ወርኀ ስደት

Oct 19, 2019

ሐዋርያዊትን ኣጽናፋዊትን ኦርቶዶክስ ተዋሕዶ ቤተ ክርስቲያን፡ ዓመታዊ ናይ ኣጽዋማትን በዓላትን ሰሌዳ ጊዜ ከምኡ’ውን ናተይ ትብሎ ናይ ቋንቋ ፊደልን ቍጽርን ዓውደ ኣዋርኅን ኣለዋ። ካብ 26 መስከረም ክሳዕ 6 ኅዳር ዘሎ ጊዜ ወርኀ ጽጌ ይበሃል።
ጽጌ ማለት ካብ ጸገየ ዝብል ግሢ ዝወፅአ ኮይኑ ዕምባባ ማለት እዩ። ኣብ’ዚ ወርኃት እዚ ድማ መሬት ብዕምበባ ኣጊፁ ስለ ዝርአ ወርኀ ጽጌ ተባሂሉ ይጽዋዕ።

ብመንፈሳዊ ምሥጢሩ ክትርጐም ከሎ ኸኣ ፍረ ድኅሪ ዕምባባ ከም ዝርከብ፣ እታ ኣማናዊት ዕምባባ ዝኾነት ድንግል ማርያም ንኣማናዊ ፍረ መድኃኔ ዓለም ክርስቶስ ብምፍራያ፡ ሓደ ምሥጢር ክኅዝ ከሎ፡ ብተወሳኺ ድማ ስደት ዕምባባ ድኅነት ኣዳም ኸኣ ፍረ ብምዃኑ ስደት ኣዳም ንኸብቅዕ መድኃኔ ዓለም ክርስቶስ ምስ ኣደኡ ቅድስት ድንግል ማርያም ዝተሰደሉ ንዝክረሉ ወርኃት ወርኀ ጽጌ ተባሂሉ ይጽዋዕ።

ትንቢተ ነቢያት ምስ ስብከተ ሐዋርያት ኣሰማሚዓን ኣማሣጢራን እትምህር ቅድስት ቤተ ክርስቲያን ስደት ቅድስት ድንግል ማርያም ምስ ፍቁር ወዳ ኣቐዲሙ ብነቢያት ዝተነግረ ንምፍጻም እዩ። “እቲ እግዚአብሔር ብነቢይ፡ ንወደይ ካብ ግብጺ ጸዋዕክዎ፡ ዝበሎ ምእንቲ ኺፍጸም ድማ፡ ሄሮድስ ክሳዕ ዚመውት ኣብኣ ጸንሔ።” ማቴ. 2፡15 ከምኡ’ውን “ንእስራኤል ሕፃን ከሎ ኣፍቀርክዎ፡ ንወደይ ካብ ግብጺ ጸዋዕክዎ” ሆሴእ 11፡1 ይብል።

ከምኡ’ውን ስደት ቅድስት ድንግል ማርያም ምስ ፍቁር ወዳ ናብ ምድረ ግብጺ ኣምልኾ ጣዖት ንምጥፋእ እዩ ነይሩ። ግብጺ ኣምልኾ ጣዖት ኣስፋሕፊሑላ ዝነበረት ሃገር ብምዃና ኺገልጽ ልዑለ ቃል ነቢይ ኢሳይያስ “እንሆ፡ እግዚአብሔር ብቕልጡፍ ደመና ይመጽእ፡ ናብ ግብጺ’ውን ይመጽእ፡ ጣዖታት ግብጺ ኣብ ቅድሚኡ ራዕራዕ ኪብሉ እዮም፡ ልቢ ግብጺ ኸኣ ኣብ ውሽጣ ኺመክኽ እዩ።” ኢሳ. 19፡1 ኢሉ ኣብ መጽሓፉ ኣስፊርዎ እዩ።

ብተወሳኺ ስደት ቅድስት ድንግል ማርያም ምስ ፍቁር ወዳ ንባርኾት ምድረ ግብጽን ንብዙኅ መካናትን ኣድባራትን ምድረ ኣግአዝን ምዃኑ‘ውን ብሣልሳይ ዝጥቀስ እዩ። ጥንታዊት ሓወልቲ ክርስትና ምድረ ኣግአዚ ዝኾነት ገዳም ደብረ ሲና ድማ ሕያው ሰማዕት በረኸትን ጸጋን ናይ’ዚ ስደት እያ።

ኣብዚ ስደት ቅድስት ድንግል ማርያም ምስ ፍቁር ወዳ ካብ ወገን መላእክት ቅዱስ ዑራኤል፡ ካብ ደቂ ሰባት ዮሴፍን ሰሎሜን ዝተሳተፍዎ፣ ካብ ቅዱሳን አበው ኣባ ቴዎፍሎስ፡ “ምሳኺ እንተ ዝስደድ” ኢሉ ዝተመነዮ፡ ፍጹም ትሕትናን ዕፁብ ተኣምራት ጐይታ ዝተራእየሉን ዝተፈጸመሉን ስደት እዩ።

እቲ ንኤልያስ ብሠረገላ እሳት ናብ ሰማይ ዘዕረገ ጐይታ ብእግሩ ናብ ግብጺ ዝተሰደሉ፣ ‘ወሲድዎ እዩ ኣይተራእየን’ ተባሂሉ ንዝተመስከረሉ ሄኖክ ዝሠወረ ጐይታ ብእግሩ ናብ ግብጺ ዝተሰደሉ፣ ንነቢይ ሕዝቅያስ ኣብ ዕድሚኡ ዕድመ ዝወሰኸ ጐይታ ንኽቅተል ብሠራዊት ሄሮድስ ዝተሃድነሉ፣ንነቢይ ኢሳይያስ ካብ ለምጹ ዘንጽሐ ጐይታ ብኮቲባ ካብ ሑቝፊ ኣደኡ ተመንጢሉ ኣብ መሬት ዝወደቐሉ፣ ንጉሠ ነገሥታት፡ አምለከ ኣማልክት፡ ጐይታ ጐይቶት ክንሱ ንዅሉ ስለ ፍቕሪ ኣዳም ብትሕትና ፀይሩ፡ ኣርኣያን ኣብነትን ብምዃን ንሕና’ውን ክንጸዋወር ከምዘሎና ዝምሃረና ስደት እዩ።

ኣብ ማኅፀን ኣዴኣ ሃና ከላ ኣዕይንቲ ዕዉር ዘብርሀት፡ ብመልአክ ፋኑኤል እናተመገበት ዝዓበየት፡ ብዜናዊ ፍሥሓ ቅዱስ ገብርኤል ጐይታ ጐይቶት ካብኣ ኸምዝውለድ ዝተበሠረት፡ ምስ ኃያል ተጸጊዑ ዘይፍክር፡ ምስ ሃብታም ቀሪቡ ዘይዕበ ልባ፡ ነዚ መሪር ስደት ብአኰቴት ምቕባላ ፍጹም ምልኣተ ጸጋኣ ዝተመስከረሉ ስደት እዩ።

ጕዕዞ ስደት ጐይታናን መድኃኒናን ኢየሱስ ክርስቶስ ምስ ቅድስት ወላዲቱ ካብ ምድረ እስራኤል ናብ ምድረ ግብጽ ድኅሪ 42 ሰሙን ኣብ ደብረ ቊስቋም እዩ ተፈጺሙ።

ቅድስቲ ቤተ ክርስቲያን ከኣ ነዚ ኻብ 26 መስከረም - 6 ኅዳር ዝዝከር ስደት፡ ሰንበተ ሰንበት ማኅለየ ሰሎሞን፡ ማኅሌተ ጽጌ ብምቋም ብዓቢይ ክብሪ እናዘከረት ተብዕሎ ኣላ። ናይ ቅድስቲ ቤተ ክርስቲያን ጸሓፍቲ ድርሳናት ስለ እዚ መሪር ስደት ንብዓት ካብ ኣዕይንቶም እናኣዛረዩ፡ ቈርበት ፍሒቖም ቀለም በጽቢጾም ኣብ ብራናታት ጽሒፎም ንማኅሌትን ንጸሎትን ዝኸውን ድርሳናት ገዲፎሙልና እዮም።

ኣብ ፍጻሜ ስደት ቅድስት ድንግል ማርያም ምስ ፍቁር ወልዳ ብዕለት 6 ኅዳር ዚንበብ መጽሓፈ ስንክሳር፡ ነዚ ዕፁብ ስደት ብኸም’ዚ ኣገባብ ብግጥሚ ሰኒድዎ ይርከብ፦ “አመ በጽሐኒ ምንዳቤ ወዐገተኒ ትካዝ፡ በአምሳለ ዐቢይ ውኂዝ፡ እትፌሣሕ አነ በብሂል ከመዝ፡ ሀሎ አምለኪየ ወረድኤተ ተስፋየ በዝ፡ ዘንብረተ ሥጋየ ወነፍስየ በእዴሁ እኁዝ። / “ሽግር ምስ በጽሓኒ ኃዘን’ውን ምስ ዓገተኒ ብኣምሳል ዓቢይ ውሕጅ፥ ንብረት ሥጋይን ነፍሰይን ኣብ ኢዱ ትኁዝ ዝኾነ አምለከይ ተስፋ ረድኤተይ ኣሎ ምሳይ እናበልኩ እሕጐስ።”

ሰላም ለአእጋሪከ ኀበ ደብረ ቊስቋም እለ ጌሣ፡ ሕፃነ ማርያም ክርስቶስ ጐይየከ እምደወለ ምሕሳ፡ አመ በጽሐ ህየ እንዘ ይነሥእ ኀይለ አንበሳ፡ እንተ ሠመርከ በኅድአት ለነፍሱ ታፍልሳ፡ ሰላም ሰላም ወልደ ዮሴፍ ዮሳ።”
ነተን ናብ ደብረ ቊስቋም ዝኸዳ ኣእጋርካ ሰላም እብለን፣ ሕፃነ ማርያም ክርስቶስ ካብ ከባቢ ምህሳ ኣብ ዝኸድካሉ፡ ኃይሊ ኣንበሳ ተዋሂብዎ ኣብኡ ምስ በጽሐ ነፍሱ ብኅድኣት ከተዕርፋ ፍቓድካ ኮነ፡ ሰላም ሰላም ወዲ ዮሴፍ ዮሳ።”

ዮሴፍ ወዲ ዮሳ ሓደ ኻብ’ቶም ብዙኃት ኣብ’ዚ ታሪኽ ዚጥቀሱ እዩ። ‘ሄሮድስ ሠራዊቱ ልኢኹ ይመጸኩም ኣሎ እሞ ቐልጢፉ ህደሙ’ ኢሉ ንቕድስት ድንግል ማርያም ቀሪቡ ስለ ዘሰንበዳ፡ ብፍቓድ ጐይታ ኣብ’ቲ ነዚ ፍጻሜ ዝነገረሎም ቦታ ብኅድኣት ነፍሱ ኻብ ሥጋኡ ብምፍላይ ኣዕረፎ።

ኣብዚ ናይ ሠለስተ ዓመትን ሽድሽተ ወርኅን ስደት ብዙኅ ኣደናቒ ተኣምር፡ ዘኅዝን’ውን መከራ በጺሕዎም እዩ። ብቕዱሳን መላእክት እናተዓጀቡ ብሸፋቱ ዝተኸትርሉ፣ ንዝተሰብረ ሴፍ ጥጦስ ብተኣምራቱ ዘዐሪ ክንሱ፡ ልብሶምን ኣሳእኖምን ኪዝመቱ ስቕ ኢሉ ዝረአየ። ንመሪር ማይ ናብ ጣዕሚ መዓር ዝቐየረ፡ ብጽምኣት ኪጓዓዙ ዝፈቐደ . . . ወዘይመስሎ፡ ካብ’ቲ ትዕግሥቲ ጐይታና መድኃኒናን ኢየሱስ ክርስቶስ ብምስትንታን ነዚ ወርኃት ከነኅልፎ ዝሕግዙና ፍጻሜታት ናይ’ዚ ወርኃት እዮም።

“ ብክዩ ኅዙናን ሐልየክሙ ስደታ፡ ወላኅው ፍሡሓን ተዘኪረክሙ ብዝኀ ሠናይታ፡ ማርያም ተዐይል ከመ ዖፍ ውስተ አድባረ ግብጽ ባሕቲታ ተአወዩ በኃጢኦታ ሀገረ አቡሃ ኤፍራታ ወደመ ሕፃናት ይውኅዝ በኵሉ ፍኖታ” ሰቆቃወ ድንግል።

ስብሐት ለእግዚአብሔር ልዑል
ወለወላዲቱ ማርያም ድንግል
ወለመስቀሉ ክቡር ወኃያል።

ዘመነ ዮሐንስ 24 መጋቢት 2012 ዓ.…

April
Thursday
2
ዝክር፦ አባ መቃርስ ሊቀ ጳጳሳት፡ ወአፈድፈዱ ምክረ ላዕለ እግዚእነ። ዘቅዳሴ ምንባብ፦ ገላ. 4፡12-20 1ይ ጴጥ. 1፡21-ፍጻሜ ግብ. ሐዋ. 5፡12-16 ምስባክ፦ መዝ. 81/82 ወንጌል፦ ማቴ. 26፡1-5 ቅዳሴ፦ ዘ፫፻ት ግሩም።         *   *   *
 - 23:00 h
Ad Right

ዜና ኅትመት

እዋናዊ ጽሑፋት

“ መድኃኔ ዓለም ”

  እግዚአብሔር አምላኽ ቅድሚ ኵሉ ዝነበረ’ዩ። ሰማያት ከይተዘርግሑ፡ ገጹ መሬት ከይተራእየ፡ ጐቦታት ከይቆሙ፡ ቀላያት ከይዓመቑን ወሓይዝ ከይወሓዙን ንሱ ብባህሪኡ ዝነበረ እዩ።...

7ይ ሰንበት ዓቢይ ጾም፡ ‘ኒቆዲሞስ’

  ኣብ ዓቢይ ጾም ካብ ዘለዋ ሸሞንተ ሰናብቲ፡ እታ ሻብዓይቲ ሰንበት ‘ኒቆዲሞስ’ ትብሃል። ኣብዛ ዕለት’ዚኣ ዚዝመርን ዚንበብን ዚወሃብ ትምህርትን ብዛዕባ ኒቆዲሞስ...

“ወእንዘ የሐውሩ ነጽሑ/ እናኸዱ ሓወዩ” ሉቃ. 17፡15

ጐይታናን አምላኽናን መድኃኒናን ኢየሱስ ክርስቶስ፡ ኣብ መዋዕለ ስብከቱ ናብ ኢየሩሳሌም ክኸይድ ከሎ ብማእከል ሰማርያን ገሊላን ኃሊፉ፡ ናብ ሓንቲ ከተማ ኣተወ።...

በቴርጌላ ማርያም - ካብ ተላባዒ ሕማም ዝደኃነ ብጸሎት ማርያም!

ናይ እግዚአብሔር ምሕረት ናይ ኣዴና ቅድስት ድንግል ማርያም ጸሎት ምስ ኵልና ይኹን እሞ ኣብ መጽሐፈ ተአምረ ማርያም ካብ ዝሰፈሩ ተአምራት...

በቴርጌላ ማርያም - ካብ ተላባዒ ሕማም ዝደኃነ ብጸሎት ማርያም!

ናይ እግዚአብሔር ምሕረት ናይ ኣዴና ቅድስት ድንግል ማርያም ጸሎት ምስ ኵልና ይኹን እሞ ኣብ መጽሐፈ ተአምረ ማርያም ካብ ዝሰፈሩ ተአምራት...

መግለጺ ቅዱስ ሲኖዶስ

ቅዱስ ሲኖዶስ ብምኽንያት ሕማም ኮረና ቫይረስ ሓዲሽ መግለጺ ኣውጺዑ!

6ይ ሰንበት፡ ‘ገብርኄር’

  ሻዱሻይ ሰንበት ዓቢይ ጾም “ገብርኄር” ትበሃል። እዛ ሰንበት እዚኣ ‘ገብርኄር’ ዝተሰምየት፡ ማኅሌታይ ቅዱስ ያሬድ ኣብ ዝደረሶ ጾመ ድጓ፡ ብዛዕባ ቅኑዓት...

ገብር ኄር

  ኣብ ዓቢይ ጾም ኣብ ዝርከቡ ሸሞንተ ሰናብቲ እታ ሻድሸይቲ ሰንበትን ምስኣ ዘላ ሰሙን ገብርኄር ተባሂላ ትፍለጥ። ጐይታ ሠራዊት እግዚአብሔር ነዛ...

ገዳም ደብረ ጽጌ ወደብረ ድኁኃን አቡነ ዮናስ

ሀሎ አሐዱ ብእሲ በአሐቲ ሀገር እንተ ስማ ቡር ሀገረ መስቀል ዘስሙ ንዋየ እግዚእ ወስመ ብእሲቱ ኂሩተ ማርያም / ኣብ ‘ቡር...

ንግደት ኢየሩሳሌም ኣብ በዓለ ፋሲካ 2012 ዓ.ም.ግ. (2020 ዓ.ም.) ንዘይተወሰነ…

ብመሪሕነት ቅዱስ ሲኖዶስን ብማእከልነት ቤት ጽሕፈት መንበረ ፓትርያርክን ኦርቶዶክስ ተዋሕዶ ቤተ ክርስቲያን ኤርትራ ተማእኪሉ ዝካየድ ንግደት ናብ ሀገረ ቅድስት ኢየሩሳሌም፡...

ደብረ ዘይት - ነገረ ምጽአተ ክርስቶስን ኅልፈተ ዓለምን

ኣብ ዓመት ብዛዕባ ዳግማይ ምጽኣት ጐይታናን ኣምላኽናን መድኃኒናን ኢየሱስ ክርስቶስ ከምኡ’ውን ኅልፈተ ዓለም ብፍሉይ እንዝክረሉ ሠለስተ ጊዜያት ኣለዉ። እቲ ሓደ...

“ወዝንቱ ዘመድ ኢይወፅእ ዘእንበለ በጾም ወበጸሎት። /እዚ ከምዚ ዝበለ ብዘይ…

 ዘለናዮ ቅንያት፡ ናይ ጐይታናን አምላኽናን መድኃኒናን ኢየሱስ ክርስቶስ ጾም ኣብነት ብምግባር፡ ፈቃደ ሥጋና ብፈቃደ ነፍስና ኣግዚእና፡ ካብ አኃዜ ኵሉ ወብዙኀ...

  

latest articles

The feast of presenting the lord Christ in the temple…

On this day we celebrate the feast of presenting the lord Christ to the temple after 40 days of his...

The Fast of Nineveh - Monday 10 – 12 February…

In Eritrean Orthodox Tewahdo Church, one of the seven fasting periods is the fast of Nineveh.

Mystery of Baptism

Baptism is the sacrament given to all who believe in the Mystery of the Trinity and the Mystery of Incarnation...

Mystery of Incarnation

Mystery of Incarnation means the mystery of the descending of God the Son who is one of the Trinity from...

Mystery of the Holy Trinity

The Eritrean Orthodox tewahdo Church has Five pillars of Mysteries through which it teaches and demonstrates its basic religious belief...

Welcome to the Feast of the Nativity of Our Lord…

Glory to God. When the appointed time of salvation and the foretold prophesies came to pass, God the Son come to...

In Memory of His Holiness Abune Yacob the Second Patriarch…

His Holiness Abune Yacob, the Second Patriarch was one of the reputable leaders of the EriOTC, a shining star of...

Fast of the Prophets (Advent)

15th November (geez calander), marks the first day of the Advent Fast, a period of abstinence and penance practiced by...

FASTING

Fasting is abstinence from all things that a body needs, and one has to fast from animal products and from...

The Eritrean Orthodox Tewahdo Church (EriOTC)

In the name of the Father, and of the Son, and of the Holy Spirit, One God. “We call our...

Holy of Holies Our Lady, the virgin Mary

The word holy (kidus) in Geez denotes being special, pure and esteemed. This prefix is an attribute to denote the...

HOLY SCRIPTURES (part one)

All Scriptures are written with the inspiration of the Spirit of God or the breath of God. They are also...