“ወጸውዑ ስሞ እንዘ ኢትፈልጡ እሞ/ ንኣደኡ ከይፈለኹም ስሙ ጸውዑ! ”

Aug 17, 2020

ናይ ጸሎታት ኵሉ መእሰርን መፈጸምታን “አቡነ ዘበሰማያት/ ኣብ ሰማያት ትነብር ኣቦና” ኮይኑ ስዒቡ ብሓባር ምስኡ ዝጽለ ድማ “በሰላመ ቅዱስ ገብርኤል መልአክ/ ብናይ ቅዱስ ገብርኤል መልኣኽ ሰላምታ” ዝብል ጸሎት እዩ። ክልቲኡ ጸሎት ኣይፈላለይን እዩ።

“ግነዩ ለእግዚአብሔር ወጸውዑ ስሞ እንዘ ኢትፈልጡ እሞ/ ንእግዚአብሔር ኣመስግኑ፣ ንኣደኡ ከይፈለኹም’ውን ስሙ ጸውዑ” (መልክዐ ቍርባን) ከምዝብል ስማ ካብ ስሙ፡ ምስጋናኣ ካብ ናቱ ምስጋና ኣይተርፍን እዩ።

‘በሰላመ ቅዱስ ገብርኤል መልአክ’ ዝብል ጸሎት ካብ ቅዱሳት መጻሕፍት ዝተዋፅአ ብፍላይ ካብ ቅዱስ ወንጌል ዝተረኽበ ናይ ኣደና ቅድስት ድንግል ማርያም ሰላምታ፡ ምስጋና፡ ውዳሴ፡ ምኅፅንታን ኣማላድነታን ዝገልጽ እዩ። (ሉቃ. 1፡26-45)
ንቅድስት ድንግል ማርያም ምስጋና ስለዝግብኣ ካብ ወገን መላእክት፡ እቲ ኣብ ቅድሚ እግዚአብሔር ዝቐውም ሊቀ መላእክት ‘ቅዱስ ገብርኤል’ ብመንፈሰ እግዚአብሔር ተመሪሑ፡ ካብ እግዚአብሔር ብዝረኸቦ ቃል ምስጋና፥ “ኦ ምልእተ ጸጋ እግዚአብሔር ምሳኺ እዩ እሞ ደስ ይበልኪ፣ ካብ ኣንስቲ’ውን ተፈሊኺ ዝተባረኽኪ ኢኺ” ኢሉ ምስጋና ኣቕረበላ። (ሉቃ. 1፡28)

እዚ ዓይነት ሰላምታ (ምስጋና) ቅድሚኡን ብድኅሪኡን ንሰባት ኮነ ንመላእክት ንማንም ቀሪቡ ዘይፈልጥ ፍሉይ ስለዝነበረ፡ ቅድስት ድንግል ማርያም ብኣንክሮ “እዚ ከምዚ ዝበለ ሰላምታ ከመይ ይኾነለይ” ብምባል ኣድኒቓ እያ። (ሉቃ. 1፡29)

ደጊማ’ውን ንቅዱስ ገብርኤል ተኸቲላ ቅድስት ኤልሳቤጥ፡ ብመንፈስ ቅዱስ ተመሊኣ ምስጋና ናይዚ መልኣኽ ብምድጋምን ምስክርነቱ ብምጽናዕን፥“ቡርክት አንቲ እምአንስት፡ ወቡሩክ ፍሬ ከርሥኪ/ ንስኺ ኻብ ኣንስቲ ዝተባረኽኪ ኢኺ፣ ፍረ ማኅፀንኪ’ውን ዝተባረኸ እዩ” ኢላ ኣመስገነታ። (ሉቃ. 1፡42)

ብሓደ መልኣኽን ብሓንቲ ቅድስትን ጥራይ ተመስጊና ስለዘይትተርፍ ድማ ናይ ክልቲኦም ቃል ምስክርነትን ምስጋናን ድኅሪ ምስማዕ፥ “እንሆ ኻብ ሕጂ ኵሎም ወለዶ ብፅዕቲ ኽብሉኒ እዮም፡ እግዚአብሔር ንኣይ ዓበይቲ ተኣምራት ገይሩለይ እዩ እሞ ስሙ ቅዱስ እዩ” ብምባል ካብ ኵሉ ወገን ምስጋና ኸምዝቐርበላ ትንቢታዊ ቃል ተዛረበት። (ሉቃ. 1፡46-55)

ነዚ መሠረትን ኣብነትን ገይሮም ድማ ሊቃውንተ ቤተ ክርስቲያን “መልኣኽ ካብ ወደሳ፣ ሰብ’ውን ካብ ኣመስገና፣ ባዕላ’ውን “ድኅር ሕጂ ዅሉ ወለዶ ኸመስግነኒ እዩ ካብ በለት” ብምባል በብዓይነቱ ድርሳን ምስጋና ኣምሊኦምን ኣስፊሖምን ጽሒፎም እዮም። ቅዱስ ኤፍሬም ሶርያዊ ንውዳሴኣ፣ ናይ ብሕንሳ ኤጲስቆጶስ ኣባ ሕርያቆስ ንቅዳሴኣ፣ ሊቅ ቅዱስ ያሬድ ንአንቀጸ ብርሃን፣ ጻድቅ ኣባ ጊዮርጊስ ዘጋስጫ ንአርጋኖን፣ ብፁዕ ደቅስዮስ ንተኣምራ . . . ብምድራስ ኣመስጊኖማ እዮም።

እናተመስገነት’ውን ስለእትነብር ከምቲ ቅዱስ ኤፍሬም ኣብ ውዳሴኡ ዘዓርብ፥ “በእንተዝ ንዌድሰኪ በከመ ገብርኤል መልአክ እንዘ ንብል/ ከም መልኣኽ ቅዱስ ገብርኤል ከምዚ ኢልና ነመስግነኪ ኣሎና . . .” ዝበለ፤ ንሕና ድማ ኣብ ወትሩ ጸሎትና “ኦ እግዝእትነ ማርያም! ብናይን ከምን ሰላምታ ቅዱስ ገብርኤል መልኣኽ ሰላም እብለኪ ኣሎኹ፡ ሰላም ንኣኺ ይኹን” ንብል።

“ኣምላኽና ኢየሱስ ክርስቶስ” ንኣና ካብ ባርነት ዲያብሎስ ናፃ ኣውፂኡ፣ ዝምግበናን ዝገዝኣናን ስለዝኾነ “እግዚእነ፤ ጐይታና” ንብሎ። ንኣደኡ ኸኣ “እግዝእትነ” ንብላ። ‘ማርያም’ ኢልና ከይዘንጠልና “እግዝእትነ ወይ እመቤትና ማርያም” ምባልና ዝግባእን ታሪኽ ዘለዎን እዩ። “ኦ እግዝእትየ ቅድስት ድንግል” እናበለ ቅዱስ ኤፍሬም ከስተምህር ከሎ መማህርቱ ስምዖን ዘዓምድ ይሰምዖ እሞ ‘‘ኦ እግዝእትየ’ዝብል ቃል ካብ መን ረኺብካዮ፧ መምህርና ኣይመሃረናን፣ ምሂርና እምበር እናተበሃሃሉ ናብ መቓብር መምህሮም ያዕቆብ ዘንጽቢን ምስ ከዱ፦ ብኡ ንብኡ ዓሠርተ ኣፃብዑ ከም ፋና እናብርሁ ተንሢኡ “በሕይወትየ እብለኪ ሰላም ለኪ ኦ ቅድስት ድንግል ከመ ስምዖን ዘዓምድ፥ ወድኅረ ሞትየሰ ኵሎሙ አዕፅምትየ ይብሉኪ ወይወድሱኪ ሰላም ለኪ ኦ እግዝእትየ ቅድስት ድንግል ከመ ኤፍሬም ሶርያዊ / ብሕይወተይ ከለኹ ከም ስምዖን ዘዓምድ ኦ ቅድስት ድንግል ሰላም ንኣኺ ይኹን እብለኪ ፣ ድኅሪ ሞተይ ድማ ኵሎም ኣዕፅምተይ ኦ እግዝእትየ ቅድስት ድንግል እናበሉ ከም ኤፍሬም ሶርያዊ የመስግኑኺ” ኢሉ መስከረ።

እግዝእትነ ማርያም፡ ድንጋሌ ሥጋን ድንጋሌ ሕልናን ከምኡ’ውን ድንጋሌ አዕይንትን አዕዛንን ልሳንን (ክፉእ ካብ ምርኣይን ምስማዕን ምዝራብን) ዝኃዘት ብኵለንትናኣ ድንግል፣ ብነቢብ ብገቢርን ብሓልዮን ንጽሕቲ፣ ብኣርባዕተ ወገን ቅድስቲ እያ እሞ ኣብዚ ጸሎትና “ድንግል በሕልናኪ ወድንግል በሥጋኪ” እናበልና ንምስክር። ሰብ ብነቢብ ኮነ ብገቢር እንተነጽሐ ብሓልዮ ግና ክነጽሕ ኣይክእልን እዩ። ንሳ ግና “ወኢረኵሰት በምንትኒ እምዘፈጠራ ድንግል በሕሊናሃ ወድንግል በሥጋሃ/ ካብ ትፍጠር ኣትኂዛ ብዋላ ሓደ ኣይረኸሰትን፣ ብሕልናኣ ድንግል፣ ብሥጋኣ’ውን ድንግል እያ።” (ሃይ. አበው ዘቴዎዶጦስ 53፡22)

ንኣደና ቅድስት ድንግል ማርያም “እመ እግዚአብሔር ጸባዖት ሰላም ለኪ/ ኣደ ልዑል ኣሸናፊ ኃያል እግዚአብሔር ሰላም እብለኪ ኣሎኹ” ኢልና ከነመስግና ከሎና መጽሐፍ ቅዱስ መሠረት ጌርና ኢና። ነቢየ እግዚአብሔር ኢሳይያስ ናይ ወዳ ኃያልነት ክምስክር ከሎ “ ግሩም መካር፡ ኃያል ኣምላኽ ዘለዓለማዊ ኣቦ መስፍን ሰላም“ (ኢሳ. 9፡6-7) ኢሉ እዩ።

ቅዱስ ገብርኤል መልኣኽ’ውን ፥ “ ወዘኒ ይትወለድ እምኔኪ ቅዱስ ውእቱ ወይሰመይ ወልደ እግዚአብሔር ልዑል/ እቲ ኻባኺ ዝውለድ ቅዱስ ወዲ ልዑል እግዚአብሔር ክብሃል እዩ” ክብል ከሎ እቲ ቅድሚ ዓለም ካብ አብ ብዘይ ኣደ ዝተወልደ ንሱ ካብ ሠለስቱ ቅዱስ አሐዱ ቅዱስ እግዚአብሔር ወልድ እዩ ማለቱ እዩ። (ሉቃ. 1፡35)።

ቅድስት ኤልሳቤጥ’ውን ብመንፈስ ቅዱስ ተመሊኣ ምሥጢረ እግዚአብሔር ተገሊጹላ ንድንግል ማርያም “ኣደ ጐይታይ ናባይ ኽትመጽኢ’ኸ ኣነ መን እየ፧” ብምባል ኣቐዲማ መስኪራ እያ። (ሉቃ. 1፡43) ‘ጐይታይ’ ዝበለቶ ነቲ ንኵሉ ዝገዝእ ኣካላዊ ቃል እግዚአብሔር ወልድ እያ። ናይ ዕንቆራ ኤጲስቆጶስ ቅዱስ ቴዎዶጦስ ብወገኑ ክምስክር ከሎ፡ “ወሰመያ ለእግዝእትነ ማርያም ድንግል ወላዲቶ ወፂኦ እምከርሣ እንዘ ድንግል ይእቲ/ ብድንግልናኣ ካብኣ ተወሊዱ፡ ንእግዝእትነ ድንግል ማርያም ኣደይ በላ” ይብል። (ሃይ. አበው ዘቴዎዶጦስ 53፡22)

እዚ ኽብሪ’ዚ ዝተዋህበ ንእኣ ጥራይ እዩ እሞ “ቡርክት አንቲ እምአንስት/ ካብ ኣንስቲ ተፈሊኺ ብርኽቲ ኢኺ” ንብላ። ድንግልና ምስ ኣደነት፡ ድንግልና ምስ እመቤትነት ኣጣሚራ ዝኃዘት ካብ ኵለን ኣንስቲ ዝኸበረት ፍልይቲ እያ። ንኻልኦት ኣንስቲ ነኽብረን ኣደ ፍሉጣት፣ ኣደ ዓበይቲ፣ ኣደ ጻድቃን፡ ኣደ ሰማዕታት፡ ኣደ ጳጳሳት. . .  ኢልና ኢና። ድንግል ማርያም ግና ንክርስቶስ ስለዝወለደቶ ‘ኣደ ፈጣሪ፣ እመ እግዚአብሔር ጸባዖት፡ ኣደ ጐይታ፡ ወላዲተ አምላክ’ እያ።

በዚ ምኽንያት “ካብ ኣንስቲ ተፈሊኺ ብርኽቲ ኢኺ፣ ነቲ “ቡሩክ ዘይመጽእ፡ ቡሩክ አንተ በጽርሐ ስብሐቲከ፡ ቡሩክ ስሙ ለእግዚአብሔር. . . .”  እናበሉ ዘመስግንዎ ናይ ምስጋና ጐይታ፡ ናይ ክብሪ በዓል ቤት ኣምላኽ ፀኒስኪ ስለዝተረኸብኪ “ወቡሩክ ፍሬ ከርሥኪ/ ፍረ ማኅፀንኪ’ውን ዝተባረኸ እዩ” ኢልና ነመስግና። (ሉቃ. 1፡28፣ 1፡49)

ኣብ ዘመነ ፍዳ ዓመተ ኵነኔ ንሳ ምልእተ ጸጋ ምልእተ ክብር ኮይና እግዚአብሔር ኣምላኽ ካብ ሥጋኣ ሥጋ ካብ ነፍሳ ነፍሲ ወሲዱ ሓደ ባህርይ ስለዝኾነ “ተፈሥሒ ፍሥሕት ኦ ምልእተ ጸጋ እግዚአብሔር ምስሌኪ/ ኦ ጸጋ ዝተመላእኪ ደስ ይበልኪ እግዚአብሔር ምሳኺ እዩ፡” እናበለ መልአክ ፍሡሐ ገጽ ገብርኤል ከምዝወደሳ’ውን ንውድሳ ኢና። (ሉቃ. 1፡28)

ነዚ ቃል ቅዱስ ገብርኤል መልኣክ ኣብነት ገይሮም ድማ ሰባክያነ ወንጌል ቅዱሳን አበው፡ ንሳ ምንጪ ሓጐስና ፡ መጸናንዒት ኃዘንና ምዃና መስኪሮም እዮም። ቅዱስ ዮሓንስ አፈወርቅ፦ “ተፈሥሒ. . . ፡ ተፈሥሒ . . .፡ ተፈሥሒ . . . ” ኢሉ እዩ። (ሃይማኖተ አበው ምዕ. 68፡35)

ሊቅ ቅዱስ ኤፍሬም’ውን ነቲ ኣብ ዕለተ ልደት ጐይታ መላእክት ዘቕረብዎ ናይ ሓጐስ ዝማሬ መበገሲ ብምግባር “ኃሤተ መላእክት ንዝኾነ ጐይታ፡ ዝወለድኪ ድንግል ማርያም ተፈሥሒ ደስ ይበልኪ።” እናበለ ከመስግና ከሎ ኣባ ጊዮርጊስ ዘጋስጫ ድማ “ተፈሥሒ ኦ ሙኀዘ ፍሥሐ “ ክብል ወዲስዋ እዩ።

ቅድስት ድንግል ማርያም፥ ኣደ ኣምላኽ ከም ምዃናን ናይ ምሕረት ቃል ኪዳን ካብ ኣምላኽ ስለዝተዋህባን፣  ስማ ዝጸወዐ፣ ብቃል ኪዳና ዝተማኅፀነ ኵሉ፡ ድኅነተ ሥጋን ነፍስን ስለዝረክብ “ሰላም ለኪ፡ ተፈሥሒ፡ ሰአሊ ለነ ” ከይበላ ዝውዕል ዝኃድር ኦርቶዶክሳዊ የለን። ሓዋርያ ቅዱስ ጳውሎስ ኣብ ኣገልግሎቱ ምእንቲ ክረድኦ ናብ ታሕቲ ወሪዱ ንሰብ ተሰሎንቄ “ ጸልዩ ለነ/ ምእንታና ጸልዩ” (1ይ ተሰ. 5፡25) ካብ በለ፣ ንወላዲተ ኣምላክ ድንግል ማርያም “ ካብ ዝተፈተወ ወድኺ ምሕረት ለምንልና” ምባል ክንደይ ከምዘስልጥ ፍሉጥ እዩ። (ያዕ. 5:16)

በዚ ድማ ኣብ ጸሎትና ወትሩ “ጸልዪ ወሰአሊ ለነ ምሕረተ ኀበ ፍቁር ወልድኪ ኢየሱስ ክርስቶስ ከመ ይሥረይ ለነ ኃጣውኢነ/ ኃጢኣትና ክሠርየልና ናብ ፍቁር ወድኺ ኢየሱስ ክርስቶስ ምሕረት ለምንልና” ንብላ። ኣብ ቤት መርዓ ቃና ዘገሊላ ከም ዝገበረቶ ንሳ ይቕረታን ምሕረትን ትልምነልና እሞ ፍቁር ወዳ ድማ ምሕረትን ይቕሬታን ይህበና። (ዮሓ. 2፡3-7)

ብልሳን ክቡር መልኣክ፣ ቅድስት ኤልሳቤጥን ቅዱሳንን ዝተወደሰትን ዝተመስገነትን “መትሕተ ፈጣሪ መልዕልተ ፍጡራን/ ትሕቲ ፈጣሪ ልዕሊ ፍጡራን” ዝኾነት ድንግል ማርያም፣ ንእኣ ምምስጋን “ኣደ ጐይታይ ናባይ ክትመጺኸ እዚ ኻበይ ኮነለይ!” (ሉቃ. 1፡41-43) ዘብል ዓቢይ ትዕድልቲ እዩ እሞ ነዚ ጸሎት’ዚ ዓይነ ልቦናና ሰቂልና ብትሕትናን ፍቕርን ጸኒዕና ኽንጽልዮ ይግባእ።

ጸሎታን በረኸታን ምሕረት ፍቁር ወዳን ኣይፈለየና!

ወስብሐት ለእግዚአብሔር ወለወላዲቱ ድንግል ወለመስቀሉ ክቡር፡ አሜን!

ዘመነ ማቴዎስ 30 ጥር 2013 ዓ.ም.ግ…

March
Monday
8
ዝክር፦ ጲስ ወአላጲስ ወኣጋጲስ ወእሞን ሶፍያ፡ ወጳላግያ ወማርያ ወማርታ፡ ወኦርኒ ወማኅበራኒሃ፡ ወጎርጎርዮስ ነባቤ መለኮት፡ ወአክርስጥሮስ፡ ወሚናስ ሊቀ ጳጳሳት እምኍልቆሙ ለ፵ወ፯ቱ አበው። ዘቅዳሴ ምንባብ መልእክታት 1ይ ቆሮ. 11፡1-12። 1ይዮሐ. 3፡13-17። ግብረ ሓዋርያት ግብ. ሐዋ. 17፡4-12 ምስባክ መዝ.111/112 ወንጌል ማቴ. 25፡1-13። ቅዳሴ ዘእግዝእትነ ማርያም። * * *
00:00 h

ዜና ኅትመት

እዋናዊ ጽሑፋት

ንዑ ደቂቅየ ወስምዑኒ . . እመሀርክሙ - ታሪክ ሰብአ ነነዌ…

እግዚአብሔር ዝፈትወኩም ሕፃናት ከመይ ኣሎኹም፧ ናብዚ ሰዓትን እዝን ዕለትን ብሰላም ዘብጸሓና እግዚአብሔር ዝኸበረን ዝተመስገነን ይኹን። ልበ ኣምላክ ኣቦና ቅዱስ ዳዊት...

“ቀድሱ ጾመ ወስብኩ ምህላ” (ኢዩ. 2፡14) - ዓቢይ ጾም

ብኦርቶዶክሳዊት ተዋሕዶ ቤተ ክርስቲያን ሕገ ቀኖና ኣብ ዓመት ፯/7ተ ናይ ኣዋጅ ኣጽዋማት ኣለዉ። ካብዚኦም ሓደ ዓቢይ ጾም (ጾመ ፵/40) እዩ።...

ትሕትና - “ኣብ ነፍስኹም ጨው ይሃልኹም” ማር. 9፡48 (ካልኣይ ክፋል)

ትሕትና ማለት ብኃይሊ፡ ምሕረት፡ ጸጋ ፡ ጥበብን ፍቓድን እግዚአብሔር እንተዘይኮይኑ ከንቱ ምዃንካ ፈሊጥካ፡ ንርእስኻ ምትሓት፡ ዘይምዕባይን ዘይምኽራዕን እዩ። እትፈልጥ ከሎኻ...

ኣብ ሃገረ ስብከት ደቡብ መንደፈራ ልምዓታዊ መደባት ንምስላጥ ዑደት ተኻይዱ!

ብዕለት 15 የካቲት 2013 ዓ.ም.ግ (22/02/2021 ዓ.ም.ፈ ) ኣብ ሃገረ ስብከት ደቡብ መንደፈራ ንልምዓታዊ መደባት ዝረድእ ዑደት ብኣባላት ቤት ጽሕፈት...

ክብረ በዓል ኪዳነ ምሕረት ኣብ ርያድ ስዑዲ ዓረብ ብድምቀት ተኸቢሩ!

16 የካቲት 2013 ዓ.ም. ዓመታዊ ክብረ በዓል ኪዳነ ምሕረት ኣብ ኵለን ኦርቶዳክሳውያን ተዋሕዶ ኣብያተ ክርስቲያን ኣብ ውሽጢን ወፃኢን ሃገር ክኽበር...

ኣብ ጥንታዊ ቤተ ክርስቲያን ፃዕዳ ክርስቲያን ጥንታዊ ቅርሲ ተረኺቡ!

ኣብ ሃገረ ስብከት ማእከል ንኡስ ሃገረ ስብከት በሪኽ ቤተ ክርስቲያን ኪዳነ ምሕረት ፃዕዳ ክርስቲያን ጥንታዊ ቅርሲ ተረኺቡ።

ኣብ ደብረ ደናግል ቅድስት ድምያና ኣብ ኣሞክሮ ዝጸንሓ ሾብዓተ ኣኃት…

ብዕለት 13 የካቲት 2013 ዓ.ም. ኣብ ደብረ ደናግል ሰማዕት ቅድስት ድምያና ብኣቕራብነት እመምኔት ገዳም ኢታይ ወለተ መስቀልን ሽማግለ ገዳምን፡ ዓቃቤ...

ኪዳነ ምሕረት

ኪዳን ፦ “ተካየደ” ካብ ዝብል ግእዛዊ ግሢ ዝወፅአ ኾይኑ፡ “ተመሓሓለ፡ ተሰማምዐ፡ ተወዓዓለ” ማለት እዩ። ኪዳን፥ ንኽልተ ሓደ ዝገብር ናይ ፍቕርን...

“ዝደለይዎ ዝረኸቡ” - ሕዝበ ነነዌ

እቲ ክቡር ንጉሥ፡ መልእኽቲ ጥፍኣት ሃገሩ ምስ ሰምዐ ፈርሐን ረዓደን። ነዚ መልእኽቲ ብግብሪ እንተዘይፈጺምዎ፡ ሃገሩ ከምዘይነበረት ከም እትከውን፡ ካብ ሰብ...

ዕለታት ጾመ ነነዌ

ጾመ ነነዌ ሓደ ካብቶም 7ተ ናይ ኣዋጅ ኣጽዋማት ቤተ ክርስቲያን እዩ። ጾመ ነነዌ ኵል ሳዕ ዓቢይ ጾም ቅድሚ ምእታዉ ቅድሚ...

እንቋዕ ናብ ጾመ ነነዌ ኣብጽሓና፦ ሰኑይ 15 መጋቢት ክሳዕ ረቡዕ…

ጾመ ነነዌ ሓደ ካብቶም ሾብዓተ ናይ ኣዋጅ ኣጽዋማት እዩ። ኣብ ነነዌ ዝቕመጡ ዝነበሩ ሕዝቢ ጾይሞም ምሕረት ከምዝረኸቡ፡ ሕዝበ ክርስቲያን ድማ...

ዓቢይ ባሕታዊ ገዳም ኣቡነ ሊባኖስ ሃም ኣባ ኃይለማርያም ብሰላም ዓሪፎም!

ባሕታዊ ገዳም ደብረ ወርቅ ኣቡነ ሊባኖስ ኣባ ኃይለማርያም ብዕለት 09 የካቲት 2013 ዓ.ም. ዓሪፎም፡ ኣብ ገዳሞም ሥርዓተ ቀብር ተፈጺምሎም።

  

latest articles

PRAYER

Prayer is a word by which man communicates with his Creator in Faith, thanking and beseeching Him for the forgiveness...

FAITH AND WORKS

Faith is “a confidence or trust in God”. Faith gives assertion to the things we hope for and explains the...

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...

The feast Of Pentecost

IN THE NAME OF THE FATHER AND THE SON AND THE HOLY SPIRIT, ONE GOD. On this day the Holy...