ሓዋርያ ጳውሎስ “አውስቦ ንጽሕ ወምስካቦምኒ አልቦቱ ስዕበት/ መውስቦ ንጽሕ እዩ። ዓራቶም ድማ ርኽሰት የብሉን” ኢልዎ ኣሎ። (ዕብ. 13፡3) ብክቡር ኣውስቦን ብሕጋዊ ሩካቤን ዝምራሕ ኃዳር ምንጪ ቅዱሳን ውሉድ ይኸውን። እቶም ውሉድ ንእግዚአብሔር ዘሥምሩ፡ ርቱዓነ ሃይማኖት፡ ገበርተ ሠናይ፡ መፍቀርተ ሰብ፡ . . . ይኾኑ። ብቅድስና ንሴም ንካም ንያፌት ዝወለዱ ኣቦና ኖህን ሃይከልን ፡ ንነቢይ ሳሙኤል ዝወለዱ ሐናን ሕልቃናን፡ ንትምክሕተ ትዝምደ ሰብእ ንቅድስት ድንግል ማርያም ዝወለዱ ሐናን ኢያቄምን፡ ንጻድቅ አቡነ ተክለ ሃይማኖት ዝወለዱ ካህን ጸጋ ዘአብን እግዚእኃረያን . . . ከም ኣብነት ይጥቀሱ።

• ናይ ምክብባርን ምድግጋፍን መንፈሳዊ ናብራ እዩ።  
ኣብ ክርስቲያናዊ ኃዳር ሰብኣይ ግቡኡ፡ ሰበይቲ ግዴታኣ፡ ውሉድ ተራኦም ክፍጽሙ ይግባእ። ከምቲ ወልደ እግዚአብሔር ኢየሱስ ክርስቶስ ንቤተ ክርስቲያን ዘፍቀራ ከምኡ ድማ ሰብኣይ ንሰበይቱ ኣካሉ ብምዃና ክሳዕ ዓረፍተ ዘመን ከፍቅራን ክሓልየላን ይግብኦ። ሓዋርያ ጳውሎስ ኣብ መልእክተ ኤፌሶን፦ “ከማሁ እደውኒ ያፍቅሩ አንስቲያሆሙ ከም ነፍሶሙ፡ ዘአፍቀረ ብእሲቶ ርእሶ አፍቀረ። ወአልቦ ዘይክል ጸሊአ ሥጋሁ ግሙራ/ ከምኡ ድማ ሰብኡት ንኣንስቶም ከም ነፍሶም የፍቅሩ። ሰበይቱ ዘፍቀረ ንገዛእ ነፍሱ ኣፍቀረ። ንገዛእ ርእሱ ክጸልእ ዝኽእል ፍጹም የለን” ይብል። (ኤፌ. 2፡28) ሊቀ ሓዋርያት ቅዱስ ጴጥሮስ ድማ “ወከማሁ አንትሙኒ እደው እንዘ ትነብሩ ምስለ አንስቲያክሙ ኢታስተኃቅሩ አንስቲያክሙ እስመ ይደክም ፍጥረተ ዚአሆን ለአንስት አክብሩ አንስቲያክሙ እስመ ይወርሳ እማንቱኒ ክብረ ወሕይወተ ምስሌክሙ ከመ ኢትትዓቀፍ ጸሎትክሙ/ ከምኡ ድማ ኣቱም ሰብኡት ምስ ኣንስትኹም ክትነብሩ ከለኹም ተፈጥሮአን ድኹም እዩ እሞ፡ ኣይተቃልልወን። ንኣንስትኹም ኣኽብርወን። ንሳተን ምሳኹም ክብርን ዘለዓለማዊ ሕይወት ዝወርሳ እየን እሞ፡ ጸሎትኩም ምእንታን ከይዕገት ንኣንስትኹም ኣኽብርወን።” ይብል። (1ይ ጴጥ. 3፡7)
ከምኡ’ውን ሰበይቲ ንሰብኣያ ኽትገብሮ ዝግብኣ ቅዱሳን ሓዋርያት ኣብ መጽሓፎም ዲድስቅልያ ኣን. 3፡1-2 “ርቱዕ ብእሲት ትትአዘዝ ወትተሐት ለምታ፡ እስመ ርእሳ ለብእሲት ምታ . . . ወአንትንሂ አንስት ተአዘዛ ለአምታቲክን። ወተቀነያ በክብር ወበፈሪሀ እግዚአብሔር። ወኣስተፍሥሐ ለአምታቲክን በሠናይ ቅኔ ከም ትርከባ ሞገሰ በኀቤሆሙ/ ሰበይቲ ንሰብኣያ ክትእዘዝን ትሕት ክትብልን ቅኑዕ እዩ። . . . ኣንትን ኣንስቲ ንሰብኡትክን ተኣዘዛ። ብኽብርን ብፈሪሀ እግዚአብሔርን ተገዝኣ። ካብኦም ሞገስ ንኽትረኽባ ብሠናይ ኣገዛዝኣ ኣሐጕስኦም” ይብሉ። “ወብእሲትኒ ትፍርሆ ለምታ/ ሰበይቲ ንሰብኣያ ትፍራሃዮ” ከም ዝበለ። (ኤፌ 5፡28) ሰበይቲ ንሰብኣያ ብፍርሓትን ኣኽብሮትን ከም ሣራ ንአብርሃም ሐራይ ኢላ ብፍጹም ትሕትና ክትእዘዝን ክትለኣኽን ግቡኣ እዩ።

እዞም ሰብ ኃዳር፡ ንውሉዶም ክኸዱላ ዚግብኦም መንገዲ ከርእይዎም ክርስቲያናዊ ግዴታኦም እዩ። ሐዋርያ ቅዱስ ጳውሎስ “አበውኒ ኢታስተቍጥዑ ውሉደክሙ አላ ሕፅኑ ወገሥፁ በትምህርተ እግዚአብሔር/ ኣቦታት ድማ ንውሉድኩም ኣይተቘጥዕዎም። እንታይ ደኣ ብትምህርተ እግዚአብሔር ገሥፅዎምን ኣዕብይዎምን” ይብል። (ኤፌ. 6፡4) ‘ኢታስተቍጥዑ’ ክብል ከሎ ዝደለይዎ ናብ ጊጉይ ዝመርሕ ሥጋዊ ድሌታቶም ከሊእኩም ኣይተቘጥዕዎም ማለት ኣይኮነን። ወይ’ውን ከይበኽየኒ ከይሓርቀኒ እናበልካ ብሥጋ ሕንቃቐ ስዲ ምስዳድ ኣይኮነን። እንታይ ደኣ፡ ብትምህርተ እግዚአብሔር ገሥፅዎምን ብነፍሳዊ ሕንቃቐ ኣዕብይዎምን እምበር ደቂ ገሃነም ጌርኩም ከይተጕህይዎም ተጠንቀቑ ንክብል እዩ።

ውሉድ ድማ ብወገኖም “አክብር አባከ ወእመከ ከመ ይኑኅ መዋዕሊከ በዲበ ምድር/ ኣብ ምድሪ ዕድሜኻ ምእንታን ክነውኅ ኣቦኻን ኣዴኻን ኣኽብር” (ዘፀ. 20፡12) ከምዝብል፡ ንወለዶም ብተኣዛዝነት ከም ንእግዚአብሔር ገይሮም ከኽብርዎምን ክእዘዝዎምን ይግባእ።

ወስብሐት ለእግዚአብሔር፡ አሜን!

Ad Right

ዘመነ ማቴዎስ 30 ሚያዝያ 2013 ዓ.ም…

May
Saturday
8
ማርቆስ ወንጌላዊ በኵረ ፸ወ፪ቱ አርድእት፡ ወሊቀ ጳጳሳት ዘሀገረ እስክንድርያ። ዘቅዳሴምንባብ መልእክታት 2ይ ጢሞ. 4፡5-18 1ይ ጴጥ. 5፡6-ፍጻሜ ግብረሓዋርያት ግብ. ሐዋ. 15፡36-ፍጻሜ ምስባክ መዝ. 115/116 ወንጌል ሉቃ. 10፡1-11 ቅዳሴ ቅዳሴ ዘአበዊነ ሐዋርያት። * * *
00:00 h

ዜና ኅትመት

እዋናዊ ጽሑፋት

5ይ ፓትርያርክ ንምሻም ንሃገረ ስብከት ኣሥመራ ዝውክሉ 7ተ ኣባላት ተመሪጾም!

26 ሚያዝያ 2013 ዓ.ም. 5ይ ፓትርያርክ ንምሻም ንሃገረ ስብከት ኣሥመራ ዝውክሉ 7ተ ኣባላት ኣብ ኣዳራሽ ቤት ጽሕፈት መንበረ ፓትርያርክ ብዝተገብረ...

ቃለ ቡራኬ በዓለ ትንሣኤ ጐይታናን መድኃኒናን ኢየሱስ ክርስቶስ 2013 ዓ.ም.

ብምኽንያት በዓለ ትንሣኤ ጐይታናን መድኃኒናን ኢየሱስ ክርስቶስ  ፳፻፲፫(2021 ) ብኦርቶዶክስ ተዋህዶ ቤተክርስቲያን ኤርትራ ዝተፈነወ መልእኽቲ ኣብ ውሽጢ ሃገርን ወጻእን ዘለኹም ክቡራንን...

ቤተ ክርስቲያን ኣብ ብቤት ምኽሪ ኣብያተ ክርስቲያን ዓለም ኣብ ዝተወደበ…

ቤት ምኽሪ ኣብያተ ክርስቲያናት ዓለም ዕለት ፳፩ ሚያዚያ ፳፻፲ወ፫ ዓ.ም (29/04/2021) ኣብ ዝወደቦ ብዓይነቱ ናይ ፈለማ ዝኾነ ልዕሊ 40 ዝኾኑ...

ጽልዋ ኮቢድ 19 ኣብ ክርስቲያናዊ ተልእኮ ኣፍሪቃ ብዝብል ኣርእስቲ ዝተዳለዋ…

ጽልዋ ዓለምለኻዊ ለበዳ ሕማም ኮሮና ቫይረስ ኮቪድ 19 ኣብ ሓፈሻዊ ክርስቲያናዊ ተልእኮን ብፍላይ ድማ ኣብ ጉዕዞ ሰላም ኣህጉር ኣፍሪቃ ዘኸተሎን...

“ነሥአ ደዌነ ወፆረ ሕማመነ/ብሓቂ ንሱ ሕማምና ተቀበለ፡ ንሥቓይና ተሰከመ” …

በስመ አብ ወወልድ ወመንፈስ ቅዱስ አሐዱ አምላክ። ዕለተ ዓርብ (ስቅለት) ኣብ ሥነፍጥረት ብዕለት ዓርቢ “ንግበር ሰብአ በአርአያነ ወበአምሳሊነ” ፡ ከም መልክዕና ብምስልና...

ቅዱስ ሲኖዶስ ምስ ክልተ ንኡሳን ሃገረ ስብከታት ማንዛዊ (zoom) ኣኼባ…

ቅዱስ ሲኖዶስ ከም መቐጸልታ ናይቲ ምስ ወጻኢ ሃገረ ስብከታት ከካይዶ ዝጸንሐ ርክባት፡ ብዕለት 21/04/2021 ምስ ንኡስ ሃገረ ስብከት ምብራቕ ኣፍሪቃን...

ከም መቐጸልታ ፯ ሚያዚያ ፳፻፲ወ፫ ዓ.ም (15/04/2021) ዘውጽኦ መግለጺ ቅዱስ…

ከም ኣካል ሕግ ወሥርዓት ምርጫ መበል ፭ይ ፓትርያርክ ኦርቶዶክስ ተዋሕዶ ቤተ ክርስቲያን ኤርትራ መስርሕ ንምክትታል ምፍጻምን ቅዱስ ሲኖዶስ ዝመዘዞ ፯ተ...

ቅዱስ ሲኖዶስ ምስ ክልተ ንኡሳን ሃገረ ስብከታት ማንዛዊ ኣኼባ ኣካይዱ!

ብዕለት 13 ሚያዝያ 2013 ዓ.ም. ፡ ቅዱስ ሲኖዶስ ከም መቐጸልታ ናይቲ ምስ ወፃኢ ሃገረ ስብከታት ከካይዶ ዝጸንሐ ርክባት፡ ምስ ንኡስ...

ንኣፈጻጽማ ስትራቴጂክ ውጥን ዝምልከት ሥልጠና ይቕጽል ኣሎ!

ብስትራቴጂካዊ ውጥን ኽትምራሕ ምኽኣል ርኁቅ ከተማዕድውን ናብ ሓደ መኣዝን ዓወት ክትጥምትን ዘክእል ብምዃኑ፡ ኣብ ነፍሲ ወከፍ ኣካል ቤተ ክርስቲያን ክሰርጽን...

ቤተ ማኅተም ማኅበር ሐዋርያት መሠረታዊ ለውጢ ንምግባር ይሥራሕ ኣሎ!

ቤተ ማኅተም ኮከበ ጽባሕ ማኅበረ ሐዋርያት መሠረታዊ ለውጢን ሓፈሻዊ ምሕዳስን ንምግባር ይሥራሕ ኣሎ።

ገብር ኄር ወኒቆዲሞስ መምህር ተስፋሥላሴ ዘርአ እግዚእ

ቀደምት ሊቃውንት አበው ካብ ዕምቈት ፍልጠትን ምልከት ቋንቋን ዝተላዕለ ብዛዕባ ዝኾነ ኣርእስቲ ንስብሐተ እግዚአብሔር፡ ንነገራት፡ ንጊዜ ፡ ንኵነታት፡ ንሥነ ፍጥረት፡...

  

latest articles

PRAYER

Prayer is a word by which man communicates with his Creator in Faith, thanking and beseeching Him for the forgiveness...

FAITH AND WORKS

Faith is “a confidence or trust in God”. Faith gives assertion to the things we hope for and explains the...

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...

The feast Of Pentecost

IN THE NAME OF THE FATHER AND THE SON AND THE HOLY SPIRIT, ONE GOD. On this day the Holy...