ደብረ ምጥማቅ (21-25 ግንቦት)

May 29, 2020

ደብረ ምጥማቅ 

ጐይታናን ኣምላኽናን ኢየሱስ ክርስቶስ ምስ ኣደኡ ቅድስት ድንግል ማርያም ናብ ምድረ ግብጽ ምስ ተሰደ በኪደተ እግሩ ካብ ዝረገጸን ቦታታት ሓንቲ ደብረ ምጥማቅ እያ። ኣብ ጊዜ ስደት፡ እቶም ሸፋቱ ነቲ ዝወሰድዎ ኽዳን ጐይታና ብርኅራኄ ምስ መለሱላ፡ ኣዴና ቅድስት ድንግል ማርያም ንፍቁር ወዳ እናኣመስገነት፡ ነዛ ቦታ ደብረ ምጥማቅ፡ ‘ ፍጹም ቅድስቲ ኩኒ፣ ኣብዛ ቦታ’ዚኣ ኾይኑ ዚጸለየ ብቕልጡፍ ክሰምዖ እየ’ እናበለት ብኢድ ወዳ ባረኸታ። ምእንቲዚ ድማ ካብ ሽዑ ጀሚሩ ኣብዛ ብስማ ዝተሓንፀ ቤተ ክርስቲያን ዘለዋ ደብረ ምጥማቅ ኮይኑ ዝጸለየ ዅሉ ጸሎቱ ተሰሚዑ ሓሳብ ልቡ ኪፍጸመሉን ተኣምራት ኪግበረሉን ይነብር ኣሎ።

ደብረ ምጥማቅ፡ ሰፈር ሰማዕታትን ጻድቃንን፡ ቅዱሳን ዘይፍለይዋ ቅድስቲ ቦታ እያ። ነዚ ቅድስናኣ ዚገልጽ’ውን ክልተ ኣስናን ቅዱስ ዲዮስቆሮስ ሊቀ ጳጳሳት እስንክድርያ ከም ፋኑስ ክበርሁ ዝተራእየላ፡ ምሥጢረ ክሕደት ኣርዮስ ዝተቓልዓላ ቦታ ሃይማኖት እያ። ኣቐዲሙ ባዕሉ ቅዱስ ዲዮስቆሮስ ኣብዛ ደብረ ምጥማቅ’ዚኣ ዓባይ ቤተ ክርስቲያን ሓኒፁ ብስም ኣዴና ቅድስት ድንግል ማርያም ታቦት ቀሪጹ፡ 21 ግንቦት ቅዳሴ ቤታ ኣኽበረላ። ነዛ ቤተ ክርስቲያን’ዚኣ ድማ ‘ደብረ ምጥማቅ ማርያም’ ኢሉ ብምጽዋዕ፡ ለይትን መዓልትን ዘገልግሉ ዓሠርተው ኣርባዕተ ካህናት መዲቡ፡ ከም ገዳም ገደማ። ንሱ’ውን ክሳዕ ዕለተ ዕረፍቱ ልብሰ ተክህኖ ለቢሱ ማዕጠንተ ወርቅ ኂዙ ይዓጥና ነበረ።

ካብ ጊዜ ስደት እግዝእትነ ማርያም ምስ ፍቁር ወዳ ከምኡ’ውን ብፍላይ ካብ ዘመነ ጵጵስና ቅዱስ ዲዮስቆሮስ ጀሚሩ፡ ኣብ ደብረ ምጥማቅ ኣዴና ቅድስት ድንግል ማርያም ብተኣምራት ትግለጽ ኣላ። ኣብታ ቤተ ክርስቲያን ብለይቲ ብርሃን ተዀሊዑ ይርአ፣ ነቲ ብጸሎት ዝምሕጸና ድማ ብጋህድን ብራእይን ሕልምን ትግለጸሉ።

ኣብ መቅድም መጽሓፍ ተኣምረ ማርያም “አመ ዕሥራ ወአሚሩ ለወርኀ ግንቦት ይትጋብኡ ብዙኃን ሕዝብ በምድረ ግብጽ ውስተ ቤተ ክርስቲያን እንተ ትሰመይ ደብረ ምጥማቅ ወይመጽኡ እምሥራቅ ወእምዕራብ እምሰሜን ወእምደቡብ ወእምኵሉ አህጉር፣ ወይትዓየኑ ህየ በደባትር ወበሐይመታት ወበሰቃልው ወበአጎበር ወይእኅዙ ገቢረ በዓላ ለድንግል እም ፳ወ፩ እስከ ፳ወ፭ በዐቢይ ክብር ወበዐቢይ ፍሥሐ፡ ወድንግልሂ ታስተርእዮሙ በዝንቱ ኃሙሰ መዋዕለ ዘእንበለ ጽርዐት ምስለ መላእክት ወጻድቃን ወሰማዕት ምስሌሃ፡ ወተንባላትሂ ወክርስቲያን ይሬእይዋ ገሀደ ወይገብሩ በዓላ በዐቢይ ክብር” ይብል።

ዓመት መጸ 21 ግንቦት ኣብ ደብረ ምጥማቅ ማርያም ቤተ ክርስቲያን ካብ ኣርባዕተ ማዕዘን ካብ ኵለን ሃገራት ዝመጽኡ ብዙኃን ሰባት ተኣኪቦም፡ ዳስ ተኺሎም ድንኳን ዘርጊሖም ክሳዕ 25 ግንቦት ብፍጹም ሓጐስ በዓለ ማርያም የኽብሩ። ኣብዘን ኃሙሽተ መዓልትታት ድማ እግዝእትነ ማርያም ምስ መላእኽትን ሰማዕታትን ጻድቃንን ትግለጸሎም። ንዅሎም እቶም ዝመጽኡ ዋላ ንዘይኣመንቲ ከይተረፉ እኳ ከከም ብቕዓቶም ብጋህድን ራእይን ሕልምን እናተገልጸት ሓሳብ ልቦም ትፍጽመሎም።

እዛ ገዳም’ዚኣ ኽሳዕ ሎሚ በቶም ተኣምረ እግዝእትነ ቅድስት ድንግል ማርያም ዝተፈጸመሎምን ዝሰምዑን ምእመናንን ዘይኣመንትን ዓመት መጽአ 21 ግንቦት ምስ ኣዕለቕለቐት እያ። 
ቤተ ክርስቲያን ሓንቲ እንከላ ከምዚ ዝበለ ፍሉይ ተኣምራት ስለምንታይ ኣብ ደብረ ምጥማቅ ማርያም ይግበር እንተተባህለ፡ ከምቲ ዝተጠቕሰ ጐይታ በኪደተ እግሩ ስለዝባረኻን ቃል ኪዳን ቅድስት ድንግል ማርያም ስለዘለዋን በረኸት ቅዱሳን ስለዘይተፈልያን እዩ።

እምበር እግዝእትነ ማርያም ነቲ ኣብ ዘለዎ ኾይኑ ስማ ዚጽውዕን ብቓል ኪዳና ዚምሕጸንን ዘበለ ዅሉ ሓሳቡ ተሥምረሉ እያ፣ ከም መጠን ጽንዓት እምነቱን ስፍሓት ኣእምሮኡን’ውን ብጋህዲ ኾነ ብራእይን ሕልምን ትግለጸሉ እያ።

ስብሐት ለእግዚአብሔር በአርያም ዘይሴባሕ ዘአርአየ መንክረ በስእለታ ለእሙ እግዝእትነ ቅድስት ድንግል በ፪ኤ ማርያም ወላዲተ አምላክ ጸሎታ ወበረከታ የሀሉ ምስሌነ ለዓለመ ዓለም፡ አሜን።
ነቲ ብኣማላድነት ኣደኡ እግዝእትነ ቅድስት ብኽልተ ወገን ድንግል ወላዲተ ኣምላክ ማርያም ተኣምሩ ዝገለጸ፡ ኣብ ኣርያም ዝምስገን እግዚአብሔር ምስጋና ይብጽሓዮ። ናታ ጸሎትን በረኸትን ድማ ምስ ኵልና ሕዝበ ክርስቲያን ንዘለዓለም ይኹን፡ ኣሜን!

ወስብሐት ለእግዚአብሔር፡ አሜን! 

No events found.
Ad Right

ዜና ኅትመት

እዋናዊ ጽሑፋት

ተሳትፎን ተገዳስነትን ወራዙት ደቂ ኣንስትዮ ኣብ መንፈሳዊ ኮሌጅ ሥነ-መለኮት ደብረ…

ኣብ መንፈሳዊ ኮሌጅ ሥነ-መለኮት ደብረ ሲና ቅድስት ሥላሴ ብናይ ምሸት መርሐ ግብር ትምህርቲ ዝከታተላ ዘለዎ ደቂ ኣንስትዮ ተሳትፍኦንን ተገዳስነትን ልዑል...

“ሰማዕት ቅዱስ ፒሉፓዴር መርቆሬዎስ”

ፒሉፓዴር ማለት ፈታዊ ኣቦ ማለት እዩ፡ ብኻልኣይ ትርጕሙ ከኣ ኣገልጋሊ ኢየሱስ ክርስቶስ ከምኡ’ውን መርቆሬዎስ ማለት እዩ። ስመ ክርስትና ናይ ኣቦኡ...

ዕሥራን ኣርባዕተን ካህናተ ሰማይ

ብርግጽ ኣብ ዙርያ ዝፋን ጐይታ ዚቖሙን ዘመስግኑን ክቝጸሩ ዘይከኣሉ ኣእላፈ ኣእላፋት ሠራዊተ መላእክት ከምዘለዉ በዓል ራእይ ነቢይ ዳንኤል(ዳን. 7፡10) ደኣ...

ዕሥራን ኣርባዕተን ካህናተ ሰማይ

ብርግጽ ኣብ ዙርያ ዝፋን ጐይታ ዚቖሙን ዘመስግኑን ክቝጸሩ ዘይከኣሉ ኣእላፈ ኣእላፋት ሠራዊተ መላእክት ከምዘለዉ በዓል ራእይ ነቢይ ዳንኤል(ዳን. 7፡10) ደኣ...

ክብረ በዓል ቅድስት ድንግል ማርያም ብድሙቕ መንፈሳዊ ሥነ ሥርዓት ተኸቢሩ

ዓመታዊ 21 ኅዳር ዝኽበር ክብረ በዓል ቅድስት ድንግል ማርያም ኣብ ኵለን ብስም ቅድስት ድንግል ማርያም ታቦት ኣቕሪጸን ቤተ ክርስቲያን ዝሓነጻ...

ኣይትጨነቑ! ማቴ. 6፡25

በቲ ጸቕጢ ጽልግልግታ ሰርቢ፡ውኖይ ምስ ሓከለ ሃዲሙ ካብ ቀልቢ

ምሥጢር ፊደላትና ይተዓቀብ!

ኣብ ልሳነ ግእዝን ትግርኛን፡ ነፍስ ወከፍ ፊደል ናቱ ትርጕምን መግለጽን ኣለዎ። ብኣደማምፃኦም ሓደ ዓይነት ዝኾኑ፣ እንተኾነ ግና ብመልክዕን ቅርጽን ከምኡ’ውን...

ቅዱስ ሲኖዶስ ምስ ኃላፍቲ ንኡስ ሃገረ ስብከት ዓባይ ብሪጣንያ ርክብ…

ቤት ጽሕፈት ቅዱስ ሲኖዶስ ከም መቀጸልታ ናይቲ ኣቀዲሙ ምስ ኣብ ወጻኢ ዝርከባ ሃገረ ስብከታትን ንኡሳን ሃገረ ስብከታት ከካይዶ ዝጸንሐ ጉባኤ፡...

ቅዱስ ሐዋርያ ፊልጶስ አሐዱ እምዓሠርቱ ወክልኤቱ ሐዋርያት 

18 ኅዳር ዕለተ ዕረፍቱ ናይ ሓደ ካብ ዓሠርተው ክልተ ሓዋርያት ዝኾነ ቅዱስ ፊልጶስ እዩ። ‘ፊልጾስ’፦ ማለት መፍቀሬ አኃው ፈታው ኣኅዋት፣ ኣኃዜ ኲናት...

ዘመነ አስተምህሮ

ኣብ ነፍሲ ወከፍ ዕለት፡ ብፍላይ ከኣ ዕለተ ሰንበት እሑድ ዝዝመር፡ ዝስበኽ፡ ዝንበብን ዝቕደስን ብሓፈሻ ዝበጽሕ ስብሐታትን ዝንበብ ቃለ እግዚአብሔርን ምሥጢር...

ጾመ ነቢያት፡ ካብ ሠሉስ 15 ኅዳር ጀሚሩ፡ በዓለ ልደት ድማ…

ቅድሚ በዓለ ልደት ኣብ ዘሎ ጊዜያት፡ “ወጥንተ ዚአሁ መንፈቀ ኅዳር/ መጀመርታኡ ፍርቂ ወርኀ ኅዳር” ከምዝብል ካብ 15 ኅዳር ጀሚሩ ክሳዕ...

ክብረ በዓል ቅዱስ ሚካኤል ተኸቢሩ ብዓቢይ መንፈሳዊ ድምቀት ተባዒሉ!

ዓመት መጽአ 12 ኅዳር እስራኤላውያን ካብ ባርነት ግብጻውያን ብመሪሕነት ሊቀ መላእት ቅዱስ ሚካኤልን ናጽነት ዝወጽእሉ ብምዝካር ዝኽበር ክብረ በዓል ቅዱስ...

  

latest articles

FAITH AND WORKS

Faith is “a confidence or trust in God”. Faith gives assertion to the things we hope for and explains the...

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...

The feast Of Pentecost

IN THE NAME OF THE FATHER AND THE SON AND THE HOLY SPIRIT, ONE GOD. On this day the Holy...

Ascension

After the Lord Jesus Christ had finished the operation of His wisdom upon earth, by His Passion, and His Death...