ምስጋና ንኣዴና ቅድስት ድንግል ማርያም!

Nov 03, 2018

ምስጋና ንኣዴና ቅድስት ድንግል ማርያም፡ ምስጋና ኽልተ ዓይነት እዩ፦ እዚ’ውን ንፈጣሪ እግዚአብሔር ንበይኑ ዝቐርብ ናይ ኣምልኾን ናይ ባህርይን ምስጋና ከምኡ’ውን ንቅዱሳን ዝቐርብ ናይ ጸጋ ምስጋና እዩ። ንቅድስተ ቅዱሳን ኣዴና ቅድስት ድንግል ማርያም ድማ ናይ ጸጋ ምስጋና ይግብኣ።

ናታ ምስጋና ንጐይታ ድኅሪ ምውላዳ ዝጀመረ ዘይኮነስ ካብ ዘመነ ብሉይ ጀሚሩ ብኅብረ ምሳሌን ትንቢትን እናተተኃኃዘ ዝመጸ እዩ።

ኣዴና ቅድስት ድንግል ማርያም ገና ከይተወልደትን ንጐይታ ከይወለደትን ከላ ብትንቢት ትምስገን ከምዝነበረት ንምርዳእ ኣቦኣ ዳዊት “ወትቀውም ንግሥት በየማንከ በአልባሰ ወርቅ ዑፅፍት ወኁብርት፡ ርስዒ ሕዝበኪ ወቤተ አቡኪ እስመ ፈተወ ንጉሥ ሥነኪ/ እታ ንግሥት ጽሩይ ወርቂ ተሰሊማ ኣብ የማንካ ትቐውም፡ ናብቲ ዝብለኪ ስምዒ፡ ርኣዪ’ውን እዝንኺ ኸኣ ጽለዊ፣ ሕዝብኽን ቤት ኣቦኽን ረስዒ።” እናበለ ኣመስጊንዋ እዩ። (መዝ. 44(45)፡9-10)

ነቢይ ኢሳይያስ’ውን “ቅንቲ ሐቌኪ ወልበሲ ትርሢተ መንግሥትኪ ይሰግዱ ለኪ ኵሎሙ ነገሥታተ ምድር ወይልሕሱ ጸበለ እግርኪ ወትሰመዪ ሀገረ እግዚአብሔር ቅዱሰ እስራኤል/ ሕቈኺ ተዓጠቒ፣ ሥልማት መንግሥትኺ ልበሲ፣ ኵሎም ነገሥታት ምድሪ ኪሰግዱልኪን ጸበል እግርኺ ክልሕሱን እዮም፣ ሃገረ እግዚአብሔር ከተማ’ቲ ቅዱሰ እስራኤል ኢሎም ኪሰምዩኺ እዮም” በላ። (ኢሳ. 60፡14)

ዘመነ ብሉይ ኃሊፉ ዘመነ ሓዲስ ምስ ተተከአ ድማ ሊቀ መላእክት ቅዱስ ገብርኤል “ተፈሥሒ ፍሥሕት ኦ ምልእተ ጸጋ እግዚአብሔር ምስሌኪ ቡርክት አንቲ እምአንስት” እናበለ ኣመስጊንዋ እዩ። (ሉቃ. 1፡28)

ኣደ መጥምቀ መለኮት ቅድስት ኤልሳቤጥ’ውን “ወብፅዕት አንቲ እንተ ተአምኒ ከመ ይከውን ቃል ዘነገሩኒ እምኀበ እግዚአብሔር/ ካብ እግዚአብሔር ንዝኸውን ነገር ከም ዝፍጸም እትኣምኒ ንስኺ ክብርቲን ንዕድቲን ኢኺ” እናበለት ኣመስጊናታ እያ። (ሉቃ. 1፡45)

ኣዴና ቅድስት ድንግል ማርያም ድማ ንቃል ኤልሳቤጥ ኣኸቲላ “ናሁ እምይእዜሰ ያስተበፅዑኒ ኵሉ ትውልድ እስመ ገብረ ሊተ ኃይለ ዓቢያተ/ ዓበይቲ ነገራት ገይሩለይ እዩ እሞ ካብ ሕጂ ኵሎም ወለዶ ከመስግኑኒ እዮም” (ሉቃ. 1፡48) ብምባል ብኤልሳቤጥ ተመስጊና ትተርፍ ዘይኮነትሲ ካብቲ ጊዜ’ዚ ጀሚሩ ዘዝተንሥአ ትውልዲ ኵሉ ከመስግና ምዃኑ ተናገረት።

ነዚ መሠረት ብምግባር ድማ በብጊዜኡ ዝተንሥኡ ሕዝበ ክርስቲያንን ሊቃውንትን ቅዱሳን አበውን ብዝተፈላለየ ምስጋና ኣመስጊኖማ እዮም። ካብዚኣቶም ሓደ ኣባ ጊዮርጊስ ዘጋስጫ ኣብ ጸሎተ ሰዓታቱ “ውድስት አንቲ በአፈ ነቢያት ወስብሕት በሐዋርያት/ ንስኺ ብልሳን ነቢያትን ሓዋርያትን ምስግንቲ ኢኺ” ክብል ኣመስገና። ቅዱስ ኤፍሬምን ኣባ ሕርያቆስን’ውን መንፈስ ቅዱስ ከምዝገለጸሎም ምስጋናኣ ደሪሶም እዮም።

 ድኅሪ ምስጋና እግዚአብሔር ምስጋናኣ ክቐርብ ስለዝግባእ’ውን ኣብ ጸሎተ ማእድ ከይተረፈ “ስብሐት ለእግዝእትነ ማርያም/ ምስጋና ንእመቤትና ማርያም” ፣ ኣብ ጸሎተ ማኅበር ድማ “ስብሐት ለማርያም እግዝእትነ ወመድኃኒትነ/ ንእመቤትናን ጀማሪት ድኅነትናን ዝኾነት ድንግል ማርያም ምስጋና ይግባእ” እናበልና ከነመስግና ቅድስት ቤተ ክርስቲያን ትምህረና።

ነአኵቶ ለእግዚአብሔር በእንተ ኵሉ ጸጋ ዘወሃባ ወአሠልጠና ለእሙ . . . እስመ እግዝእትነሰ ማርያም ቅድስት ይእቲ በሰማይ ወበምድር። በረከተ ጸሎታ ውኩፍ ወሀብተ ረድኤታ ትሩፍ ወምሕረተ ፍቁር ወልዳ ምልዕተ አጽናፍ የሀሉ ምስለ ኵልነ ሕዝበ ክርስቲያን ለዓለመ ዓለም፡ አሜን።

ምእንቲ’ቲ ኵሉ ነዲኡ ዝሃባ ጸጋን ዘኽበራን ንእግዚአብሔር ነመስግኖ። . . . ከመይ እግዝእትነ ማርያምሲ ኵሉ ሳዕ ብሰማይን ብምድርን ምስግንቲ እያ።
ብእግዚአብሔር ቅቡል ዝኾነ በረኸት ጸሎታን ሃብተ ረድኤታን ክሳዕ ጽንፊ ዝመልአ ምሕረት ፍቁር ወዳን ምስ ኵልና ሕዝበ ክርስቲያን ንዘለዓለም ዓለም ይኹን፡ ኣሜን።

ስብሐት ለእግዚኣብሔር፡ ወለወላዲቱ ድንግል፡ ወለመስቀሉ ክቡር፣ ኣሜን ።

ዘመነ ዮሐንስ 24 መጋቢት 2012 ዓ.…

April
Thursday
2
ዝክር፦ አባ መቃርስ ሊቀ ጳጳሳት፡ ወአፈድፈዱ ምክረ ላዕለ እግዚእነ። ዘቅዳሴ ምንባብ፦ ገላ. 4፡12-20 1ይ ጴጥ. 1፡21-ፍጻሜ ግብ. ሐዋ. 5፡12-16 ምስባክ፦ መዝ. 81/82 ወንጌል፦ ማቴ. 26፡1-5 ቅዳሴ፦ ዘ፫፻ት ግሩም።         *   *   *
 - 23:00 h
Ad Right

ዜና ኅትመት

እዋናዊ ጽሑፋት

“ መድኃኔ ዓለም ”

  እግዚአብሔር አምላኽ ቅድሚ ኵሉ ዝነበረ’ዩ። ሰማያት ከይተዘርግሑ፡ ገጹ መሬት ከይተራእየ፡ ጐቦታት ከይቆሙ፡ ቀላያት ከይዓመቑን ወሓይዝ ከይወሓዙን ንሱ ብባህሪኡ ዝነበረ እዩ።...

7ይ ሰንበት ዓቢይ ጾም፡ ‘ኒቆዲሞስ’

  ኣብ ዓቢይ ጾም ካብ ዘለዋ ሸሞንተ ሰናብቲ፡ እታ ሻብዓይቲ ሰንበት ‘ኒቆዲሞስ’ ትብሃል። ኣብዛ ዕለት’ዚኣ ዚዝመርን ዚንበብን ዚወሃብ ትምህርትን ብዛዕባ ኒቆዲሞስ...

“ወእንዘ የሐውሩ ነጽሑ/ እናኸዱ ሓወዩ” ሉቃ. 17፡15

ጐይታናን አምላኽናን መድኃኒናን ኢየሱስ ክርስቶስ፡ ኣብ መዋዕለ ስብከቱ ናብ ኢየሩሳሌም ክኸይድ ከሎ ብማእከል ሰማርያን ገሊላን ኃሊፉ፡ ናብ ሓንቲ ከተማ ኣተወ።...

በቴርጌላ ማርያም - ካብ ተላባዒ ሕማም ዝደኃነ ብጸሎት ማርያም!

ናይ እግዚአብሔር ምሕረት ናይ ኣዴና ቅድስት ድንግል ማርያም ጸሎት ምስ ኵልና ይኹን እሞ ኣብ መጽሐፈ ተአምረ ማርያም ካብ ዝሰፈሩ ተአምራት...

በቴርጌላ ማርያም - ካብ ተላባዒ ሕማም ዝደኃነ ብጸሎት ማርያም!

ናይ እግዚአብሔር ምሕረት ናይ ኣዴና ቅድስት ድንግል ማርያም ጸሎት ምስ ኵልና ይኹን እሞ ኣብ መጽሐፈ ተአምረ ማርያም ካብ ዝሰፈሩ ተአምራት...

መግለጺ ቅዱስ ሲኖዶስ

ቅዱስ ሲኖዶስ ብምኽንያት ሕማም ኮረና ቫይረስ ሓዲሽ መግለጺ ኣውጺዑ!

6ይ ሰንበት፡ ‘ገብርኄር’

  ሻዱሻይ ሰንበት ዓቢይ ጾም “ገብርኄር” ትበሃል። እዛ ሰንበት እዚኣ ‘ገብርኄር’ ዝተሰምየት፡ ማኅሌታይ ቅዱስ ያሬድ ኣብ ዝደረሶ ጾመ ድጓ፡ ብዛዕባ ቅኑዓት...

ገብር ኄር

  ኣብ ዓቢይ ጾም ኣብ ዝርከቡ ሸሞንተ ሰናብቲ እታ ሻድሸይቲ ሰንበትን ምስኣ ዘላ ሰሙን ገብርኄር ተባሂላ ትፍለጥ። ጐይታ ሠራዊት እግዚአብሔር ነዛ...

ገዳም ደብረ ጽጌ ወደብረ ድኁኃን አቡነ ዮናስ

ሀሎ አሐዱ ብእሲ በአሐቲ ሀገር እንተ ስማ ቡር ሀገረ መስቀል ዘስሙ ንዋየ እግዚእ ወስመ ብእሲቱ ኂሩተ ማርያም / ኣብ ‘ቡር...

ንግደት ኢየሩሳሌም ኣብ በዓለ ፋሲካ 2012 ዓ.ም.ግ. (2020 ዓ.ም.) ንዘይተወሰነ…

ብመሪሕነት ቅዱስ ሲኖዶስን ብማእከልነት ቤት ጽሕፈት መንበረ ፓትርያርክን ኦርቶዶክስ ተዋሕዶ ቤተ ክርስቲያን ኤርትራ ተማእኪሉ ዝካየድ ንግደት ናብ ሀገረ ቅድስት ኢየሩሳሌም፡...

ደብረ ዘይት - ነገረ ምጽአተ ክርስቶስን ኅልፈተ ዓለምን

ኣብ ዓመት ብዛዕባ ዳግማይ ምጽኣት ጐይታናን ኣምላኽናን መድኃኒናን ኢየሱስ ክርስቶስ ከምኡ’ውን ኅልፈተ ዓለም ብፍሉይ እንዝክረሉ ሠለስተ ጊዜያት ኣለዉ። እቲ ሓደ...

“ወዝንቱ ዘመድ ኢይወፅእ ዘእንበለ በጾም ወበጸሎት። /እዚ ከምዚ ዝበለ ብዘይ…

 ዘለናዮ ቅንያት፡ ናይ ጐይታናን አምላኽናን መድኃኒናን ኢየሱስ ክርስቶስ ጾም ኣብነት ብምግባር፡ ፈቃደ ሥጋና ብፈቃደ ነፍስና ኣግዚእና፡ ካብ አኃዜ ኵሉ ወብዙኀ...

  

latest articles

The feast of presenting the lord Christ in the temple…

On this day we celebrate the feast of presenting the lord Christ to the temple after 40 days of his...

The Fast of Nineveh - Monday 10 – 12 February…

In Eritrean Orthodox Tewahdo Church, one of the seven fasting periods is the fast of Nineveh.

Mystery of Baptism

Baptism is the sacrament given to all who believe in the Mystery of the Trinity and the Mystery of Incarnation...

Mystery of Incarnation

Mystery of Incarnation means the mystery of the descending of God the Son who is one of the Trinity from...

Mystery of the Holy Trinity

The Eritrean Orthodox tewahdo Church has Five pillars of Mysteries through which it teaches and demonstrates its basic religious belief...

Welcome to the Feast of the Nativity of Our Lord…

Glory to God. When the appointed time of salvation and the foretold prophesies came to pass, God the Son come to...

In Memory of His Holiness Abune Yacob the Second Patriarch…

His Holiness Abune Yacob, the Second Patriarch was one of the reputable leaders of the EriOTC, a shining star of...

Fast of the Prophets (Advent)

15th November (geez calander), marks the first day of the Advent Fast, a period of abstinence and penance practiced by...

FASTING

Fasting is abstinence from all things that a body needs, and one has to fast from animal products and from...

The Eritrean Orthodox Tewahdo Church (EriOTC)

In the name of the Father, and of the Son, and of the Holy Spirit, One God. “We call our...

Holy of Holies Our Lady, the virgin Mary

The word holy (kidus) in Geez denotes being special, pure and esteemed. This prefix is an attribute to denote the...

HOLY SCRIPTURES (part one)

All Scriptures are written with the inspiration of the Spirit of God or the breath of God. They are also...